كل اعضاء المنتدي - الرجاء 5 دقائق من وقتك (مهم للغايه)

[wknm]

السلام عليكم

لن اطيل عليكم, انا من العضاء الجدد في المنتدى و قد تعرفت على عدد قليل منكم و لكن كم احببت هذا المنتدى و كم اثر في لدرجة اني اصبحت اعشق رياضة الصيد و قررت ان امارسها حتى الاحتراف انشاء الله.

لم تسنح لي الفرصه ان احضر الاجتماع لكي اتعرف على الكثير منكم و خاصة بعض الاشخاص الذين كانت تعجبني تعليقاتهم و لكن لظروف عملي لم استطع

من درجة حبي للمنتدى و كل المعاني النبيله التي احسستها هنا اظل افكر مرارا و لكن لم تكن بالقدلر الكافي لكي تحقق.

و لكن واتتني فكره جميله اردت ان اطلعكم عليها لو كنت حضرت.

الفكره بصيطه جدا و لكن لو نفذت سوف تكون لها دوي قوي و سوف تساعد البعض على الاضافه لها.

لقد قرات من احد الخوه عن فكرة المسابقه و هي فعلا ممتازة. طيب ماذا لو اضفنا لها تعليم الصيد و الرمايه و لكل واحد يريد الاشتراك يكون في مقابل مبلغ مادي بسيط يستطيع الكل دفعه و على هذا الاساس يتم انشاء صندوق خاص بالمنتدى او حساب في البنك يكون مسؤل عليه الاخوة الافاضل طاقم الاداره و يساعد هذا على تمويل اي مشاريع مستقبليه مثلا بعد تصميم كارنيه لكل عضو ممكن يتم عمل تيشرتات تحمل اسم و شعار المنتدى.

و ممكن الساده اصحاب محلات السلاح وضع اعلانتهم في الصفحه الرئيسيه للمنتدي برضو باسعار زهيده و تضاف للصندوق. و مستقبلا ممكن ادراج بعض رجال الاعمال للتبرع و ذلك لانشاء نادي للرمايه غير تابع لاي جها خاصه تريد الاحتكار

و ممكن في المستقبل انشاء فريق للرمايه يشارك في المسابقات المحليه و الدوليه!

ممكن نساعد كل شخص لا يكون في استطاعته شراء بندقيه! و نكسب سواب ادخال الفرحه في قلب شخص مجرد يتصفح ابواب المنتدى بحسره لانو مش قادر! او حتى لكل عضو عنده سلاح قديم يريد التبرع بيه و يتم ترميمه على حساب المنتدى و اهدائه لغير القادر!

ممكن نضع اهداف اخرى لبلدنا الحبيبه و من الممكن بعد اعداد اي مسابقه تكون مزاعه عبر التليفزيون او على الفضائيات مثل مسابقات كثيره تذاع و لكن من الاسف تافهه و ليس لها اي معنى مضاف!

سيدنا عمر وصى بتعليم اولادنا الرمايه من ضمن ثلاث انواع من الرياضه, فلماذا لا نحظه بأتباع اصحاب الرسول (ص) و بسنة الحبيب المصطفى و يتم انشاء مجموعات تعليم للاطفال من سن معين و يكون على يد الساده المحترفين حتى و لو بمرتب. فالكل سوف يدفع اشتراكات لابنائه!

ممكن كما قال احد الخوه انشاء محل صغير لعرض و بيع بعض المنتجات للهوايه و عرض متعلقات الاخوه المعروضه للبيع! و حتى من الممكن عمل مزاد للاشياء الثمينه مناظر نسبه للمنتدى!


والله يا جماعه لو فعلا بدئنا بهذه الافكار سوف تولد افكار اخرى اعظم و انا على استعداد المشاركه بكل خبراتي في مجال التسويق لان هذا ما ابرع بيه

و اترك لكم التعليق و طرح الافكار

شكرا لسعة صدركم و بالله التوفيق

[احمد حسن ادريس]

الله عجبتنى اوى فكرة انشاء نادى للرماية غير تابع لاى جهة او مساعدة الغير قادر على شراء بندقية الله ينور يارب تتنفذ

[عادل عبده]

اشطه موووووووووووووووووووت ايه ياعم الافكار الجامده طحن ديه ربنا يزيد دماغك قوه ياباشا

[wknm]

المشاركة الأصلية كتبت بواسطة عادل عبده

اشطه موووووووووووووووووووت ايه ياعم الافكار الجامده طحن ديه ربنا يزيد دماغك قوه ياباشا

الي بيحب حاجه لازم يفكر ازاي يكبرها و يعتز بيها

تحياتي

[كفافى1]

افكار جميلة تشكر عليها
تحياتى

[بلاش استغلال]

جد الله ينور يا استاذي

اول مره اشوف حد بيفكر في الاخرين و خاصة الغير قادر

ربنا يبارك فيك و ياريت الكل يشارك بافكار قيمه

[abdo92]

افكار تدل علي عبقريه صاحبها
شكرا لك

[wknm]

شكرا
تحياتي

[Peace Missile]

فكرة ممتازة جدا ونتمنى من الاخوة جميعا والادراة دراسه الموضوع ... موفق

[msa_79]

فاكرا جميلة جدااا ونتمني حضرتك تنضم للرابطه حتي تفيدنا بافكارك البناءه

[ahmadkhalaf]

براااااااافو .... بجد بجد عبقرى
يسلم عقلك
تحياتى

[m777md62]

الله ينور عليك يا أستاذنا ,, وكلامك كله جواهر والله ,, بس نفسى بجد أن الكلام ده يتنفذ ,, يعنى نفسى أن يبقى لينا كارنيه للمنتدى حتى لو ع حسابنا ,, ونفسى بردو زى ما حضرتك قولت نفتح باب الأعلانات فى الصفحة الشخصية ونتعاقد مع تجار كبار ويعملوا تخفيض خاص لأعضاء المنتدى ,, ونفسى يتعمل دورات للتدريب ع الصيد وازاى الواحد يشترى بندقية كويسة يتعلم عليها ويعرف الأنواع والأمكانيات عشان الناس اللى زى حالاتى تقدر تنزل تشترى وهيا مطمنة ,, لأنى مثلا ما عنديش ولا بندقية بالرغم من انى بعشق الصيد من صغرى بس مشكلتى مش فى انى اجبها ,, المشكلة فى بعد كدا ,, يعنى مين اللى هيعلمنى أنا واللى زيى ,,, ومين اللى يقولنا ع أماكن الصيد ويدربنا ,,, ياريت فعلا يا باشا نهتم بكلام حضرتك ونفذه ,,,, تحياتى ليك ,,وبشكرك كل الشكر على الأفكار الجميلة دى ,,,,,,,,,,

[Android man]

فكرة جميلة جدا جدا وحلم نرجو تحقيقة
ولاكن معلومة مهمة جدا الرسول لم يوصي علي الرماية بل عمروبن الخطاب هوا من قال عملو ابنائكم السباحة والرماية وركوب الخيل
وشكراً

[braveheart]

المشاركة الأصلية كتبت بواسطة m777md62

الله ينور عليك يا أستاذنا ,, وكلامك كله جواهر والله ,, بس نفسى بجد أن الكلام ده يتنفذ ,, يعنى نفسى أن يبقى لينا كارنيه للمنتدى حتى لو ع حسابنا ,, ونفسى بردو زى ما حضرتك قولت نفتح باب الأعلانات فى الصفحة الشخصية ونتعاقد مع تجار كبار ويعملوا تخفيض خاص لأعضاء المنتدى ,, ونفسى يتعمل دورات للتدريب ع الصيد وازاى الواحد يشترى بندقية كويسة يتعلم عليها ويعرف الأنواع والأمكانيات عشان الناس اللى زى حالاتى تقدر تنزل تشترى وهيا مطمنة ,, لأنى مثلا ما عنديش ولا بندقية بالرغم من انى بعشق الصيد من صغرى بس مشكلتى مش فى انى اجبها ,, المشكلة فى بعد كدا ,, يعنى مين اللى هيعلمنى أنا واللى زيى ,,, ومين اللى يقولنا ع أماكن الصيد ويدربنا ,,, ياريت فعلا يا باشا نهتم بكلام حضرتك ونفذه ,,,, تحياتى ليك ,,وبشكرك كل الشكر على الأفكار الجميلة دى ,,,,,,,,,,

أولا أشكر كاتب الموضوع علي الأفكار البناءة و الجميلة التي تعتبر إضافة لأقتراحات الأعضاء بالرابطة التي نتمني أن ينضم لها كل الأعضاء ... و ردا علي أستفسار الأستاذ / m777md62 .. فبالفعل نحن بإجتماع الرابطة قمنا بالتعرف علي الأعضاء الجدد بالمنتدي و الرابطة و قمنا بأسناد مهام تعليمهم الصيد و الخروج معهم لصيادين محترفين مثل : محمد سيد و محمود شلبي و الروك و عصام عاصم و أمير سعد و أخرون ، بحيث يقوم كل عضو محترف بأن ينسق مع العضو المبتدأ للخروج لطلعات صيد لتعليمهم أساسيات ضبط الناشينكان قبل الخروج للطلعة ، ثم التدريب عمليا أثناء رحلة الصيد .. و بالتوفيق للجميع.

[hesham[MaFya]a]

الله عليك فكرة جميـــلة بس ياريت تتنفذّ!

[wknm]

المشاركة الأصلية كتبت بواسطة msa_79

فاكرا جميلة جدااا ونتمني حضرتك تنضم للرابطه حتي تفيدنا بافكارك البناءه

انشاء الله

تحياتي

[wknm]

المشاركة الأصلية كتبت بواسطة m777md62

الله ينور عليك يا أستاذنا ,, وكلامك كله جواهر والله ,, بس نفسى بجد أن الكلام ده يتنفذ ,, يعنى نفسى أن يبقى لينا كارنيه للمنتدى حتى لو ع حسابنا ,, ونفسى بردو زى ما حضرتك قولت نفتح باب الأعلانات فى الصفحة الشخصية ونتعاقد مع تجار كبار ويعملوا تخفيض خاص لأعضاء المنتدى ,, ونفسى يتعمل دورات للتدريب ع الصيد وازاى الواحد يشترى بندقية كويسة يتعلم عليها ويعرف الأنواع والأمكانيات عشان الناس اللى زى حالاتى تقدر تنزل تشترى وهيا مطمنة ,, لأنى مثلا ما عنديش ولا بندقية بالرغم من انى بعشق الصيد من صغرى بس مشكلتى مش فى انى اجبها ,, المشكلة فى بعد كدا ,, يعنى مين اللى هيعلمنى أنا واللى زيى ,,, ومين اللى يقولنا ع أماكن الصيد ويدربنا ,,, ياريت فعلا يا باشا نهتم بكلام حضرتك ونفذه ,,,, تحياتى ليك ,,وبشكرك كل الشكر على الأفكار الجميلة دى ,,,,,,,,,,

شكرا اخي الفاضل
من احدى الاقتراحات الجديده ممكن نعمل زي الويب سايت بتاع البع على النت. ان الساده اصاب الحلات و التجار تزويد شخص مسؤل بالاسعار و يتم دمج هذا في الويب بتاع المنتدي بحيث اي واحد عايز يستفسر عن اي شيء يعمل search بالمواصفات الي عايزها و بكدا نوفر على الساده التجار مجهود الر على كل رساله و كمان نوفر على الاعضاء وقت النتظار الطويل لحد محد يرض عليهم دا لو سنحت الوقت و تم الرد لان سعات الرد بيكون مش كامل فيطر العضو بالسؤال من جديد مم يسبب الحرج على نفسه!
والله يا جماعه كل واحد ممكن بس يحلم و احنا ممكن نحول كل الافكار لطريقه سهلة التنفيز

تحياتي

[يونس]

تبقي حاجه كويسه جدا جدا لو اتعملت بنيه صافيه

[اسامة]

ربنا يبارك فيك و ياريت الكل يشارك بافكار قيمه

[hosam hamza]

فكره رائعه مشكور عليها

[wknm]

يا جماعه انا شاكر بس لازم الخوه الافاضل من الاداره يدونا رايهم و نحدد الاهداف الي لازم نعملها

برضو مهم ان يكون للمنتدى رؤيه و مهمه و قيم تكتب و تعلن تماما زي اي شركة

احنا ممكن نعمل كتير والله بس نقرر ايه بالظبط ثم نعقد النيه و نحط جدول زمني و نتكل على الله

[mahmoudalaa]

افكار جامده جدا ومهمه ومن راي بالنسبه للكارنيهات يكون ي روم اصدار كارنيه ولو رمزيه وبردو موضوع التيشرتات المطبوعه مقابل مبالغ ماديه يتم وضعها في حساب بنكي خاص بالرابطه و هي في نفس الوقت لها غرضان العائد المادي والكارنيهات تفيد الاعضاء في حال تعرضهم لاي مسائله بخصوص حمل البنادق والتيشرتات تقوم بنوع من الدعايه او حتي يكون لها طابع خاص وتكون مموهه ويرتديها الاعضاء اثناء الصيد و تدعم الموقف ايضا في حال المساءله وديه اسهل خطوات يمكن البدء بيها و في نفس الوقت لها مفعول جيد وستاتي بالعائد ليسهل البدء بتنفيذ باقي الافكار
ولا ايه رايكم

[silver_5000]

و الله فكرة جميلة جدا و طريقة طرحها جميلة جدا و مفتكرش انها تصدر غير من انسان اجمل و اجمل , و اكتر ما عجبنى فيها حكاية مساعدة الغير لانى فعلا يصعب عليا اوى ان حد يبقى بيقرا كلامنا و نفسه يجرب المتعة اللى احنا حاسين بيها و مش قادر علشان معهوش فلوس يشترى بندقية , بس ليا تعليق صغير على جزئية صغيرة ف كلامك و يا ريت متزعلش منى و هى الجزئية دى :

المشاركة الأصلية كتبت بواسطة wknm

السلام عليكم

الرسول وصى بتعليم اولادنا الرمايه من ضمن ثلاث انواع من الرياضه, فلماذا لا نحظه بسنة الحبيب المصطفى و يتم انشاء مجموعات تعليم للاطفال من سن معين و يكون على يد الساده المحترفين حتى و لو بمرتب. فالكل سوف يدفع اشتراكات لابنائه!

اعتقد ان ده كلام سيدنا عمر بن الخطاب رضى الله عنه و أرضاه مش كلام الرسول صلى الله عليه و سلم

[Hunter 611]

جزاك الله كل خير
كلام جميل ومنظم
بالتوفيق

[wknm]

المشاركة الأصلية كتبت بواسطة silver_5000

و الله فكرة جميلة جدا و طريقة طرحها جميلة جدا و مفتكرش انها تصدر غير من انسان اجمل و اجمل , و اكتر ما عجبنى فيها حكاية مساعدة الغير لانى فعلا يصعب عليا اوى ان حد يبقى بيقرا كلامنا و نفسه يجرب المتعة اللى احنا حاسين بيها و مش قادر علشان معهوش فلوس يشترى بندقية , بس ليا تعليق صغير على جزئية صغيرة ف كلامك و يا ريت متزعلش منى و هى الجزئية دى :



اعتقد ان ده كلام سيدنا عمر بن الخطاب رضى الله عنه و أرضاه مش كلام الرسول صلى الله عليه و سلم

شكرا لردك الجميل

بصوا يا جماعه لازم يكون في ايراد للمنتدى علشان تحقيق اي مشاريع

من غير الماده هتبقى كل حاجه احلام

ممكن علشان اصدار كارنيه يكون عائد اشتراك شهري يتم تحديده من قبل الاداره حتي يتثنى للمنتدى تاجير مقر اولا و هذا اهم شيئ حتى نستطيع في المستقبل انشاء كيان معترف بيه

من هذا يمكن لاي نشاط للمنتدى ان يكون علنيا و معترف بيه و يا ريت لو في حد في المنتدى محامي يفيدنا
و الاهم من اليرادات يتم شراء اسلحة صيد و يتم انشاء لجنه مسؤليتها التاكيد و البحث عن حقيقه اي مشترك يرغب في اقناء سلاح ممول من المنتدى حتى التاكد فعلا انه غير قادر
و سدقوني مفيش احلى من لذه عمل الخير. مش كده ولا ايه

[بلاش استغلال]

والله يا سيدي دماغك دي شكلها متكلفه
مش شايف حد من الاداره مهتم يعني?
الموضوع شكلو حيتحط في الدرج
بس والله حتى لو الناس معملتش حاجه يبقى ليك شرف المحاوله
شكرا لااك بتفكر في الاخرين

[lilkapo]

مقدرش اقولك غير بجد تسلم دماغك فعلا عبقرى وفكرة روعة

[بخبخ]

انا لسه مسجل في المنتدى دلوقت و ده اول كلام اكتبه
انا لسه مش عارف الدنيه هنا فيها ايه بس بصراحه كلامك جامد و ياريت اقدر اساعد بحاجه
انت والله جامد

[wknm]

المشاركة الأصلية كتبت بواسطة بلاش استغلال

والله يا سيدي دماغك دي شكلها متكلفه
مش شايف حد من الاداره مهتم يعني?
الموضوع شكلو حيتحط في الدرج
بس والله حتى لو الناس معملتش حاجه يبقى ليك شرف المحاوله
شكرا لااك بتفكر في الاخرين

سيدي الفاضل
الواخد بيكتهد و خلاص
اما اين سينتهي هذا الموضوع فليس من شئني ولا شأنك (بدون زعل)
و ياريت عدم اقحام الاداره في شيئ

الموضوع كله افكار و اقتراحات
و لو الموضوع حيتحول الى تلميحات و يصبح مثل المواضيع التي تمتد حتى الجدال وقتها يا ريت الاداره اغلاق الموضوع
تحياتي