رحلة اليوم

[سمسم]

اتفقنا انا و سيد و محمد اننا نتقابل الصبح الساعة 6 و اتقابلنا و اعدنا نلف و ندور و نضرب و كله في الهوا الحصيلة 3 يمامات و شكرا و اهو بردو علشان ميبقاش صيد جائر !!!!!!!!!!! السبب في الحصيلة
1- محدش يرو ح اكتوبر
2- اليمامة بتاخد الرشة و طير
3- محدش يطبق و ينزل يصطاد علشان التركيز
4- ده رزق
5- خلاص كدة كغاية

صورتى و سيد طبعا منورة المنتدى

الاهم انى اتعرفت بناس غاية في الاحترام الطاعات جاية كتييييير انشاء الله

[بدر]

الاخ سمسم
ماشاء الله فعلا صورتك منورة انت والرجالة
1-لية محدش يروح اكتوبر بس انت تعالى تانى وانا يا سيدى اجبلك حمام محشى كمان
2- اليمامة بتاخد الرشة وتطير علشان يمام اكتوبر بيبقى عندة حصانة يعنى مش اى حد يصطادة لازم تصريح
3 - علشان تنزل الساعة 6 لازم تكون مطبق
4-دى بقى معاك حق فيها دى ارزاق
5- خلاص كدة
انا كنت بضحك معاك
تحياتى

[سمسم]

و الله ده احنا طلع ..... عينا النهاردة كان حر جدا و بالنسبة لاكتوبر يا استاذ بدر احنا روحنا عند المطاحن كدة مفيش غير عصافير هو في اماكن تانية في اكتوبر؟؟؟؟؟

[بدر]

طيب ما هو 100 عصفور برقبة 50 يمامة
وحتى العصافير دمها خفيف واكلها ممتع هههههههههه
خيرها فى غيرها ان شاء الله
تحياتى

[hoka]

يا استاذ سمسم ما تزعلش نفسك مش مشكله الحصيله المهم انك تنبسط بالصيد وببندقيتك
ان شاء الله تعوض المره الجايه وتملى الكورديلا يمام وحماااااااااااااام
ربنا يوفقك وصيد جميل وصياد رائع
سلام عليكم

[سمسم]

المشاركة الأصلية كتبت بواسطة hoka

يا استاذ سمسم ما تزعلش نفسك مش مشكله الحصيله المهم انك تنبسط بالصيد وببندقيتك
ان شاء الله تعوض المره الجايه وتملى الكورديلا يمام وحماااااااااااااام
ربنا يوفقك وصيد جميل وصياد رائع
سلام عليكم

ربنا يخليك

مشكور على المداخلة

[professional sniper]

ماشاء الله ,,, ربنايزيد ويبارك ,,, وبألف هنا وشفا,,, والمرّه اللى جايه تكون احسن إن شاء الله .

[bahy]

المهم انك غيرت جو الله ينور وتتعوض المره الى جايه

[tamer_tatow]

تتعوض يا باشا المرة الجاية

[سيدخالد]

ياسمسم الجايات اكتر وربنا يعوض اديك عرفت اماكن اليمام المرة دى والمرة الجاية تروح تقبض عليه ولو مسلمش نفسه ممكن وان مروح تبق تشترى كام جوز للعيال فى البيت وتفرحهم هههههههههه

[mahmoudalaa]

زي ماقال استاذ حوكا المهم انك تتبسط بالبندقية والرحلة بس الكلام دة ما بياكولش مع الناس الي في البيت لانك هتسمع كلام من عينت اه مهو اصل البندقية كانت تعبانة شوية او الصيادين راحو في الثورة فاضمن تعمل زي ما بيقول استاذ سيد وتجيب كام جوز حمام الاولاد يفرحو بيهم واهم يغنوا عن التريقة
انا بهزر طبعا وتقبل مروري

[سمسم]

اصلا انا اخدت تريقة مخدتهاش في حياتى من اول الفرارجى اللى مرضاش ياخد فلوس و حب يديلى جوزين من عنده علشان صعبت عليه و في البيت بقي اديلو ادى

[rock]

السلام عليكم ... الله ينور ... وتتعوض المره الجايه ان شاء الله ... تحياتى .

[Mohamed Mahmoud]

يعنى يا حسام لازم تسيح لنا ماشى ياعم ربك يرزق المرة الجاية

[oteote2010]

احب اقلك يا استاذنا انها ان شاء الله تكون مجرد بدايه

بعد كده هاتبقي تورينا صور لصيد اكبر والايام بيننا .

خليها علي الله لان هي فعلا ارزاق مش اكتر .

[محمود شلبي]

ياسيدى اليمام بيروح ويجى المهم الصحبه بس بردة اليمام طعمه جميل

[محمد سيد أحمد هيكل]

إن شاء الله تطلع المرة الجاية بدبابة وحاملة صواريخ علشان يحوء فى اليمام

[Aboyassin]

أخى الكريم لا تحزن
فالصحبة و التغيير و الاستمتاع بالطبيعة تكاد تضاهى كثرة الصيد.
و إن شاء الله المرات القادمة فيها الخير الوفير.

[يونس]

لا حياه مع الياس ولا ياس مع الحياه