|
ابتكارات و اختراعات الاعضاء كل مايتعلق بابتكارات و اختراعات الاعضاء الحصرية فى مجالات الاسلحة بمختلف انواعها |
|
أدوات الموضوع | إبحث في الموضوع | انواع عرض الموضوع |
12-12-31, 02:36 PM | #1 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
اخر اختراعات القبطان المصرى
بسم الله الرحمن الرحيم
السلام عليكم ورحمة الله وبركاته كالعاده وكما عودتكم دائما بعمل المواضيع اللتى لم يتم عملها من قبل اقدم لكم هذا الاختراع اللذى ابهر العالم وخلى اوباما يشد فى شعره وجميع شركات الاسلحه العالميه تتهافت عليا بس انا مش راضى وعلى رأى الاديب العالمى الكبير الاستاذ اللمبى اللى بيقول ابسولوتلى ههههههههههههههههههه كده وقت الهزار خلص كفايه علينا ضحك لغاية كده يلا بقى ندخل فى الجد طبعا كل الصيادين بما فيهم انا بيتمنى انو يسجل ويصور كل ضرباته اثناء الصيد ولكن العائق الكبير اللذى يمنعنا هو غلو تمن الاستاند بتاع الكاميرا وغلو ايضا الكاميرا نفسها يعنى الاستاند بيعمل حوالى 250 جنيه والكاميرا بتعمل من 500 وانت طالع وده مبلغ كبير جدا بالنسبه لناس كتير مننا طيب لو قلتلكو بقى على فكره مش هاتعدى ال20 جنيه هاتدفعولى كاااااااااااااام؟؟؟ اولا اللى خلانى افكر فى الفكره دى هو انى فى الكام طلعه اللى صورتهم فيديو كنت بأجر كاميرا ديجتال بــ35 جنيه فى اليوم يعنى فى كل طلعه صيد 35 جنيه ولو حبيت تشتريها هاتدفع 550 جنيه حرام ده ولا مش حرام؟؟ المهم الفكره هى عباره عن عمل استاند للموبايل بتاعك يخليه يركب على البندقيه زى الكاميرا الديجتال بالظبط وقبل كل ضربه هاتشغل مسجل الفيديو بتاع الموبايل ويسجلك اللحظه الممتعه دى كلها مميزات الفكره دى ان بطاريه الموبايل هاتقعد معاك فتره كبيره ممكن توصل لاربع ساعات متواصلين تسجيل لو عاوز لكن فى الكاميرا الديجتال كانت اخرها نص ساعه وبعد كده الحجاره ( انرجايزر )تخلص ندخل بقى على التنفيذ المطلوب قطعة صاج مجلفن سمكها 1 مللى طولها 21 سنتى عرضها 7 سنتى بـ1جنيه شكل الورقه دى وقطعه تانيه تكون على مقاس تلفونك وعلى حسب نوعه عشان تعملها جراب للتلفون زى اللى عليها العلامه دى وهاتفصلها على مقاس التلفون بالظبط وتعمل فتحه للكاميرا بتاع الموبايل من ورا اتنين مسمار10 صلب طول 7 سنتى بـ1 جنيه فردة كاوتش داخلى بتاعة كاوتش دراجه هوائيه ( عجله )من عند اى عجلاتى بـ10 جنيه الموبايل بتاعك طبعا التنفيذ هاتجيب الكاوتش وتقطع منو حته على قد تلفونك بالظبط وتعملها زى جراب كده للتلفون عشان لما تركبه على الاستاند مايتجرحش وتعمل جراب صاج على قد مقاسات تلفونك بالظبط قطعة الصاج اللى مقاسها 21 سنتى هاتخرمها اربع اخرام من الاطراف ومتنساش تلزق فيها كاوتش من الداخل عشان ماتجرحش الدبشك اثناء الربط وتلحم قطعتين الصاج فى بعض بالشكل ده الموضوع كله باللحام وخلافه مش هايكلفك اكتر من 20 او 25 جنيه وطبعا انت ممكن تنفذ بطريقه اشيك من كده وبخامات احسن لكن انا عملت بالمتاح قدامى لكن المهم الفكره نفسها كويسه وده الشكل النهائى على البندقيه وتعمل مقاس الجراب الصاج على قد الموبايل بالظبط يعنى يادوب الموبايل بالكاوتش بتاعه هينزل فى الجراب حشر على خفيف عشان الموبايل يكون ثابت اثناء الضرب ومتخافش عالموبايل الكاوتش هايحميه من الاحتكاك بالاستاند ومن رد فعل البندقيه واخيرا ولو عاوز تبقى تربط قفيز بلاستك على الاستاند والموبايل مع بعض لزيادة الثبات مفيش مشكله ومتنساش تبقى ترش الاستاند بشوية اسبراى عشان يبقى لونه حلو والمفيد ده تصوير فيديو بالموبايل للاستاند ولأحد الضربات اثناء الصيد http://www.youtube.com/watch?v=1_6Ul...ature=youtu.be .. الصور ملحوظه عشان تحصل على افضل اداء وتصوير فيديو لازم يكون درجة نقاء الكاميرا بتاعة الموبايل مش اقل من 3 ميجا بكسل وطبعا ده متاح فى كل الموبايلات الايام دى والموبايل الصينى هايصور برده عادى لكن المسافات البعيده اكتر من 30 متر مش هاتكون واضحه فى التصوير اى خدمه ياقناصين وعاوز دعوات بقى على قد ماتقدرو والسلام عليكم ورحمة الله
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
sponsor links |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
القبطان المصرى يتحدى الملل | القبطان المصرى 77 | صور وفيديو الصيد ورحلاته | 33 | 12-10-14 07:12 PM |
اختراعات يدوية غريبة فى اسلحة يدوى بس مين بيجيب قلب يستخدمها | roaaroma2005 | محدثات الصوت | 10 | 12-08-20 09:43 PM |
اختراعات بالصدفة | Karim Eid | الموضوعات العامه | 2 | 12-02-19 01:10 AM |
رساله من القبطان الى اعضاء المنتدى | القبطان | سوق المنتدى | 7 | 11-04-13 06:04 PM |