طلعة لمدة ساعة وتجنيد احد الكوادر الصناعية

[القناص فليفل]

مساء الخير على كل قناصى المنتدى اليوم طلعت طلعة لمدة ساعة بالحى المتميز بمدينة 6 اكتوبر والحمد للة اصطدت شوية حلوين والمشكلة ان اليمام بيقع داخل الفيلات وما بنعرفش نجيبة وضربت يمامة وقعت داخل فيلا شاهدتها من البوابة وكانت المسافة بينى وبينها متر وفجأة شاهدت الغفير يفتح الباب بسرعة وعلا صوتة تلاة صوت امرأة تصرخ وبسرعة نزل صاحب الفيلا وبدأ بالصياح معتقدا انى حرامى وما ان شاهدنى حتى اخذنى بالاحضان فهو من القيادات الصناعية بمصر وصديق لى والغريب انة اندهش ان اقوم بصيد الطيور معتبرا هذا العمل يقل من قيمة الانسان فهمت ذالك من نظراتة وعلى الفور استعرضت معة فوائد الهواية وجمالها وانها تعبر اشبة بالعلاج النفسى وانها تعمل على تصفية الذهن وان كثيرا من الناس محدودى الثقافة ينظرون الى صائد الطيور على انة يصطاد للانة لايستطيع شراء اللحوم وهذا بالطبع فكر متخلف للان هواية الصيد تتكلف الكثير وان ثمن بندقية واحد قديساوىاو يزيد عن ثمن جاموسة ههههههه وبدأت الاعب ابنة الصغير باليمامة واعطيتها لة فاخذها وكانت النتيجة انة طلب منى ان يشترى اغلى بندقية صيد ليمارس الصيد فافهمتة ان الصيد لايعتمد على نوع البندقية بل يعتمد على الهواية والارادة فممكن ان يصطاد الانسان باقل بندقية ويستمتع ويمكن ان يقتنى الانسان اغلى البنادق ولا يستعملها ولا يستمتع وفى النهاية رافقنى فى رحلتى القصيرة واعجب كثيرا بتلك الهواية ووعدتة ان اشترى لة بندقية عقب عودتى الى المزل ارسلت لة اللينك الخاص بموقع الصيد فى مصر فتصفحة واتصل بى تلفونيا وطلب تحديد ميعاد لشراء بندقية

[Angel]

ماشاء الله طلعة جميلة و الفكرة نفسها اجمل انك تحبب حد فى الصيد لانة هواية راقية

تحيانى و اجمل تقييم

[hesham[MaFya]a]

يعنى بجد مش عارف اقول ايه .. بس ديه اخلاق صياد بجد تسمحلى حضرتك انقل الجملة ديه و احتفظ بيها؟ :""وان كثيرا من الناس محدودى الثقافة ينظرون الى صائد الطيور على انة يصطاد للانة لايستطيع شراء اللحوم وهذا بالطبع فكر متخلف للان هواية الصيد تتكلف الكثير وان ثمن بندقية واحد قديساوى او يزيد عن ثمن جاموسة ""

[القناص فليفل]

اشكر القناص انجل على ردة الجميل وتحياتى لشخصة الكريم

[القناص فليفل]

استاذ هشام اشكر حضرتك على تشجيعك لى وتحت امرك وانا بس حاولت ان انقل فكرة بعض الناس على الصيد وشكرا لردك المحترم

[عادل عبده]

تسلم ايدك يا باشا
كلمات رائعه قد زكرتها فى منتصف الحديث اعجبتنى شخصيا
ومن الرائع ان تدخل شخص جديد الهوايه
فعلا اخلاق صياد
تحياتى لشخصك الكريم

[fadeel79]

السلام عليكم ، انا كان ليا الشرف انى اتعرف بالدكتور احمد ابن اخو حضرتك وهو انسان محترم جدا واكيد افراد العائلة الكريمة كلهم كده ، اما عن الصيد فواضح ان حضرتك صياد كويس ولون الصيد من العربية مش ممتع اد الصيد على الرجل والمشى طول النهار يا ريت تجرب الصيد على الرجل ، وموفق ديما فى الطلعات

[tito]

فعلا فيه ناس كتير ممكن تتكسف من الصيد لعدة اسباب 1- ألى بيصطاد دة انسان فاضى ومعندوش اى مسئولياتِ؟؟؟
يعنى لعب الكورة او القعدة على القهاوى او البلاى استيشن مش تضيع وقت الصيد هواية مفيدة مهضوم حقها خصوصا الصيد البرى.
2-الناس تشوفنى وانا بصطاد يقولوا ايه مش لاقى ياكل؟؟؟
3- ناس كتيرة جدااا بنقابلهم اثناء الصيد ضعيفى القلوب يقوالك الصيد حرام ودى طيورة نادرة حرام تصطادها وخاصة اليمام.
و 4- و5- و6 7 8 و 10000000 والكلام مبيخلص عن الموضوع ده
بس طول مافيه صيادين واثقين من انفسهم محبين لهوايتهم امثال حضرتك انشا الله نخلى مصر كلها قناصة

[قناص المنوفيه]

موضوع جميل وما يجيش غير من الصيادين الكبار ومحبى الهوايه زيك يا عمو
بس ايه يباشا الطلعات الجامده دى انت كده هتقطع علينا
هههههههههه
احلى تقييم منى

[قناص المنوفيه]

المشاركة الأصلية كتبت بواسطة fadeel79

السلام عليكم ، انا كان ليا الشرف انى اتعرف بالدكتور احمد ابن اخو حضرتك وهو انسان محترم جدا واكيد افراد العائلة الكريمة كلهم كده ، اما عن الصيد فواضح ان حضرتك صياد كويس ولون الصيد من العربية مش ممتع اد الصيد على الرجل والمشى طول النهار يا ريت تجرب الصيد على الرجل ، وموفق ديما فى الطلعات

الله يخليك يباشا الشرف لينا والله
وعمى بيحب يصطاد بالعربيه دلوقتى
انما لما بيطلع معايا برجعه لايام الشباب تانى على رجلينا
لحد ما بيدعى عليا :d

[Orabi]

تحياتي لحضرتك علي كلامك الجميل و ردك الرائع علي صديقك و مزيد من التوفيق في الطلعات القادمه ان شاء الله

[samraghost]

موضوع جميل من شخص محترم ومايعرفش قيمه الصيد الا الى بيحس بالمتعه الى مابتساويهاش اى متعه وانت بتصطاد بجد متعه ماتساويش كنوز الدنيا كلها وبجد فيه ناس كتير جدا معاها فلوس ومش عارفين يشرتوا لحظه متعه او راحه بال بفلوسهم

[القناص فليفل]

اشكر الاستاذ عرابى والاستاذ سمارا على كلماتكم الرائعة وتشجيعكم لى

[aymank2]

الف مبروك على الطلعه بس اهم حاجه وصف حضرتك للهوايه جميل ودقيق وراقى جدا بالتوفيق دائما انشاء الله.

[mohd_wafik]

ما شاء الله اسلوب سردك للحوار يدل على حسن اخلاقك و ذكائيك المتناهي و تقبل مني كلمة شكر لانك قمت بعمل نبيل وسامي يخص هوايتنا المعشوقه .. و تقبل مني فائق الاحترام و التقدير

[dr_mohasan]

لا اجد من الكلام ما أستطيع أن أحييك به

ولا استطيع ان اقول غير ان حضرتك

أســــــــــــــــتاذ

[وليد سعد زغلول]

بسم الله ما شاء الله عليك وطلعة موفقة ورائعة وبألف هنا وشفا

[محمد حافظ بك]

الله ينور فليفل باشا طلعة جميلة و صحبة اجمل

[القناص فليفل]

استاذ محمد وفيق والدكتور محسن والاستاذ محمد حافظ اشكركم على زوقكم تاراقى وادبكم الحم وتشجيعكم الغير متاهى وان شاء اللة اتشرف بمقابلتكم فى رحلة صيد عما قريب نحياتى

[ابو مروان]

فعلا موضوع ممتاز يا باشا لان معظم الناس بتفتكر ان اللى بيصتاد دة موش معاة فلوس يشترى سمك او طيور_ والموضوع دة بالذات فى صيد السمك _اكتر من مرة واحد ييجى يقف جنبى وبعد خمس دقايق يبصلى ويقولى وعلية اية التعب دة ما تشترى كيلو سمك وخلاص_هههههه_ ودى اكتر حاجة تجننى لان الطلعة بتتكلف اكتر من تمن اتنين كيلو سمك والواحد يوم ما يصتاد كتير وتكون شغالة قوى يصتاد كيلو كيلو ونص_ كيلو الطعم بيوصل فى الموسم 80 جنية وسنون وفسفور لصيد الليل وخيوط وعدة _الموضوع مكلف جدا _اما صيد الطيور فحدث لا حرج عن تمن البنادق وتمن الرش ولو الصيد بسيارة البنزين ولو الصيد بخرطوش تمن الخرطوش _ الموضوع بالنسبة للى موش هاوى حاجة قلة قيمة اما الهاوى فالصيد لايقدر بتمن _ ونصيحتى لحضرتك تجيب لصدسقك دة حتة رمسيس نمرة واحد مستعملة وعلبة رش عين الشمس مصرى_هههههههه_ وورينا شطارتة

[القناص فليفل]

ههههههههههه عسل يا بو مروان كلامك صحيح فعلا هواية الصيد هى متعة لاتقدر بثمن فعلا وعلى فكرة انا باصطاد سمك كمان فية ناس لايفهمون معنى الهواية كل شىء يحسبوة بالفلوس فقط انا مثلا فى اخر مرة ضربت فرد يمام وقع فى مصنع وكنت سعيد جداااااااااااا لاصابتى الهدف من على بعد بس ما عرفتش اجيب الحمامة فعرضت على الحارس انة يجيبها فامتنع فى الاول وطلعت لة خمسين جنية علشان يجيب فرد الحمام واديتها لة واللة لو كان عاز اكتر من كدة ما كنتش مانعت دة لية للان المتعة لا تقدر بثمن بس مين اللى يفهم وشكرا لك

[محمود القاضى]

مبروك الصيد
و مبروك الهاوى الجديد

[أبو صفية]

ما شاء الله ربنا يزيد و يبارك
و الجميع عنده حق و أنا عن نفسى ما بصتدش طيور غير بالليل عشان ما حدش يقابلنى و مسمعش كلام بايخ
أو بالنهار سمك و بيكون من المصارف و بعيد عن الناس و لو حد قابلنى يقولى ليه البهدلة دى و المشى فى الشمس و طبعا أنا زهئت كلام بقوله هواية و خلاص

[ابو مروان]

نداء من ابو مروان للقناص فليفل_مدام الحكاية فيها 50 جنية لفرد الحمام موش عايز مساعد معاك للحاجات البعيدة دى وفرد الحمام 20 جنية واليمامة 10 جنية والعصفورة5 جنية _نحن نحطم الاسعار تحطيما_ههههههههه

[القناص فليفل]

العفو ابو مروان ههههههههه واللة انت زى العسل ربنا يحفظك

[abdoweb]

المنتدى ده كنز بجد

فليفل باشا
انت منور المنتدى

[الصيااد]

فعلا حضرتك عندك حق ناس كتير مش فاهمه انها هوايه و بيتصرف عليها كتير وده من اسباب قلة نزولي للصيد

[القناص فليفل]

الهواية بجد اعظم هواية فى العالم ومرحبا بك اخى عبدة