افيدونى يا اهل الخبره والثقه .بخصوص سلاح وترخيص

[korty55]

السلام عليكم


انا عضو جديد فى منتداكم من فتره .فى البدايه احب اشكر كل من له مجهود فى المنتدى

كنت اجلس فى مقاعد المتفرجين.ويارب تكون حانت الفرصه لانزل لارض الملاعب واشارك كمبتدىء فى منتداكم الجميل.

إن شاء الله فى خطواتى لترخيص.مسدس

كان ليا استفسارين لان الى اطلب منى انى لازم اشترى فى اثناء الترخيص عشان المسدس هيتثبت على الترخيص

وقريت هنا موضوع من اخ بيقول انه بيطلع الترخيص وبيكون امامك مده 3 شهور تشترى السلاح


ايه رايكو فى دا(ممكن يكونو عاوزين الموضوع كله يخلص مره واحده الترخيص والسلاح؟؟؟؟؟

السؤال التانى

بخصوص الشراء

ايه رايكم فى البريتا واسعارها ................فى المعقول يا جماعه ايه الى ترشحوه ويكون سعره

معقول يعنى لا يتعدى ال 10 الاف ويعنى ممكن 12 لو لو الفارق جبار ويستاهل


تانى حاجه فى ناس قالولى الأمريكى ممكن تجيب امريكى بلاسعاردى احسن من البريتا وكويس جدا 9 ملل

وارجو لو ترشحولى اى نوع يكون مضمون وثلث فى مصر

يارب تردو على سؤالى بسرعه لانى بستناه بفارغ الصبر من ناس انا بثق فى ارائها


ولو فى اى حاجه تحبو تلفتو نظرى ليها بخوص الترخيص او السلاح

[korty55]

معلش يا جماعه منين اجيب ارخص الاسعاااااااااار من القاهره

[ابو الشوق]

الترخيص معاك ربنا فية عايز واسطة من حديد ولو حصل ورخصت يبقى عليك وعلى البريتا
92 او px4

[galal khalifa]

الاخ العزيز اهلا وسهلا بيك معانا في المنتدي دا بيتك واحنا اخواتك
بالنسبة الي موضوع الترخيص دا اصبح صعب جدا وانا شخصيا حاولت فيو اكثر من 5 مرات لان هناك جهات واشتراطات معقدة جدا جدا جدا في هذا الموضوع انما ترخيص حمل مسدس او طبنجة لة شروط كثيرة وممكن تسأل في القسم التابع لة عن الشروط .
اما ارخص مكان فالجميع مبالغين في الاسعار ولكن انت وشطارتك معاهم لانهم ما بيصدقوا يلاقوا واحد معاة ترخيص علشان يشتري

[lionheart314]

صديقي العزيز بعد إذن عميدنا طبعا لو يسمحلي اقول رأيي افضل نوع ليك هو البريتا الوسط او pp84 ودة نوع قوي جدا وسبيكته ممتازة وعمرة ما بيمنع ابدا او يكدب وسريع في سحبه وصيانته سهله لان اعطاله تقريبا معدومة وهو موديل قديم شوية وممكن تلاقيه مستعمل وسعرة هيكون كويس ويمكن ما يعديش 5000 بس انت تحاول لانه بيكون لقط وممكن تلاقيه في مزادات الشرطة للاسلحة المصادر ودة افضل مكان وارخص سعر بس دة طبعا لو طلعت الترخيص ولو عندك معرفة تدخلك المزاد لانه بيكون كله تجار

[lionheart314]

ولو عايز نصيحتي كبر دماغك وخد تقليد البيرتا وهو صناعة مصري وكانت سمعته زمان سئية بس حاليا هو ممتاز بعد التعديلات اللي أجروها عليه وهو مشهور عندنا في مصر واسمه حلوان وسعره مش هيعدي 1000 جنيه وهو سلاح كويس وقوي بس عيبه ان رد فعله شديد شوية يعني لازم تشيد يدك عليه شوية يابطل وانت بتضرب عشان ما يهربش من إيدك

[wegdan12345]

بص يا سيدي انت وامكانياتك يعني فيه السيج ساور الp226 و p229 والجلوك ال17 وال19 والكولت والبريتا ال92 والوالتر والبراونينج وكتير من المسدسات القوية لكن المشكلة في الاسعار لكن ابعد عن الحلوان والمعادي لان تلقيمهم مش كويس وبيعطلو كتير

[korty55]

متشكر جدا جدا لتعاونكم وفعلا الكل بيحزر من المعادى والحلوان

بس فى مشكله صغير احب استفسر عنها فى صاحب محل اعرفه قالى نشترى اول عشان نثبته على الترخيص

يعنى فى اثناء الترخيص قبل ما يطلع ترخيص الحمل

وانا قرات هنا فى المنتدى ان بعد ما يطلع ترخيص الحمل بيعطيك مده 3 شهور لشراء السلاح وبعدين تروح تثبته على الترخيص


ايه رايكم فى الكلام دا ارجو منكم الإفاده لان دا صاحب محل ممكن يكون عاوز يبيع وخلاص

[body77]

استاذى الفاضل
بعد الموافقه على الاوراق وانتهاء الموافقات يتم اعطاء جواب لشراء السلاح واعطاء مهله للشراء لاثبات السلاح على الرخصه قبل الاصدار

[ابو الشوق]

يا اخوانا شروط ترخيص السلاح زى شروط الترشح للرئاسة مستحيلة
متفكرش فى المسدس قبل مطلع رخصة

[خط الصعيد]

اعتقد ان من اهم الشروط ان يكون عندك حيازة ارض وتكون من الاعيان او صاحب تجارة و بتتحرك بمبالغ كبيرة او انك لا قدر الله تكون مستهدف يعنى يكون فية مبرر قوى انك تمتلك سلاح نارى للدفاع عن النفس دة كان الاول ام دلوقتى اعتقد ان الظروف بقت اصعب شوية بعد قوانيين الارهاب و لو سمحولك انو ى انت بس و احنا وراك بداية من الحدادى لغاية الار بى جى

[adel152]

المشاركة الأصلية كتبت بواسطة galal khalifa

الاخ العزيز اهلا وسهلا بيك معانا في المنتدي دا بيتك واحنا اخواتك
بالنسبة الي موضوع الترخيص دا اصبح صعب جدا وانا شخصيا حاولت فيو اكثر من 5 مرات لان هناك جهات واشتراطات معقدة جدا جدا جدا في هذا الموضوع انما ترخيص حمل مسدس او طبنجة لة شروط كثيرة وممكن تسأل في القسم التابع لة عن الشروط .
اما ارخص مكان فالجميع مبالغين في الاسعار ولكن انت وشطارتك معاهم لانهم ما بيصدقوا يلاقوا واحد معاة ترخيص علشان يشتري

مساء الخير ياأستاذنا الكبير
أنا عندى أقتراح بالنسبة للناس الى بتطلب خطوات ترخيص سلاح:
ياريت نقولهم الخطوات المطلوبة مع الشروط من غير ما نكسر مقادفيهم علا وعسى لما الداخلية يلاقوا طلبات كتيرة لتراخيص السلاح للدفاع عن النفس يقدروا يحسوا أن فيه مواطنين كتير مش حاسين بالأمان مع كتر وجود البلطجة الموجودة حاليا.
حتى لو الموضوع ده ماجابش نتيجة فأكيد هو أحسن أن مافيش حد يقدم على تراخيص خالص لأن ده بيأكد أن هما صح وأحنا خطأ.
بمعنى أن نكون فى الجانب الأيجابى أحسن مانكون فى الجانب السلبى.
وأكيد هناك فرق بين الكوب النصف خالى والكوب النصف مملؤ.