تجار بلا اخلاق

[Max.1]

انا من مصر الجديده و لى اقارب فى منطقه الزاويه الحمرا و فى يوم السبت لقيت تلفونى بيرن ان اقاربى فى الزاويه بيتخانقو مع الجيران خناقه كبيرة ووقتها كنت بايع المسدس بتاعى ايكول p29 و و كان فى محل فى المنطقه هناك روحت لقيت عنده اشكال كتيرة و العادى الاسعار غاليه و لقيت عنده ايكول p29 الى انا لسه بايعه و كان سعره 1000 جديد قولت حلو زى سعر المنتدى جبته و جربه طلقتين و علشان انا كنت مستعجل سيبت العلبه عنده و ادانى 7 طلقات فضى تركى الواحده ب 5 جم و روحت على البيت و ضربت طلقتين فى حوش البيت و الى كانو بيتخانقو معانا خافو افتكروه حى لما طلع نار من الماسورة بس للاسف حشر منى و محدش خد بالو و خلصت الخناقه و هدى الموضوع شويه و جبت المسدس و فكيته و نضفته بجد جااااامد و جيت تانى يوم قولت ارجعه علشان انا مش محتاج ال p29 لقيتو بيقولى مفيش ترجيع و فضلت وراه و جبتلو راجل كبير من محل بويات جانبه يشهد على الموضوع قال لو هيرجع هخصم 100 جنيه بقوله ليه قالى كده ول مرجعش خالص قومت موافق و قولت فى وشه حسبى الله و نعمه الوكيل و صممت فى دماغى لما اجيب واحد احسن و بيضرب بلى هجربه فى صاحب المحل اول واحد (بهزر طبعا) و دى اخلاق الناس الى معندهاش ضمير بس احلى حاجه عجبتنى فى اليوم ده ان الناس خافت و افتكرو انو حى و اسف على الاطاله
اخوكو /مصطفى

[jhoncarbntr]

حمد الله على السلامة ياعمنا ...وبصراحة انا شايف انك رغم انك كنت مزنوق على المسدس لكن 100 واجبة بدل ايجار مادام مكنتش فى نيتك تشتريه فعلا

[Ashraf hassabe]

استاذ مصطفى لو انت رايح تشتري مسدس جديد من محل على انه جديد ترضى تأخذ مستعمل بسعر الجديد؟ او بعد ما تروح البيت تكتشف انه مستعمل ؟ ولو كانت طلقتين
لا تزعل من كلامي بس راجع نفسك

[zezo bose]

يا باشا فداك مليون جنيه المهم انو ادى الغرض وربنا ستر وكان سبب انو فض موضوع ممكن ربنا الاعلم كانت عواقبة تبقى وحشة والف سلامة عليك وحصل خير ولا تزعل نفسك خالص واهو قضى مصلحة

[Max.1]

الف شكرا على مروركو و فعلا ادى الغرض و زياده و الناس اترعبت بس الواحد لما بيشوف اخلاق الناس الى فى المنتدى و يشوف واحد زى ده برضه يبقى نفسه ياكله علشان الاستغلال ده و قدر الله ما شاء فعل

[Amir Omar]

انا مش مع سيادتك فى زعلك من صاحب المحل لان ببساطة حضرتك لما اشتريت المسدس مقولتش للراجل انك رايح تتخانق بيه وهترجعه بعد الخناقة و لو كنت قولتله اكيد مكنش باعه لسيادتك اصلا.

ثانيا بعد ما حضرتك استخدمته فكيته ونضفته بهدف محو اثر الاستخدام وده من وجهة نظرى تصرف مش سليم.

حضرتك حط نفسك مكان البائع وشوف هاتتصرف ازاى لو عميل عندك اشترى حاجة وتانى يوم جه يرجعها و هى مفيهاش عيب - اكيد كنت هاتعترض وهتكون مستاء.

ده مجرد وجهة نظرى واتمنى ان مشاركتى متكونش مضايقاك.

[Max.1]

انا مش مدايق من وجهه نظرك ابدا بس انت فهمتنى غلط فى حاجه انا لما اشتريته كنت فاقد اعصابى و لو انت فى مكانى وقتها كنت هتشترى رشاش مش مسدس و تانى حاجه انا لما نضفته ده عادى عندى مش بحب يكون عندى حاجه مش نضيفه و اى مسدس كان عندى طول ما انا قاعد بنضف فيه و فعلا انا قولتله انى ضرب بيه و مضحكتش عليه ول حاجه

[Amir Omar]

اشكرك يا مصطفى بك على سعة صدرك وربنا يكفينا واياك شر الغضب.

[Compact]

20% خصم استعمال ده العادى , الراجل عمل 10% بس ..

يا راجل دنا كنت بايع هكلر صوت ضارب 5 طلقات ب 3000 جنيه عشان مستعمل , و شوف ده يسوى كام دلوقتى عند أحمد منسى .

كنت خليه , البى29 حجمه و اداءه كويس جدا

عندى منه الاصدار القديم بتاعه ايكول فولتران بى29 ماسورة مقفولة , وعندى ايكول بى29 بتاع دلوقتى و مقفول برضوا , و حتى لما جربته فى ضرب البلى مع وجود طبة بلى الطويلة بتاعة البى29 كان اداءه هو و الفولجا احسن من حاجات تانية كتير اغلى منهم

[forexawy]

متفق طبعا مع آراء الاخوة الأعضاء هنا...حضرتك زعلان من حاجة متزعلش و العقد دايما شريعة المتعاقدين و انت و صاحب المحل تعاقدوا علي بيع و شراء نهائي مش محدود المدة أو مشروط و بالتالي لا يحق لحضرتك انك ترجع المسدس إلا لو كان فيه عيب التاجر موضحوش ليك أو عيب صناعة و ما شابه...

[Max.1]

على العموم حصل خير و قضى الغرض و حصل اخطاء من الموضوع ده و انا اتعملت منه و الحمد لله و شكرا لكل الاخوة الى شاركو فى الموضوع و افادونى