فكرة ( الحاجة ام الاختراع )

[ashraf_f]

اولا وحشتونى بقالى كتير ماعملتش مواضيع

طبعا احنا كلنا بتجمعنا هواية واحدة الصيد و الرماية و البندقية او المسدس بقو غاليين بنتكلم من 1500 \ 4000 دة المتوسط الاول كان نفسنا فى حد بيقسط لان الواحد منا عنده اكثر من قطعة و السلاح ادمان و دى هواية يعنى مش حاجة من اساسيات الحياة يعنى ممكن كل واحد فينا حسب قدرته المادية يقدر يجنب جزء من دخله لهوايته
((((((((((((( الفكرة ))))))))))))))))
كل 10 افراد من المنتدى يكونو عارفين بعض اتعاملو قدامى و معروفين يفضل يكونو بيشتغلو يتفقو مع بعض فى موضوع و كل مجموعة حسب امكانيتها يعملو جمعية الصياد مثلا جمعية ال 150 للى نفسو يشترى حاجة ب 1500 و جمعية 300 للى نفسه يشترى حاجة ب 3000 و 500 ب 5000 وكل مجموعة تكون ضامنة بعضها
(((طريقة الجمعية )))
برضو طريقة مبتكرة اصلى بحب ابتكر ههه كل مجموعة هتتقابل تانى جمعة من كل شهر منها للنقاش و الترابط و الاهم عمل قرعة كل شهر بمعنى اول شهر هنحط 10 اسامى و نختار ورقة تانى شهر يجى ال 10 بس نعمل قرعة على ال 9 الباقيين و تالت شهر نعمل قرعة على 8 حتى اخر شهر نعمل قرعة على فردين

و كل مجموعة تتفق مع تاجر يديها سعر كويس علشان تتعامل معاه مثلا مجموعة 500 دى هاتشترى ب 50000 فى 10 شهور و مجموعة 300 هاتشترى ب 30000 و هاكذا

ياريت الفكرة تعجبكو منها تواصل و منها اقتناء و ارجو انى اكون عرفت اشرحها

اهم حاجة الى يقرر يدخل فى واحدة لازم ما يضغطش على نفسه يعنى ينزل درجة احسن ما يتعسر
و مستنى آرائكو