سؤالين عن الخرطوش من فضلكم

[النشنجي]

السلام عليكم

من فضلكم أنا ربنا سهلي كدة بواحد عندة بندقية خرطوش وهطلع أصيد معاة أوز عراقي لانة بدأ يملا مشاتل الارز عندنا في المنصورة لكن المشكلة ان الراجل صاحب البندقية دي وارثها من أبوة وعمرة مضرب بيها غير في الافراح فموضوع الصيد دة جديد علية خالص وأنا كمان مبعرفش غير في بنادق ضغط الهواء فدلوقت فية سؤالين
الاولاني ودة يعتبر سؤال حياة أو موت فياريت يا إخواتي الاعزاء إللي يجاوبني يجاوبني عن تجربة عملية

السؤال الاول : دلوقت الاراضي ملانة غلة نشفة قش يعني لسة الفلاحين مشالوهاش من الارض والغلة دي بالفدادين
فدلوقت الاوز العراقي بيبقي واقف وقدامة أو وراة غلة والغلة دي مزروعة بالفدادين فدلوقت لو الطلقة الخرطوش فوتت وجت في الغلة دي تولع فيها يعني هل الشظايا إللي بتطلع من الطلقة الخرطوش بتطلع مولعة أو سخنة بالشكل إللي يخليها تولع في قش الغلة بحيث حتة لو الطللقة أصابت الوزة لكن في بعض شظايا فوتت تعمل مشكلة لان الغلة دي بالفدادين يعني لو مسكت فيها هتعمل كارثة هيبقي فيها سجن وإللي بيخليني أسأل السؤال دة كنت بشوف في الافلام بيقولو ة هدوم المجني علية محروق مكان الاصابة بالرصاصة

السؤال الثاني : أنا عاوز أعرف هي البندقية الخرطوش دي أضرب بيها الوزة على مسافة أد إية كدة عشان تموتها يعني مدا البنادق الخرطوش دي قوي واللا إية حكايتها يعني عاوز أعرف مداها بيوصل لاد إية عشان أعمل حساب الناس إللي واقفة كما

معلش يا جماعة طولت عليكم لكن أنا بس خايف جدا فحبيت أشرح كتير عشان أوصلكم سؤالي
وأخيرا طبعا عندي ثقة في سعة صدوركم النبيلة
ومتشكر جدا وجزاكم الله خيرا