يمام بيطير بالليل معقول ؟!!!!!

[sniper falkon]

يا جماعه انا عايز حد يساعدني في المشكلة دي .. انا اول مرة اجرب الصيد بالليل
روحت على مكان المفروض انه مليان يمام ,, لكن المشكلة اني لما كنت بقرب من الشجر اليمام كان بيطير لما بيسمع صوت خطواتي على ورق الشجر الجاف اللي في الارضية
وبصراحه رجعت صفر اليدين وكنت مضايق جدا ...
ياريت حد من اصحاب الخبرة يدلني ع الحل .. ولكم جزيل الشكر

[زيدان مصر]

اعتقد انك اذا لبدت من المغرب فى مكان معين متغطى ولم تتحرك كثيرا قد تكون على اول الطريق الصحيح ان شاء الله ...... كن صيادا واصبر ثم اصبر ثم اصبر وسوف تتمكن ان ان شاء الله ..... الصيد رزق مش بس حرفنه و بندقيه يمكن مكنش ليك نصيب الليله .... قول يا رب يا رزاق و متزهقش .....تحياتى

[mohamed2010habib]

حصلت معايا,,,,,,,,,,لما اليمام كان بيحس بحركه كان بيخلع,,,,,,,رغم ان كنا بالليل

[sniper falkon]

المشاركة الأصلية كتبت بواسطة زيدان مصر

اعتقد انك اذا لبدت من المغرب فى مكان معين متغطى ولم تتحرك كثيرا قد تكون على اول الطريق الصحيح ان شاء الله ...... كن صيادا واصبر ثم اصبر ثم اصبر وسوف تتمكن ان ان شاء الله ..... الصيد رزق مش بس حرفنه و بندقيه يمكن مكنش ليك نصيب الليله .... قول يا رب يا رزاق و متزهقش .....تحياتى

شكرا على الرد زيدان بس انا بصراحه معنديش صبر ان اقعد من المغرب مستني السما تمطر يمام هههههههههههههههه .. ع العموم انا بحاول اشق طريق من خلال التمويه وعمل كمين وبصراحه الصيد بالنهار امتع بكتير وفي اثارة اكتر خاصة لما تتوقع تحركات اليمام وتستناه في المكان المناسب وانت ورزقك زي ما قلت يتقع ويا اما رصاصة وراحت

[فارس بلا جواد]

والله يا آخى وانا فى البلد سوهاج منذ فترة شوفت واقعة غريبة جداً بمناسبة الصيد ليلا احد الاشخاص والذى حسب ما عرفت من احد أقاربى هناك أنة صياد همام وبيرجع باعداد كثيرة جداً تصل آلة المئات من اليمام والعصافير وبيقوم بصيدهم ليلا يأخذ ما ياخذة الى بيتة والباقر يقوم ببيعة قلت أخذ نفسى واعرف بعض المعلومات عن هذا الصياد الهمام وما نوعية بندقية واليى تخيلتها حاجة اسطورة او على الاقل خرطوش وكانت المفاجأة هذا الرجل يستخدم احد المواد وبعد حرقها تحت الأشجار التى تنام بها هذا الطيور ليلا ومن صد الدخان الصاعد الى الشجرة تتساقط تلك الطيور مثل ورق الشجر وطبعا إحنا عندنا فى بلدنا مغاغة بسوهاج يوجد الكثير من هؤلاء الاشخاص يبيعون تلك الطيور بعد طهيها وتقديمها للناس فى رغيف عيش ومعها بعض من السلاطات ههههههههههه وانا بالمناسبة يما أكلت أنا واصدقائى منذ الصغر من هذة الطيور وعمرى ما تخيلت انها تصطاد بهذة الطريقة اة رايك بقى فى هذة الطريقة ههههههههههه

[ابو مروان]

ممكن يكون بيولع با نجو واليمام يتسطل؟_هههههههههههههه

[احمد فتحي]

ده حرام يامعلم لازم الطريده تكون مدبوحه

[وليد سعد زغلول]

ربنا يرزقك الصيد الوفير إن شاء الله وتقبل تحياتي ودمت في أمان الله

[sniper falkon]

المشاركة الأصلية كتبت بواسطة فارس بلا جواد

والله يا آخى وانا فى البلد سوهاج منذ فترة شوفت واقعة غريبة جداً بمناسبة الصيد ليلا احد الاشخاص والذى حسب ما عرفت من احد أقاربى هناك أنة صياد همام وبيرجع باعداد كثيرة جداً تصل آلة المئات من اليمام والعصافير وبيقوم بصيدهم ليلا يأخذ ما ياخذة الى بيتة والباقر يقوم ببيعة قلت أخذ نفسى واعرف بعض المعلومات عن هذا الصياد الهمام وما نوعية بندقية واليى تخيلتها حاجة اسطورة او على الاقل خرطوش وكانت المفاجأة هذا الرجل يستخدم احد المواد وبعد حرقها تحت الأشجار التى تنام بها هذا الطيور ليلا ومن صد الدخان الصاعد الى الشجرة تتساقط تلك الطيور مثل ورق الشجر وطبعا إحنا عندنا فى بلدنا مغاغة بسوهاج يوجد الكثير من هؤلاء الاشخاص يبيعون تلك الطيور بعد طهيها وتقديمها للناس فى رغيف عيش ومعها بعض من السلاطات ههههههههههه وانا بالمناسبة يما أكلت أنا واصدقائى منذ الصغر من هذة الطيور وعمرى ما تخيلت انها تصطاد بهذة الطريقة اة رايك بقى فى هذة الطريقة ههههههههههه

والله ده راجل رايق ومريح دماغه خالص ههههههههههههه
بس للاسف لو كان اليمام بيموت يبقا مينفع يتاكل لانه لازم يسيل دم

[sniper falkon]

المشاركة الأصلية كتبت بواسطة ابو مروان

ممكن يكون بيولع با نجو واليمام يتسطل؟_هههههههههههههه

كده الصيد هيبيعه هدومه لان كل ما هيجي يصطاد هيروح يشتري بانجو ههههههههههه

[sniper falkon]

المشاركة الأصلية كتبت بواسطة وليد سعد زغلول

ربنا يرزقك الصيد الوفير إن شاء الله وتقبل تحياتي ودمت في أمان الله

آآآآآآآآآآآآآآآآآآآآمين ربنا يسمع منك .. ده انا بيجلي احباط لما بشوف صور الناس اللي بتصطاد كميات ههههههههههههههه

[sniper A]

هى سوهاج فيها مغاغه؟؟

[تامر عصام]

المشاركة الأصلية كتبت بواسطة sniper a

هى سوهاج فيها مغاغه؟؟

آه صحيح دى مغاغة فى المنيا

[mustafa-amer]

شوف يا باشا

الصيد ليلا له اصول و هذا التوقيت المفضل لي
1- تجنب الصيد في الليالي القمرية " لازم ما يكنش القمر طالع" يإما طلع العصر و أختفى المغرب فتطلع او يكون موعذ طلوعه بعد 12 باليل تابع القمر و إنت تعرف
2- لبس ملابس غامقة إنت و اللي معاك و يكون شخص واحد فقط او اثنين على الاكثر
3- انت و هم تجنبو ان تدوس على اي حاجة تعمل صوت فرقعة زي عود شجر مثلا
4- لازم اللي معاك يكونو مدربين اي قناصين او يكونو فاهمين صيد تجنب الغشيم لانه هايضيعك
5- الكشاف اللي معاك لا يكون اكثر من ثلاث بطاريات لان اكثر من ذلك يكون قوي جدا يطفش اليمام و اقل من ذلك يكون ضعيف للمسافات البعيدة كشجر الجميز و الكافور فتحتاج بطاريات اضافية للتغيير
6- تجنب الإضائة المباشرة وسط الشجرة ولع الكشاف بعيد عن الشجرة و بشويش قربة على وسط الشجرة
7- تجنب الإضائة في الارض كثيرا لانها تهيج اليمام
8- أبدأ باليمامة الأقرب للأرض و لا تضرب الأعلى منها لانها ستقع على اختها و هايطيروا
9- تجنب الضرب في الرأس قدر المستطاع منطقة الحوصلة و الصدر احسن
10-خد معاك لقاق سمك عشان لو اليمام وقع في الماء
11 ممنوع التحدث و لغة الإشارة مهمة
12 اذا وجدت الهدف و زميلة ماشي وراك شاورة يتسمر مكانه على ماتضرب
13 المكان لازم يكون بعيد عن القرية او البلد عشان الضوء العماويد بيطفش اليام


مشعارف في ايه تاني بس ده اللي بعملة من 25 سنه و الله

[أبو صفية]

السلام عليكم
أنا معظم صيدى للطيور بالليل بالنسبة لليمام عشان تصيده بالليل لازم تكون حزر جدا وتكون
* زرت المكان بالنهار أو على الأقل عارف المكان كويس
* المشى بهدوء و حزر شديد و حاول ما يصدرش منك صوت واضح
* ما تنورش الكشاف غير مرة واحدة و ما تطفهش خالص غير لما تنتهى تماما من المكان الى بتدور فيه لأن أول ما حتنور الكشاف حيطير معظم اليمام ما عدا الى كانت مستغرقة فى النوم و دى لما تصحى حيكون نور الكشاف عماها و لو طفيته حتديها فرصة تطير
* يا ريت تكون إنتا الى بتنور لنفسك و تدخل تحت الشجرة الى عليها اليمام معمر البندقية و رفعها فى وضع النشان و و مستعد بالكشاف و تكون سريع بالضرب عشان تحاول تلحق أى حاجة قبل ما تطير
دا كله فى صيد الجناين أو المكان الى فيه مجموعة شجر جمب بعض
لكن الأشجار العالية و البعيدة عن بعضها و الى بيكون عليها جوز أو إتنين بيكون الوضع أسهل دا نادر لما بيطير حتى بيكونلك فرصة تضرب أكتر من مرة.
و عموما أفضل وقت لصيد اليمام غير الصبح بدرى هوا قبل المغرب لأن اليمامة الى بتبيت على الشجرة لو إنتا واقف تحت الشجرة حتجلها أكتر من مرة حتى و لو طارت بسببك و لذلك أنصحك تدارى نفسك فى مكان قريب من اليمام و إضرب براحتك و اليمام حيطير و يرجعلك

و الله الموفق

[مصطفى ابواسماعيل]

كن على وضوء بالليل وصلى الصلاة على وقتها ولازم يكون معاك رفيق وقم بتعريف من تصطاد فى ارضه انك سوف تصطاد بالليل

[محمود القاضى]

المشاركة الأصلية كتبت بواسطة mustafa-amer

شوف يا باشا

الصيد ليلا له اصول و هذا التوقيت المفضل لي
1- تجنب الصيد في الليالي القمرية " لازم ما يكنش القمر طالع" يإما طلع العصر و أختفى المغرب فتطلع او يكون موعذ طلوعه بعد 12 باليل تابع القمر و إنت تعرف
2- لبس ملابس غامقة إنت و اللي معاك و يكون شخص واحد فقط او اثنين على الاكثر
3- انت و هم تجنبو ان تدوس على اي حاجة تعمل صوت فرقعة زي عود شجر مثلا
4- لازم اللي معاك يكونو مدربين اي قناصين او يكونو فاهمين صيد تجنب الغشيم لانه هايضيعك
5- الكشاف اللي معاك لا يكون اكثر من ثلاث بطاريات لان اكثر من ذلك يكون قوي جدا يطفش اليمام و اقل من ذلك يكون ضعيف للمسافات البعيدة كشجر الجميز و الكافور فتحتاج بطاريات اضافية للتغيير
6- تجنب الإضائة المباشرة وسط الشجرة ولع الكشاف بعيد عن الشجرة و بشويش قربة على وسط الشجرة
7- تجنب الإضائة في الارض كثيرا لانها تهيج اليمام
8- أبدأ باليمامة الأقرب للأرض و لا تضرب الأعلى منها لانها ستقع على اختها و هايطيروا
9- تجنب الضرب في الرأس قدر المستطاع منطقة الحوصلة و الصدر احسن
10-خد معاك لقاق سمك عشان لو اليمام وقع في الماء
11 ممنوع التحدث و لغة الإشارة مهمة
12 اذا وجدت الهدف و زميلة ماشي وراك شاورة يتسمر مكانه على ماتضرب
13 المكان لازم يكون بعيد عن القرية او البلد عشان الضوء العماويد بيطفش اليام


مشعارف في ايه تاني بس ده اللي بعملة من 25 سنه و الله

الله عليك .............
لسه عاوز تقول حاجه تانى

سلمت يداك

[محمود القاضى]

المشاركة الأصلية كتبت بواسطة أبو صفية

السلام عليكم
أنا معظم صيدى للطيور بالليل بالنسبة لليمام عشان تصيده بالليل لازم تكون حزر جدا وتكون
* زرت المكان بالنهار أو على الأقل عارف المكان كويس
* المشى بهدوء و حزر شديد و حاول ما يصدرش منك صوت واضح
* ما تنورش الكشاف غير مرة واحدة و ما تطفهش خالص غير لما تنتهى تماما من المكان الى بتدور فيه لأن أول ما حتنور الكشاف حيطير معظم اليمام ما عدا الى كانت مستغرقة فى النوم و دى لما تصحى حيكون نور الكشاف عماها و لو طفيته حتديها فرصة تطير
* يا ريت تكون إنتا الى بتنور لنفسك و تدخل تحت الشجرة الى عليها اليمام معمر البندقية و رفعها فى وضع النشان و و مستعد بالكشاف و تكون سريع بالضرب عشان تحاول تلحق أى حاجة قبل ما تطير
دا كله فى صيد الجناين أو المكان الى فيه مجموعة شجر جمب بعض
لكن الأشجار العالية و البعيدة عن بعضها و الى بيكون عليها جوز أو إتنين بيكون الوضع أسهل دا نادر لما بيطير حتى بيكونلك فرصة تضرب أكتر من مرة.
و عموما أفضل وقت لصيد اليمام غير الصبح بدرى هوا قبل المغرب لأن اليمامة الى بتبيت على الشجرة لو إنتا واقف تحت الشجرة حتجلها أكتر من مرة حتى و لو طارت بسببك و لذلك أنصحك تدارى نفسك فى مكان قريب من اليمام و إضرب براحتك و اليمام حيطير و يرجعلك

و الله الموفق

كلام جميل و الله

[صياد بلا قلب]

علشان تصطاد بليل في اكتر من حاجه لازم تحافظ عليها كالتالي
الوقت اللي هتصطاد فيه بليل / العدد واقصد بيه انت واللي هيصطاد معاك/ توافر كشاف قوي او لا / طبيعة لبسك ومتعلقاتك الشخصية/ طبيعة المكان وعليها تحركاتك علشان تحقق الهدوء في المكان/واخيرا شوية تعليمات هنصحك بيها
نرجع للقواعد اللي فاتت الاول
بالنسبة للوقت بديهي جدا ميبقاش مع اول الليل او اول وقت لاختفاء النهار علشان بيبقي اليمام لسه حاطط علي الشجر بلغة العرب ومحسش بالامان فبالتالي اي حركه هتتسبب انه هيطير لمكان تاني يكون امن ودا اساسا طبيعي لان اليمام من اذكي الطيور بحسه وحدكته سريعة وديما بيتحرك من مكان للتاني فبالنهار معتقدش هتضربه من قريب فلاز تاخد مسافه معينه وتضربه فا انا برجح من بع منتصف الليل ودا عن تجارب
نيجي لعدد الصيادين وانا بانصح ب 2 في مكان واحد مع الحرص بعدم اصدار صوت او حركه غريبه وقصدي تبقي خفيف في مكانك وكلما زاد العدد زاد الصوت والحركة والخطا
نيجي للكشاف وطبعا بنصح بكشاف قوي وبؤرة تجميع الضوء ولا ضيقة ولا واسعه اوي وفي انواع محترمة في السوق منها السانفورد وغيره وبيبقي اضائته لونها ابيض شديد وعن تجاربي دا لما بتوجهه في عين اليمام او الهدف بتاعك بليل بيثبت مكانه والسب بسيط انك بتعمله زي عمي مؤقت ودا غير انه بيحصله شوك من النور وبكده بتوفر من 5الي عشر ثواني من وقت كافي لضرب هدفك وجرب علي عنيك

نيجي لطبيعة لبسك وطبعا انت بليل بنصح باللبس الاسود او الغامق عموما ودا نوع من انواع التمويه حسب طبيعة المكان ومنها انك بتبقي جزء من البيئة المحيطه ومنها ان الطير مش هيحس بيك كحاجه غريبه متحركه في المكان ودا الي حد ما والي جانب دا متعلقاتك الشخصيه اللي بتلمع زي الساعه لو فضه وغيره تقيس علي دا غير انها بتصدر صوت ملفت احيانا وانت محتاج انك تحقق كل عنصر من عناصر الاختفاء والتمويه اللي هو احد اهم مبادئ الصيد وخصوصا بليل
واخير طبيعة المكان وعلاقتها بحركتك وهنا بقصد ان لو انت في مكان فيه قش او ورق شجر بتبقي حركتك فيها حزر بسيط علشان ميصدرش منك صوت والي جانب دا نوع الحذاء اللي هتلبسه وسوري في اللفظ مثلا لو انت في زراعات وتربتها طينيه مينفعش تلبس شبشب يلزق في الطين وطبعا اصوات غريبه و و و و وانتوا عارفين الباقي

:
واخيرا بنصحك وانت بتصطاد ان يبقي في بينك وبين زميلك زي تفاهم ميبقاش كل واحد بفكر لوحده بمعني يبقي في نظام ودا وانتوا بتضربوا هدفكوا ////ريسين علي مركب واحد هتغرق////// كل واحد له رزقه والافضل الاتفاق علي ان صيدقوا يبقي مناصفة ومعلش عالاطالة انا بحب اتكلم بطبيعتي واللي بيحصل فعلا عالطبيعه
نيجي لجانب تاني لما تيجي تضرب هدفك اول تخلي نور الكشافر في مسار مستقيم تجمع عليه ناشانكاه خلفي وامامي وهدفك ولما تيجي تضرب اعسر التتك خليه يسرقك ويسرق الهدف ودا من اساسيات قواعد التنشين كنوع من ثبات كل جزء فيك اثناه الضرب وبالتالي عدم التاثير علي اداءك ووضعيه البندقيه ومنها انحراف مسار الطلقه وعدم اصابة الهدف
برضه خطا شائع انت مثلا واقف تحت شجره مليانه يمام طبعا بنصحك بالهدوء انت وزميلك والاهم انك متبصش علي اللي هيقع عالارض كده كده هو مصاب غالبا مش هيطير فتستفيد من وقت وتضرب اكبر كم نيجي نقول طيب ما زميلك ياخدها ويحطها في الكيس من علي الارض اظن دا هيصدر اصوات وبالتالي هيطير مجموعة اليمام
طالما انت نزلت تصطاد بليل لازم يبقي معاك كل مستلزمات الصيد كامله ومتستهنش بالامر ممكن ربنا يكرمك بصيد وفير دا الي جانب حاجه مهمه جدا شنطه بسيطة اسعافات اوليه ودا اغلبنا بينساه
حاجه مهمه بالنسبه للناس اللي بتحط الرش جوا بقها دا غلط وممنوع تمام علشان ممكن تبلعه وتدخل في موال تاني وبالاخص انك اغلب الوق هتبص لفوق لان اهدافك كلها علي الشجر
واخيرا احتياطاتك الامنيه والحذر لاننا في وقت كمصريين لا امان فيه والله الموفق لكل صياد في مصر وشكر خاص لفريق صيادين الشرقيه وبالاخص اخويا زيدان موبل 1 وباقر اخوتي في الفريق

[sniper falkon]

والله يا جماعة معلومات قيمة جدا جدا جدا
مش عارف اشكركم عليها ازاي .. ربنا يوفقنا جميعا ويرزقنا بصيد وفيييييييييييييييييير ان شاء الله