نكتفي بهذا القدر من مسدسات البلي.

[braveheart]

ردا علي مشاركات الأستاذ / sghr220

أولا السؤال ده معلش مش من حقك تسأله اسيبه او اقعد فيه دي حاجه تخصني...انا بقول حقائق موجوده فعلا مش خيال او اوهام و لا بهاجم حد و بعدين انت سبت الكلام الكتير ده كله و مسكت آخر اكلمتين او على الأصح الكلام اللي على هواك

أولا أنا كلامي اللي أنت رديت عليه بالكلام المقتبس دة كان كالأتي :

سأسألك سؤالا ... و لماذا لم تترك المنتدي طالما أنك مستاء إلي هذه الدرجة ؟ ... الأجابة التي أتوقعها هو أنك علي أمل أن يتغير الحال .. فلماذا تهاجمني الأن أنا أو الإدارة و نحن في طريقنا لتغيير و تحسيين الأوضاع ؟!!

فهل تري في كلامي أي تدخل في حريتك ؟!! أنا كنت أريد أن أفهم المغزي من كلامك فقط و الذي أعتبره غريبا ... فلا أفهم هل أنت مع المنع أم ضدة ؟؟؟؟!!

نكمل كلامك :

ماشي دي حاجه تخصك بس مش يبقى طاقم الادارة و صاحب الموقع ساكت ساكت و بعدين تيجي تقول لأ...عيب...ميصحش...و دي كانت ظروف و عدت.
قلي بالأمانه حضرتك محستش بحاجه غريبه في المنتدى الا بعد ست شهور من الأخطاء ؟

سأرد عليك بنفس أسلوبك و بنفس كلماتك ( السؤال ده معلش مش من حقك تسأله ) .. بس هرد عليك بردو ...

و الله أنا رأيي أن الوقت دة هو المناسب ... أنت شايف غير كدة متكلمتش ليه من قبل ؟!
و بعدين لو لاحظت في بداية موضوعي ... أنا قلت أنني أطرح الموضوع كعضو بالمنتدي ، و أنه ليس لدوري الإداري أي شأن بحديثي هذا .. و دوري الإداري كما قلت لك سابقا محدود فلست أنا الأمر الناهي بالمنتدي يا سيدي الفاضل.

(على كلامك)؟؟؟؟و بعدين تكرار الخطأ ليس عذرا لأحد...منتديات الصيد كتيرة و الحمد لله من الشرق للغرب فلماذا لم يقم أحد أعضاء طاقم الادارة بزيارة احدها للتعرف على محتوياتها و أقسامها و فروعها؟؟؟؟

ههههههههههه ... منتدي الصيد في مصر هو الأول عربيا الأن يا سيدي الفاضل ... و من كثرة أعضاؤه و زواره ، الشغل بقي كتير جدا و الله.
و علشان أثبت لك كلامي ... شوف عدد المشاهدات لموضوعي هذا ... و الذي لم يتعدي علي إنشاؤة اليومين فقط ... ستجد أن عدد المشاهدات أكثر من 850 مشاهدة ... بينما في منتديات أخري ممكن تلاق الموضوع بقالة 30 يوم و حقق 3 مشاهدات علي الأكثر.

نكمل كلامك :

و بعدين انتو اللهم صلي على النبي مش واحد و لا اتنين ده بتاع عشره على الأقل برجاء بذل القليل من المجهود لصالح المنتدى حتى تصبحوا فعلا جديرين بلقب طاقم الاداره.

و الله حكاية أننا نصبح ( جديرين بلقب الإدارة ) ... و أنا هنا سأتحدث عن نفسي فقط ... ممكن حضرتك تسأل الأعضاء ... قم بأنشاء موضوع و قل فيه أيه رأيكم في المشرف فلان و المشرف علان و نشوف أراء الأعضاء.


و شكرا لمشاركتك مرة أخري ... و شرفني مرورك الكريم.