رحله بالفيوم ابريل 2009

[مهندس كرم النجار]

رحله رائعه رغم حراره الجو

[charesma]

ازاى يعنى ؟

[Gamo]

هو فى ايه ياجماعه

[عمر المختار]

أستغفر الله العظيم

هو فية اية فين الصور ؟؟؟؟؟؟؟؟ !!!!!!!!!

[avn311]

طيب فاهمونا طيب رحله ايه

[noricawy isa]

ايه ياعم الرحله الوهميه دي مش شايفين حاجه ههههههههه - اديييييييييييني عقلك

الاخوة الاعضاء مع احترامي الي الجميع لازم يكون في احترام بين الجميع وعيب جدا الكلام الي مكتوب دة اشتغاللات وحركات احنا بنتعامل مع ناس محترمة والمهندس كرم النجار راجل محترم جدا ورحلاتة كتير ولو سمحتم ودة نداء الي الاخوة الاعضاء الجدد الي احنا بنعتبرهم اخوانا الصغار
ان يلتزموا باسلوب الكتابة الذي لايخرج عن النص مهما كانت الاسباب وارجو من الاستاذ / عاصم متابعة هذا الموضوع باهتمام لان مش اداب المراسلة والتحدث ان نتعرض الي اسلوب سوقي متدني بهذة الدرجة

جلال خليفة

[عمر المختار]

ياأستاذ جلال إحنا مش قصدنا إننا نتكلم بعد إحترام
إحنا بس بنهزر مع أخونا الكبير
وليس أسلوب سوقي أو متدني فأنا لا أري فيما كتب أي كلام سوقي أو متدني
وواضح من الكلام أنة هزار مع أخونا العزيز المهندس كرم النجار

ودة نص الكلام الي واضح جدا أنة هزار

هو فى ايه ياجماعه
أيه ياباشا أمال فين الموضوع ولا ده كذبه إبريل
ايه ياعم الرحله الوهميه دي مش شايفين حاجه ههههههههه - اديييييييييييني عقلك

وعلي فكرة يمكن المهندس كرم هو عامل الموضوع ده علشان يهزر مع إخوانة في المنتدي ودة المؤكد

[عمر المختار]

المشاركة الأصلية كتبت بواسطة ~aragon~

وارجو من الاستاذ / عاصم متابعة هذا الموضوع باهتمام لان مش اداب المراسلة والتحدث ان نتعرض الي اسلوب سوقي متدني بهذة الدرجة

جلال خليفة

ياأستاذ جلال مع إحترامي الشديد ليك إحنا مش سوقيين ولا متدنين نحن طلبة جامعين وفي من الأوائل علي الدفعة وإلي هيتعينوا أساتذة في الجامعة وإن كان هزاري مع حبيبنا المهندس كرم بهذا الوصف الذي وصفتة فأنا أسف

ولا داعي لمتابعة الاستاذ عاصم فإن كنت تريدون تصفيتنا من المنتدي أنا مستعد ان أنسحب من تلقاء نفسي فالهواية في أي مكان وزمان وإن كان سيصعب علينا فراقكم.

وجزاكم الله خيرا.

[طلعت بخيت بسكالس]

أستاذ عمر تحية طيبة وبعد\
أرجوك ماتزعلش من كلام أستاذ جلال وأحنا عارفين وواثقين أنكم أحسن ناس .
وبعدين تنسحبوا أيه ياعم دا أنتوا الخير والبركة ونوارة المنتدي كل الحكاية أني أنا مثلا وأستاذ جلال وأخونا المهندس كرم يمكن من جيل مختلف عن جيلكم أحنا رايحين علي الخمسينات من عمرنا (بصاروخ ) جيل أتربي بالحديد والنار وأبوينا كان أهم حاجة بيزرعوها فينا الأحترام مش معني كده أن جيلكم معاذ الله قليل الأحترام ولكن تقدر تقول أن مفردات اللغه أختلفت .
لذلك جاءت لهجة أخويا الأستاذ جلال شديده شويه علي هذا النحو ولكنه طبعا لايرغب بأن يترك أحدكم أبدا المنتدي (دا أحنا بنقول يارب صياد جديد ) لأن الهواية دي بتنقرض خاصة في مصر .
تقوم تقوللي نسيبكم يارررررررراجل .
صلوا علي النبي جميعا وحصل خير

[عمر المختار]

لا مفيش أي حاجة ياأستاذ طلعت أنتو والله في مقام الوالدين ووالله أنتو الخير والبركة وأنا وكل الشباب الي هزروا مع المهندس كرم بنقولكم إحنا أسفين
انا والله مكنتش اعرف فرق السن وعلي فكرة انا عمري ماهزرت انا طول عمري جد ويوم ماحبيت اهزر اتفهمت غلط وانا بكرر اسفي واعتزاري وانتم كلكم حبايبنا

[noricawy isa]

ايه ياجماعه مالكو قلبتو الموضوع جد كده دي تعليقات عاديه وهزار واكيد مفيش حد من الاعضاء يقصد الاهانه او التقليل بأي حد احنا كلنا اخوان عادي ياجماعه كبرتو الحوار وهوه اصلا صغير وانا اسف لو كان ردي يدايق بس والله مقصد اي اهانه او تقليل من شأن الاخرين واكرر اعتذاري - تحياتي - نوريكاوي

[galal khalifa]

الاستاذة الي كاتبين بيقولوا انهم طلبة جامعين وانهم اوائل الدفعة والي بيقولوا ان الموضوع هزار او تهريج الموضوع ممش محتاج تهريج او هزار لان الاعضاء كلهم متحفزين لبعض بطريقة
غريبة وانا لما بقول كدة مش بقصد حد بعينة انا بتكلم علي العموم
بدليل ان في موضوع لبيع بندقية تطور الي اسلوب غير حضاري في ادارة الحديث وبعدين انت اول الدفعة المفروض انك كمان كام سنة ممكن ان شاء الله تكون معيد في الجامعة ها تدخل علي الطلبة تقولهم اشطة وما تشتغلنيش اتحداك انك تقيل دة ولو علي سبيل التهريج بلاش يا جماعة نغلط بعض وانفسنا بردة الي لايقبل علي النفس لا يقبل علي الاخرين ونا بقول كدة لاني بصراحة عايز الاخوة الجدد صغار السن يكونوا علي قدر المسئولية لانهم الامل في بكرة في المستقبل ارجو ان تكون الرسالة وصلت

[عمر المختار]

وصلت ياأستاذ جلال
جزاك الله خيرا علي النصيحة

[walther]

بسم الله الرحمن الرحيم
انا عن نفسي اؤيد كلام جلال بك خليفه وهوه عبر عن اللي في نفسي من اول ما لغه الحوار اتغيرت في المنتدي
بصراحه انا المنتدي ده اتعرفت منه علي اناس اقل ما يقال عنهم عظماء في هوايتهم وفي تفكيرهم وفي مقامهم وفي تعليمهم
يعني مثلا علي سبيل المثال لا الحصر
1: عقيد حسام بك الجيار وعائله الجيار دي معروفه جدا فضلا عن مركزه الحساس في الجيش
2: مهندس طلعت وده غير انه باشمهندس وفي سن اخويا الكبير الادب والاخلاق ذاتها
3: جلال بك خليفه ادب اخلاق علم وموده من غير ما اشوفه ولا يشوفني ومجرد مكالمه تليفون واحده
4: احمد بك ادب فكر اخلاق علم فلسفه استاذي و........................................... وموده وعلي طول بالتليفون مع بعض الغريب اني اول ما شوفت صورته وصور العائله الكريمه فعلا تربيه بشاوات
5: مهندس محمد السيد علم اخلاق دم خفيف و...........................
6: كاريزما حبيته من مجرد صوره وثقته في نفسه
وغيرهم بس انا ملاحظ ان العمليه بقت صلي علي النبي وياعم فكك وايه انته داخل سوق خضار و ههههههه و كلام يحمل اكثر من معني
طب ايه الحل
1: ياامه نتكلم وننتقد ونوجه وده طبعا مش بيعجب الاخوه صغار السن ويبقي الرد انا كنت بهزر او ماكنتش اقصد
2: ياامه يقولوا ننسحب من المنتدي بيفكروني بالشباب في سن ال 16 الي 18 لما بيكونوا بيحاولوا يعملوا شخصيه لنفسهم ويقولوا مش متغديين او مش متعشي ولدي الله يرحمه كان عنده رد واحد هوه ادخل حجرتك ومتخرجش منها الا الصبح ده طبعا بعد ما الولد تقول لاء لازم تاكل
3: يا أمه ننسحب احنا حفاظا علي الكرامه

انا ايام ماكنت معيد كنت بتعامل مع الطلبه بمنتهي الاحترام والموده وهمه كمان كانوا بيحبوني ويخافوا يزعلوني مش علشان شي الا زعلي وحضرت حفله تخرج العديد والعديد منهم ( كم كنت اشعر بالفخر ان هؤلاء الطلبه درست القانوا علي يدي ) وحضرت افراح الكثير منهم طلبه وطالبات واكم من مرات بكت عيناي حين يصيحون محبه واحترام باسمي ويعترفوا بفضل هو في الاصل واجب علي قمت بتاديته

فين بقي ياجماعه ده جوه منتدي يهتم بهوايه منقرضه ؟؟؟؟؟؟؟؟؟؟؟؟؟

واللهي فكرت اكتر من مره الغاء العضويه بس اللي بيمنعني الناس اللي بحبهم لما اتخيل اني مش حعرف اخبارهم ولا اقراء كلامهم
استحلفكم بالله كفايه وياريت الاخوه الصغار سننا بالمنتدي يركزوا ويحاولوا يتعلموا اسلوب الحوار اللي ينفع نتكلم بيه مع الناس القدامي بالمنتدي

[walther]

بسم الله الرحمن الرحيم
اما المشاركه دي فمخصوص علشان الاعتذار للمهندس كرم النجار
وبقولك يا باشمهندش انا اسف علي لغو الحديث ده امسحوا فيه وارجوا ان لا يوثر ذلك علي مشاركاتك معنا

[عمر المختار]

الكل يعلم أن المهندس كرم النجار من عظام المنتدي ولا أحد يفكر في مجرد الهزار معه.
ولاكننا نعطي مواضيع الخلافات إهتماما أكبر من حجمها .

[walther]

بسم الله الرحمن الرحيم
الهزار بيكون بحدود وله اسلوب مع كل واحد يعني لكل ذي مقام مقال
طبعا الواحد ممكن يهزر مع انتيمه باسلوب ومع صاحب انتيمه باسلوب ومع اصدقائه باسلوب ومع معارفه باسلوب و و وو ووو
المهم المنتدي ياجماعه خاص بالصيد مش بالهزار يعني المفروض ان فيه ناس كتير من مصر ومن دول اخري بتدخل وتشوف فلازم نكون عند حدود اللياقه علشان شكلنا امام الناس
وله ايه؟؟؟؟؟ اما مواضيع الخلاف مش بتاخذ اكتر من حجمها يا استاذ عمر هيه بس مجرد قواعد بيتم ارسائها

[ابو الشوق]

فين بقى الصور

[وليد الشيمى]

احلى حاجة فى الموضوع ده .. ان الناس كلها دخلت فى بعض علشان خاطر المهندس كرم وهو لحد دلوقتى لم يشارك فىالمعركة ولا حتى نزل صور الرحلة اياها علشان يوقف رحى الحرب

[عمر المختار]

المشكلة مش في المهندس كرم
المشكلة إن في ناس بتتصيد الأخطاء حتي ولو مش كانت مقصودة ونقعد نعيد ونزيد في الكلام كأن الناس معصومة من الخطاء (وإن لم يكن خطاء) المفروض يبقي التنوية مرة مش كل شوية.

[galal khalifa]

الاخوة الاعزاء
انا مانكنتش ناوي اكتب في الموضوع دة تاني بس انتم الي عايزين تعيدو وتزيدوا في الموضوع ومافيش حد بيصيد الاخطاء زي ما الاخ عمر المختار بيقول والموضوع مش موضوع الاخ كرم الموضوع اسلوب الخطابة او الكتابة وطبعا الناس ها تقول احنا كنا نبهزر ومش قصدنا هوة في كام واحد في المنتدي يعرف التاني شخصيا وفي بينهم عشم ومعرفة هي شلة واحدة محافظة علي علاقاتها ولا يمكن لات حد فيهم ان يتعدي حدود اللباقة وهم ( المهندس طلعت المهندس وليد الشيمي - الاستاذ اشرف باهي - المقدم احمد - الاستاذ هيثم - الاستاذ عماد والاستاذ هيثم ) وكلنا بنتعامل مع بعض في منتهي الشياكة وحتي الاعضاء الي بنتكلم معاهم علي التليفون
وخاصة الاستاذ الكبير / عمرو ابو العلا
وعلي فكرة انا شخصيا ممكن افكر جديا في عدم المشاركة في اي حوار لان الموضوع بقا مافهوش شياكة في الكلام

[galal khalifa]

احصايئه بسيطة لعدد المشاركات في هذا الموضوع
عمر المختار عدد 7 مرات
جلال خليفة عدد 3 مرات
نوركاوي عدد 2 مرة
والتر عدد 3 مرات
كلا من الاساتذة / وليد وطلعت وكارزما وجامو وارجون
و anv11 مرة واحدة
ارجو من اصحاب العقول والرائ السليم ان يوضحوا لنا من هو الذي يزيد ويعيد او من يحب ان يكتب في المواضيع بدون هدف
انا مستني الردود

[msa_79]

لا حول ولا قوة الا بالله العلي العظيم
روي عن علي بن ابي طالب رضي الله عنه انه قال( التمس لأخيك سبعين عذرا فإن لم تجد له عذرا فقل لعل له عذرا)
والكلمه دية مقصدش بيها شخص معين انا اقصد بيها كل اللي شاركو في الموضوع يعني بداية من صاحب الموضوع
وشكرا

[طلعت بخيت بسكالس]

المشاركة الأصلية كتبت بواسطة msa_79

لا حول ولا قوة الا بالله العلي العظيم
روي عن علي بن ابي طالب رضي الله عنه انه قال( التمس لأخيك سبعين عذرا فإن لم تجد له عذرا فقل لعل له عذرا)
والكلمه دية مقصدش بيها شخص معين انا اقصد بيها كل اللي شاركو في الموضوع يعني بداية من صاحب الموضوع
وشكرا

الله يفتح عليك...الله يفتح عليك....الله يفتح عليك.....الله يفتح عليك
أرجوكم بعد هذه الخاتمة الرائعة اللي كتبها الراجل ده التي تفيض بمنتهي الحب لكل الناس أن توقفوا الكلام فى هذا الموضوع
وليتفضل عليا الجميع بقبول تحياتى وأحترامي

[عمر المختار]

أهو الراجل قال الحديث الشريف (التمس لأخيك سبعين عذر)
تاني حاجة المشاركات كتيرة ردا وليس هجوما.
وجزاكم الله خيرا وإحنا كنا سكتنا ولاكن كل أما الموضوع يهدي يجي أخ جديد ويتكلم في إلي فات.
ياجماعة مينفعش كدة وأنا من هنا بطالب رد المهندس كرم ويوضح الموضوع علشان انا متأكد أنة كان بيهزر وهو قابل الهزار وأنا متأكد من كلامي

[msa_79]

المشاركة الأصلية كتبت بواسطة عمر المختار

أهو الراجل قال الحديث الشريف (التمس لأخيك سبعين عذر)

اولا:الاخ عمر توضيح مهم (التمس لاخيك سبعين عذرا) ليس حديث انما هيا مقوله رويت عن سيدنا علي بن ابي طالب رضي الله عنه
ثانيا: اعتقد ان كلمة الاستاذ طلعت بخيت كانت كفيله بإنهاء الموضوع ده
اتمني من مشرف المنتدي اغلاق الموضوع

[galal khalifa]

في الزمن البعيد وبعد موت عظماء الفلاسفة امثال ( افلاطون-
سقراط - ارسطو ) ظهر مجموعه من الفلاسفة اطلق عليهم
السوفسطائين وكانوا فلاسفة بدون فلسفة يقوم منهجهم
علي المناقشة من اجل المناقشة والمحاورة من اجل المحاورة
ولم يكتب لهم النجاح في اي علم من العلوم فالفلسفة التي
كانت ومازالت ام العلوم هي مهد المعرفة والعلم
ارجو منكم جميعا ان تفهموا مابين السطور لان مابينها اهم مما هي تعني .