مطلوب من خبراء المنتدى

[elsayed144771]

السلام عليكم ..... انى اقدم كل احترام وتقدير لأعضاء ووخبراء المنتدى وكل الشكر لطاقم الإدارة الموجود بالمنتدى .... انا عندى مشكلة غريبة واحتارت فيها جدا جدا جدا .... انا عندى بندقية كرال ومركب عليها اسكوب بوشنال 20#3/7 والمشكلة ان البندقية مضبوطة جدا جدا بالنيشان العادى بتاعها والرشة لا تيجى يمين ولا شمال زوى ما انا عايز تروح ده على النيشان العادى يعنى البندقية سليمة ..... نيجى بقى للمشكلة وهو الأسكوب انا بضبط النيشان فيه على مسافة 12 متر وبيقبى تمام وبتيجى فى منتصف الهدف .. انما لما انشن على أهداف بعد 12 متر بتيجى الرشة يمين الهدف وكل ما المسافة ويبعد الهدف بتيجى يمين أكتر .... قلت مفيش مشكلة اضبط الاسكوب على مسافة 20 متر أو اكتر فضبطه على مسافة 23 متر وكان تمام وفى منتصف الهدف جيت اضرب بيه على مسافات فى حدود 10 متر لقيت الرشة تيجى شمال الهدف وكل ما الهدف يكون اقل من المسافة المضبوط عليها النيشان تيجى شمال اكتر وبمسافة كبيرة يعنى المشكلة أنها مش هتصيب الهدف ... يعنى الانحراف فى تلك الحالتين بيكون بعيد لانه مش هيصيب الهدف ....... انا شكيت فى البندقية واستخدمته من غير الاسكوب وممتازة على اى نوع رش وبضبط عليه النيشان يعنى المشكلة فى الأسكوب ..... حاولت انى اضبط ومفيش فايدة ياريت ايه الحل يا جماعة ..... حد يدلنى لانى اول مرة استخدم الاسكوب بس طبعا فاهم ازاى اضبط نيشان والمشكلة مش فى ضبط نيشانه لانى بعد ما اضبطه على مسافة معينة يعمل ليا العكس ..... منتظر الرد منكم وشكرا لكل من يساهم فى المساعدة

[زياد عثمان مهنا]

انا رديت عليك في موضوعك في القسم التاني حبعتلك الرابط ناو

[Dodo dababa]

من الأخر أرمي السكوب
المشكله دي معناها أن العدسات مش مضبوطه قدام بعض صح و السكوب لو أتفك خلاص كده مابينفعش تاني
ده أسمه parallex error ألي حضرتك بتتكلم عنه و للأسف السكوبات الصغيره القديمه دي كاها فيها المشكله دي و قلتها أحسن