مش عارف اشتري ايه

[kemo mooga]

بسم الله الرحمن الرحيم
السلام عليكم

مش هلف ولا ادور من الاخر كده المنتدي ده هو الي حببني في هوايه الصيد
علشان كده لازم تساعدوني في مشكلتي

انا عايز اشتري بندقيه كويسه بس للاسف الميزانيه محدوده تقريبا 1500

دورت علي البنادق الكويسه زي الاسباني لقتها معديه جامد
قولت ادور في المستعمل الاسباني ( انا برضه عايز حاجه نضيفه ولما ابعها مأخصرش فيها كتير )
لقيت المستعمل برضه معدي الميزانيه ( دا غير اني لما سالت في المحلات خوفوني جدا من مشاكل المستعمل الكتير واني ممكن يندحك عليا فيها لاني مش هكتشف العيب غير بعد فتره .. دا علي اساس اني لسه مبتدء ومش عايز اتقفل من الموضوع ده من الاول )
قلت التركي لقيت في ناس بتشكر فيه وناس اكتر بتكره اليوم الي شافت فيه التركي

ف اتكلمت مع اصحاب المحلات قالو يبقي كالأتي ( الأتي زكرهم مش من محل واحد )
1- كرال رمايه فيبر قديم 1850ج
2- كرال رمايه فيبر جديد 1850ج
3- صيني عتله الصقر الكوري ؟؟؟؟؟ 750ج ( مش فاهم الذاي صيني وكوري )
4- ديانا الماني 2200ج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ( محدش يشتم )
5- كرال مموه 1500ج معدله ( معروضه في احد المنتديات )
6-كرال أسترونج جديده 1850ج

السؤال
1- ما الفرق بين الكرال رمايه الجديد و القديم ؟ ومين فيهم افضل ؟
2- مين افضل الرمايه ولا الاسترونج ؟
3- ترشحولي ايه اشتريه ؟ ولو مستعمل كويس موجود فين وبكام ؟

معلش طولت عليكم بس انا متحمس للموضوع وفي نفس الوقت حريص علشان ميندحكش عليا
ياريت رأي الخبراء
شكرا