رجاء رأيكم في هذا الرش

[حسام عبادي]

إخواني ...
حبيت أجرب الرش الصلب جبت نوع إسمه prometheus نمره 2
وهو عباره عن قلب صلب مغطي بالبلاستيك
بس قرأت في منتدى أجنبي إنه ممكن يضر الماسوره لأنه بيسيب رايش بلاستيك جواها
ودي صوره مقارنه بينه وبين Gamo match و Gamo master point
على خلفيه خشب كونتر 8 مم (مش عارف مفيده ولا لأ)
إيه رأيكم فيه؟

[walther]

بسم الله الرحمن الرحيم
الرش البرومسيوس ده انجليزي وزي الفل ومش ممكن يضر بالماصوره لان الماصوره من الصلب والجزء الصضلب اللي فيه مش بيحتك بيها
انا مجربه قبل كده كتير ياريت تقولي اخدته بكام
ياسلام عليه علي بندقيه ديانا مثلا
انا بالويبلي الباتريوت ضربت بيه كلب في كنج ماريوت كان عامل ازعاج وبيجري وراء الناس من بعد حوالي 60 متر نزل مكانه زي الطوبه

[حسام عبادي]

عند فتح الله إسكندريه ب80 جم
أنا هاستعمله مع الBAM b24
جربته على الهدف بس لسه ماجربتوش في الصيد
شايله للأرانب

وشكرآ على الرد

[عماد النجار]

رش ممتاز جدا ومحتاج بندقية قوية علشان تستفيد منه وعن تجربة بالنوريكا الجت تقدر تعدي الرشة دي في باب سيارة اوباب محل صاج او كشاف لمبة نايلون من المحمل
ودي رشاية للمهم الصعبة وتقدر تكسر العظام لو البندقية قوية طبعا ودة لانه بتنقل قوة البندقية كلها مش بتدمر ذي الرش الرصاص لو اصطدمت بجسم اصلب منها

الرش دة جيد جدا جدا ومعلش مش ممكن يعمل حاجة في الماسورة ابدا ودة خاص بصيد الارانب والثعالب الصغير
وهوة فعلا محتاج بندقية جامدة سرعتها علي الاقل 210 متر
جلال خليفة

[حسام عبادي]

شكرا للردود .
في تجربه تانيه على لوح خشب 2سم الgamo master point عدت اللوح والpormetheus وقفت فيه بعد حوالي نصفه من نفس المسافه
إيه تفسيركم لده؟

[عماد النجار]

الاول قلي سرعة البندقية
لان الماستر بوينت والماجنم بتركزكل قوة البندقية في نقطة ودة بيخلي الاختراق عالي جدا وبيعوض اذا كانت البندقية متوسطة القوة او ضعيفة ولاكن لو اصتدمو بجسم من الصاج سمك ة2 مم مثلا لن تستطيع الاختراق لن السن المدبب هيكون اتفلطح ومش هتخترق الصاج وفي نفس الوقت القوةبتاعت البندقية مش هتعوض ليونة الرشة
اما لو بندقيتك 250 م/ث مثلا الرشة الي من نوع pormetheus هتخترق اللوح الخشبي بسهولة وهتخترق الصاجة بنفس السهولة مع العلم ان الراس غير مدبب ذي الماستر بوينت لكنها في هذه الحالة تعتمد علي قوة البندقية اولا ثم الصلابة ثانيا وده بيعوض عدم وجود سن مدبب لها ارجو ان الفكرة تكون وصلت.............................................. ...... اخوك عماد النجار

[walther]

بسم الله الرحمن الرحيم
اوافقك اخي عماد علي رايك وده تفسير منطقي ومقبول وثبت عندي في اكتر من تجربه
بس فيه حاله اخري يحصل فيها اللي حصل
هيه ان سرعه الطلقه لما ضرب الرش الصلب ماكنتش عاليه او ماكنتش اقوي سرعه في البندقيه لانه ساعات والكل ممكن يلاحظ الحاله دي ساعات تضرب تطلع الرشه بالقوه العاديه ولو ضربت رشه تاليه في اقل من 10 او 15 ثانيه بتكون ضعيفه نظرا لان السوسته والجلبه بيكونوا سوخنين فالسوسته مش بتدي اقصي دفع والجلبه بتكون متمدده فبتعمل في السلندر زي الفرامل

[galal khalifa]

شكرا لعماد النجار والاستاذ عمرو ابو العلا علي المعلومات والثقافة والخبرة

[steyr68]

السلام عليكم
شكرا لكل من الاستاذ عماد والدكتور عمرو على التحليل وهو بالفعل تحليل وافى
ولى تعقيب لا يختلف عن راى الاساتذه.
ان قدره اختراق المقذوف للاجسام تتوقف على عوامل هى
1- سرعة المقذوف
2-وزن المقذوف
3- نوع مادة المقذوف
4-كثافه الماده التى يخترقها المقذوف وهى بالطبع تختلف من معدن الى معدن او من نوع خشب الى نوع اخر وهكذا
5-مساحه الاصطدام بين المقذوف والهدف
وعلى هذا الاساس يمكن تعيين قدره المقذوف على الاختراق لانها تختلف بالطبع بين كل هذه المتغيرات.وانا لن اعيد توضيح الاستاذ عماد او الدكتور عمرو لانهم قاموا بتوضيح الامر
ولكن يمكن تحديدا المقارنه بين نوع ماده المقذوف ونوع ماده الهدف بالاضافه للطاقه الحركيه للمقذوف ولكن تسهيلا للامر نقول تزيد قدره المفذوف على الاختراق كلما زاد وزنه وسرعته
(طاقته الحركيه)وزادت صلابته وفى المقابل كلما تقل كثافه الوسط اللذى يخترقه
وهناك امر اخر وهوما يختص بالفبست الواقى من الرصاص
لفد تطور تطورا مذهلا فى الاونه الاخيره نظرا لتطور القدره الاختراقيه
للمقذوفات الحديثه فقد كان يصنع قديما من صفائح من الرصاص والحديد
لان الرصاص اكثر كثافه من الحديد ولديه قدره كبيره على تخفيف من حده الاصطدام بسبب كثافته العاليه ونفس الوقت ليونه المعدن فقد يخترق مقذوف صفيحه من الفولاذ
ولكنه قد يعجز عن اختراق صفيحه من الرصاص بنفس السمك
ولذلك فان الانواع الحديثه من واقى الرصاص اصبحت تصنع من اللدائن وهى عباره عن خامات من الفيبر لها قدره اقوى من معدن الرصاص على تخفييف وامتصاص الصدمه نفس الوقت تميزت بخفة وزنها عن الجواكت المصنوعه من الرصاص
وهناك امر اخير ويمكن لكم ان تجربوه بانفسكم
لو وضعنا علبتان من المعدن مثلا ولكنهما متباعدتان قليلا يخترق المقذوف العلبتان دخولا وخروجا
منهما ولكن لو وضعنا العلبتان متلاصقتان قد يخترق الاولى ولا يستطيع اختراق الثانيه حتىلو استطاع
ان ينفذ من جانب لن يستطيع الخروج منها من الجهه المقابله وهذا بالطبع يتوقف على قوه البندقيه ويمكن مضاعفه عدد العلب فى البنادق القويه للتجربه مع تجربه الوضع وهم متلاصقين ومره وهم متباعدين وستلاحظون ذلك
لهذا يصنع واقى الرصاص من طبقات وراء بعضها من خامات مختلفه ولا يصنع من قطعه واحده سميكه من النسيج

[steyr68]

وهذا موقع يوضح بعض من امور قدره الاختراق للمقذوفات
وهو خاص بتسويق الجواكت الواقيه
http://www.anti-ballistic.com/shop/

[حسام عبادي]

إخواني ....
مشكورين على هذا الكم الرااااائع من المعلومات
شكرا لكل من رد فردآ فردآ علشان منساش حد

[walther]

بسم اله الرحمن الرحيم
احمد بك مشاء الله علي الشرح الوافي واسلوب الشرح المرتب المتميز ربنا يخليك لينا