Norica 61

[BASiC]

قرأت في المنتدى عن هذه البندقية (نوريكا) 61وعلمت أن المستعملة منها مناسبة لقدرتي المادية
وهي 600 جنيه .

وكذلك سرعتها الجيدة نسبيا 180 m/s وشكلها مش بطال (سؤال؟؟ هوة الدبشك بتاعها خشب ولا ايه)

فكنت عايز أعرف رأي الزملاء في المنتدى ايه في البندقية دي ولو في بديل بنفس القوة أو أفضل

في حدود السعر ده .

عشان اللي بنفس السعر مفيش غير مصري و صيني وسرعة الصيني لا تتعدى ال 128 m/s

يعني أضعف بكتيير من النوريكا 61 ......

ويا ريت بقى لو حد يقولي على منظار في حدود 100 و 150 جنيه كدة يبقى تمام

وأشكركم جزيل الشكر.....

[المستشار]

بالتوفيق ان شاء الله ودى صورتها لو مش عارف شكلها

[القناص2010]

البندقية دى نعتبر كويسة جدا للمبتدئين وهيا متوسطة السرعة والقوة وتصلح للصيد من مسافات قصيرة الى متوسطة حسب مهارة الرامى ودقة التنشين والدبشك بتاعها خشب طبعا وهيا صناعة اسبانى جيدة وممكن تركب عليها منظار 3*7*20 فى حدود 150 جنية وهوا كويس جدا ومناسب للبندقية دى ومبروك مقدما بس على فكرة البنادق الصينى فيها انواع ممتازة زى البام 21 وهيا استنساخ من الديانا 52 وقوية جدا هيا عندى و حاسس انها مدفع بجد مش زى الصينى الى احنا متعودين علية لانها اثبتت تن الصين بتصنع الرديئ والجيد وكلة بتمنة وتقبل مرورى وشكرا

[abosamer]

انا ضربت بيها وصراحة دقيقة جدا في النشان ولا يعيبها الا سرعتها الضعيفة ولكن تتمتع بالسعر المنخفض تقبل مروري

[BASiC]

أولا أنا متشكر جدا للردود السريعة ....
ثانيا أنا كان قصدي على الصيني اللي في حدود السعر اللي أنا كاتبه.يعني ولا بام ٢١ ولا حتى بام ٥
:d
معلش عندي سؤالين تاني
هوة مينفعش أغير السوستة بسوسته أقوى؟ .

وأجيبها منين مستعملة؟ لأني لفيت محلات وسط البلد كلها ملقتش حد منهم بيبيع مستعمل.

[BASiC]

أولا أنا متشكر جدا للردود السريعة ....
ثانيا أنا كان قصدي على الصيني اللي في حدود السعر اللي أنا كاتبه.يعني ولا بام ٢١ ولا حتى بام ٥
:d
معلش عندي سؤالين تاني
هوة مينفعش أغير السوستة بسوسته أقوى؟ .

وأجيبها منين مستعملة؟ لأني لفيت محلات وسط البلد كلها ملقتش حد منهم بيبيع مستعمل.

[المستشار]

البندقيه للاسف لها حد اعلى للسرعه يتحكم بها طول وقطر السوسته من ناحيه ومن ناحيه اخرى حجم البسيتم
فلو حضرتك غيرت السوسته وجبت سوسته جديده بس لازم تكون اصلى البندقيه هترجع لحالتها الجديده بنسبه 80 % مع الاحتفاظ بالنسبه الباقيه للتأ كل او الصدأ او العمر الافتراضى لبعض الاجزاء ولكن ستظل السرعه القياسيه للبندقيه فى فئه البنادق الضعيفه وانا بنصحك انك تكلم الاستاذ مصطفى قناص الليل او الاستاذ رضا العبد لكى يعطوك النصيحه فى البندقيه الصينى الجميله التى يمتلكونها وهى فى حدود 800 جنيه تقريبا كما انصحك انك متفكرش فى المنظار فى الوقت الحالى وذلك لثلاثه اسباب اولا ان المنظار الجيد بقى نادر ومعظم اللى فى السوق مضروب والجيد بيعدى 500 جنيه وثانيا ان المنظار لا يركب الا على البنادق الهاى بور وده الهدف منه وثالثا معظم الصيادين المخضرمين مش بيستعملوه وان شاء الله واحده واحده تجيب دبابه وتحقق امالك وهواياتك فى الصيد

[BASiC]

أفهم من كلام حضرتك ان أنا لو جبت صيني جديد هيبقئ أحسن من اسباني مستعمل....

وكنت عايز أعرف هي قطع غيار البندقية دي متوفرة وسعرها حنين ولا ايه...

[محمد رضا العبد]

السلام عليكم...انا رايى بلاش المستعمل...وابدا بالبندقيه الصينى ال b3-2 وبعد كدا ابقى جيب الاحسن..وعلى فكره البندقيه ال b3-2 ملهاش حل هيا قوتها 128 متر ..بس العامل مش على السرعه اهم حاجه المدى المؤثر
وهيا والحمد لله ممكن تخرم اليمامه من على مسافة 90 متر وبالتجربه ..والعادى بتاع النظر انك اصلا مش هتشوف اليمامه بدقه ابعد من 50 متر..يعنى عمليه بطريقه فعاله جدا..والبنادق الهاى بور بيوصل المدى المؤثر بتاعها الى 180 متر بس فين بقى العين الى هتشوف من المسافه دى الهدف الى هيبقى اصلا مش واضح منطقيا ...ودا الكلام الى انا عايز اوضحه لجميع الاعضاء
ودى صورة البندقيه


ودا موضوع انا كنت عامله عن بنادق شنجهاى بانوعها ومواصفتها
http://www.egypthunt.net/showthread.php?t=3342

ارجو ان اكون وفقت فى الشرح..تقبل مرورى

[BASiC]

أنا شاكر جدا لردك ..
وأحب أقولك أن التفكير بدأ معايا من أول المصري على أساس أنا مبتدء ولسة هجرب
وبعدين قريت مواضيع حضرتك عن البنادق الصيني وفعاليتها وقلت. لأ بقئ هوة الصيني مفيش غيره ففكرت في ال b2-2 أهو على الأقل أحسن من المصري ....... بس لفيت كتير في وسط البلد على صيني مستعمل في كل المحلات (على قد الفلوس اللي معايا)
ملقيتش للأسف . فصرفت نظر عن الصيني
وشفت بقى في المنتدى موضوع لبيع النوريكا ٦١ ب ٤٠٠ جنيه و معاها سكوب ب ١٥٠ جنيه يعني عز الطلب بس للأسف مكنش ساعتها معايا المبلغ ده ومن هنا بدأت حكاية النوريكا ٦١ بندقية أحسن من الصيني وأقوئ والمستعمل بتاعها في متناول يدي..

وبعدين المدى المؤثر مش بيتقاس بالسرعة في حال إن النمرة ثابتة.

[Consul]

المشاركة الأصلية كتبت بواسطة BASiC

أنا شاكر جدا لردك ..
وأحب أقولك أن التفكير بدأ معايا من أول المصري على أساس أنا مبتدء ولسة هجرب
وبعدين قريت مواضيع حضرتك عن البنادق الصيني وفعاليتها وقلت. لأ بقئ هوة الصيني مفيش غيره ففكرت في ال b2-2 أهو على الأقل أحسن من المصري ....... بس لفيت كتير في وسط البلد على صيني مستعمل في كل المحلات (على قد الفلوس اللي معايا)
ملقيتش للأسف . فصرفت نظر عن الصيني
وشفت بقى في المنتدى موضوع لبيع النوريكا ٦١ ب ٤٠٠ جنيه و معاها سكوب ب ١٥٠ جنيه يعني عز الطلب بس للأسف مكنش ساعتها معايا المبلغ ده ومن هنا بدأت حكاية النوريكا ٦١ بندقية أحسن من الصيني وأقوئ والمستعمل بتاعها في متناول يدي..

وبعدين المدى المؤثر مش بيتقاس بالسرعة في حال إن النمرة ثابتة.

أخي العزيز الأستاذ بازيك...كلامك صح 100% المدي المؤثر لا يقاس وغير مهم فيه السرعة...هذا في حالة الرماية علي أهداف ثابتة...ولكن في حالة القنص والصيد علي طرائد وطيور متحركة يكون عامل السرعة مهم جدا...فيمكن للطريدة أو الطير أن يشعر ويحس بك ويسمع صوت البندقية ويتحرك ويهرب قبل أن تصل إليه الطلقة أو الرشة...وبذلك لن تكون البندقية عملية...أنا حسيت في كلامك بالصدق...وحب الصيد والقنص...بس نصيحتي المخلصة لك من أب أو أخ كبير...أصبر ولا تتعجل ولا تشتري بهذا المبلغ بندقية مستعملة...ستحتاج منك صيانة وإصلاحات وتغيير سوستة وجلب...الخ الخ...وتلاقي نفسك صرفت عليها مبالغ كبيرة تضيع فرحتك برخص ثمنها...وفي الآخر برضو مستعمله ونصف عمر ولن تكون كما كانت علي الزيرو...كذلك لا يكون إهتمامك الأول أن تكون بمنظار...فأنت لن تستخدمه في الوقت الحالي لأن صيدك سيكون في مدي لا يتعدي مسافة من 20 الي 30 متر علي أقصي تقدير...والمنظار يكون عمليا ويستخدم في البنادق الهاي باور وعلي مدي أكبر من 40 أو 50 متر وممكن أكثر طبعا...تعلم وتدرب أولا علي الأساس وبالتدريج...النيشان العادي بدون منظار وعلي بندقية متوسطة القوة...ولو مستعجل قوي ممكن تجيب ال b3-2 الصيني جديدة وعلي الزيرو...وأخونا وأستاذنا الفاضل سيادة المستشار محمد بك عبد الرازق ( بما له من باع طويل وخبرة قديمة بالأسلحة والصيد )أشار عليك بنصيحته ومشورته وتفضيله للصيني بالنسبه لك في الوقت الحالي والمناسب لظروفك المادية وأخونا الأستاذ محمد رضا العبد ( وهو صياد قديم وله خبرته وتجاربه ) قال رأيه فيها وعن تجربة...فلا تتعجل ولا تتسرع وإستمع إلي آراء الخبراء القدامي وإستفد من خبراتهم وتجاربهم...ثم إتخذ القرار المناسب لك ولظروفك...خالص تحياتي واحترامي للجميع...

[BASiC]

انا شاكر جدا لاهتمامك وردك يا استاذ جلجل .......
بالنسبة للبندقية الصيني b3-2 فأنا من كتر ما سمعت عنها عجبتني بس موضوع قرب النيشان الخلفي من العين ده قالقني لأني جربت أضرب ببندقية صيني تقريبا هية b1-1 وهي كسر النيشان بتاعها على أخر الماسور من مكان الكسر يعني أبعد بكتيير من ال b3-2 والسبب ان في b3 التعمير بعتلة وطبعا غرفة التعمير واخدة مساحة بس ليه ميكونش النيشان قدام غرفة التعمير مش وراها لأني كنت بضرب بال b1 كويس (بس مصطدتش بيها خالص p: مش عارف العيب مني ولا من الطيور ).
هوة ده قلقي من البندقية دي.

ويا ريت لو فيه بندقية بنفس قوتها بس كسر حد يقولي عليها يبقا تمام..

ومتشكر مرة تانيه لاهتمامكم بالرد على موضوعي

[Consul]

المشاركة الأصلية كتبت بواسطة basic

انا شاكر جدا لاهتمامك وردك يا استاذ جلجل .......
بالنسبة للبندقية الصيني b3-2 فأنا من كتر ما سمعت عنها عجبتني بس موضوع قرب النيشان الخلفي من العين ده قالقني لأني جربت أضرب ببندقية صيني تقريبا هية b1-1 وهي كسر النيشان بتاعها على أخر الماسور من مكان الكسر يعني أبعد بكتيير من ال b3-2 والسبب ان في b3 التعمير بعتلة وطبعا غرفة التعمير واخدة مساحة بس ليه ميكونش النيشان قدام غرفة التعمير مش وراها لأني كنت بضرب بال b1 كويس (بس مصطدتش بيها خالص p: مش عارف العيب مني ولا من الطيور ).
هوة ده قلقي من البندقية دي.

ويا ريت لو فيه بندقية بنفس قوتها بس كسر حد يقولي عليها يبقا تمام..

ومتشكر مرة تانيه لاهتمامكم بالرد على موضوعي

أخي العزيز الأستاذ بازيك...إطمئن...العيب ليس منك أو من الطيور...هي عملية ظبط بسيطة في البندقية وبإستمرار مداومتك علي التدريب سيتحسن أداؤك...لا تقلق...ولكن في التدريب لا تبدأ في صيد الطيور مرة واحدة...إبدا أولا بالرماية والنيشان علي أهداف ثابتة...علب بلاستيك...زجاجات فارغة...كانز بيبس فارغ...علب كرتون...ومن مسافات مختلفة بالتدرج...من 5 متر ثم 10 متر ثم 15 متر...وبأوضاع مختلفة...وضع الوقوف...وضع ثني الركبة...وضع الإنبطاح علي الأرض...وهكذا...لا تتعجل وخذ وقتك في التدريب إلي أن تحفظ البندقة وتألفها وتتعود علي مسكتها الصحيحة وإتزان يدك وعدم إرتعاشها ولا تطرف بعينك كثيرا أثناء التركيز علي النيشان...وتنظيم نفسك...كل هذا بالتدريب وعدم الإستعجال...بحيث تكون أنت والبندقية قطعة واحدة...وفي حالة تفاعل وتناغم وحس مرهف...نرجع بقي للكلام السابق...فطالما أنك جربت البندقية ولم ترتاح لها...يبقي إسمع نصيحة راجل عجوز ولا تتعجل وتشتري بهذا المبلغ بندقية مستعملة...وتضيع فلوسك علي الفاضي...حرام...مالم أستطع شراؤه اليوم...إن شاء الله أستطيع شراؤه غذا...جمع فلوسك لتستطيع شراء بندقية مناسبة تحبها وتفرح بها وتمارس بها هوايتك وأنت سعيد وراضي...هذا رأيي...والإختيار أولا وأخيرا لك...خالص تحياتي واحترامي للجميع...

[black_arrow]

السيد المحترم / جلجل ... ربنا يديك الصحة نصيحتك ممتازة ورأيك سديد
انا بحاول اتعلم دلوقتي واستفيد من خبرات الناس لغاية ما اجيب سلاح لأن نفسي يكون عندي بندقية
بس شكلها كده هتبقى صيني طالما ناس كتير شكروا فيها .. وربنا يسهل