استفتاء \ هل مسدس الصوت صوته أعلي من الحي أم العكس

[osama2011]

استفتاء \ هل مسدس الصوت صوته أعلي من الحي أم العكس

نرجو التفاعل من الأخوة بالمنتدي لتعم الفائده

[amgad_mouris]

انا اظن ان المسدس الصوت بيكون صوته اعلي علشان المسدس الحي الطلقه اللي فيه بتكتم جزء من الصوت في حين المسدس الصوت ينفجر البارود مباشرة دون اي عائق امامه .... وعموما اظن ان الفرق بيكون بسيط مش كبير

ويمكن الاستفادة اكثر من الخبراء القدامى بالمنتدي

[mahmoud el masry]

الحى اعلى ومن واقع التجربة

[جوبا]

الحي بالتأكيد صوته أعلى من الصوت ، لسبب أن صوت الإنفجار في الصوت ناتج فقط عن احتراق كمية البارود داخل الظرف الخاص بالطلقة في بيت النار ، وذلك بعد طرق الإبرة على كبسولة الإنفجار ، أما الصوت في الحي فناتج عن عاملين الأول هو نفس العامل المذكور سابقا في مسدس الصوت اما الثاني وهو المسؤول عن معظم الصوت ، هو اختراق حاجز الصوت من قبل المقذوف الخارج من فوه ماسورة المسدس بطريقة دورانية ناتجة عن الشخشنات المتواجدة داخل المسورة ، واختراق حاجز الصوت يحدث نوع من تفريغ الهواء في المنطقة المحيطة بفوهة المسدس وعند حلول الهواء مرة أخرى يصدر صوت انفجار حاد وقوي ، وهذا مطابق تماما لأصوات الانفجار الهائلة التي نسمعها عند مرور طائرة نفاثة فوق بيتك ، فعندنا تخترق حاجز الصوت يبدو لك صوت وكأنه انفجار قذيفة قوية وهذا هو صوت تفريغ الهواء ، لذا فالمتمرس يمكنه وببساطة التمييز بين صوت مسدس الصوت وصوت المسدس الحي إذ أن المسدس الحي يكون صوته أقوى وأكثر حدة من مسدس الصوت
وشكرا ....

[doos99]

المشاركة الأصلية كتبت بواسطة amgad_mouris

انا اظن ان المسدس الصوت بيكون صوته اعلي علشان المسدس الحي الطلقه اللي فيه بتكتم جزء من الصوت في حين المسدس الصوت ينفجر البارود مباشرة دون اي عائق امامه .... وعموما اظن ان الفرق بيكون بسيط مش كبير

ده كلام صح ميه في الميه و من واقع تجربتى الشخصيه

[osama2011]

المشاركة الأصلية كتبت بواسطة جوبا

الحي بالتأكيد صوته أعلى من الصوت ، لسبب أن صوت الإنفجار في الصوت ناتج فقط عن احتراق كمية البارود داخل الظرف الخاص بالطلقة في بيت النار ، وذلك بعد طرق الإبرة على كبسولة الإنفجار ، أما الصوت في الحي فناتج عن عاملين الأول هو نفس العامل المذكور سابقا في مسدس الصوت اما الثاني وهو المسؤول عن معظم الصوت ، هو اختراق حاجز الصوت من قبل المقذوف الخارج من فوه ماسورة المسدس بطريقة دورانية ناتجة عن الشخشنات المتواجدة داخل المسورة ، واختراق حاجز الصوت يحدث نوع من تفريغ الهواء في المنطقة المحيطة بفوهة المسدس وعند حلول الهواء مرة أخرى يصدر صوت انفجار حاد وقوي ، وهذا مطابق تماما لأصوات الانفجار الهائلة التي نسمعها عند مرور طائرة نفاثة فوق بيتك ، فعندنا تخترق حاجز الصوت يبدو لك صوت وكأنه انفجار قذيفة قوية وهذا هو صوت تفريغ الهواء ، لذا فالمتمرس يمكنه وببساطة التمييز بين صوت مسدس الصوت وصوت المسدس الحي إذ أن المسدس الحي يكون صوته أقوى وأكثر حدة من مسدس الصوت
وشكرا ....

ده كلام نظري خطأ غير الواقع العملي تماما

[drmaged40]

شرحك متميز يا جوبا ............والكلام تمام من واقع تجربة شخصية

[جوبا]

؟؟؟؟؟؟ الصوت أعلى من الحي ديت أول مرة أسمعها والله أول مرة أسمع الكلام دوت إيه يا جدهان محدش جرب الصوت والحي ؟؟؟

[braveheart]

أعتقد إن الصوت صوتة أعلي .. بس الصراحة بتختلف من مسدس لأخر.

[mahmoud el masry]

يا جماعة والله الحى اعلى ودة من خلال تجربتى الشخصية مع انواع كتير من المسدسات الحية

[جوبا]

باستغرب إلي بيقول إن الحي أعلى م نالصوت ، يا رجالة دا حتة صوت الحي مميز جدا مستحيل يتم الخلط بينه وبين الصوت الي صوته بيبقى عامل زي صوت فرقعة البومب كده حتى لو عالي ، ودوت عن تجربة مش كلام نظري أما الجزء الفيزيائي الي انا كتبته فعشان أبين السبب بس

[memocco]

سيدى الفاضل مع احترامى الكامل للكلام اللى انت قلتة و لكن موضوع حاجز الصوت دة غير صحيح لان لو كدة يبقى كاتم الصوت فى هذة الحالة ملوش لازمة خالص لان الرصاصة بردو هتطلع من المسدس و تعمل صوت نتيجة سرعتها و اختراقها لحاجز الصوت .و اما بالنسبة للشخشخانات فهى تعمل على ثبات المقذوف و تقليل نسبة احتكاكة بالهواء و سهولة اختراقة للهدف . و بالنسبة للكاتم :
يحدث الصوت أو ما يسمى بالفرقعة ، نتيجة الخروج والإندفاع السريع للغازات الناتجة عن عملية تفاعل وإحتراق المادة الدافعة ( البارود ) . ينحصر عمل كاتم الصوت فى إعاقة وإبطاء هذه الغازات المندفعة بسرعة وفى إتجاه واحد . كاتم الصوت بحد ذاته عبارة عن أنبوب فولاذي شديد الصلابة ، يحتوى بداخله على غرف صغير متعددة ( أو حواجز فولاذية مثقوبة من المنتصف لتسمح بمرور القذيفة ) تعمل على إمتصاص سرعة الغازات المندفعة بشكل متتالي ، بحيث تدخل الغازات فى الغرفة وتصطدم بالحاجز الفولاذي ، ثم تتبع ذلك وبنفس النمط إلى الغرفة التالية وكذا .. بحيث تخرج الغازات بسرعة بطيئة نسبياً .
يعاب على كواتم الصوت أنها تضعف من سرعة طيران المقذوف ، وبالتالى تقليل مداه المؤثر ، لأن هذا الأمر مرتبط بتوقف دفع الغازات للمقذوف عند نقطة محددة ، هي نقطة الوصول لأول حاجز من حواجز الكاتم ، ويكون هذا التأثير أكثر ما يكون فى الأسلحة قصيرة الماسورة ، كالمسدسات مثلاً ، أو الرشيشات .

و طبعا اذا كان كلامى فى شئ من الخطأ ارجو التوضيح و اسف على الاطالة و شكرا

[ااحمد]

واضح ان كل الاخوه الاعضاء ممن شاركو فى الاستفتاء فى الموضوع من مقتنى السلاح الحى لأن الكل يقول عن تجربه !!! وانا فى رأيى وبعيدا عن اى تجارب مثل الساده الاعضاء واؤكد واجزم ايضا ان مسدس الصوت صوته اعلى بنسبه ملحوظه جدا من المسدس الحى وذلك لاسباب كثيره معروفه وسبق توضيح بعض منها من المشاركات سالفة الذكر وعلى سبيل المثال ان الطلقه الحيه بها المقذوف ومنطقيا ان يقلل المقذوف من حدة الصوت الناتج عن انفجار البارود وذلك لقيامه بسد الظرف

[ااحمد]

المشاركة الأصلية كتبت بواسطة memocco

سيدى الفاضل مع احترامى الكامل للكلام اللى انت قلتة و لكن موضوع حاجز الصوت دة غير صحيح لان لو كدة يبقى كاتم الصوت فى هذة الحالة ملوش لازمة خالص لان الرصاصة بردو هتطلع من المسدس و تعمل صوت نتيجة سرعتها و اختراقها لحاجز الصوت .و اما بالنسبة للشخشخانات فهى تعمل على ثبات المقذوف و تقليل نسبة احتكاكة بالهواء و سهولة اختراقة للهدف . و بالنسبة للكاتم :
يحدث الصوت أو ما يسمى بالفرقعة ، نتيجة الخروج والإندفاع السريع للغازات الناتجة عن عملية تفاعل وإحتراق المادة الدافعة ( البارود ) . ينحصر عمل كاتم الصوت فى إعاقة وإبطاء هذه الغازات المندفعة بسرعة وفى إتجاه واحد . كاتم الصوت بحد ذاته عبارة عن أنبوب فولاذي شديد الصلابة ، يحتوى بداخله على غرف صغير متعددة ( أو حواجز فولاذية مثقوبة من المنتصف لتسمح بمرور القذيفة ) تعمل على إمتصاص سرعة الغازات المندفعة بشكل متتالي ، بحيث تدخل الغازات فى الغرفة وتصطدم بالحاجز الفولاذي ، ثم تتبع ذلك وبنفس النمط إلى الغرفة التالية وكذا .. بحيث تخرج الغازات بسرعة بطيئة نسبياً .
يعاب على كواتم الصوت أنها تضعف من سرعة طيران المقذوف ، وبالتالى تقليل مداه المؤثر ، لأن هذا الأمر مرتبط بتوقف دفع الغازات للمقذوف عند نقطة محددة ، هي نقطة الوصول لأول حاجز من حواجز الكاتم ، ويكون هذا التأثير أكثر ما يكون فى الأسلحة قصيرة الماسورة ، كالمسدسات مثلاً ، أو الرشيشات .

و طبعا اذا كان كلامى فى شئ من الخطأ ارجو التوضيح و اسف على الاطالة و شكرا

+++++++++++++1

[سيدخالد]

انا اعتقد ان الصوت اقوى واوضح لانه هو مصمم لكى يكون صوت فشنج يعمل فرقعه كانه حقيقى وده من واقع تجربةشخصية ضربت بالحلوان وبالايكول التركى وكان الصوت اعلى

[فيلمعربى]

بصراحة يا اخوانى انا معجب اوى اوى بصوت المسدس اللى كان مع فاروق الفيشاوى فى فيلم المشبوة لما كان بيجرى ورا عادل امام فى الشارع وضرب فاروق بالمسدس كام طلقة فى الهوا والمشهد دة كان فى اول فيلم
هو دة الصوت اللى الواحد بيطمع فية بس مش عارف نوع الطبنجة الصوت اللى كانت مع فاروق الفيشاوى نوعها اية واقسم بالله لو عرفت نوعها لا هعمل المستحيل علشان اجبها

[tamer_tatow]

المشاركة الأصلية كتبت بواسطة فيلمعربى

بصراحة يا اخوانى انا معجب اوى اوى بصوت المسدس اللى كان مع فاروق الفيشاوى فى فيلم المشبوة لما كان بيجرى ورا عادل امام فى الشارع وضرب فاروق بالمسدس كام طلقة فى الهوا والمشهد دة كان فى اول فيلم
هو دة الصوت اللى الواحد بيطمع فية بس مش عارف نوع الطبنجة الصوت اللى كانت مع فاروق الفيشاوى نوعها اية واقسم بالله لو عرفت نوعها لا هعمل المستحيل علشان اجبها

يا راجل دي كلها مؤثرات صوت انت بتصدق ولا ايه ؟

[فيلمعربى]

موثرات صوت بس معتقدش فى المشهد دة بالذات كان صوت الطبنجة اللى بيضرب بيها فاروق الفيشاوى موثرات صوت
لان كان واضح ان فية دخان بيطلع من الطنبجة وهو بيضرب بيها لكى يهوش عادل امام فى الفيلم طبعا
لكن انا اعتقد اخى الفاضل ان موثرات صوت بتكون فى مشهد اخرى فى السنما زى صوت الرعد او الانفجارت وما الى اخرة من الخدع اللى بيضحكوها بيها على الناس

[مصراويي]

شكلك بتحب الأفلام العربي يا فيلمعربي... عموما أنا بحب الفيلم ده جدا والله وفعلا صوت المسدس كان عالي جدا في المشهد ده.... بس أنا مش عايز الناس تنسى ان المسدس الحي الطلقة بتاعته فيها كمية بارود أكتر من الطلقة الصوت وذلك لأنها كمية البارود ده هي المسؤولة عن خروج المقذوف.

[صقر]

بدون تفكير الحى طبعا

[MrCONZ]

الصوت اعلى من الحي ومن واقع تجربة

[smsmn8888]

المشاركة الأصلية كتبت بواسطة فيلمعربى

موثرات صوت بس معتقدش فى المشهد دة بالذات كان صوت الطبنجة اللى بيضرب بيها فاروق الفيشاوى موثرات صوت
لان كان واضح ان فية دخان بيطلع من الطنبجة وهو بيضرب بيها لكى يهوش عادل امام فى الفيلم طبعا
لكن انا اعتقد اخى الفاضل ان موثرات صوت بتكون فى مشهد اخرى فى السنما زى صوت الرعد او الانفجارت وما الى اخرة من الخدع اللى بيضحكوها بيها على الناس

خلاص يا عم حط زيت في الماسورة من امام هيطلعلك احلا دخان اة رايك

[smsmn8888]

القصة بسيطة اوى
1- مسدس الصوت انواعا كثير كل نوع قوة الصوت بتختلف
2- الطلاقات الصوت بتاخد رطوبة بسرعةو جدااا علشان كدا مش كلها صوتها واحد
3- نسبة البارود في الطلقة الصوت طبعا اقل من الحيي ؟؟؟
4- ماسورة مسدس الصوت بيوجد فيهتا طابه دي مهمتها انها ترجع جزء من الغاز علاش تخرج الفارغ وترجع الاجزاء
5- لو شيلنا الطابة دي الصوت هيكون عالييييييييييي بس طلقة طلقة
6- الطلقة الحية بتسمع علي مدار ومساحة اكبر طلعا من الصوت
7- الصوت بين الاتني الفرق معتقدش هيكون كبير اوى للدرجة دي يعني والسبب ان الاتنين بيولد صوت انفجار عالي مش من السهل التمميز الا ان الحي بيسمع علي مساحة اكبر بكتير من الصوت
الداليل
هو لو ضربت في فرح بمسدس حي وفي قسم قريب طبعا قبل ما يولع هتلاقي شوية امناء جين جري يعرف الشرب تا منين لان الحي صوتة بيسمععععععععععع

[blow c06]

مع احترامى لكل المشاركين.. انا مش مقتنع بموضوع عن تجربه ده لان و انا جنب المسدس مش ممكن هفرق فرق الصوت بين الاتنين لان الاتنين بيطرشو.. لازم الواحد يكون بعيد شويه مش اقل من 20 او 30 متر فى تقديرى ليعرف الفرق,,و يمكن ابعد.. صوت مسدس الصوت بيفرق من طلقه لاخرى و المسدس نفسه مش مؤثر اوى... الطلقه هى المؤثره و كمية البارود الى فيها.. طلقات الصوت متنيه لجوا من قدام عشان تعمل صوت عالى بخنق الهواء الناتج من عملية الاحتراق.. و ده طبعا مش موجود فى الحى لانه مش مفروض يعمل صوت.. المفروض يقذف المقذوف فتكون نهاية الطلقه عدله و بها المقذوف فى نهايتها.. اعتقد والله اعلم ان الصوت صوته اعلى عشان الطلقه مصممه عشان تعمل صوت حتى لو كمية البارود اقل و تنية الطلقه فى الاخر دى هى الى فيها المفيد

[المجرم العالمى]

انا شايف انه حسب النوع المسدس و الطلقة اللى بتتضرب
انما الاصل ان الصوت صوته اعلى من الحى

[Eng Badran]

لا الحي اعلي فعلا

[osama2011]

يا جماعه انا سمعت بوداني صوت الجلوك الحي صوته بيبقي مكتوم جدااااااااااااااا
بصراحة مش عارف افول ايه بس صدقونيالفرق واضح جداااااا لصالح مسدسات الصوت في علو الصوت

[memocco]

ايوة فعلا و دى بقى عن تجربة شخصية لان انا انضرب عليا رصاص حى من نفس المسدس دة ايام الثورة خزنة كاملة الظابط فضاها جنبى و حسيت عادى يعنى ان مفيش حاجة بس الموضوع مش مطلق يعنى مثلا لو جبنا مسدس صوت 8مم و مسدس حى 9مم اكيد الحى هيبقى اعلى و بعدين بتفرق من نوع مسدس حى الى آخر يعنى الجلوك صوتة يختلف عن الكولت , و الكولت يختلف عن الهيكلر و هكذا

[صياد الفجر]

انا بردوا رأى إنى الصوت بالطق الألمانى أعلى من الحى ، ببساطه فيه بارود أكتر

[hosam hamza]

الاخوه الاعزاء
انا مع ان الصوت اعلى من الحى وذلك عن تجربه شخصيه
شكرا لكم

[محمد حسام]

الحى صوته اعلى نتجه انفجار الصوت ثم خروج المقذوف من المسوره وتخلخل الهواء داخل المسوره

[master_fd2]

الحى اعلى طبعا عن تجارب

[فرج محمد]

الحي اعلي بكل المقاييس

[هشام عزب]

مع احترامي لكل من قال الحي اعلي يبقي ممسكش مسدس حي نهائي وضرب بيه
لان مسدس الصوت المستخدم في ضرب الطلقات الصوت او ما يسمي محدثه الصوت
او الطلقه الدافعه صوتها يبقي اعلي
بالاضافه الي ان الطلقه الحيه يبقي صوتها مكتوم والطلقه الصوت صوتها مفتوح ويفهم كلامي ده اللي ضرب بالاثنين او من سمه صوت الاثنين من علي مسافه لا تقل عن 25 م والسبب في اعطاء الاحساس بان الطلقه الحيه صوتها اعلي هو اختراق المقذوف للهواء فيعطي صدي صوت مكتوم
تقبلوا مروري

[Compact]

انا عندى صوت المسدس الفولجا الصوت اعلى بكتير من الجلوك و من الحلوان الحى

[old hunter]

الصوت اعلي طبعا وخاصه المسدسات الماسوره القصيره بيبقا صوتها اعلي من ذات الماسوره الطويله بس في مسدسات حيه صوت اعلي من الصوت زي الديسرت ايجل صوته عالي جدا والبراونيج صوته برده رهيب وده الي جربته بس غير كده الصوت اعلي وفعلا متقدرش تفرق الا من بعيد

[sherif agroody]

متهيألى صوت مسدسات الصوت أعلى ومع ذلك الناس اللى عندها خبرة بتقدر تفرق بين الصوت و الحى

[Compact]

الحى صوته من بعيد بيبقى فيه تكتكة و طرقعة و صوته ارفع من الصوت , الفشنك و الصوت من بعيد فرقعة وصوت اتخن .....

مع مراعاة الفارق بين الطرقعة و الفرقعة

[esshak]

طبعا الحى اعلى وبكتير طبعا

[Mongy]

مش مهم إية الأعلى. لكن المهم أنا عاوزة لية؟ لو معاك رخصة أكيد هاتشتري حي ومش هاتفكر بقى هو صوته أعلى ولا الصوت هو اللي صوته أعلى. إنما لو مفيش رخصة يبقى بردوا هاتشتري صوت. ما باليد حيلة.

[sniper1]

اصدقاء المنتدى الاعزاء بدون ادنى شك المسدس الحى والذخيرة الحية صوتها اعلى بكثير وذلك لاختلاف كمية البارود وانفصال المقذوف عن الظرف الفارغ

[osha966]

أنا رأيى أن موضوع الصوت بيختلف من مسدس لآخر حسب تصميمه وعياره ..وأعتقد أن الموضوع مش موضوع صوت أعلى واضعف لكن نوعية الصوت نفسه بتختلف من الحى للصوت بسبب وجود المقذوف ..وللعلم كمية البارود فى الرصاصة الحية أكثر من الرصرة الصوت بالضعف تقريبا...تحياتى للجميع

[osha966]

سبحان الله ولا حول ولا قوة الا بالله

[خالد المصرى]

يا جماعة عن تجربة الحى صوته اقوى من الصوت طبعا
لو حضرتك فى فرح وبتضرب بمسدس حى وواحد جنبك بيضرب بمسدس صوت تحس ان الصوت مثل الدنميت بجوار الحى
الا فى حاجة واحدة وهو الرشاش البورسعيدى علشان الماسورة بتقلل الصوت

[محمود امجد محمد]

مسدس الصوت ( صوت الطلقه) يختلف عن صوت الطلقه عن الحى المساله مش مسال صوت عالى .....
فتردد صوت مسدس الصوت مختلف عن تردد صوت المسدس الحى ......
المسدس الحى صوت عالى مكتوم لوجود حاجز امام الانفجار ...... مسد الصوت صوت عالى مدوى لعدم وجود حاجز امام الانفجار.......
ارجو ان اكون قد اصبت / تحياتى للجميع

[Compact]

المشاركة الأصلية كتبت بواسطة خالد المصرى

يا جماعة عن تجربة الحى صوته اقوى من الصوت طبعا
لو حضرتك فى فرح وبتضرب بمسدس حى وواحد جنبك بيضرب بمسدس صوت تحس ان الصوت مثل الدنميت بجوار الحى
الا فى حاجة واحدة وهو الرشاش البورسعيدى علشان الماسورة بتقلل الصوت

رشاش بورسعيد ده من اسوأ الاسلحة فى العالم , والامان بتاعه يكاد يكون منعدم, وصوته مميز جدا عن اى رشاش تانى

فكرتنى بأسوأ سلاح ضربت بيه فى حياتى