يا نهار أبيض .. ضبط مسدس صوت و50 طلقة مع راكب قادم من إيطاليا

[mman2005]

قامت سلطات الأمن بمطار القاهرة الدولى بضبط مسدس صوت و50 طلقة مع راكب مصرى لدى عودته من إيطاليا، حيث اشتبه به أحد رجال الجمارك أثناء إنهاء إجراءات وصول ركاب الطائرة القادمة من ملبنزا بإيطاليا.
وبتفتيشه عثر معه على مسدس صوت و50 طلقة، تم تحرير محضر بالواقعة ومصادرة السلاح واتخاذ الإجراءات القانونية مع الراكب.

http://www.elbetelkbeer.com/index.ph...-42&Itemid=138

[mman2005]

الخبر منتشر على مواقع كثير، لدرجة أنى حسيت أن الراكب ده جاسوس وممول من الخارج وجاى يهدد الأمن القومى المصرى، ولولا يقظة رجال الجمارك فى مصر لكان الشعب المصرى فى خبر كان، الحمد لله قدر ولطف.

[مسافر عبر البرارى]

مهو اكيد طبعا لازم يتمسك ويتصادر المسدس والطلقات اللى معاة لان المفروض اللى يجيب مسدس صوت من برة لازم يكون معاة اذن استيراد من الخارج وطبعا دة شامل جميع ادوات الصيد
فمش ينهار ابيض ولا حاجة

[mman2005]

والحاجة بقى إلى تشل الواحد وتجيبله الضغط والسكر هو التركيز على ال 50 طلقة، الراجل ده فعلاً ممول من الخارج ولازم يتعمله مليونية، أوعى حد من المنتدى يفكر فى ارتكاب هذه الجريمة والعياذ بالله أنا حذرت جميع أعضاء المنتدى الكرام وقد أعذر من أنذر.

[مسافر عبر البرارى]

يعم الحاج مليونية اية بس
متقولش كدة تانى لاحسن انتا عارف دلوقتى ان فية ناس دلوقتى عقولها فى راحة ومبيصدقوا اى حاجة تحصل ويقولك مليونية

[gamopt80]

مسدس صوت !!جتهم نيله في خيبتهم لا وال ايه حيث اشتبه به احد رجال الجمارك ههههههههههه لا نبيه قوي

[ahmedmh_ali]

المشاركة الأصلية كتبت بواسطة mman2005

قامت سلطات الأمن بمطار القاهرة الدولى بضبط مسدس صوت و50 طلقة مع راكب مصرى لدى عودته من إيطاليا، حيث اشتبه به أحد رجال الجمارك أثناء إنهاء إجراءات وصول ركاب الطائرة القادمة من ملبنزا بإيطاليا.
وبتفتيشه عثر معه على مسدس صوت و50 طلقة، تم تحرير محضر بالواقعة ومصادرة السلاح واتخاذ الإجراءات القانونية مع الراكب.

http://www.elbetelkbeer.com/index.ph...-42&itemid=138

ههههههههههههههههههههههههههه مسدس صوت ؟؟ يانهار أزرق دة مجنون دة ولا اية مسدس صوت يالهوى و دة من انة نوع الطلقة بتطلع دبابة و لا اية .
قال يعنى كدة بعد مصادرتة البلد بقت فى امان .

[كفافى1]

والله ده تهريج ايه هى خطورة الصوت علشان الضجة اللى اتعملت

[mido]

السلام عليكم
يا جماعه ده مسدس صوت ولا راح ولا جه بعدين شكلو الجمارك طمعت في الطلق وقالوله فيها لنخفيها قالهم نخفيها احسن

[guns]

انا عندي سؤال هوا ازاي طلع بية الطيارة

[اسلام]

مصر بخير يا رجاله
الحمد لله احنا وقفين فى وجه اى معتدى يحاول يهدد امن واستقرار البلد مش ناقص غير انهم يخولو البلد بنبله والبلد بتكون مليانه نبل وتنهار البلد

[هشام سمير]

المصرين لسه قدامهم سنين طويله علشان تفكيرهم يتغير

[أبو شمس]

لا حول و لا قوة بالله
فعلا كده كل حاجة مظبوطة

[BOB20102008]

اسف عزراننننننننننننننننننن ياسيــــــــــــــــــــــــــدي

هو مسداس صوط صل انا حسيت انو كان مخبى

اربيجى والا حاجه وال50 طلقه داه مش طلق زي بتاعنا داه طلق ناووي

فهمتو افهمو بقا ههههههههههههههههههه

[medo_hunt2012]

يا نهار ابيض دا احنا محتاجين اعاده تركيب مخ وبالذات للصحافه الى نشرت موضوع زى ده ههههههههههههه

[boody]

والله حاجة تكسف

[hema777h]

اسكت مش عااااااااااادي عندهم دااااااااا ممكن لو معاة مسدس حي جديد بيسلمو للطيار وبيستلمة لما يوصل

[mrasool]

يا جماعة بدل مايروحو يبهدلو واحد نازل معاه مسدس صوت يعرفو يسيطرو على مافيا السلاح اللى جايبة البلد ورا ومخلية البلطجية وتجار المخدرات معاهم سلاح يهددو بيه المواطن المحترم ولما المواطن المحترم يروح يجبلو حاجة تحميه من الارف دا ستعملو قضية مهببة تضيع مستقبلو
حسبى الله ونعم الوكيل فى الدماغ الخربانة اللى مش بينلها تغيير دى

[masmm001]

انا أول مرة أعرف أن ممنوع جلب مسدس صوت من الخارج ده أصلا محدث صوت يعني مش سلاح ناري ف ليه بقى ممنوع؟ طب و أيه العقوبة بتاعتها؟ و هل الكلام دة منطبق على كل الأسلحة يعنى لو جبت بندقية رش برده ممنوع؟ و بالنسبة لبنادق السمك "الهربون" إيه النظام؟ أنا مرة سافرت بالهربون بتاعى برة مصر و رجعت بيه محدش كلمنى في المطار...يريت لو حد عنده معلومات عن القوانين و التعليمات الخاصة بالسفر بمثل هذة الأسلحة و يقدر يفيدنا نكون شاكرين جدا.

[adel152]

ياجماعة ياريت نهدى شوية ونقراء الخبر كويس ونحكم عليه بطريقة منطقية.
الراكب ده وضع مسدس وطلقات فى شنطة هدومه وانا ممكن ااكد لكم على الاقل انه لم يصرح فى المطار فى ايطاليا ان معاه طلقات صوت لأنى متأكد ان ممنوع اى نوع من الذخيرة وجودها على الطائرة حتى كل الشركات التى تبيع الذخيرة مشترطة فى حالة شراء ذخيرة يتم ارسالها عن طريق البر والبحر من خلال شركة فيدكس.
بالنسبة لمطار القاهرة يجب التبليغ لدى الوصول الى رجال الجمارك بانه يوجد مسدس صوت او بندقية رش او بندقية هربون لصيد السمك (فى هذه الحالة يتم استدعاء ضابط مختص فى السلاح والمفرقعات لتحديد اذا كان يسمح بمرور السلاح ام العرض على المعمل الجنائى). اما فى حالة عدم التبليغ زى الاخبار اللى بتكتب فى الجرائد اصبح الوضع تهريب سلاح وطلقات. وفى الاول والاخر يجب شكر كل من يقوم بواجبه لمنع دخول اى نوع من الاسلحة بطريقة غير شرعية.
دى وجهة نظرى الشخصية وانا متأكد ان فى اعضاء كتير حتوافقنى الرأى واعضاء كتير حيختلفوا معايا ولكن فى النهاية الاختلاف فى الرأى لا يفسد للود قضية.
تحياتى للجميع.

[eng.amg]

المشاركة الأصلية كتبت بواسطة adel152

ياجماعة ياريت نهدى شوية ونقراء الخبر كويس ونحكم عليه بطريقة منطقية.
الراكب ده وضع مسدس وطلقات فى شنطة هدومه وانا ممكن ااكد لكم على الاقل انه لم يصرح فى المطار فى ايطاليا ان معاه طلقات صوت لأنى متأكد ان ممنوع اى نوع من الذخيرة وجودها على الطائرة حتى كل الشركات التى تبيع الذخيرة مشترطة فى حالة شراء ذخيرة يتم ارسالها عن طريق البر والبحر من خلال شركة فيدكس.
بالنسبة لمطار القاهرة يجب التبليغ لدى الوصول الى رجال الجمارك بانه يوجد مسدس صوت او بندقية رش او بندقية هربون لصيد السمك (فى هذه الحالة يتم استدعاء ضابط مختص فى السلاح والمفرقعات لتحديد اذا كان يسمح بمرور السلاح ام العرض على المعمل الجنائى). اما فى حالة عدم التبليغ زى الاخبار اللى بتكتب فى الجرائد اصبح الوضع تهريب سلاح وطلقات. وفى الاول والاخر يجب شكر كل من يقوم بواجبه لمنع دخول اى نوع من الاسلحة بطريقة غير شرعية.
دى وجهة نظرى الشخصية وانا متأكد ان فى اعضاء كتير حتوافقنى الرأى واعضاء كتير حيختلفوا معايا ولكن فى النهاية الاختلاف فى الرأى لا يفسد للود قضية.
تحياتى للجميع.

++++++++++++++++1

[shahryar33]

لأ حول ولا قوة الا بالله
المفروض الخبر يبقى بالصيغة دى المرة الجايه
خبر هام فقد تمكنت قوات الجمارك المصريه الباسله المتفانيه فى عملها من ضبط 1 قطعه سلاح خطير ( مسدس صوت ) من الى بيعمل بوووم و عدد 50 من الزخيرة (الصوت بردو ) الى بتعمل طراخخخخخ و هى تعتبر من الاسلحة الخطرة و الممنوع تداولها فى البلاد و تم القبض على السائح و بعتوة اسم اول المطار و تم نحرير محضر بالواقعة بعد ما اتعمل معاة الواجب (انتو فاهمين طبعا ايه هو الواجب بتاع الاقسام) و نتوجه بالشكر لرجال الجمارك ليقزتهم على امن و سلامه البلاد و المجهود الرائع

[احمد حسن ادريس]

ربنا يستر ونسلم من كل سوء

[avokato]

هيطلع منها وهياخد المسدس والي عمله المحضر هيتهزق ويخلص الكلام وممكن يرفع قضيه علي الداخليه وياخد تعويض لان الصوت مش ممنوع الي ممنوع ممكن البارود الي في الطلق ممنوع نقله بالطياره انما حوار مسدس صوت وطلقات فكسان كبيره غرامه علي الرصاص

[avokato]

المشكله كلها ان نقل الرصاص واي حاجه فيها بارود ولو صواريخ لعبه او حتي الحجاره القلم والبطاريات والولاعات الكبيره ممنوع عشان الضغط بس الي كتب الخبر عبيط