فضيحه .. يارب أسترنا

[محمود القاضى]

عم عماد " ......." و اللى حصله
قصه حقيقيه
لم أعلم له منزل ... حينما يريده أحد يسأل عنه فى المقهى ... و قد يجده ملطوعا على أحدى نواصى الحى .. ورغم أن له مصنع " ......." و لكنه غير مهتم به ... يعشق الشرع و كأنه أبنه الوحيد .
عم عماد " ........" هكذا تعودنا ان ننادى عليه من صغرنا فهو يكبرنا .... إن نظرت إليه ستشعر ان عمره و احد و عشرون عاما فهو لا يرتدى إلا الكاجوال ... و لا يتصرف إلا تصرفات الشبان .
له من الطباع الحميده الكثير و الكثير فى أى مأتم تجده أول المشيعين و أخر المعزين أنصراف فى الافراح أخ حقيقى ... و إذا احترقت شقه احد لا قدر الله لاتقلق فعم عماد خبير فى الاطفاء و انقاذ النساء و الاطفال .
و لكن ..................
فمه هو عيبه .... له نعره غريبه ... أول ما يبتدى معك " أنت متعرفش أنا مين ؟! " و يتركك فى دهشتك تفكر .. من يكون يا ترى :confused:
ثم يخرج موبايله و يجرى مكالمه لمجهول ، وبعهدها يبداء بسبك وشتمك و يتوعدك .... و طبعا لانه معروف جدا جدا و مشهور أكتر من عم حنفى بتاع الفول عندنا .. فمع اول خناقه و عندما يبداء فى التهليل يلتف حوله الناس و يفضون المشكله ..... و كل يوم مشكله و تنتهى على خير .
ايوه الحمد لله تنتهى على خير
سمعت أنه فى المستشفى خيررررررررر يا جماعه أيه اللى حصله :confused:
جريت بسرعه اروح أزوره
طبعا الراجل و اجباته مغرقانى ... لا أنسى حينما كان ساهرافى الشارع و أمسك لص حاول كسر زجاج سيارتى لسرقه الكاست الذى لا يتعدى المائه جنيه " كتر ألف خيره " و لن أنسى حينما ضل أبن أحد أقاربنا الصغير الطريق لمنزلنا فى أحدى المناسبات و أحضره لحد باب البيت :p
و فى المستشفى لأول مره أجده راقدا !!
ألف سلامه يا راجل يا طيب أيه اللى حصلك ؟
الحمد لله يا متر أنا كويس متقلقش عليا .... بس و اللهالموضوع مخلصش و مش هيخلص :mad:
قالها و هو يحاول أن يعلو صوته و لا يستطيع من شده التعب .
موضوع موضوع أيه هو ايه اللى حصل ؟ :confused: " سألته و أنا مندهش "
مد يده على رأسه مشيرا إلا خازوق قد ظهر على غير عاده و قال بص ولاد ال " ...... " عملوا فيا أيه .... و أشار إلى قدمه و قد غطاها الشاش " بص يا متر بص " و لاد ال " ..... " أنا مش هسكت
يا عام أهدى كده و احكيلى
يعنى انت ما عرفتش يا أستاذ ؟
لا و الله أنا أول ما عرفت جيت من الشغل على هنا على طول .
طيب انت أكيد ها تعرف :p
اللى حصل انى اتخانقت مع جماعه بسبب لعب الكوره قدام مصنع ال " ..............." بتاعى ، و بعدين الناس خلصونا من بعض و بعد شويه و احد معدى قام رما كلمه ملهاش لزمه قام واحد من النيعيه اللى عندى مسك فيه .
قمت جريت و دخلت المصنع و جبت الطبنجه بتاعتى و شديت الاجزاء و جيت اضر ب ....
و جيت اضرب ....
هه ايه اللى حصل يا عم عماد :confused:
الطلقه مطلعتش !! كنت عاوز اضربها فى الهوا علشان اجرى الناس اللى بنتخانق معاهم :o
و عينك ما تشوف الا النور يا أستاذ ...... الكل حط عليا ... اللى يقول انت عاوز تموتنا يا أهبل و يضرب بالشلوط .... و العيال يقولوا انت معاك مسدس لعبه و يحدفونى بالطوب .... و الناس اللى بتخانق معاهم ضربونى علقه موت ...
تماسكت من ضحكاتى فلا يمكن أن أضحك فى هذا الموقف العجيب .
و سئلته طب افرض الطبنجه مخيشتش منك كنت ضربت ضربه تيجى فواحد ف بلكونه كان هيبقى ايه العمل ؟
يا متر سبنى فى اللى انا فيه بس انا مش هسكت و لازم اخد حقى .
على العموم ألف مليون سلامه عليك و ربنا يسترها و نبقى نكمل كلامنا لما تقوم بالسلامه .



...........................
انتهت القصه
و مع ان الاسم للبطل متغير شويه ... إلا انها بجد حقيقيه ....
السلا ح لا يحمى صاحبه
و قد قررت عرضها على الزملاء ... خاصه اللذين يتهافتون لشراء سلاح صوت علشان الدفاع عن النفس او يعمله بلى و لا ما أعرف ايه !!!! شفتم بقى السلاح الحى محماش صحبه أمال ايه الحال مع السلاح الصوت ؟1!!!!!
الحامى هو الله
و الاخلاق الحميده تنجى من المهالك .
خليك زوق وربنا يسترها و خلى عندك ثقه فى نفسك .... ومتعرضش نفسك للمسائله القانونيه و لا للاذى و لا للخطر و سيبها علىالله يحميك ينصرك ....
انتهت القصه ولكن الابطال لم ينتهوا ......... فبالتأكيد سنجد بطل جديد .... يارب الرساله توصل و دمتم فى خير حال .

[xman]

موعظة جميلة ,جزاك الله كل خير.

[بدر]

الاخ الفاضل
طبعا مشكور على القصة للافادة والموعظة
بس انا ليا تعليق صغير ان مع الاسف الناس الا ما رحم ربى معندهاش مرجعية اخلاقية او دينية يعنى هقولك انهارضة لاي سبب بسيط تلاقى الناس مسكت فى بعض وعايزين يموتو بعض يعنى يعقل ان واحد يموت بسبب لعب كورة او اتنين فتحو دماغ بعض علشان لعب طاولة ع القهوة
فطبعا مش اى موقف الواحد يطلع فية سلاح ف عشان كدة انا اختلف معاك فى حتة ان السلاح ما يحميش صاحبة لان استخدامة لابد ان يكون لة سبب رادع
يعنى لو اتهجم عليا اى حرامى او بلطجى للسرقة او الترويع ومعايا سلاح لن اتردد لحظة فى استخدامة وان شاء الله يموت فى داهية مالوش دية
انما الخطاء ان الشعب المصرى الا ما رحم ربى شعب همجى وبلطجى واسف انى اقول كدة بس دى الحقيقة
الناس مش طايقة بعض
مع ان الاسلام يحس على الاخوة والمعاملة الحسنة وفضائل الاخلاق ولكن تقول لمين الكلام دة
عذرا على الاطالة
وربنا يهدينا جميعا

[sayedlabib]

ده على حسب صاحب السلاح وبعدين ماهو مش على طول بيحمى صاحبه ضابط الشرطه اللى معاه الى مش طبنجه ساعات بيجرى الكتره تغلب الشجاعه وربنا يستر لكن فى برضه مواقف تانيه كتيييييييييير السلاح فيها بيقوم بدوره و انتا مش معايا

[sayedlabib]

ولا انتا مش معايا وعموما زى ماقال الاستاذ بدر ان د هموضوع اخلاق وسلوكيات وزى ماقال المولى عو وجل ومن يتق الله يجعل له مخرجا صدق الله العظيم

[blow c06]

الاخلاقيات على عينا و علر راسنا بس تعالى و انت راجع باليل بالعربيه و تلاقى الطريق مقفول و 3 بلطجيه بيثبتوك بسنج و مطاوى و احتمال سلاح .... كلمهم بقى بالاخلاق

[silver_5000]

المشاركة الأصلية كتبت بواسطة blow c06

الاخلاقيات على عينا و علر راسنا بس تعالى و انت راجع باليل بالعربيه و تلاقى الطريق مقفول و 3 بلطجيه بيثبتوك بسنج و مطاوى و احتمال سلاح .... كلمهم بقى بالاخلاق

يا بلو باشا يا حبيب قلبي , احنا كدة بنتكلم من نفس المنطلق , السلاح اداة , و اللى ماسكه هو اللى بيتحكم , يبقى لما السلاح ف ايد واحد عاقل و عنده اخلاق و يتخانق مع واحد تانى بسبب مشكلة ف الطريق او ف العربية او لاى سبب مش هيطلع السلاح انما يطلعه وقت اللزوم , اللى هو مثلا و انا مروح و معايا اهلى و الاقى تلاتة بلطجية قافلين الطريق ساعتها مفيش غير السلاح يتكلم و برضه هيبقى سبب و الستر ف الاول و ف الاخر بايد ربنا عز و جل

[blow c06]

تمام ياباشا و انا موافقك و عشان كده لازم يبقى فى حاجه فى العربيه عشان وقت اللزوم و طالما معناش حى و رخصه يبقى مفيش غير البلى و ربنا يستر

[محمود القاضى]

المشاركة الأصلية كتبت بواسطة xman

موعظة جميلة ,جزاك الله كل خير.

شكرا لمرورك الكريم ........ز انت اجمل ................. و جزاك الله خيرا

[محمود القاضى]

المشاركة الأصلية كتبت بواسطة بدر

الاخ الفاضل
طبعا مشكور على القصة للافادة والموعظة
بس انا ليا تعليق صغير ان مع الاسف الناس الا ما رحم ربى معندهاش مرجعية اخلاقية او دينية يعنى هقولك انهارضة لاي سبب بسيط تلاقى الناس مسكت فى بعض وعايزين يموتو بعض يعنى يعقل ان واحد يموت بسبب لعب كورة او اتنين فتحو دماغ بعض علشان لعب طاولة ع القهوة
فطبعا مش اى موقف الواحد يطلع فية سلاح ف عشان كدة انا اختلف معاك فى حتة ان السلاح ما يحميش صاحبة لان استخدامة لابد ان يكون لة سبب رادع
يعنى لو اتهجم عليا اى حرامى او بلطجى للسرقة او الترويع ومعايا سلاح لن اتردد لحظة فى استخدامة وان شاء الله يموت فى داهية مالوش دية
انما الخطاء ان الشعب المصرى الا ما رحم ربى شعب همجى وبلطجى واسف انى اقول كدة بس دى الحقيقة
الناس مش طايقة بعض
مع ان الاسلام يحس على الاخوة والمعاملة الحسنة وفضائل الاخلاق ولكن تقول لمين الكلام دة
عذرا على الاطالة
وربنا يهدينا جميعا

انا معاك فى اللى بتقوله لكن السلاح برضوا مبيحميش صحبه الحامى هو الله و احترم رئيك جدا و شكرا لمرورك

[محمود القاضى]

المشاركة الأصلية كتبت بواسطة sayedlabib

ولا انتا مش معايا وعموما زى ماقال الاستاذ بدر ان د هموضوع اخلاق وسلوكيات وزى ماقال المولى عو وجل ومن يتق الله يجعل له مخرجا صدق الله العظيم

احسنت و احسن الاستاذ بدر مشكور اخى الحبيب

[محمود القاضى]

رد عام
انا لا اتكلم
عن ظروف نادره
نادره جدا ما تحدث
و هى ان يخرج عليك ثلاثه بلطجيه و انت تمشى مع اهلك و زويك
ايه اللى هيخلينا نمشى فى حته مقطوعه الا فى ظروف نادره
على العموم ربنا يكفينا الشر و يرزقنا حسن الاخلاق زى مقال الصديق بدر و بقيه الزملاء و يمنع عننا البلاوى

[وليدعادل]

فعلا موضوع مهم اوي شكرا ياستاذ محمد

[بسام سعيد]

الف مليون سلامه على عم عماد وربنا يقومو بالسلامة
وانا اتفق مع راي اخي وحبيبي بدر باشا في ماقالة
لان ليس من المنطق استخدام السلاح في اي وقت لكن في اوقات كتيرة السلاح وبتوفيق ربنا قبل منه بيحمي صاحبة