صور ثعبانى ( الاصله الملكيه )

[Godzalla]

انا مكنتش عارف احط الصور دى فين فقلت احتها فى القسم العام مؤقتا

دى صور تعبانى الاصله الملكيه Royal ball python

و هو دكر و طوله حوالى متر

نخش على الصور





































و دا فيديو ليه فى اخر وجبه دسمه

YouTube

YouTube

و اتمنى تكونوا استمتعوا بالصور

[المستشار]

اللهم احفظنا وانا كل علاقتى بالثعابين والله لا يرجعها ايام انى اكلت ثلاث ثعابين على ثلاث مرات لما كنت فى فريق الاعاشه بالصاعقه الله لا يرجعها ايام بس هى بصراحه والله العظيم ارحم فى اكلها طبعا نيئه من الفراخ والارانب عشان مفهاش ولا نقطه دم وبعد كده انقطعت صلتى بالثعابين خالص وبالنسبه للفراخ بقيت نادر لما اكلها خالص اللى كلها نيئه صعب خالص يحطها فى بقه تانى شفلنا يا جو حته دوبر مان عمر 4 شهور ويكون مقطوع الذيل والاذن عشان اخده جاهز وتقبل تحياتى

[mustafa alqadi]

وحش وحش مشاء الله

[عاشق القنص]

ده كده اللعب هايحلو اووى
وفكرتنى بجمله محمد هنيدى فى المسرحيه الى يخااااااااااااف يطلع بره
الله ينور على فلم الرعب ده
وننتظر كل جديد منك
وعايزك تخش على التقيل

[محمد حافظ]

ياللوحش ألزنيم ألذى افترس ألهامستر ألمسكين
بس أحسن أنا بأكره ألقـــوارض كره ألعمــــــــــــى
ربنا يحرس لك ألآستاذ أصلة بيه و تشوفه كده
سبعة متر

[hoka]

والله انا مقلق دلوقتى من صورها حاسس انها تحت رجلى
يا عمى خلينا فى اليمام والحمام احسن مش ناقصه عضعضه وسم
اللهم احفظنا

[hassan_11176]

الله يباركلك فيهم ويسحن سوقهم ويكفيك شرهم
تقبل مرورى اخيك/حسن الديب

[ابو عامر]

ايه الجمال ده
شكلهم جميل

[man.man115]

ايه الحلاوة دي انت بتتعامل معاها ازاى يا جوزيلا ربنا يكفيك شرها فعلا الهوايه ملهاش كبير والغاوى يربى تعابين وتماسيح واسود كمان

[الجزار]

يا ابو قلب جرئ اكيد انت مطرمهم

[الجزار]

التطريم هو انك تخلع سنانهم وانا عارف الطريقه لاني كنت هاوي

[Godzalla]

المشاركة الأصلية كتبت بواسطة المستشار

اللهم احفظنا وانا كل علاقتى بالثعابين والله لا يرجعها ايام انى اكلت ثلاث ثعابين على ثلاث مرات لما كنت فى فريق الاعاشه بالصاعقه الله لا يرجعها ايام بس هى بصراحه والله العظيم ارحم فى اكلها طبعا نيئه من الفراخ والارانب عشان مفهاش ولا نقطه دم وبعد كده انقطعت صلتى بالثعابين خالص وبالنسبه للفراخ بقيت نادر لما اكلها خالص اللى كلها نيئه صعب خالص يحطها فى بقه تانى شفلنا يا جو حته دوبر مان عمر 4 شهور ويكون مقطوع الذيل والاذن عشان اخده جاهز وتقبل تحياتى

يا نهار ابيض .. انا فعلا سعمت كتير عن الصاعقه بياكلوا اى حاجه فى الصحرا و شفت صور بياكلوا ضبوب بس الضب ارحم بكتير من التعابين ة الفراخ و الارانب نيئه .. الله لا يرجعها ايام فعلا

انا امبارخ كنت مع واحد صاحبى عنده كلاب كتير اوى و قولتله عايز جرو دوبر او بيت بول قالى انه عنده واحد صاحبه عنده نتايه بيت بول حامل و باقى التفاصيل بعتها لحضرتك فى رساله خاصه

المشاركة الأصلية كتبت بواسطة mustafa alqadi

وحش وحش مشاء الله

ربنا يخليك يا باشا و يكرمك يا رب

المشاركة الأصلية كتبت بواسطة عاشق القنص

ده كده اللعب هايحلو اووى
وفكرتنى بجمله محمد هنيدى فى المسرحيه الى يخااااااااااااف يطلع بره
الله ينور على فلم الرعب ده
وننتظر كل جديد منك
وعايزك تخش على التقيل

ههههههههه الى يخااااااااااااااااااااااف يطلع بره

التقيل موجود و فى الاتقل من كل دا قريب جدا جدا جدا

لانى بحاول اجيب اسماك البيرانا المتفرسه الهى ممكن قطيع بيرانا ياكل جاموسه او اى حيوان كبير او حتى انسان .. ينزل المياه فى خلال ثوانى معدوده

دى العن من التعابين لانها بتاكل اى كان و هو صاحى

انا هحط صورهم بس ارجو انها متضايقش حد لانها صور بشعه فعلا ( صور ضحايا سمكه البيرانا )









و دى سمكة البيرانا لمن لا يعرفها



و اسف على بشاعة الصور بس دى فعلا مخلوقات معندهاش تفاهم و فى قمة الشراسه كان فى صوره تانيه دورت عليها بس مش لاقيها لسرب بيرانا واكل جاموسه و مكتوب على الصوره انهم كلوا فى خلال ثوانى معدوده لانها اسماك تعيش فى اسراب كبيره جدا جدا و سريعه جدا فى الحركه و حتى بتاكل بعض يعنى البيرانا التتمرض او تضعف ياكلوها معندهمش رحمه

و انا جايبها ان شاء الله قريب جدا

و بردو فى اتقل منها يا باشا لانى بعشق الافتراس و الخطوره و المغامره

المشاركة الأصلية كتبت بواسطة محمد حافظ

ياللوحش ألزنيم ألذى افترس ألهامستر ألمسكين
بس أحسن أنا بأكره ألقـــوارض كره ألعمــــــــــــى
ربنا يحرس لك ألآستاذ أصلة بيه و تشوفه كده
سبعة متر

هههههههههههههه دا الهامستر دا اصلا مش اكله انا باكله فئران بيضا صغيره بس ملقتش فيران بيضا فنزلت جبت هامستر و خلاص و التعبان معرفش ياكله بسهوله لانه الهامستر كبير شويه فى الحجم بس الحمد لله ابتلعه فى خلال حوالى 30 دقيقه ..

المشاركة الأصلية كتبت بواسطة hoka

والله انا مقلق دلوقتى من صورها حاسس انها تحت رجلى
يا عمى خلينا فى اليمام والحمام احسن مش ناقصه عضعضه وسم
اللهم احفظنا

هههههه لا يا باشا متقلقش طول ما فى حركه و دبدبه فى البيت مستحيل تعابين تدخل و خلى بالك ان التعابين مبتسمعش و نظرها ضعيف اعتمادها كله فى لسانها هو دا مركز الاحساس عندها باى فريسه و التعابين مش بتشوف زينها كدا لا دى بتشوف حسب الحراره يعنى الاجسام الحيه هى بتشوفها لونها احمر و اصفر ( حسب كميه الحراره فى الجسم ) و اى حاجه بعد كدا بتبقى خضرا و زرقه ولاكنها بتحس بالذبذبه الحوليها

خلينا فى الحمام و اليمام ولا يهمك يا باشا بس متقلقش مش كل التعابين سامه و مش كل التعابين مؤذيه دى خدها منى كلمه ثقه

المشاركة الأصلية كتبت بواسطة hassan_11176

الله يباركلك فيهم ويسحن سوقهم ويكفيك شرهم
تقبل مرورى اخيك/حسن الديب

امين يا رب ..

الف شكر يا باشا ربنا يخليك و يكرمك يا رب

المشاركة الأصلية كتبت بواسطة ابو عامر

ايه الجمال ده
شكلهم جميل

فعلا انا بشوف الاصلات فى غايه الجمال و الروعه و فى انواع تانيه غيرالاصلات اجمل 100 الف مره زى التعبان دا

Candy Corn Snake





دا ولا ليه فى الطور ولا الطحين .. هادى جدا و فى حاله و حجمه صغير و مش مؤذى نهائيا عامل زى الكلاب اللولو كدا و الاصلات عامله زى الكلاب الجيرمن و البوا عامله زى الكلاب الروت وايلر

الاصلات محتاجه بتتعلم بسرعه و بتميز حاجات كتير و ذكيه جدا جدا جدا

اما البوا هى تعابين ذكيه بردو و اليفه جدا و مش مؤذيه بس قويه جدا جدا زى الروت وايلر كلب ذكى بس اقل ذكاء من الجيرمن بس اقوى من الجيرمن بمراحل

المشاركة الأصلية كتبت بواسطة man.man115

ايه الحلاوة دي انت بتتعامل معاها ازاى يا جوزيلا ربنا يكفيك شرها فعلا الهوايه ملهاش كبير والغاوى يربى تعابين وتماسيح واسود كمان

بتعامل معاها اولا بكل حظر و حرص شديد جدا و بهدوء تااااااااااااااااااااام طول منا هادى و مش بعمل اى خطواط سريعه و بمسكها كويس جدا و مش بضغط على عضلاتها يعنى بمسكها فى ايدى بس تبقى هى مرتاحه عشان متتوترش و مبجبهاش و مبفاجئهاش باى حاجه ولا بحركه ولا حتى بشويه هواء جامدين زى مثلا لو ماشى بيها و هعدى من جمب مروحه يا اما اوتى ايدى يا اما اطفى المروحه انما لو التعبان حس فاجاءه بهوا خبط يه هيتوتر و ممكن يعضنى

و طبعا بعد الاكل بيومين ولا بقرب منه نهائى ولا باللمس وولا حتى مجرد انى افتح بيته و بيته عباره عن متر طول فى 50 عرض فى 50 ارتفاع مصنوع من خشب الكونتر و المقدمه بها شباك زجاج و السقف بيه شباك سلك صلب و البيت مدهون طبعا عشان الخشب لوحده هينشط وجود بكتريا و امراض فى الحوض و لازم كل فتره الحوض يتغسل باى نوع مطهر و يتهوى و التعبان يستحمى على الاقل مره كل اسبوعين ( يترك فى انااء كبير فيه مياه لمده لا تقل عن 10 دقائق هو دا حمامه )

بس كدا بس صدقنى تربيته سهله جدا طالما انت محافظ على هدوء و مش بتوتر التعبان مش هياذيك

و بردو عندك حق الكائنات المتوحشه دى ملهاش كبير و اليقول دانا ملك المسفترس و الكلام دا لازم يتعض و هيتاذى لان دى حيوانات ضاريه ملهاش كبير اذا كانوا بيفترسوا بعض مش هياذوا الانسان !!

المشاركة الأصلية كتبت بواسطة الجزار

يا ابو قلب جرئ اكيد انت مطرمهم

المشاركة الأصلية كتبت بواسطة الجزار

التطريم هو انك تخلع سنانهم وانا عارف الطريقه لاني كنت هاوي

لا خالص مش مطرمين ولا حاجه و انا ضد انى افقد اى حيوان سلاح دفاعه عن نفسه او سلاح اطعامه اضرب انى اتعامل معاه ازاى و اتفاداه ازاى احسن ميت مره من انى افقده قواه عشان بيبقى نفسيته تعبانه و مش بيعيش كتير ..

[محمد حافظ]

هههههههههههههه دا الهامستر دا اصلا مش اكله انا باكله فئران بيضا صغيره بس ملقتش فيران بيضا فنزلت جبت هامستر و خلاص و التعبان معرفش ياكله بسهوله لانه الهامستر كبير شويه فى الحجم بس الحمد لله ابتلعه فى خلال حوالى 30 دقيقه ..

و طبعا" بعد ألآكلة ألدسمة دى جبتله بيبسى و لا ولعت له سيجارة مع كوباية شاى صعيدى علشان يحبس
عموما أنا عازم ألكابتن أصلة على خمس فئران بيضاء على حسابى و صحتين و هنا على بدنه

[body77]

ايه ياعم الرعب ده .؟؟؟؟؟؟؟؟

[القناص2010]

اية الحلاوة دى ما شاء الله قلب ميت وشجاعة بس دى هواية خطيرة ولا انتا مش معايا ؟ انا لو جبت واحد زى دا فى البيت كلة هايطلع برا ويسيبو البيت للمالك الجديد ههههههههههههه .

[Godzalla]

المشاركة الأصلية كتبت بواسطة محمد حافظ

هههههههههههههه دا الهامستر دا اصلا مش اكله انا باكله فئران بيضا صغيره بس ملقتش فيران بيضا فنزلت جبت هامستر و خلاص و التعبان معرفش ياكله بسهوله لانه الهامستر كبير شويه فى الحجم بس الحمد لله ابتلعه فى خلال حوالى 30 دقيقه ..

و طبعا" بعد ألآكلة ألدسمة دى جبتله بيبسى و لا ولعت له سيجارة مع كوباية شاى صعيدى علشان يحبس
عموما أنا عازم ألكابتن أصلة على خمس فئران بيضاء على حسابى و صحتين و هنا على بدنه

ههههههههههههههههههه دا خلص علبة سجاير مرلبورو احمر و 5 ليتر بيبسى هههه

تسلم يا استاذ محمد ربنا يكرمك يا باشا دا كدا هيفضل يدعيلك سنه قدام

المشاركة الأصلية كتبت بواسطة body77

ايه ياعم الرعب ده .؟؟؟؟؟؟؟؟

فين الرعب دا ؟؟ انا مش شايف اى رعب ههههههههههه

المشاركة الأصلية كتبت بواسطة القناص2010

اية الحلاوة دى ما شاء الله قلب ميت وشجاعة بس دى هواية خطيرة ولا انتا مش معايا ؟ انا لو جبت واحد زى دا فى البيت كلة هايطلع برا ويسيبو البيت للمالك الجديد ههههههههههههه .

ما لازم يبقى فيه شجاعه و قلب ميت عشان تتعرف تتعامل فى اى موقف من دول لانى كل يوم بقابل موقف غريب مع الحيوانات دى

هوايه خطيره فعلا بس بتكسب مميزات كتيييييييير جدا جدا و لها تاثير قوى على الشخصيه من اهمهم الانتباه و الحظر و سرعه الاحساس باى حركه محيطه الاحساس بالوقت الخطر فى التعامل مع اى حيوان مفترس كيفيه التعامل مع الحيوانات الخطره كيفيه جعلم يهدئون من التوتر ايه الاماكن الممكن يبقى فيها حيوانت ايه و هكذا و حاجات كتير جدا



محمود ( مومو 44 ) كان سالنى على شكل فم الاصلات و شكل اسنانه

و دى صوره لنوع من انواع الاصلات اسمه الاصله البورميه و هى زيها زى الملكيه او الهنديه

بس على فكره فى انواع من الاصلات اسوء بكثيــــــــــــــــــــــــــــــــــــــــــــــ ــــــر من الكوبرا و افعى الجرس و الطريشه !! فى الاصله السودانى و الاصله الصخيره دول ثعابين مؤذيه جدااااااااااااااااااااااا

جاهزين تشوفوا فك الاصله البورميه ؟؟؟

اليخاااااااااااااااااااااااااااااف يطلع بره ههههههههههههههه



1







2







3





امسكوا اعصابكوا بقى الله

[Godzalla]

العضلتين البيض الفى منتصف اجناب الفك هما دول المخصصين لبلع الفريسه الى الداخل و كل عضله بتتحرك لوحدها يعنى اليمين بتطلع لقدام شويه تمسك الفريسه و بعدين الشمال تطلع قدام عن العضله الاولى و يفضلوا يتحركوا كدا لازاحة الفريسه الى داخل الفم

ثم بعد ذلك تبدء عضلات الرقبه فى الالتواء لزق الفريسه داخل جسم الثعابن الى ان تصل الى المعده و بعدها بيبتدى التعبان يدور على مكان رطب و هادى و مظلم بعد الشئ و طبعا يكون مختفى عن الانظار و تفضل ثابته دون حركه الى ان تهضم الفريسه و مده الهضم بتختلف حسب حجم التعبان و حسب حجم الفريسه

يعنى حسب الصوره دى التعبان دا ممكن ياكل خروف بحاله و يقعد يهضم فيه لا يقل عن اسبوعين و ممكن تاكل غزاله مثلا و تقعد 3 اسابيع تهضم و فى فرائيس بتوصل مدة هضمها الى شهر !!

[هشام سمير]

ربنا يكفينا شر تعبينك يا جو لانى بجد مبحبهمش خالص

[هشام سمير]

السمك دا موجود فى مصر يا جوو
؟؟؟؟؟؟؟؟؟؟؟؟؟؟؟؟؟؟؟؟؟

[Godzalla]

المشاركة الأصلية كتبت بواسطة هشام سمير

ربنا يكفينا شر تعبينك يا جو لانى بجد مبحبهمش خالص

انا بجد متاسف يا استاذ هشام انا مكنش قصدى انى اضايق حدضرتك او اى حد سواء بالصور او سواء بالكلام و الشرح عنهم

[Godzalla]

المشاركة الأصلية كتبت بواسطة هشام سمير

السمك دا موجود فى مصر يا جوو
؟؟؟؟؟؟؟؟؟؟؟؟؟؟؟؟؟؟؟؟؟

اسماك البيرانا ممنوع دخولها فى حوالى 90 % من العالم خوفا من وصولها الى اى انهار او اى مصادر اسماك تعتمد عليها اى دوله فى العالم ( خوفا على الثروه السمكيه ) لذلك فهى ممنوعه

ولاكنها تاتى تاتى بشكل متقطع و على فترات متباعده و يمكن عدد المرات النزلت فيها مصر لا يتعدى ال 5 مرات و ان شاء الله انا بسعى انى اجبها على اخر الشهر دا و خلاص الورق قرب يخلص و دفعت جزء من تمنهم

[Godzalla]

اسماك البيرانا متواجده فى الطبيعه فى نهر الامازون فقط

[rock]

طب حضرتك ممكن تجيبلى نوع من الطيور ...... وبالنسبه للاصله انا بحب الزواحف دى جدا وكان ليا تعامل معاها فى وقت من الاوقات ...... ربنا يعودها ايام ههههه ..... تحياتى .

[Godzalla]

قولى على اسمه و ان شاء الله اقدر اجبهولك ..

ربنا يعودها يا رب شكرا يا باشا

[عاشق القنص]

ياجوووووووووووووووووووووووووووووووووووو ياجامد
يابو قلب ميت انتا
بقولك ايه ياجو بما انك خبره
كنت عايز اسئل عن كلاب الحراسه الى بيسموهاk9
الى هى بتاعت الشرطه دى
بكام الجرو الصغير الى عنده حوالى 4 شهور بس يكون من فصيله تمام
اووك
ومعلش لو هانتعبك
ومنتظر ردك يامان

[rock]

بص يا جو ..... انا عايز بومه بس معرفش فى الانواع بس عايزها هاديه لان صوتها مرعب للآخرين ومزعج بالنسبه لى .....تحياتى .

[Godzalla]

المشاركة الأصلية كتبت بواسطة عاشق القنص

ياجوووووووووووووووووووووووووووووووووووو ياجامد
يابو قلب ميت انتا
بقولك ايه ياجو بما انك خبره
كنت عايز اسئل عن كلاب الحراسه الى بيسموهاk9
الى هى بتاعت الشرطه دى
بكام الجرو الصغير الى عنده حوالى 4 شهور بس يكون من فصيله تمام
اووك
ومعلش لو هانتعبك
ومنتظر ردك يامان

ههههههههههه ربنا يخليك يا باشا

بص انا من حوالى ينتين او 3 سنين كنت عايز اجيب كلب بوكسر او جيرمن من الشرطه و سالت كذا واحد على الموضوع دا و النتيجه الوصلتلها ان الكلاب هناك مش مستوى عالى لانهم مش محتاجين شكل الكلب فى حاجه هما محتاجين ذكاء الكلب

فلذلك مش بيهتموا بمواصفات الكلب نفسه يعنى الجيرمن مثلا كسحه و عراقيب و ديل فى الارض و ودان و كدا المهم عندهم الكلب بعد ما يدرب حتى لو كان كلب ماليزى من غير ورق هههههههههه

فانا راى المتواضع انك تصرف نظر عن انك تشترى كلب من كليه الشرطه و ال كا 9

و هات كلب تكون انت منقيه مواصفات عاليه يعنى لو عايز جيرمان دا اصعب كلب فى شراءه لان النصب فيه كتير جدا و ياما شفت بلاوى فيه يعنى مثلا شفت واحد كان بيبل ضهر الكلب عشان لما حد يروح يشوفه يلاقيه بكسحه و هى مش كسحه دا مجرد ان الشعر مبلول فنايم عن باقى الشعر !!

و اليجيب كلب مش هو ابو الجراوى و يفرجك عليه على انه هو دا ابوهم لان طبعا الجراوى بتبقى لسه صغيره ان يبان عليها ححاجه

فموضوع الجيرمن دا محتاج انك تشرتيه من واحد تثق فيه جدااااااااااااااااااااااااااااااااااااااا

و اهم حاجه تشوف الجرواى مع ابوها و امها و بردو هتلاقى اليقلك اصل الدكر مش بتاعى بتاع واحد صاحبى و النتايه عندها حساسيه من الولاده و مش بطلعها لحاد ما تخف و تلاقى جروين هما البيفرجك عليهم و فى الاخر هتلاقى سمسار يعنى مثلا انت عندك دكر و واحد تانى انا اعرفه عنده نتايه فانت تقولى عايز اجوز الكلب اقولك ماشى اعرفكوا ببعض و اخد عمولتى جرو و هكذا و اروح ابيع جرو دا على جرو دا على جرو دا على انهم اخوات هاتل فى باطل

انا من كتر العك الشفته فى الجيرمن مجبتش جيرمن جبت بوكسر و بعد كدا جبت جولدن ريتريفر و قريب هجيب روت فايلر

و لو حد قلك دا ابن بطل العالم سكمونس ابن براطوس فكك منه لانه لو زى ما بيقول الكلاب دى الشامبيون بتبقى بالوووووووووف يعنى 20 الف و انت طالع مش ب 32 ولا 5 الالف حتى

و الجيرمن عاما فى منه نوعين

ورك لاين work line الى من غير كسحه و عراقيب و كدا

و شو لاين Show line الهو بيبقى المواصفات زى الكتاب ما بيقول

يعنى الجيرمن البنقول عليه بلدى دا جيرمن بردو بس وورك لاين مش مجهول الهويه يعنى ولا حاجه

فانت اهم حاجه لو عايز تشترى جيرمن لف كتير و اتفرج اكتر و اسال اكتر و اكتر قبل ما تشترى و ابعد تماااااااااااااااااااااامااااااااااااااااااااااااا اااااا عن تجار الكلاب و المحلات

انا لما بعوز كلب بفتح الوسيط اتصل بالناس و اروح اتفرج عجبنى الكلب كان بها معجبنيش بقوله السلام عليكم و بفضل اصور فى الجرواى و الكلاب و باخد راى اصاحبى ( بيفهوا فى الكلاب اكتـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــر منى بمراحل ) و هكذا

معلش يا باشا طولت عليك فى الكلام

المشاركة الأصلية كتبت بواسطة rock

بص يا جو ..... انا عايز بومه بس معرفش فى الانواع بس عايزها هاديه لان صوتها مرعب للآخرين ومزعج بالنسبه لى .....تحياتى .

انا افتكرتك هتقولى عايز ال bold eagle ولا ال golden eagle

غالى و الطلب رخيص يومين و هقولك ايه الموجود و كل البوم صوته مزعج خصوصا ليلا ... !!

[rock]

طب ممكن اعرف النوع ده اسمه ايه ...... ولو كان ينفع الاقى نوع كبير من انواع العقاب ....وكمان فكره لو تكرمت عن الاسعار ..... تحياتى .

[عاشق القنص]

جووووووووووووووووووووووووو انتا استاذ كبير
وفاهم السوق صح
شكرا ياجو ياملك الزواحف

[المستشار]

والله يا جو انت اثريت المنتدى وجملته بمعلوماتك وهواياتك الفذه النادره الجميله وبالنسبه للبيت بول انا عندى واحد عمره تقريبا سنه ونصف وعندى روت تقريبا نفس العمر انا كنت عايز دوبر اما امريكى او المانى اسود مش احمر ويكون عامل العمليتان اما عن التدريب فانا لى تجارب عديده وطبعا الدوبر لا يزيد عمره عن 4 شهور وانا اسف على تعب حضرتك وعايزين مشاركاتك الجميله ديما

[المستشار]

انا عايز احكى موقف بالنسبه لحضراتكم هيكون موقف كوميدى اما بالنسبه لى فكان اقرب من الماساه والرعب لمده 3 ايام وده لما كنت فى الاعاشه وهى فريق بيلقى ورى خطوط العدو وبيتعامل مع اى حاجه وبياكل اى حاجه يلاقيها وطبعا بياكلها نيه عشان مينفعش يولع نيران حتى لا يكشف وانا قبل العرض بحوالى اسبوعين استلمت التعبان اللى مفروض اكله وطبعا انا مش بطرمه غير فى العرض امام اللواءات وفكره التطريم سهله اوى بخليه يعض فى الستره يعنى يعض فى بدله الجيش وبعد ما يسمك فيها اشده سنانه بتتفك ما علينا المهم انى خدت تعبان ونزلت بيه اجازه قلت العب بيه واخوف الناس وكده عقل عيال بقى وانا كنت لابس سويتر وتر بروف له وجيبه جانبى له سوسته من السويترات اللى بتبقى منفوخه كده ووضعت الثعبان فى الجيب وقفلت السوسته ورحت بيه البيت وخرجت شويه ودخلت شويه وهكذا وبعدين سيبته فى السويتر وتانى يوم خرجت اروح لاصحابى وافرجهم بفتح الجيب ملقتش الثعباااااااااااان طبعا انا جالى هلع انه اكيد هرب فى البيت وهيولد وهيتكاثر وممكن الاقيه على سرير حد من اهلى او غيره من كل التخيلات اللى ممكن تيجى فى مخى وطبعا رجعت البيت جرى وقلبت عليه الشقه حته حته فى كل سم وكل خرم وكنت بقول لوالدتى ان محفظتى ضاعت عشان مش قادر اقول الحقيقه وطبعا ملقتهوش وطبعا اقسم بالله 3 ايام مش بنام واروح كل 5 دقائق اشقر على اخواتى وعلى غرفه والداى لدرجه انى كنت بنام وانا واقف المهم قلت لحد كبير شويه من اهل صحابى قلى لازم تجيب واحد شيخ بيطلقه عليه الرفاعى وهو اول ما يخش الشقه هيجبهولك وادانى عنوانه وطبعا مكنتش عارف هدخله الشقه ازاى وانا كنت شاكك 100 فى 100 انه هرب فى احد كنب الانتريهات ونزل فى التنجيد الداخلى المهم يشاء السميع العليم انى البس نفس السويتر وانا رايح للشيخ المذكور واقسم بالله العظيم ثلاثه ان كل ما قلته صدق كنت راكب ميكروباص وكل شويه الاقى البنت اللى جنى تبص لى بصه غبيه اوى وانا طبعا قاعد فى حالى نزلت من الميكروباص منعا للمشاكل وببص لقيت السويتر مكان الاستيك او الحبل اللى بيتشد منه بيتحرك اتريه كان بيخبط فى البنت وانا مش دريان واتارى الثعبان هرب فى بطانه السويتر والله والله والله هذا ما حدث والحمد انى وجدته وخلص الموضوع على خير وانا اول مره اعترف بهذا الحوار لحد غير الراجل اللى كان ارشدنى للرفاعى ويسعدنى ان اشارككم تجربتى اللى معرفش هى كومديه ولا ماساويه وتقبلوا تحياتى

[Godzalla]

المشاركة الأصلية كتبت بواسطة rock

طب ممكن اعرف النوع ده اسمه ايه ...... ولو كان ينفع الاقى نوع كبير من انواع العقاب ....وكمان فكره لو تكرمت عن الاسعار ..... تحياتى .

النوع دا اعتقد انه مش متواجد فى مصر .. الموجود بسهوله البوم المصرى العادى بس انا افتكر انى شفت بومه بيضاء قبل كدا طايره فوق بيتى بليل فهسالك على البوم الموجود بسهوله و هسالك العقاب دلوقتى عامل كام حاضر من عنيا الاتنين حضرتك تامر

المشاركة الأصلية كتبت بواسطة عاشق القنص

جووووووووووووووووووووووووو انتا استاذ كبير
وفاهم السوق صح
شكرا ياجو ياملك الزواحف

العفو يا باشا انا ولا استاذ ولا حاجه انا تلميذ و هفضل طول عمرى تلميذ العلم و المعرفه

طبعا يا باشا انا بقالى 10 سنين فى سوق اسماك الزينه و 5 سنين فى سوق الكلاب و 3 سنين فى سوق الزواحف الحمد لله و الفضل كله لله

انا يشرفنى جدا اللقب دا

الف شكر يا باشا ربنا يكرمك يا رب

المشاركة الأصلية كتبت بواسطة المستشار

والله يا جو انت اثريت المنتدى وجملته بمعلوماتك وهواياتك الفذه النادره الجميله وبالنسبه للبيت بول انا عندى واحد عمره تقريبا سنه ونصف وعندى روت تقريبا نفس العمر انا كنت عايز دوبر اما امريكى او المانى اسود مش احمر ويكون عامل العمليتان اما عن التدريب فانا لى تجارب عديده وطبعا الدوبر لا يزيد عمره عن 4 شهور وانا اسف على تعب حضرتك وعايزين مشاركاتك الجميله ديما

العفو يا فندم المنتدى ثرى باساتذته و خبرائه و انا هاجى ايه جمب حضراتكم دا شر كبير جدا ليا بامانه و لا استحق هذا الكلام الرائع

خلاص كدا يبقى ننقل الكلام على دوبر مان 4 شهور بتطعماته و عملية الاذن

العفو يا فندم متقلش كدا تعب حضرتك راحه و صدقنى مافيهاش تعب خالص كله بيمشى بالتلفون

و انا مقدرش اخرج او ابتعد بره الاسره الجميله دى انا بجد سعيد جدا انى بقيت فرد من هذه الاسره الرائعه و انا اخوكم الصغير و تلميذكم

على تعب حضرتك

و بعدين سامحنى يعنى .. ملهاش لزمه خالص " حضرتك " ليا

دا حضرتك حتتى اكبر منى مقاما و سنا

كفايا عليا اوى " جو " و كفايا عليه اكتر محبتكم ليا

تحياتى و تقديرى و شديد احترامى للجميع

[Godzalla]

المشاركة الأصلية كتبت بواسطة المستشار

انا عايز احكى موقف بالنسبه لحضراتكم هيكون موقف كوميدى اما بالنسبه لى فكان اقرب من الماساه والرعب لمده 3 ايام وده لما كنت فى الاعاشه وهى فريق بيلقى ورى خطوط العدو وبيتعامل مع اى حاجه وبياكل اى حاجه يلاقيها وطبعا بياكلها نيه عشان مينفعش يولع نيران حتى لا يكشف وانا قبل العرض بحوالى اسبوعين استلمت التعبان اللى مفروض اكله وطبعا انا مش بطرمه غير فى العرض امام اللواءات وفكره التطريم سهله اوى بخليه يعض فى الستره يعنى يعض فى بدله الجيش وبعد ما يسمك فيها اشده سنانه بتتفك ما علينا المهم انى خدت تعبان ونزلت بيه اجازه قلت العب بيه واخوف الناس وكده عقل عيال بقى وانا كنت لابس سويتر وتر بروف له وجيبه جانبى له سوسته من السويترات اللى بتبقى منفوخه كده ووضعت الثعبان فى الجيب وقفلت السوسته ورحت بيه البيت وخرجت شويه ودخلت شويه وهكذا وبعدين سيبته فى السويتر وتانى يوم خرجت اروح لاصحابى وافرجهم بفتح الجيب ملقتش الثعباااااااااااان طبعا انا جالى هلع انه اكيد هرب فى البيت وهيولد وهيتكاثر وممكن الاقيه على سرير حد من اهلى او غيره من كل التخيلات اللى ممكن تيجى فى مخى وطبعا رجعت البيت جرى وقلبت عليه الشقه حته حته فى كل سم وكل خرم وكنت بقول لوالدتى ان محفظتى ضاعت عشان مش قادر اقول الحقيقه وطبعا ملقتهوش وطبعا اقسم بالله 3 ايام مش بنام واروح كل 5 دقائق اشقر على اخواتى وعلى غرفه والداى لدرجه انى كنت بنام وانا واقف المهم قلت لحد كبير شويه من اهل صحابى قلى لازم تجيب واحد شيخ بيطلقه عليه الرفاعى وهو اول ما يخش الشقه هيجبهولك وادانى عنوانه وطبعا مكنتش عارف هدخله الشقه ازاى وانا كنت شاكك 100 فى 100 انه هرب فى احد كنب الانتريهات ونزل فى التنجيد الداخلى المهم يشاء السميع العليم انى البس نفس السويتر وانا رايح للشيخ المذكور واقسم بالله العظيم ثلاثه ان كل ما قلته صدق كنت راكب ميكروباص وكل شويه الاقى البنت اللى جنى تبص لى بصه غبيه اوى وانا طبعا قاعد فى حالى نزلت من الميكروباص منعا للمشاكل وببص لقيت السويتر مكان الاستيك او الحبل اللى بيتشد منه بيتحرك اتريه كان بيخبط فى البنت وانا مش دريان واتارى الثعبان هرب فى بطانه السويتر والله والله والله هذا ما حدث والحمد انى وجدته وخلص الموضوع على خير وانا اول مره اعترف بهذا الحوار لحد غير الراجل اللى كان ارشدنى للرفاعى ويسعدنى ان اشارككم تجربتى اللى معرفش هى كومديه ولا ماساويه وتقبلوا تحياتى

هههههههههههههههههههههههههههههههههههههههههههههههههه ه

هى بصراحه كوميديه جدااااااااااااااااااااااااااااااا رغم انها فعلا فى منتهى الرعب و انا عشت نفس اللحظه بس لمده قصيره جدا لانى عارف ممكن الاقى التعبان فين

بس الحمد لله فعلا و ربنا ستر انه مكنش هرب فى الشقه كانت هتبقى كارثه فعلا .. بس لو حصل موقف زى دا مع اى حد يجيب شيح و يحطه فى اكثر المناطق رطوبه - ظلمه - هدوء - قليلة الحركه و كمان يفضل يخبط بعصايا فىالاماكن دى جامد لان التعابين مش بتسمع بس بتحس بالخبط و هتهرب تماما من المكان كله

و لو فى موقف زى دا قلولى و انا اعرف ناس تبعى بيروحوا يعملوا تطهير للزواحف عموما من الفنادق و المطار و الاماكن المهمه

و يا حرام البنت الكانت فى المبكروباس اكيد كانت مستغربه جدا جدا و خايفه جدا جدا و اكبد 100 % هى مش عارفه ان دا تعبان هههههههههههههههههه بس ربنا سترها انها معملتش مشاكل لحضرتك

[المستشار]

يا حبيب قلبى يا جو انا اتعلمت ان اللى بيحترم بيحترم نفسه اولا وحضرتك انسان محترم وفاضل وكبير مقام وربنا يديم المعروف على فكره الثعبان اللى كان معايا اللى بحكى عليه كان لونه كله اخضر لون الزرع الفاتح تمام

[Godzalla]

ربنا يخليك يا فندم العفو دا كتير اوى عليه بجد .. دانا ولا حاجه على باب الله

ربنا يديم المعروف و المحبه دايما يا رب

لو فى خطوط افقيه يبقى ابو سيور ( لا خوف منه اطلاقا )



لو الوانه متداخله على احضر فاتح يبقى هيرسن ( لا خوف منه اطلاقا )





لو راسه و رقبته لونهم اخضر زرعى كدا و باقى جسمه لون اغمق يبقى الخضارى ( عنيف شويه فى سلوكه النفسيه )





اكتر نوع تعابين مصرى بحبه اسمه الجدارى تعبان بجد روعه و رفيع جدا و سريع و لون جسمه احمر روز كدا و عينه حمراء بجد تحفه و نادر التواجد لانه سريع جداااااااااااااااااا و الصيادين مش بيمسكوا بسهوله

[عاشق القنص]

المشاركة الأصلية كتبت بواسطة المستشار

انا عايز احكى موقف بالنسبه لحضراتكم هيكون موقف كوميدى اما بالنسبه لى فكان اقرب من الماساه والرعب لمده 3 ايام وده لما كنت فى الاعاشه وهى فريق بيلقى ورى خطوط العدو وبيتعامل مع اى حاجه وبياكل اى حاجه يلاقيها وطبعا بياكلها نيه عشان مينفعش يولع نيران حتى لا يكشف وانا قبل العرض بحوالى اسبوعين استلمت التعبان اللى مفروض اكله وطبعا انا مش بطرمه غير فى العرض امام اللواءات وفكره التطريم سهله اوى بخليه يعض فى الستره يعنى يعض فى بدله الجيش وبعد ما يسمك فيها اشده سنانه بتتفك ما علينا المهم انى خدت تعبان ونزلت بيه اجازه قلت العب بيه واخوف الناس وكده عقل عيال بقى وانا كنت لابس سويتر وتر بروف له وجيبه جانبى له سوسته من السويترات اللى بتبقى منفوخه كده ووضعت الثعبان فى الجيب وقفلت السوسته ورحت بيه البيت وخرجت شويه ودخلت شويه وهكذا وبعدين سيبته فى السويتر وتانى يوم خرجت اروح لاصحابى وافرجهم بفتح الجيب ملقتش الثعباااااااااااان طبعا انا جالى هلع انه اكيد هرب فى البيت وهيولد وهيتكاثر وممكن الاقيه على سرير حد من اهلى او غيره من كل التخيلات اللى ممكن تيجى فى مخى وطبعا رجعت البيت جرى وقلبت عليه الشقه حته حته فى كل سم وكل خرم وكنت بقول لوالدتى ان محفظتى ضاعت عشان مش قادر اقول الحقيقه وطبعا ملقتهوش وطبعا اقسم بالله 3 ايام مش بنام واروح كل 5 دقائق اشقر على اخواتى وعلى غرفه والداى لدرجه انى كنت بنام وانا واقف المهم قلت لحد كبير شويه من اهل صحابى قلى لازم تجيب واحد شيخ بيطلقه عليه الرفاعى وهو اول ما يخش الشقه هيجبهولك وادانى عنوانه وطبعا مكنتش عارف هدخله الشقه ازاى وانا كنت شاكك 100 فى 100 انه هرب فى احد كنب الانتريهات ونزل فى التنجيد الداخلى المهم يشاء السميع العليم انى البس نفس السويتر وانا رايح للشيخ المذكور واقسم بالله العظيم ثلاثه ان كل ما قلته صدق كنت راكب ميكروباص وكل شويه الاقى البنت اللى جنى تبص لى بصه غبيه اوى وانا طبعا قاعد فى حالى نزلت من الميكروباص منعا للمشاكل وببص لقيت السويتر مكان الاستيك او الحبل اللى بيتشد منه بيتحرك اتريه كان بيخبط فى البنت وانا مش دريان واتارى الثعبان هرب فى بطانه السويتر والله والله والله هذا ما حدث والحمد انى وجدته وخلص الموضوع على خير وانا اول مره اعترف بهذا الحوار لحد غير الراجل اللى كان ارشدنى للرفاعى ويسعدنى ان اشارككم تجربتى اللى معرفش هى كومديه ولا ماساويه وتقبلوا تحياتى

صراحه ياحضرت المستشار انا كنت بقراء الى حصل مع حضرتك وضحكت كتير
بس واللهى موقف كومدى على مرعب
الواحد يتخيل تعبان فى الشقه وينام وهو واقف وبعدين موقف الميكرو باص ده يهلك من الضحك
تلاقى البنت
فكرت حضرتك بتعاكسها واتغرت وتخيل حضرتك لو عرفت انو ده تعبان ينهار ابيض على الى كان حصل بس الحمد لله عدت على خير
شكرا ياحضرت المستشار ولا تحرمنا من ذكريات حضرتك الجميله ويسلام لو حضرتك ليك ذكريات فى خط القنال لزم ان شاء الله تحكيها لينا

[محمد عزت محمود]

اخى الفاضل/السلام عليكم ورحمة الله وبركاته بصراحه هو كائن جميل وانا اراه دائما جميل على الرغم من اختلاف الكثير معى ممكن اعرف جبته منين وبكام وطريقة رعايته؟؟؟؟ كان عندى احد الانواع اخرى زمان وانا فى الجامعه واضطريت انى اطلق سراحه لخوف كل من فى البيت منه وكمان لعدم درايتى بطرق رعايته ..... لك منى كل التحيه

[Godzalla]

المشاركة الأصلية كتبت بواسطة محمد عزت محمود

اخى الفاضل/السلام عليكم ورحمة الله وبركاته بصراحه هو كائن جميل وانا اراه دائما جميل على الرغم من اختلاف الكثير معى ممكن اعرف جبته منين وبكام وطريقة رعايته؟؟؟؟ كان عندى احد الانواع اخرى زمان وانا فى الجامعه واضطريت انى اطلق سراحه لخوف كل من فى البيت منه وكمان لعدم درايتى بطرق رعايته ..... لك منى كل التحيه

و عليكم السلام ..

فعلا هو من اجمل الكائنات و ممتع جدا فى تريبته و بردو نفس الشئ بيحصل معايا الكثير و الكثير يختلفون تماما معى بل و يعتقدون انى مجنون ههههههههه

بس مش مهم المهم انى مش بعمل حاجه غلط و مبسوط بالهوايه دى

انا الجايبه لنفسى لانى دى شغلتى الجانبيه ( تاجر حيوانات اليفه - بس مش تاجر جشع و الكلام دا انا بس مش لاقى مسمى تانى غير تاجر لانى بجيب تعابين و اسماك و حيوانات بالجمله و ابيعها سواء للمحلات او للناس عادى )

عندى الان 2 اناكوندا - و العدد الانت عايزه من الاصله الهندى و الاصله الملكيه و البوا ريد تيل كونستركتر و فى موضوع انا عامله للسوق عارض فيه التعابين دى للبيع

و كلها تعابين مسالمه جدا و هاديه جدا بس لو انت مبتدء فى تربية الاصلات ( لان الاصلات تربيتها تختلف عن باقى التعابين ) انصحك بالاصله الملكيه من حيث اهدء نوع فيهم ارخصهم فى السعر و سهلة الترويض

من ناحية تربيتها و رعايتها فمتقلقش كل شئ سهل جدا

مجرد انك تجهز بيت خشب يكون محكم الغلق و هرفع صور البيت الانا عامله من خشب الكونتر

و جوه البيت مفروش ورق جرائد ( بيتغير كل فتره ) و مكان يختبئ فيه - سواء علبه لها مدخل واحد فقط او طبق مقلوب بس يكون مكسور من حته واحده بس عشان يخش و يخرج منه - و طبق فخار فيه مياه للشرب و لازم الطبق يكون اصغر من حجم الاصله عشان الاصلات بتحب تقعد فى المياه و لو قعدت كتير هيجلها امراض جلديه و مره اسبوعيا يستحمى - مجرد انك تنزله فى جردل كبير فيه مياه و تسيبه شويه او انك تمسكه تحت حنفيه مياه و تسيب المياه تنزل على كل جسمه

و الاكل يقدم له على الاقل مره اسبوعيا ( و عباره عن فار ابيض صغير ) و الوجبه ممكن ان تكون من فار واحد الى فاريين و بس كدا دا الموضوع باختصار

بس ان شاء الله هنزل موضوع يشرح كيفية تربيه الاصلات و اشكال بيوتها و بتتكون من ايه و شرح بالصور

[محمد عزت محمود]

جزاك الله كل خير يا أخى

[Godzalla]

شكرا استاذ محمد و انا فى الخدمه

[essam]

ودة بيلعب وكدا و لا اية xd

[Godzalla]

بيلعب ازاى يعنى ؟؟ دا ثعبان

هو بيلعب بس لعبه رخم و تقيل شويتين هههههههه