تساؤل شاب مصرى ( منقول )

jhoncarbntr · 11-12-18, 11:46 PM

بسم الله الرحمن الرحيم؟

السؤال الاول:
مين ياجماعة راجل محترم فاتح بيت وعنده بيت واسرة وزوجة وبيجرى على اكل عيشه هيروح يعتصم فى التحرير او امام مجلس الوزراء؟

السؤال التانى :
مين عنده اخت او زوجة او ام وبيخاف عليها هيسيبها تقف فى قلب الفوضى والكر والفر وتبقى معرضة لاى انتهاك يعنى بالعربى مين فينا راجل هيسيب لحمه بره البيت فى ايامنا السودا دى؟؟

السؤال الثالث:
مين عايز مرتبه يزيد؟
طب هيزيد ازاى ومفيش انتاج - مفيش امن - مفيش سياحة - مفيش نظام

السؤال الرابع:
ياترى ايه المكاسب؟
بعد ماراح مبارك فى داهية ومشيوا الحرامية الكبار هل انصلح الحال
حد زاد؟؟ انا مرتبى قل على فكرة النهارده الحوافز بتاعتى بقت 50% بعد ماكانت 100%

السؤال الخامس:
مافرصة اسرائيل فى احتلال مصر الان ؟
سؤال اجابته مش محتاجة تخمين

السؤال السادس :
مافائدة الحرق والتخريب والتدمير فى قضية دماء الشهداء ؟
انا لسه شايف شهيد امبارح روحه رجعتله بعد ما المركز العلمى اتحرق وسلمت عليه وقولى اسكت مش انا صرفت التعويض واديته لامى ففقعت زغرودة

السؤال السابع :
شعب مصر عبارة عن فلاحين سواحلية صعايدة وولاد البندر
فى ناس بقى انا مش عارف هما مين لو تعرفوهم قولولى دول تبع مين؟
الناس دول هما حوكشة وابرة والمعلم ابو ترباس والواد بنسه وام فارووق الناس دول هما العشوائيين
كلنا عارفينهم بنلاقيهم كتيير فى الاحياء الشعبية وفى قلب السوق وفى اقسام البوليس

دول مزرعة البلطجة والانجدار الاخلاقى فى المجتمع المصرى لانهم بيخرجوا الحرامى والنشال واغلب البلاوى اللى بنشوفها فى صفحة الحوادث

دول بقى اتفرج عليهم وهما بخربوا ويدمروا وبيسبوا الدين ياترى لو انا عسكرى وفى لحظة دفاع عن نفسى قتلت واحد فيهم عارفين ايه اللى هيحصل؟؟؟؟؟؟؟؟؟؟

هتيجى امه ام حنكش وتقول قتلو الشهيد (حنكش) اللى مات فى سبيل رمى عسكرى مصرى بالطوبة

البلد مش عارفة تاخد نفسها برجاء ترك الجنزورى يشتغل عشان الدنيا تقف على رجليها وترجع مصر تانى احسن من الاول نداء لكل مصرى محترم وغير محترم تنازل عن مطالبك الفئوية اوغير الفئوية وارجع بيتك لاهلك وانزل شغلك او انزل دور على شغل لو انت عاطل ونسيب بقى الشارع يمشى وميدان التحرير يشتغل اصله لامؤاخذة متعملش عشان ننصب خيام ونام فيه بالشهور بلاش نكون زى اخوانا العشوائيين

مواطن مصرى يبحث عن اجابات؟؟؟؟

modmod · 11-12-18, 11:51 PM

يعني البنات الي كانوا ايام الثورة ينطبق عليهم كلام سيادتك؟
انتاج ايه الي حضرتك بتتكلم عنه؟
بصراحة انا شايف ان مصر بقالها 60 سنه بتصنع الطيارات والصواريخ والدبابات والسيارات وكل ده وقف بسبب المتظاهرين
علي فكرة احنا بنستورد عود الكبريت من باكستان وده من سنين طويلة
ولا نسيت القمح الي بنجيبه من السعودية
ولا ولا ولا ولا

احمد نصر · 11-12-18, 11:59 PM

والله تشكر على الموضوع ده بس هما ممكن يقولو عليك فلول

omarmagic · 11-12-19, 12:00 AM

عندك حق والله فى كل كلمة قلتها

farouk · 11-12-19, 12:03 AM

ربنا يهديهم علشان البلد يتصلح حلها

modmod · 11-12-19, 12:07 AM

اقتباس:

المشاركة الأصلية كتبت بواسطة omarmagic

عندك حق والله فى كل كلمة قلتها

حضرتك بتكلمني ولا بتكلم احمد نصر؟

مسافر عبر البرارى · 11-12-19, 12:28 AM

ياريت يا اخوانى ادخلوا اقراءوا الخبر دة
http://www.masrawy.com/news/Egypt/Po...8/4680902.aspx

Ashraf hassabe · 11-12-19, 01:09 AM

يا جماعة يعني دي اخرت اللي بيحصل في مصر لعب عيال وكورة وبعدين بقو شهداء وقتلى ومصابين ؟؟؟؟؟؟؟؟؟؟
طيب ناقص ايه يعني وهو ايه المفروض من العساكر لما حد يحدف عليهم طوب يقومو يقولو له نشن كويس
مش لازم ننسى ان العسكري ده مصري هو كمان وعنده دم بعيد عن الواجب ولا الخدمة وخلافه اي واحد مننا يحط نفسه مكان العسكري ده لو واحد اتخانق معاك ولا ضربك بطوبة هتعمل ىايه معاه؟ اكيد هتضربه ومش بعيد تجيب اصحابك وتتحول لمعركة كبيرة طيب ليه بنلوم العسكري ماهو العسكري انسان ومصري كمان
المشكلة اننا بنتكلم في المواضيع من اخرها ومش بندور على البدايات وايه الاسباب
على رأي المثل اصحاب العقول في راحة

قناص الظلم · 11-12-19, 04:33 AM

اسمحلى ارد عليك يا جون اقسم بالله كده وعلى كتابه ايا كانت ديانتك ان مرتبك مازادش الى استفاد من الثوره دى الموظفين فقط انا رفعت قضايا كتير لزياده النفقه الزوجيه لان مرتب الزوج زاد وبجيب حاجه اسمها مفردات مرتب وعندى اصحابى مرتبهم زاد ولا هما بيكدبو على 2- ماحدش متوظف او شغال قطاع خاص هايعتصم فعلا انا معاك لانه مرتاح هايعتصم ليه الى بيعتصم ده الى مش لاقى شغل مدسوس معهم بعض البلطجيه والخونه لنشر الفوضى واثاره العنف لافساد الامور لا للتخريب انا معك بس فيه حاجه عايز اقولها لك لن يسمح احد فى بلدك بهتك عرض النساء وضربهم بهزه الوحشيه مهما فعلوا وانت شفت الفيديو حتى لو هى شتمت او ضربت جندى او ضابط كانو يمسكوها ويحبسوها بدل دا كله كده حتى لو هى كانت مدسوسه وخاينه فاى حد هايشوف الفيديو هايتعاطف معها كان فى طرق تانيه كتير انت ماتعرفش ظروف البنات الى بتنزل دى ايه ممكن يكون اهلهم واخوتهم اتبهدلو على ايد النظام السابق فنزلين ياخدو بحقهم واكيد فى مجموعهم عناصر غير محترمه بس الى مش محترم بيكون عامل حسابه يخرب ويهرب ولا بيتمسك ولا يينضرب لانه لو اتمسك هايقول لمصلحه مين عمل ده والتعطيل ده مش بسبب المظاهرات الحكومه اصلا ما عملتش حاجه ولاحددت جداول زمنيه لكل مرحله من مراحل الاصلاح ازا اتنفزت فى ميعادها المتظاهرين مليهم حجه وازا لم تنفز دا حقهم مش هاتفرق مين الى يحكم المهم الى يعمل حاجه لمصلحه هزا الشعب ويعامله معامله كريمه سواء كان الحاكم اسلامى اواشتراكى او المجلس العسكرى اوحتى مبارك مره اخرى المهم يكون عارف واجباته وينفزها لازم نتعامل جميعا معا بعقل وحكمه ونترك الخلافات جانبا

قناص الظلم · 11-12-19, 04:41 AM

الخبر بيقول متظاهرين يلقون القبض على00000 وانت عارف الباقى يعنى فى ناس مدسوسه ومش كلهم عيال وس00 زى ماقلت ونصيحه بلاش السب العلنى بهزه الالفاظ السب مش هايقتع احد بوجهه نظرك

قناص الظلم · 11-12-19, 04:52 AM

اقتباس:

المشاركة الأصلية كتبت بواسطة modmod

مهو هوه ده عدم الاحترام والله
انا مش هرد عليك
لاني اكبر من اني ارد عليك
خليك في البوم والعصافير

ما تزعلش منه اكيد بيهزر ومش قاصد اى شىء

قناص الظلم · 11-12-19, 05:02 AM

اقتباس:

المشاركة الأصلية كتبت بواسطة احمد نصر

بجد انت مش من الكويت اصل لهجتك كويتى شويه
وبعدين ايه مودمود دى ياراجل هو فى كده
بس يجى منك

بعد ازنك مدمود ده رجل محترم ومؤدب ويبدو ان سنه مش صغير وكلامك ده مايصح واتكلمنا كتير ان مافى داعى لعدم الاحترام بيننا انا معرفهوش ولا اتكلمت معه بس من مواضيعه الرجل ده مابيغلطش حبيت انبهك نصيحه اعتزر له على العام عشان اى زميل ها يشوف ردك هايزعل منك وتقبل نصيحتى

hogan · 11-12-19, 12:26 PM

ليس كل الى هناك بلطجيه وليس كل الى هناك ثوار

احمد نصر · 11-12-19, 01:49 PM

قناص الظلم شكللك راجل محترم فعلا
وانا مبزعلش محترمين منى
بس متظلمنيش قوى كده
انا كان ردى تكمله لحوار
وان كنت هطلع انا الغلطان
يبقى مش هبرر موقفى ولا هقول الراجل ده قال ايه
مع اعتذارى لحضرتك

jhoncarbntr · 11-12-19, 02:10 PM

اقتباس:

المشاركة الأصلية كتبت بواسطة قناص الظلم

اسمحلى ارد عليك يا جون اقسم بالله كده وعلى كتابه ايا كانت ديانتك ان مرتبك مازادش الى استفاد من الثوره دى الموظفين فقط انا رفعت قضايا كتير لزياده النفقه الزوجيه لان مرتب الزوج زاد وبجيب حاجه اسمها مفردات مرتب وعندى اصحابى مرتبهم زاد ولا هما بيكدبو على 2- ماحدش متوظف او شغال قطاع خاص هايعتصم فعلا انا معاك لانه مرتاح هايعتصم ليه الى بيعتصم ده الى مش لاقى شغل مدسوس معهم بعض البلطجيه والخونه لنشر الفوضى واثاره العنف لافساد الامور لا للتخريب انا معك بس فيه حاجه عايز اقولها لك لن يسمح احد فى بلدك بهتك عرض النساء وضربهم بهزه الوحشيه مهما فعلوا وانت شفت الفيديو حتى لو هى شتمت او ضربت جندى او ضابط كانو يمسكوها ويحبسوها بدل دا كله كده حتى لو هى كانت مدسوسه وخاينه فاى حد هايشوف الفيديو هايتعاطف معها كان فى طرق تانيه كتير انت ماتعرفش ظروف البنات الى بتنزل دى ايه ممكن يكون اهلهم واخوتهم اتبهدلو على ايد النظام السابق فنزلين ياخدو بحقهم واكيد فى مجموعهم عناصر غير محترمه بس الى مش محترم بيكون عامل حسابه يخرب ويهرب ولا بيتمسك ولا يينضرب لانه لو اتمسك هايقول لمصلحه مين عمل ده والتعطيل ده مش بسبب المظاهرات الحكومه اصلا ما عملتش حاجه ولاحددت جداول زمنيه لكل مرحله من مراحل الاصلاح ازا اتنفزت فى ميعادها المتظاهرين مليهم حجه وازا لم تنفز دا حقهم مش هاتفرق مين الى يحكم المهم الى يعمل حاجه لمصلحه هزا الشعب ويعامله معامله كريمه سواء كان الحاكم اسلامى اواشتراكى او المجلس العسكرى اوحتى مبارك مره اخرى المهم يكون عارف واجباته وينفزها لازم نتعامل جميعا معا بعقل وحكمه ونترك الخلافات جانبا

اصبتى الحقيقة وانا والله لا يرضينى اللى حدث للفتاة ده وضايقنى جدا

kiko_2015 · 11-12-19, 02:27 PM

اقتباس:

المشاركة الأصلية كتبت بواسطة jhoncarbntr

بسم الله الرحمن الرحيم؟

السؤال الاول:
مين ياجماعة راجل محترم فاتح بيت وعنده بيت واسرة وزوجة وبيجرى على اكل عيشه هيروح يعتصم فى التحرير او امام مجلس الوزراء؟

اجابة السؤال الاول : ناس عاديه مصريين زيي و زيك و زي اللي اشعلوا فتيل الثوره يوم 28 يناير من طل اطياف الشعب ( و كان بردو عندهم ابن و وزجه و بيت)

السؤال التانى :
مين عنده اخت او زوجة او ام وبيخاف عليها هيسيبها تقف فى قلب الفوضى والكر والفر وتبقى معرضة لاى انتهاك يعنى بالعربى مين فينا راجل هيسيب لحمه بره البيت فى ايامنا السودا دى؟؟

اجابة السؤال الثاني : ده بدل ما دمك يبقي حامي و تحميها؟؟ و هل من الرجوله سحل امرأه ؟؟ الجندي الاسرائيلي لا يعتدي علي اسرائيلي مثله..و هل كنت ستطرح نفس السؤال لو هذه البنت تمت لك بصلة قرابه و كانت راجعه مثلا بالصدفه من كورس و الاحداث كانت ف طريقها

السؤال الثالث:
مين عايز مرتبه يزيد؟
طب هيزيد ازاى ومفيش انتاج - مفيش امن - مفيش سياحة - مفيش نظام

اجابة السؤال الثالث :انا مثلا كمصري مرتبي بيزيد عادي - غياب الامن سببه الحكام - غياب النظام سببه الحكام..غياب السياحه سببه غياب فيفي عبده

السؤال الرابع:
ياترى ايه المكاسب؟
بعد ماراح مبارك فى داهية ومشيوا الحرامية الكبار هل انصلح الحال
حد زاد؟؟ انا مرتبى قل على فكرة النهارده الحوافز بتاعتى بقت 50% بعد ماكانت 100%

اجابة السؤال الرابع :مكاسب الثوره ..عد معايا
1-محاكمة مبارك و العادلي و معاونيهم(رغم انها محاكمه صوريه)
2-انتخابات عادله و نزيهه
3-تقدر تعبر عن رايك
4-حل جهاز امن الدوله الظالم
5-تفجير خطوط الغاز التي تغذي العدو الاسرائيلي
6-احترام رجل الشرطه للمواطن العادي
7-وضع حد ادني للاجور
8-وضع حد اقصي للاجور

السؤال الخامس:
مافرصة اسرائيل فى احتلال مصر الان ؟
سؤال اجابته مش محتاجة تخمين

اجابة السؤال الخامس : فرصه كبيره طبعا لاسرائيل ان تحتل مصر لان من يسحل فتاه لا يكون راجل و بالتالي الجندي اللي هو اصلا مش راجل ميقدرش يحارب

السؤال السادس :
مافائدة الحرق والتخريب والتدمير فى قضية دماء الشهداء ؟
انا لسه شايف شهيد امبارح روحه رجعتله بعد ما المركز العلمى اتحرق وسلمت عليه وقولى اسكت مش انا صرفت التعويض واديته لامى ففقعت زغرودة

اجابة السؤال السادس : تعالي معايا جنازة صديقي احمد منصور استشهد اول انبارح امام مجلس الوزراء و العزاء النهارده ف الحي السابع بمسجد الحصري ف اكتوبر و اعرض علي والده فلوس و نشوف هيحصل ايه

السؤال السابع :
شعب مصر عبارة عن فلاحين سواحلية صعايدة وولاد البندر
فى ناس بقى انا مش عارف هما مين لو تعرفوهم قولولى دول تبع مين؟
الناس دول هما حوكشة وابرة والمعلم ابو ترباس والواد بنسه وام فارووق الناس دول هما العشوائيين
كلنا عارفينهم بنلاقيهم كتيير فى الاحياء الشعبية وفى قلب السوق وفى اقسام البوليس

دول مزرعة البلطجة والانجدار الاخلاقى فى المجتمع المصرى لانهم بيخرجوا الحرامى والنشال واغلب البلاوى اللى بنشوفها فى صفحة الحوادث

دول بقى اتفرج عليهم وهما بخربوا ويدمروا وبيسبوا الدين ياترى لو انا عسكرى وفى لحظة دفاع عن نفسى قتلت واحد فيهم عارفين ايه اللى هيحصل؟؟؟؟؟؟؟؟؟؟

هتيجى امه ام حنكش وتقول قتلو الشهيد (حنكش) اللى مات فى سبيل رمى عسكرى مصرى بالطوبة

االاجابه علي السؤال السابع : والله حوكشه و حنكش و موكشه دول مصريين..و لم يولدوا بلطجيه..بل ظلمهم النظام و ظلمتهم بلدهم فلم يجدوا ايواء من البرد..و لم يجدوا نصيحه و لم يجدوا تعليم فاصبحوا هكذا
هم ضحيتنا..فاصبحنا نحن ضحيتهم فيما بعد..و لهذا دائما عندهم دافع الانتقام من الزمن..ويمكن لو عاملناهم كويس ووفرنالهم عيشة بني ادمين..تلاقي منهم بعد كده المهندس و الدكتور..او اللي ينفع بلده باي حاجه..حتي لو لم زباله من الشارع

البلد مش عارفة تاخد نفسها برجاء ترك الجنزورى يشتغل عشان الدنيا تقف على رجليها وترجع مصر تانى احسن من الاول نداء لكل مصرى محترم وغير محترم تنازل عن مطالبك الفئوية اوغير الفئوية وارجع بيتك لاهلك وانزل شغلك او انزل دور على شغل لو انت عاطل ونسيب بقى الشارع يمشى وميدان التحرير يشتغل اصله لامؤاخذة متعملش عشان ننصب خيام ونام فيه بالشهور بلاش نكون زى اخوانا العشوائيين

مواطن مصرى يبحث عن اجابات؟؟؟؟

الاجابات وصلت؟؟

قوللي حضرتك بقي اشمعنا محاكمات عسكريه للثوار و اشمعنا الحراميه بيتحاكمو مدني؟؟ واشمعنا ثار السلفيين و الاخوان (مش كلهم) عشان القضيه الشهيره للاخت كاميليا شحاته عشان يحرروا اختهم من السجن..و لم يثوروا عندما تعرت اختهم المحجبه و اخري منتقبه ف ميدان التحرير؟؟لم ينطقوا بكلمه..اشمعنه؟؟ وللعجب العجاب شاب مسيحي حسب ما عرفنا هو اللي تحرك عشان ينقذها (علي فكره انا مسلم)
و اشمعنا عملوا استفتاء نعم او لا و اشمعنا معملوش استفتاء علي بقاءهم ف السلطه او علي تفعيل قانون العزل السياسي؟؟
و مين الايدي الخفيه اللي بتقتل الثوار ف ماسبيرو و 18 نوفمبر و مجلس الوزراء..لو المجلس بمخابراته العسكريه و الحربيه ميعرفوش الاجابه..يبقي هما اللي قتلوهم..بس ممكن حضرتك تجاوب؟؟

و اخيرا و ليس اخرا..اسئلة حضرتك منقوله..و اجاباتي هي اجابة شاب مصري عادي نابعه من داخلي و لا انتمي لاي تيار

ahmedmh_ali · 11-12-19, 03:21 PM

اقتباس:

المشاركة الأصلية كتبت بواسطة jhoncarbntr

اصبتى الحقيقة وانا والله لا يرضينى اللى حدث للفتاة ده وضايقنى جدا

بالله عليك أثبت على رأى ..

jhoncarbntr · 11-12-19, 03:24 PM

الاخ ابو سيف اسمح لى ارد عليك :
1- انا كاتب فى عنوان الموضوع انه منقول لكن انا نقلته علشان بيعبر على اللى جواى حتى لو موش كلماتى
2- الثورة معترضناش عليها بالعكس دى نقطة تاريخية رهيبة فى حياة كل مصرى لكن اللى بنعترض عليه اللى بيحصل بعد الثورة وأظن ان موش اهداف الثورة بس اللى اتحققت لا اكتر من مية هدف اكتر مكانش حد متوقعه انه يتحقق طيب لما ده اللى حصل ايه اللى موش مخلينا نصبر سنة كمان لغاية لما نشوف مصر جنة او زى ماحضرات المعتصمين بيحلموا بيها ....هو كل حاجة لازم تحصل حالا حالا
3- البنت وأظن كل اتضايقنا لها وهاجمنا تصرف العساكر اللى كان فى منتهى الغباء والقسوة وغير بشري حضرتك عايزنا نعمل ايه حرب اهلية مثلا وننزل ندبح الجيش ويدبحنا لما الوضع يهدا نشوف المسئول ويتحاسب
4- اظن موضوع مكاسب الثورة انا مليش اعتراض عليها كلنا من اصغر عيل لأكبر شخص عارفين ان الثورة دى نعمة جت لنا
5- اجابة على ردك للسؤال الخامس اللى ضربوا النت موش كل الجيش المصرى طيب انت ليه بتعمم ثم حضرتك طول مالجيش مشغول داخليا يبقى اى حد ممكن يفكر يغزو مصر او على الاقل يفكر فى الدخول جوه اراضيها وساعتها موش هيسحل بنت لا هيغتصب الاف البنات واللى ممكن تكون واحدة قريبتك فيهم انظر للمصلحة العامة
6- سادسا الله يرحم صديقك لكن لاتؤاخذنى لو البعض نازلين اعتصام فى وقت غير مناسب لأسباب موش قوية او على الاقل موش وقتها لا وداخل بينهم ناس بيخلوا بالنظام انا موش هكمل .........

7- البلطجية يااخى عارفين انهم ضحايا النظام والنظام راح فى داهية ايه مشكلتك مع تأسيس نظام جديد موش عارف استنينا 30 سنة او اكثر موش عارفين بعد ماثلاثا اربع مطالبنا اتحقق على الربع الاخير اللى محتاج استقرار وحكومة جديدة علشان نكمله ايه فايدة الاستعجال اللى بيخلينا ثابتين عند الثلاث ارباع المحققة ويمكن بنقل عنها كمان
8- حضرتك المجلس العسكرى موش ممكن يعمل استفتاء على رحيله او لا ببساطة لأنه اخر خيط ماسك البلد ومحافظ على شرعيتها لو رحل أوكد لك انها كانت هتكون مليطة بالعامية ياريت حاول تفهم وياعم لو المجلس وحش ماهو حضرتك الرئيس اللى هيختاره الشعب ومجلس الشعب اللى هيختاره شوف الصدف الشعب كمان موش هيسكتوا عليه لغاية لما يرحل او على الاقل يتحجم يبقى اللى انت عايزه هيتحقق وبطريقة بسيطة جدا جدا
وبموافقة الشعب كله ليه العند والتمسك بالرأى ومطالبك هتتحقق لاريبة

دى ياعم كلمات من شاب مصرى يهمه مصلحة البلد وموش منقولة

ahmedmh_ali · 11-12-19, 03:24 PM

من يعـترف بجهـله يظهـر جهله مـرة واحـدة . ومن يحـاول إخفـاء جهـله يظهـره دائمـاً .

jhoncarbntr · 11-12-19, 03:27 PM

اقتباس:

المشاركة الأصلية كتبت بواسطة ahmedmh_ali

بالله عليك أثبت على رأى ..

اخى انا قلتها انت اللى موش مركز خلع هدوم البنت فى وسط الشارع موش مقبول بأى حال من الاحوال لكن انا ضد القلق والاحتجاجات اللى بتعطل تولى رئيس منتخب من الشعب للأمور واستقرار النظام والاقتصاد فى مصر فأنا كنت هوافق على القبض عليها هى وغيرها بطريقة اكثر أدبا واحتراما وبصراحة مكنتش هعترض على لسعتين على ........ لامؤاخذة ده رأى الشخصي ربما اكون مخطاء لكن انا احس انه الافضل بالمنطق والتفكير المنطقى

omarmagic · 11-12-19, 03:29 PM

والله انا عايز اسيب البلد واسافر
اتخنقت منها بلد

pooforever_2010 · 11-12-19, 03:30 PM

برجاء اختيار الالفاظ
كل شخص له وجهه نظر مقتنع بيها
لكن يجب طرحها باسلوب مهذب اكثر من ذلك
مع الاعتذار لاصحاب المشاركات المحذوفه
وشكرا

ĴΘĶЄЯ · 11-12-19, 04:15 PM

اقتباس:

المشاركة الأصلية كتبت بواسطة pooforever_2010

برجاء اختيار الالفاظ
كل شخص له وجهه نظر مقتنع بيها
لكن يجب طرحها باسلوب مهذب اكثر من ذلك
مع الاعتذار لاصحاب المشاركات المحذوفه
وشكرا

ولا يهمك يا باشا
والله دى الحقيقة وده كلامى
وانا اقصد كل كلمة فيه
وشكرا

pooforever_2010 · 11-12-19, 04:19 PM

اقتباس:

المشاركة الأصلية كتبت بواسطة متدرب قنص

ولا يهمك يا باشا
والله دى الحقيقة وده كلامى
وانا اقصد كل كلمة فيه
وشكرا

اخى الكريم
حقك تعبر عن رايك
ولكن لا تعمم
ولا تقول كل من ( فاى مكان كذا او كذا )
ممكن حضرتك تقول انا شفت بعينى كذا وكذا
وكلنا عارفين ان كل مكان فيه الحلو والوحش بس مدخلناش جوه النفوس ولا عرفنا كل حاجه
تحياتى يا كبير

omarmagic · 11-12-19, 04:45 PM

اقتباس:

المشاركة الأصلية كتبت بواسطة modmod

حضرتك بتكلمني ولا بتكلم احمد نصر؟

لا حضرتك انا بكلم استاذ جون

H_SRM · 11-12-19, 05:17 PM

يا جماعة اي استفسار قبل ما ندور لاجابة عليه نسأل نفسنا مين وصلنا لده؟؟؟؟

هل المتظاهرين؟ نفترض عايزين يخربوا البلد مين ادالهم فرصة؟ هو المجلس العسكري عمل ايه للشعب؟

نفسي أعرف المجلس العسكري عمل ايه للشعب؟

اللي يكون المفروض حمى الثورة بناءا على كذبهم لان اساسا الجيش بفضل الله معانا يجري على مصالحها يطيب خاطر الشعب يقتص من قتلة المتظاهرين مش يقعدهم في مستشفى 5 نجوم

يطبق قانون الغدر من اول ما مسك

يعمل كل اللي مطلوب يعمله من غير زء
المجلس العسكري اللي وصلنا للاستفسارات كلها ووصلنا لدرجة اننا بنشك في بعض لو اختلفنا في الرأي ونشك في وطنية اي حد يعمل حاجة احنا مش عايزنها

ياريت كلنا نفكر هنلاقي والله الطرف الثالث اللي قتل 100 متظاهر على مدار الشهور اللي فاتت كلها وجرح يمكن 4000 متظاهر طرف متواطيء مع مجلس الفلول وربنا ينتقم منهم

kiko_2015 · 11-12-19, 11:39 PM

YouTube

hema777h · 11-12-20, 12:15 AM

اقتباس:

المشاركة الأصلية كتبت بواسطة h_srm

يا جماعة اي استفسار قبل ما ندور لاجابة عليه نسأل نفسنا مين وصلنا لده؟؟؟؟

هل المتظاهرين؟ نفترض عايزين يخربوا البلد مين ادالهم فرصة؟ هو المجلس العسكري عمل ايه للشعب؟

نفسي أعرف المجلس العسكري عمل ايه للشعب؟

اللي يكون المفروض حمى الثورة بناءا على كذبهم لان اساسا الجيش بفضل الله معانا يجري على مصالحها يطيب خاطر الشعب يقتص من قتلة المتظاهرين مش يقعدهم في مستشفى 5 نجوم

يطبق قانون الغدر من اول ما مسك

يعمل كل اللي مطلوب يعمله من غير زء
المجلس العسكري اللي وصلنا للاستفسارات كلها ووصلنا لدرجة اننا بنشك في بعض لو اختلفنا في الرأي ونشك في وطنية اي حد يعمل حاجة احنا مش عايزنها

ياريت كلنا نفكر هنلاقي والله الطرف الثالث اللي قتل 100 متظاهر على مدار الشهور اللي فاتت كلها وجرح يمكن 4000 متظاهر طرف متواطيء مع مجلس الفلول وربنا ينتقم منهم

انت قولت كل حاجة المفررروض كان يعملها المجلس العسكري وممعلاهش لاسف ......المجلس العسكري =حسني مبارك

ahmed6394 · 11-12-20, 01:58 AM

مبارك و المجلس وجهان لعملة واحدة

hamam · 11-12-20, 02:54 AM

اقتباس:

المشاركة الأصلية كتبت بواسطة kiko_2015

الاجابات وصلت؟؟

قوللي حضرتك بقي اشمعنا محاكمات عسكريه للثوار و اشمعنا الحراميه بيتحاكمو مدني؟؟ واشمعنا ثار السلفيين و الاخوان (مش كلهم) عشان القضيه الشهيره للاخت كاميليا شحاته عشان يحرروا اختهم من السجن..و لم يثوروا عندما تعرت اختهم المحجبه و اخري منتقبه ف ميدان التحرير؟؟لم ينطقوا بكلمه..اشمعنه؟؟ وللعجب العجاب شاب مسيحي حسب ما عرفنا هو اللي تحرك عشان ينقذها (علي فكره انا مسلم)
و اشمعنا عملوا استفتاء نعم او لا و اشمعنا معملوش استفتاء علي بقاءهم ف السلطه او علي تفعيل قانون العزل السياسي؟؟
و مين الايدي الخفيه اللي بتقتل الثوار ف ماسبيرو و 18 نوفمبر و مجلس الوزراء..لو المجلس بمخابراته العسكريه و الحربيه ميعرفوش الاجابه..يبقي هما اللي قتلوهم..بس ممكن حضرتك تجاوب؟؟

و اخيرا و ليس اخرا..اسئلة حضرتك منقوله..و اجاباتي هي اجابة شاب مصري عادي نابعه من داخلي و لا انتمي لاي تيار

تسلم ايدك اللى كتبت الردود
مخلتليش حاجه اقولها بعدك
بدون تعليق

قناص الظلم · 11-12-20, 05:09 AM

اقتباس:

المشاركة الأصلية كتبت بواسطة احمد نصر

قناص الظلم شكللك راجل محترم فعلا
وانا مبزعلش محترمين منى
بس متظلمنيش قوى كده
انا كان ردى تكمله لحوار
وان كنت هطلع انا الغلطان
يبقى مش هبرر موقفى ولا هقول الراجل ده قال ايه
مع اعتذارى لحضرتك

شكرا ليك لكن مهما حدث كلنا اخوه وياسيدى انت غلط الاول ولا هو مش مهم انا اسف ليكوا انت الاثنين وحققوا عليا يالا طلعوا الشيطان من بينكم انت الاثنين محترمين وخلونا نشوف المصيبه الى ها تضيع البلد دى والشعب الطيب بتاعنا

11-12-18, 11:46 PM	#1
jhoncarbntr صياد نشيط تاريخ التسجيل: Jun 2011 المدينه: K.S.A المشاركات: 392 معدل تقييم المستوى: 7	تساؤل شاب مصرى ( منقول ) بسم الله الرحمن الرحيم؟ السؤال الاول: مين ياجماعة راجل محترم فاتح بيت وعنده بيت واسرة وزوجة وبيجرى على اكل عيشه هيروح يعتصم فى التحرير او امام مجلس الوزراء؟ السؤال التانى : مين عنده اخت او زوجة او ام وبيخاف عليها هيسيبها تقف فى قلب الفوضى والكر والفر وتبقى معرضة لاى انتهاك يعنى بالعربى مين فينا راجل هيسيب لحمه بره البيت فى ايامنا السودا دى؟؟ السؤال الثالث: مين عايز مرتبه يزيد؟ طب هيزيد ازاى ومفيش انتاج - مفيش امن - مفيش سياحة - مفيش نظام السؤال الرابع: ياترى ايه المكاسب؟ بعد ماراح مبارك فى داهية ومشيوا الحرامية الكبار هل انصلح الحال حد زاد؟؟ انا مرتبى قل على فكرة النهارده الحوافز بتاعتى بقت 50% بعد ماكانت 100% السؤال الخامس: مافرصة اسرائيل فى احتلال مصر الان ؟ سؤال اجابته مش محتاجة تخمين السؤال السادس : مافائدة الحرق والتخريب والتدمير فى قضية دماء الشهداء ؟ انا لسه شايف شهيد امبارح روحه رجعتله بعد ما المركز العلمى اتحرق وسلمت عليه وقولى اسكت مش انا صرفت التعويض واديته لامى ففقعت زغرودة السؤال السابع : شعب مصر عبارة عن فلاحين سواحلية صعايدة وولاد البندر فى ناس بقى انا مش عارف هما مين لو تعرفوهم قولولى دول تبع مين؟ الناس دول هما حوكشة وابرة والمعلم ابو ترباس والواد بنسه وام فارووق الناس دول هما العشوائيين كلنا عارفينهم بنلاقيهم كتيير فى الاحياء الشعبية وفى قلب السوق وفى اقسام البوليس دول مزرعة البلطجة والانجدار الاخلاقى فى المجتمع المصرى لانهم بيخرجوا الحرامى والنشال واغلب البلاوى اللى بنشوفها فى صفحة الحوادث دول بقى اتفرج عليهم وهما بخربوا ويدمروا وبيسبوا الدين ياترى لو انا عسكرى وفى لحظة دفاع عن نفسى قتلت واحد فيهم عارفين ايه اللى هيحصل؟؟؟؟؟؟؟؟؟؟ هتيجى امه ام حنكش وتقول قتلو الشهيد (حنكش) اللى مات فى سبيل رمى عسكرى مصرى بالطوبة البلد مش عارفة تاخد نفسها برجاء ترك الجنزورى يشتغل عشان الدنيا تقف على رجليها وترجع مصر تانى احسن من الاول نداء لكل مصرى محترم وغير محترم تنازل عن مطالبك الفئوية اوغير الفئوية وارجع بيتك لاهلك وانزل شغلك او انزل دور على شغل لو انت عاطل ونسيب بقى الشارع يمشى وميدان التحرير يشتغل اصله لامؤاخذة متعملش عشان ننصب خيام ونام فيه بالشهور بلاش نكون زى اخوانا العشوائيين مواطن مصرى يبحث عن اجابات؟؟؟؟

11-12-18, 11:51 PM	#2
modmod صياد نشيط تاريخ التسجيل: Oct 2011 المشاركات: 376 معدل تقييم المستوى: 7	Re: تساؤل شاب مصرى ( منقول ) يعني البنات الي كانوا ايام الثورة ينطبق عليهم كلام سيادتك؟ انتاج ايه الي حضرتك بتتكلم عنه؟ بصراحة انا شايف ان مصر بقالها 60 سنه بتصنع الطيارات والصواريخ والدبابات والسيارات وكل ده وقف بسبب المتظاهرين علي فكرة احنا بنستورد عود الكبريت من باكستان وده من سنين طويلة ولا نسيت القمح الي بنجيبه من السعودية ولا ولا ولا ولا

11-12-18, 11:59 PM	#3
احمد نصر صياد نشيط تاريخ التسجيل: Aug 2011 المدينه: المحله الكبرى المشاركات: 284 معدل تقييم المستوى: 6	رد: تساؤل شاب مصرى ( منقول ) والله تشكر على الموضوع ده بس هما ممكن يقولو عليك فلول

11-12-19, 12:00 AM	#4
omarmagic صياد قديم تاريخ التسجيل: Jan 2011 المدينه: الاسكندرية المشاركات: 1,635 معدل تقييم المستوى: 16	رد: تساؤل شاب مصرى ( منقول ) عندك حق والله فى كل كلمة قلتها __________________ الطيبة ليست غباء انما نعمة فقدها الاغبياء

11-12-19, 12:03 AM	#5
farouk صياد قديم تاريخ التسجيل: Nov 2011 المدينه: الاسكندريه المشاركات: 1,385 معدل تقييم المستوى: 17	رد: تساؤل شاب مصرى ( منقول ) ربنا يهديهم علشان البلد يتصلح حلها __________________ eng.farouk اشهد الا اله إلا الله و ان محمد رسول الله سبحان الله وبحمده سبحان الله العظيم

11-12-19, 12:28 AM	#7
مسافر عبر البرارى Banned تاريخ التسجيل: Jul 2011 المشاركات: 161 معدل تقييم المستوى: 0	رد: تساؤل شاب مصرى ( منقول ) ياريت يا اخوانى ادخلوا اقراءوا الخبر دة http://www.masrawy.com/news/Egypt/Po...8/4680902.aspx

11-12-19, 01:09 AM	#8
Ashraf hassabe صياد جديد تاريخ التسجيل: Nov 2011 المدينه: القاهرة المشاركات: 45 معدل تقييم المستوى: 5	Re: تساؤل شاب مصرى ( منقول ) يا جماعة يعني دي اخرت اللي بيحصل في مصر لعب عيال وكورة وبعدين بقو شهداء وقتلى ومصابين ؟؟؟؟؟؟؟؟؟؟ طيب ناقص ايه يعني وهو ايه المفروض من العساكر لما حد يحدف عليهم طوب يقومو يقولو له نشن كويس مش لازم ننسى ان العسكري ده مصري هو كمان وعنده دم بعيد عن الواجب ولا الخدمة وخلافه اي واحد مننا يحط نفسه مكان العسكري ده لو واحد اتخانق معاك ولا ضربك بطوبة هتعمل ىايه معاه؟ اكيد هتضربه ومش بعيد تجيب اصحابك وتتحول لمعركة كبيرة طيب ليه بنلوم العسكري ماهو العسكري انسان ومصري كمان المشكلة اننا بنتكلم في المواضيع من اخرها ومش بندور على البدايات وايه الاسباب على رأي المثل اصحاب العقول في راحة

11-12-19, 04:33 AM	#9
قناص الظلم عضو مميز تاريخ التسجيل: Sep 2011 المدينه: مثلث برمودا المشاركات: 2,153 معدل تقييم المستوى: 31	رد: تساؤل شاب مصرى ( منقول ) اسمحلى ارد عليك يا جون اقسم بالله كده وعلى كتابه ايا كانت ديانتك ان مرتبك مازادش الى استفاد من الثوره دى الموظفين فقط انا رفعت قضايا كتير لزياده النفقه الزوجيه لان مرتب الزوج زاد وبجيب حاجه اسمها مفردات مرتب وعندى اصحابى مرتبهم زاد ولا هما بيكدبو على 2- ماحدش متوظف او شغال قطاع خاص هايعتصم فعلا انا معاك لانه مرتاح هايعتصم ليه الى بيعتصم ده الى مش لاقى شغل مدسوس معهم بعض البلطجيه والخونه لنشر الفوضى واثاره العنف لافساد الامور لا للتخريب انا معك بس فيه حاجه عايز اقولها لك لن يسمح احد فى بلدك بهتك عرض النساء وضربهم بهزه الوحشيه مهما فعلوا وانت شفت الفيديو حتى لو هى شتمت او ضربت جندى او ضابط كانو يمسكوها ويحبسوها بدل دا كله كده حتى لو هى كانت مدسوسه وخاينه فاى حد هايشوف الفيديو هايتعاطف معها كان فى طرق تانيه كتير انت ماتعرفش ظروف البنات الى بتنزل دى ايه ممكن يكون اهلهم واخوتهم اتبهدلو على ايد النظام السابق فنزلين ياخدو بحقهم واكيد فى مجموعهم عناصر غير محترمه بس الى مش محترم بيكون عامل حسابه يخرب ويهرب ولا بيتمسك ولا يينضرب لانه لو اتمسك هايقول لمصلحه مين عمل ده والتعطيل ده مش بسبب المظاهرات الحكومه اصلا ما عملتش حاجه ولاحددت جداول زمنيه لكل مرحله من مراحل الاصلاح ازا اتنفزت فى ميعادها المتظاهرين مليهم حجه وازا لم تنفز دا حقهم مش هاتفرق مين الى يحكم المهم الى يعمل حاجه لمصلحه هزا الشعب ويعامله معامله كريمه سواء كان الحاكم اسلامى اواشتراكى او المجلس العسكرى اوحتى مبارك مره اخرى المهم يكون عارف واجباته وينفزها لازم نتعامل جميعا معا بعقل وحكمه ونترك الخلافات جانبا

11-12-19, 04:41 AM	#10
قناص الظلم عضو مميز تاريخ التسجيل: Sep 2011 المدينه: مثلث برمودا المشاركات: 2,153 معدل تقييم المستوى: 31	رد: تساؤل شاب مصرى ( منقول ) الخبر بيقول متظاهرين يلقون القبض على00000 وانت عارف الباقى يعنى فى ناس مدسوسه ومش كلهم عيال وس00 زى ماقلت ونصيحه بلاش السب العلنى بهزه الالفاظ السب مش هايقتع احد بوجهه نظرك التعديل الأخير تم بواسطة pooforever_2010 ; 11-12-19 الساعة 03:18 PM

11-12-19, 12:26 PM	#13
hogan الاداره تحذر التعامل مع هذا العضو فى البيع والشراء تاريخ التسجيل: Feb 2010 المدينه: Philippines المشاركات: 3,960 معدل تقييم المستوى: 253	رد: تساؤل شاب مصرى ( منقول ) ليس كل الى هناك بلطجيه وليس كل الى هناك ثوار __________________ drugstore-onlinecatalog.com

11-12-19, 01:49 PM	#14
احمد نصر صياد نشيط تاريخ التسجيل: Aug 2011 المدينه: المحله الكبرى المشاركات: 284 معدل تقييم المستوى: 6	رد: تساؤل شاب مصرى ( منقول ) قناص الظلم شكللك راجل محترم فعلا وانا مبزعلش محترمين منى بس متظلمنيش قوى كده انا كان ردى تكمله لحوار وان كنت هطلع انا الغلطان يبقى مش هبرر موقفى ولا هقول الراجل ده قال ايه مع اعتذارى لحضرتك

11-12-19, 03:24 PM	#18
jhoncarbntr صياد نشيط تاريخ التسجيل: Jun 2011 المدينه: K.S.A المشاركات: 392 معدل تقييم المستوى: 7	رد: تساؤل شاب مصرى ( منقول ) الاخ ابو سيف اسمح لى ارد عليك : 1- انا كاتب فى عنوان الموضوع انه منقول لكن انا نقلته علشان بيعبر على اللى جواى حتى لو موش كلماتى 2- الثورة معترضناش عليها بالعكس دى نقطة تاريخية رهيبة فى حياة كل مصرى لكن اللى بنعترض عليه اللى بيحصل بعد الثورة وأظن ان موش اهداف الثورة بس اللى اتحققت لا اكتر من مية هدف اكتر مكانش حد متوقعه انه يتحقق طيب لما ده اللى حصل ايه اللى موش مخلينا نصبر سنة كمان لغاية لما نشوف مصر جنة او زى ماحضرات المعتصمين بيحلموا بيها ....هو كل حاجة لازم تحصل حالا حالا 3- البنت وأظن كل اتضايقنا لها وهاجمنا تصرف العساكر اللى كان فى منتهى الغباء والقسوة وغير بشري حضرتك عايزنا نعمل ايه حرب اهلية مثلا وننزل ندبح الجيش ويدبحنا لما الوضع يهدا نشوف المسئول ويتحاسب 4- اظن موضوع مكاسب الثورة انا مليش اعتراض عليها كلنا من اصغر عيل لأكبر شخص عارفين ان الثورة دى نعمة جت لنا 5- اجابة على ردك للسؤال الخامس اللى ضربوا النت موش كل الجيش المصرى طيب انت ليه بتعمم ثم حضرتك طول مالجيش مشغول داخليا يبقى اى حد ممكن يفكر يغزو مصر او على الاقل يفكر فى الدخول جوه اراضيها وساعتها موش هيسحل بنت لا هيغتصب الاف البنات واللى ممكن تكون واحدة قريبتك فيهم انظر للمصلحة العامة 6- سادسا الله يرحم صديقك لكن لاتؤاخذنى لو البعض نازلين اعتصام فى وقت غير مناسب لأسباب موش قوية او على الاقل موش وقتها لا وداخل بينهم ناس بيخلوا بالنظام انا موش هكمل ......... 7- البلطجية يااخى عارفين انهم ضحايا النظام والنظام راح فى داهية ايه مشكلتك مع تأسيس نظام جديد موش عارف استنينا 30 سنة او اكثر موش عارفين بعد ماثلاثا اربع مطالبنا اتحقق على الربع الاخير اللى محتاج استقرار وحكومة جديدة علشان نكمله ايه فايدة الاستعجال اللى بيخلينا ثابتين عند الثلاث ارباع المحققة ويمكن بنقل عنها كمان 8- حضرتك المجلس العسكرى موش ممكن يعمل استفتاء على رحيله او لا ببساطة لأنه اخر خيط ماسك البلد ومحافظ على شرعيتها لو رحل أوكد لك انها كانت هتكون مليطة بالعامية ياريت حاول تفهم وياعم لو المجلس وحش ماهو حضرتك الرئيس اللى هيختاره الشعب ومجلس الشعب اللى هيختاره شوف الصدف الشعب كمان موش هيسكتوا عليه لغاية لما يرحل او على الاقل يتحجم يبقى اللى انت عايزه هيتحقق وبطريقة بسيطة جدا جدا وبموافقة الشعب كله ليه العند والتمسك بالرأى ومطالبك هتتحقق لاريبة دى ياعم كلمات من شاب مصرى يهمه مصلحة البلد وموش منقولة

11-12-19, 03:24 PM	#19
ahmedmh_ali صياد قديم تاريخ التسجيل: Jun 2011 المدينه: الأسكندرية المشاركات: 4,166 معدل تقييم المستوى: 32	رد: تساؤل شاب مصرى ( منقول ) من يعـترف بجهـله يظهـر جهله مـرة واحـدة . ومن يحـاول إخفـاء جهـله يظهـره دائمـاً . __________________ ✍ Smile ... tomorrow may be worse فقد ينقلب كل شىء ضدنا و يبقى الله معنا فلنكن مع الله يكن كل شىء معنا .. ™ AHMED ALI ™ THE BENEFIT OF BEING SMILING ALL THE TIME THAT IS NO ONE WILL EVER KNOW WHAT ARE YOU CAPABLE OF ✌ الحمد لله الذى عافانا مما أبتلى بة غيرنا ✌ ღ ♥ ♥ ღ

11-12-19, 03:29 PM	#21
omarmagic صياد قديم تاريخ التسجيل: Jan 2011 المدينه: الاسكندرية المشاركات: 1,635 معدل تقييم المستوى: 16	رد: تساؤل شاب مصرى ( منقول ) والله انا عايز اسيب البلد واسافر اتخنقت منها بلد __________________ الطيبة ليست غباء انما نعمة فقدها الاغبياء

11-12-19, 03:30 PM	#22
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: تساؤل شاب مصرى ( منقول ) برجاء اختيار الالفاظ كل شخص له وجهه نظر مقتنع بيها لكن يجب طرحها باسلوب مهذب اكثر من ذلك مع الاعتذار لاصحاب المشاركات المحذوفه وشكرا __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-12-19, 05:17 PM	#26
H_SRM صياد متقدم تاريخ التسجيل: Apr 2011 المدينه: بورسعيد المشاركات: 669 معدل تقييم المستوى: 8	رد: تساؤل شاب مصرى ( منقول ) يا جماعة اي استفسار قبل ما ندور لاجابة عليه نسأل نفسنا مين وصلنا لده؟؟؟؟ هل المتظاهرين؟ نفترض عايزين يخربوا البلد مين ادالهم فرصة؟ هو المجلس العسكري عمل ايه للشعب؟ نفسي أعرف المجلس العسكري عمل ايه للشعب؟ اللي يكون المفروض حمى الثورة بناءا على كذبهم لان اساسا الجيش بفضل الله معانا يجري على مصالحها يطيب خاطر الشعب يقتص من قتلة المتظاهرين مش يقعدهم في مستشفى 5 نجوم يطبق قانون الغدر من اول ما مسك يعمل كل اللي مطلوب يعمله من غير زء المجلس العسكري اللي وصلنا للاستفسارات كلها ووصلنا لدرجة اننا بنشك في بعض لو اختلفنا في الرأي ونشك في وطنية اي حد يعمل حاجة احنا مش عايزنها ياريت كلنا نفكر هنلاقي والله الطرف الثالث اللي قتل 100 متظاهر على مدار الشهور اللي فاتت كلها وجرح يمكن 4000 متظاهر طرف متواطيء مع مجلس الفلول وربنا ينتقم منهم

11-12-20, 01:58 AM	#29
ahmed6394 صياد قديم تاريخ التسجيل: Aug 2011 المدينه: القاهرة ’ الزيتون المشاركات: 1,965 معدل تقييم المستوى: 17	رد: تساؤل شاب مصرى ( منقول ) مبارك و المجلس وجهان لعملة واحدة __________________ {صعب تسمع يوم سكوتنا}

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نداء لكل مصرى	ahmed6394	الموضوعات العامه	6	11-12-13 02:54 PM
جى ام 500 وات كينوود 4 تشانل	devildream	مقتنيات الاعضاء	7	11-12-11 11:29 PM
اول فيلم 3d مصرى	ahmed6394	الموضوعات العامه	4	11-12-07 05:30 AM
اختراع مصرى....ام الاجنبى 2	ahmed6394	الموضوعات العامه	0	11-11-23 06:19 PM
والتر p88 مصرى عيار 8مم	trainman	محدثات الصوت	9	11-02-27 07:38 AM