بعيدا عن الصيد قطعتين من قطع الكمبيوتر بمواصفات عالية للبيع!!!

[ayman22]

انا عندى بوردتين للبيع

بوردة (1) : Asus P5Q SE PLUS
الضمان : سنتين من تاريخ الشراء
تاريخ الشراء : 18/3/2010
مدة الاستخدام : اقل من اسبوع
الحالة : ممتازة
السعر : 525 ج

بوردة : MSI 965MDO
الضمان : باقى من ضمانها 15 شهر تقريبا
الحالة : ممتازة
السعر : 250 ج

اللى عايز واحدة منهم يتصل بيا ورقمى : 0114561163

اللى حيشترى البوردتين مع بعض له سعر مفاجئة

[walther]

بسم الله الرحمن الرحيم
هوه خلاص المنتدي بقي بيتعرض عليه اجهزه كمبيوتر !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!
بس بالامانه واضح ان فيه واحده فيهم هاي باور كليك واحد والسيت ينزل قافل في مكانه زي الطوبه بس بلاش تعمل الكليك ده لو السيت واقف علي سلك تحته زرع لانه مش حيتحرك فمش حتلاقيه اما لو كلكيت بالاضعف حينزل فيه الروح فحيتحرك وسط الزرع وتلاقيه
وتفضلوا بقبول فائق الاسف علي ما انهار

[ayman22]

السلام عليكم ...

مع احترامى للعضو الكريم walther .. انا حاسس ان كلامه قى شوية سخرية ....
انا باطالب بانشاء قسم للكمبيوتر ومش القسم ده بس .. بل يتم انشاء اقسام كتيرة فى جميع المجالات وجميع نواحى الحياة للرقى اكثر بالمنتدى الموقر...

ولكم منى كل تفدير واحترام..........

[walther]

بسم الله الرحمن الرحيم
العضو الكريم ايمن 22 انا اسف انا اللي فهمت غلط واضح ان المنتدي الموقر فعلا ارتقي وتم افتتاح قسم جديد للكمبيوتر وكمان مشاكل السوفت وير لو معاليك دخلت علي القسم العام حتلاقي 3 مشاركات عن مشاكل في البرمجيات عموما منهم واحده في ام بي 3 مش عايز يقبل الفورمات وفيه فيرس ..........ز عموما انا اسف انا اللي غلطان اصلي كنت فاكر اني داخل منتدي متخصص في الصيد بس طلع انه متخصص في الكمبيوتر وامور اخري منها الصيد .
بس انا دائما كنت اعلم ان التخصص بيزيد الدقه يعني عندك مثلا مجال الطب كان من 30 سنه فيه قسم جراحه عامه وبس دلوقتي بقي فيه اكتر من 30 نوع من الجراحه لدرجه انه فيه قسم لجراحه الاجنه ........... ونفهم من كده ان كل ما كان المنتدي متخصص بيكون الكلام دقيق في المجال بس لو بقي منتدي دردشه ممكن بكره نتكلم في الخياطه واشكال الغرز وممكن عن المشاكل الزوجيه وكل شي هنا حنجرج بالمنتدي من حيز الوقار والرقي وندخل به الي مجال غرف الشات في الياهو

[ayman22]

[B]اخى الكريم walther انا قبلت اسفك واحنا فى الاول والاخر اخوة فى منتدى وبلد واحدة ...
انا كان قصدى فى الموضوع ده ان احنا نوسع فى مجالات الموقع .. لماذا ؟؟ .. لان لو فى واحد فى المنتدى ده عايز يشترى حاجة او يبيع حاجة او يستشير اهل الخبرة فى خاجة هو معندوش خبرة فيها ومعندوش فكرة عن المواقع المتخصصة فى ذلك .. بكده نعطيه الفرصة انه يسال ويستشير ويبيع ويشترى فى الموقع اللى هو عارفه ...
يعنى مثلا فى ناس فى المنتدى ده خبراء فى امور ومجالات اخرى وليس فى الصيد فقط .. ليه منستفيدش من خبراتهم فى مجالاتهم ويحدث تبادل للخبرات وده يفتح مجالات اوسع لذوى الخبرات المحدودة....

الكلام ده وجهة نظرى!!!!!!!

وانا احترم وجهة نظرك يا اخ walther فى التخصص فى مجال معين لان سبب من اسباب تقدم دول اوروبا وامريكا هو التخصص فى كل مجال بل احيانا فى المجال الواحد يوجد به تخصصات كثيرةB]

على العموم حصل خير .. والاختلاف فى الراى لا يفسد للود قضية

ولكم منى كل حب وتقدير واحترام... والسلام

[Gamo]

السلام عليكم ورحمه الله وبركاته

اظن يا جماعه ان المنتدى اسمه منتدى الصيد فى مصر (الصيد )

مش اى حاجه غير الصيد ومتعلقاته اما كمبيوتر وخلافه وتسويق واعلانات مينفعش فى منتديات كتيرة ممكن تعلن فيها ده واكيد كل واحد فينا مشترك فى منتديات تانية مش لقل من ثلاثه والا اربعه
اما منتدانا (الصيد فى مصر) لو بقى كوكتيل هيبقى فيه كل من هب ودب وكله هيتكلم فى البنادق والصيد الى ليه والى ملوش
لو سمحتو يا جماعه المنتدى بتاعنه منتدى خاص بالصيد فأرجوكم تخلوه للصيد مش اى حاجه تانية عشان يبقى منتدى متخصص
ولكم منى جزيل الشكر

[lionheart314]

بصراحة ومع كل الاحترام والتقدير للأخ أيمن أنا أؤيد الأخ جاموا فيما قاله يجب أن يظل الموقع للصيد فقط أفضل

[asdmkh]

انا اري ان يكون في المنتدي باب نسميه مثلا واحة الصيادين يعرض فيه المواضيع المنوعه و العامه و الاخبار و الكمبيوتر

و لي سؤال هل الصيد بعيد عن الكمبيوتر؟

[ابو الشوق]

ارجوا من السادة الاعضاء لو عندكم اى تعليق او اى كومنت يكون للاشراف
الاشراف هو الوحيد المختص وهو صاحب القرار ان كان الموضوع فى مكانة ولا لا
علشان متحصلش مشاحنات بين الاعضاء وكفاية لو حد شايف حاجة مضيقاء من موضوع او تعليق كفاية انة يلفت نظر الاشراف ليها وذالك بالضغط على العلامة الحمرا الى عليها علامة اكس<تقرير بمشاركة سيئة>

[galal khalifa]

المشاركة الأصلية كتبت بواسطة ابو الشوق

ارجوا من السادة الاعضاء لو عندكم اى تعليق او اى كومنت يكون للاشراف
الاشراف هو الوحيد المختص وهو صاحب القرار ان كان الموضوع فى مكانة ولا لا
علشان متحصلش مشاحنات بين الاعضاء وكفاية لو حد شايف حاجة مضيقاء من موضوع او تعليق كفاية انة يلفت نظر الاشراف ليها وذالك بالضغط على العلامة الحمرا الى عليها علامة اكس<تقرير بمشاركة سيئة>

اتفق مع ابو الشوق في رائية لان الموضوع ابسط مما يدعو الي المشاحنة