رحلة صيد يوم السبت 20-02-2010

[محمد سليمان]

السلام عليكم و رحمة الله تعالى و بركاته
ازيكم يا اجمد شارب شوترز و اسنايبرز فى الدنيا
نزلنا مصطفى رويال هانتر وانا السبت اللى فات مش الجمعه يعنى نزله خفيفه كدا حوالى 6 ساعات و و الله كان نفسنا يبقى معانا ناس كتير من ضمنهم احمد سامو بس والله يا احمد بنعتذر جداً الموضوع مكنش مترتبله خالص و على فكره انا نفسى اقابلك و اتعرف عليك خصوصاً بعد ما مصطفى و كاريزما قالو عليك الكلام الجميل ده

بجد انا لازم اقول الكلام ده عشان فعلاً بحسه كل مره بطلع فيها مع مصطفى. هو فعلاً من خيره الشباب اللى الواحد ممكن يقضى وقت معاهم ما شاء الله عليه و فى منتهى الذوق والاخلاق ربنا يزيده و يكرمه و يباركله.

كان نفسى اقول مش هطول عليكم و ادى الصور اهه زى ما وعدنا بس على مين احنا لازم بردو نستفيد من الخبره والعلم اللى فى المنتدى الجميل ده بكل اعضائه فمعلش هحكى و استفسر عن شويه حاجات كدا:

اولاً دى اغرب رحله صيد طلعتها (هى تالت رحله اصلاً تقريباً ههههه) و الفكره فى انها كدا ان الطرائد المرادى كان كتير منها حمام جبلى و ده اللى انا اول مره اصطاده و كنت بستغرب اما الاقى كاريزما اليمام بالنسباله عادى يعنى لكن لو فى حمام برى يبقى متتفوتش و اما سألته قالى ان الحمام البرى ده طريده بمعنى الكلمه... طبعاً ساعتها مفهمتش بس فضلت فاكر الكلمه و الكلمه دى هى بردو اللى قالها مصطفى المره اللى فاتت اما كنا بنصطاد "طريده".

لاحظت بقى كذا موقف كدا فى الصيد فهمونى تقريباً معنى الكلمه دى ايه. اولاً معظم اليمام تقريباً الا ما ندر يعنى كان بياخد الطلقه و حتى لو فى جناحه بيبقى كدا شكراً على الارض و هنعرف نجيبه بمنتهى السهوله. الحمام الجبلى ده بقى غير كدا خالص احنا كنا بنضرب فى المقطم و اول ضربه كان من ايثار مصطفى المعهود لكرم أخلاقه انه يجعلها من نصيبى فالحمد لله جت فى حمامه وسط حوالى 6 حمامات على تل صغير من تلال المقطم ووقعت قدامنا لقينا فى دكرين طايرين حواليها و زى ما حكينا فى الموضوع اللى فات استنيناهم اما حطوا و بقيت انا و مصطفى بره العربيه بالسى اف اكس رويال المتألقه و الاير كنج المدفع ما شاء الله عليهم و اللى بيعمر يضرب على طول (مش دوتوهات يعنى ) وقفنا حوالى خمس دقايق و وقعنا شويه كمان و الغريب بقى ان بعد كل ده نلاقى الحمامه الاولى اللى كانت مرشوقه فى الارض بالايركنج و رش برو ماجنم طارت بقوه اكن مفيش اى حاجه خالص ووقفت على الجبل!!! العبد لله ضربها مره تانيه والحمد لله جت فيها بس موقعتش لا طارت بردو!!! طارت و كانت عايزه تعدى الطريق من فوقينا للناحيه التانيه و حصلت اغرب حاجه شفتها بقى ماتت فى الهوا معرفش ازاى و نزلت زى طائرات الحرب العالميه التانيه و هى متصابه و بووووووف رشقت فى سلك شائك و حجر من بتوع الجبل على مسافه حوالى متر من الاسفلت.. و انفجرت... هههههههههههه لا مش حرب عالميه قوى كدا هى عملت قنبله ريش كالعاده بس. و دى كانت اول اصابه غريبه تبعتها بقى شويه اصابات تلاقى الحمامه واخده طلقتين و تطير فوق الجبل و تبعد مسافه و حمامه تانيه اخدت طلقتين و هنديها التالته طارت مسافه كبيره و التحليق بتاعها و لا اكنها مضروبه اصلاً و اغرب واحده بقى معلش طولت قوى كانت حمامه واقعه من على تل عالى رشق فى الارض و ضربناها ضربه تانيه بعد اما وقعت عشان كانت اكنها مش مضروبه اصلا و قلنا خلاص ماتت نكمل ضرب على الباقى و بعد من 10 دقايق لربع ساعه او اكتر و مصطفى يصلحلى لو كان فى ارقام مبالغ فيها رحنا لقيناها بتجرى مننا و هتستخبى ضربنا تانى و كان المرادى انا و مصطفى مع بعض طلقتين واحده هوبى و التانيه برو ماجنوم قللوا من حركتها شويه رحنا لقيناها بصحتها قلنا ندبحها.. عارفين اما تدبحوا خروف العيد و تلاقوا نافوره دم كدا طلعت اهو تخيلو بقى ان اربع ضربات ووقعه من فوق الجبل من المسافه دى و مده طويله نسبياً و كل ده و القلب و الدوره الدمويه تمام التمام يعنى ما شاء الله فعلاً طريده.

معلش انا طولت عليكم بس خلاص كدا الاسئله بقى و بعدها الصور

اولاً استاذ اسامه فتحى تاون اسنايبر 1 ربنا يكرمه اما حكتله فهمنى ان الطلقه لو جت لاى طريده فى حته قاتله مش هتعمل معانا كل التهريج ده. فهل فى نصائح معينه لتجنب تعذيب الصيد بالشكل ده عشان انا ضميرى بيأنبنى جداً على اى طائر ميمتش من اول طلقه و حتى لو اضطرينا ندبحه.

ثانياً و دى كانت مناقشه دارت بينى و بين مصطفى لاننا كنا فقدنا سكينه الدبح المسنونه و كانت باقى السكاكين مش قد كدا فقلتلو انا جتلى فكره اننا ممكن نطير رقبه الصيد بحاجه سريعه و سهله جداً زى مقص الزرع (احم انا والدى مهندس زراعى ) و ده فعلاً الانواع الكويسه منه بتقص الورق اكنه موس فمعتقدش انه هيعذب الطائر.. فكان النقاش حول مشروعيه فصل الرقبه فى الدبح اصلاً. ياريت الافاده لو حد سأل فى الموضوع ده قبل كدا

ثالثاً هل لو طائر دماغه اتفرتكت (هيد شوت) و بقينا شايفين بقايا مخه ده المفروض يفضل عايش لحد ماحنا نجيله و ندبحه!!!! و ازاى اصلاً داحنا حتى مكناش عارفين نمسك دماغه منين و كانت اليمامه دى بتحرك دماغها بشكل غريب و شكلها مش ميته خالص و لا حتى بتفرفر!!!!
و فى نفس الموضوع ده لو حد خبره او دكتور بيطرى مثلاً هل الحمام البرى ده ربنا مديله قدره على الشفاء سريعه (healing) يعنى مثلاً هل دمه بيتجلط بسرعه فعشان كدا بنشوفه يطير تانى زى الاول فى وقت قياسى؟؟

شكراً ليكم و اسف للإطاله بس والله بحب اشارك معاكم كل الرحله حتى احنا صورنا شويه فيديوهات بس سبحان الله مفيش و لا ضربه جت من اللى اتصوروا و نلف بالعربيه و نرجع تانى لنفس الحته مفيش اى ضربه بردو تيجى الحمد لله على كل حال

و ادى الصور:

الحصيله 16 يمامه و 8 حمامات و عصفورتين و غرغر

********
و دى المتألقة CFX Royal مع الصيد

********
الديانا 54 مع الصيد

*******
مصطفى مع بندقيته ربنا يباركله فيها و الصيد

*******
و ده بقى انا مع الديانا و على فكره دى اول صوره ليا فى المنتدى

*******
و دى مصطفى و انا صوره كدا "شهرة" على رأى مصطفى فى الضرب على مسافات ههههههه

******

شكراً ليكم يا صيادين

[السلطان]

بيض الله وجيهكم

[محمد سليمان]

المشاركة الأصلية كتبت بواسطة السلطان

بيض الله وجيهكم

شكراً لذوقك يا استاذى الفاضل
بيض الله و جهك و رزقك صحبه نبيه الكريم صلى الله عليه و على آله و سلم فى جنه الفردوس العليا

[ابو الشوق]

الله ينور على الصيد الجامد
بالنسبى للدبح انا بخلع الراس بايدى علشان تصفى دمها

[هشام سمير]

ما شاء الله صيد طرائد زى الفل وبنادق احلى وصيدين احلى واحلى بس يا جماعه انا بخاف اضرب الحمام الجبلى او البرى اللى هو بتاع ابراج بيكون قدام ومبضربهوش وعايز حكم ضربه ايه مع العلم ان صاحب البرج مبيملش حاجه غير انه بينى البرج بس والحمام بيجيله من كل مكان ..... دا حتى مبيحطلوش اكل ياريت اللى يعرف الحكم يقولى وله عشوه جامدة عندى

[طلعت بخيت بسكالس]

محمد باشا أيه الجمال ده
لقد لقد عقدتم لساني عن التعليق من كتر الحلاوة لدرجة أني مش قادر أقول غير الله ينور عليكم
ومرة تانية أيه الجمال ده.

[محمد سليمان]

المشاركة الأصلية كتبت بواسطة ابو الشوق

الله ينور على الصيد الجامد
بالنسبى للدبح انا بخلع الراس بايدى علشان تصفى دمها

الله ينور عليك يا استاذ ابو الشوق
ممممم بس هو مش كدا انا هكون بسببلها الم اكبر؟ اقصد انى اعرف ان المفروض السكينه تبقى مسنونه كويس عشان مألمهاش فهل الطائر كدا هيحس بالم اكتر اما اخلع راسه بايدى و لا ده عادى و هل هو حلال و لا محدش اتكلم فيه قبل كدا؟

و انا دورت شويه على النت كدا لقيت ده كجزء من مقاله: "عند الذبح يجب التأكد من قطع جميع الاوردة والشرايين والمرىء والقصبة الهوائية مع عدم فصل الراس عن الجسم إلا بعد سكون حركة الحيوان تماما للتأكد من إكتمال الادماء. لان الإدماء الغير كامل يؤثر على جودة اللحوم فمن المعروف أن دم الحيوان يعتبر وسطا مناسبا لنمو وتكاثر عدد من الميكروبات وتحديدا عندما تتوقف حياته... فالوضع الطبيعي هو ان ينزف اكبر كمية ممكنة من دم الذبيحة وفي اقل وقت ممكن... ويحدث الادماء الجيد اكثر عند عدم فصل راس الحيوان عن جسمه ويفضل فصلها بعد السلخ حتى لا يقطع الحبل الشوكي بعد الذبح مباشرة وذلك لعدم اتلاف النخاع المستطيل نظرا لاستمرار عمل القلب والرئتين. " بس اللى انا كنت اعرفه من الدراسه العاديه ان منظم ضربات القلب موجود جوا القلب نفسه بمعنى ان حتى لو اتفصلت الرأس تماماً هيفضل القلب يدق فتره مش قليله، و بالنسبه للعضلات فهى كدا كدا ليها انقباضات لا اراديه واعتقد ان حضرتك بتلاحظ الموضوع ده اما بتفصل الرأس تماماً انها بتفضل تفرفر بردو و عندنا فى البلد مره اتدبحت بطه بفصل الرأس تماماً و قامت جرت حوالى متر و شويه قبل ما تقع تانى و تقعد تفرفر!

و بالنسبه للفصل من الناحيه الدينيه لقيت الآتى مع العلم بان ده من على الانترنت و مش موثوق فى صحته تماماً: "أما فصل الرأس أثناء التذكية فليس بحرام ولا كفارة فيه"

و بردو ده و بعده اللينك بتاعه لمن يريد الاستزاده او التأكد: "ما معنى النحر؟ وما معنى الذبح؟ وما معنى العقر؟
النحر يكون للإبل، ومعناه: أن يضربها بسكين أو نحوها في الوهدة التي بين أصل العنق والصدر، الوهدة التي بين أصل عنق الجمل وصدره، يضربها بحربة أو سكين ونحوها، هذا يُسمَّى نحرًا، وهذا إنما يكون للإبل.
أما الذبح؛ فهو قطع الحلقوم والمريء والودجين، يعني الرقبة والحلقوم والمريء والودجين، والودجان: هما عرقان غليظان محيطان بالحلقوم والمريء.
وأما العَقْر؛ فإنه يكون في الصيد، وما لا يُقدر على تذكيته، وذلك بأن يرميه أو يطعنه برمح أو سكين ونحو ذلك، يعني صيدا أو مثلاً جمل هرب وما استطاعوا عليه، فيطعنه أحد الحاضرين بسكين أو برمح أو بسيف أو نحو ذلك، هذا يُسمى عَقْرا، وسنتكلم -إن شاء الله- عنه وسنذكر الدليل له...."
http://www.islamacademy.net/Index.as...d=4854&lang=Ar

[محمد سليمان]

المشاركة الأصلية كتبت بواسطة هشام سمير

ما شاء الله صيد طرائد زى الفل وبنادق احلى وصيدين احلى واحلى بس يا جماعه انا بخاف اضرب الحمام الجبلى او البرى اللى هو بتاع ابراج بيكون قدام ومبضربهوش وعايز حكم ضربه ايه مع العلم ان صاحب البرج مبيملش حاجه غير انه بينى البرج بس والحمام بيجيله من كل مكان ..... دا حتى مبيحطلوش اكل ياريت اللى يعرف الحكم يقولى وله عشوه جامدة عندى

استاذ هشام اولاً شكراً على مرورك الكريم
ثانياً احب انتهز الفرصه و اقول لحضرتك و لكل الصيادين فى المنتدى الجميل ده انكم امضائتكم ما شاء الله اقل ما يقال عنها انها مفيده و امضاء حضرتك بالذات حكمة ممتزجه بشئ من السخريه بيفكرنى بامضاء مصطفى "الصيد ادب مش رفع سلاح"
ثالثاً احنا عن نفسنا بنضربه فى الجبل و هو ساكن اصلا فى الجبل. يعنى فى خروم كدا فى الجبل بيسكن فيها و هى العشوش بتاعته يعنى النوع ده ملوش دعوه ببرج او غيره. بس انا للأسف معرفش حكم حمام البرج.

[محمد سليمان]

المشاركة الأصلية كتبت بواسطة طلعت بخيت بسكالس

محمد باشا أيه الجمال ده
لقد لقد عقدتم لساني عن التعليق من كتر الحلاوة لدرجة أني مش قادر أقول غير الله ينور عليكم
ومرة تانية أيه الجمال ده.

استاذ طلعت ده بس من ذوق حضرتك انا نفسى اتشرف فعلاً بمقابلتك و التعرف عليك

[طلعت بخيت بسكالس]

المشاركة الأصلية كتبت بواسطة محمد سليمان

استاذ طلعت ده بس من ذوق حضرتك انا نفسى اتشرف فعلاً بمقابلتك و التعرف عليك

والله كل الشرف سيكون من نصيبي أنا يامحمد

[charesma]

ماشاء الله بجد صور روعه وصيد حلو اوى احنا عاوزين ان شاء اله نطلع طلعه مع بعض

[محمد سليمان]

المشاركة الأصلية كتبت بواسطة charesma

ماشاء الله بجد صور روعه وصيد حلو اوى احنا عاوزين ان شاء الله نطلع طلعه مع بعض

اكيد يا كاريزما باشا انا نفسى اطلع معاك اصلاً

[eng_ahmed]

مشاء الله تبارك الله ربنا يثبت خطاكم ويرزكم الجنه اه الجمال ده يا شباب انتو فتحتو نفسي بجد علي الصيد وان شاء الله تكون اول طلعاتي معاكم

[محمد سليمان]

المشاركة الأصلية كتبت بواسطة eng_ahmed

مشاء الله تبارك الله ربنا يثبت خطاكم ويرزكم الجنه اه الجمال ده يا شباب انتو فتحتو نفسي بجد علي الصيد وان شاء الله تكون اول طلعاتي معاكم

بشمهندس احمد حضرتك تنورنا ربنا يكرمك و يثبتك و يرزقك صحبة سيدنا محمد صلى الله عليه و سلم فى الجنه
و الله متعه الصحبه والرمايه و تقضيه الوقت فى الهوايه الجميله النافعه باذن الله دى حتى احلى من متعه الصيد نفسه

[body77]

اله ينور
وربنا يزيد ويبارك
وياريت المره القادمه تخدونى معاكم

[محمد سليمان]

انت تنورنا يا استاذ وائل ربنا يكرمك

[egypt sniper]

بسم الله ما شاء الله
صيادين ولا اجمل بصراحه (متألقين)
يا ريت المره الجايه تاخدونا معاكم

[Oonyx]

ما شاء الله والله يامحمد , على فكرة ياجماعة محمد ده إنسان جميل جدا ومايفوتوش حاجة. بجد هو سباق بالخير ومن خيرة الشباب. والله ياجماعة أنا كنت طلبت معرفته وهوا اللي بدأ ولسة بيكلمني علطول. بجد يا محمد إني اشهد الله إني احبك في الله.

[محمد سليمان]

المشاركة الأصلية كتبت بواسطة egypt sniper

بسم الله ما شاء الله
صيادين ولا اجمل بصراحه (متألقين)
يا ريت المره الجايه تاخدونا معاكم

ربنا يكرمك يا استاذى ان شاء الله ننزل مع بعض انا رقمى 0166115090 ممكن نظبط موضوع الأجازات ده فى اسبوع كدا و ننزل مع كاريزما و استاذ وائل و كل الصيادين الكبار دول (مقاماً و خبره) ان شاء الله

اما موضوع التألق ده فبعضاً مما عندكم

ووالله هو مصطفى كدا انا جربت اصطاد لوحدى بس معاه الموضوع مختلف ما شاء الله بيخلى كل حاجه متألقه كدا و شياكه حتى الصيادين اللى بيصطادوا معاه هههههه :d

[محمد سليمان]

المشاركة الأصلية كتبت بواسطة oonyx

ما شاء الله والله يامحمد , على فكرة ياجماعة محمد ده إنسان جميل جدا ومايفوتوش حاجة. بجد هو سباق بالخير ومن خيرة الشباب. والله ياجماعة أنا كنت طلبت معرفته وهوا اللي بدأ ولسة بيكلمني علطول. بجد يا محمد إني اشهد الله إني احبك في الله.

يا عامر باشا أكرمك الله ده بس من ذوق سيادتك و خلقك الرفيع
أحبك الله الذى احببتنى فيه
انا نفسى اقابلك على فكره بس نخليها هنا بقى عشان واضح من موضوعك الاخير انك خلصت كل الطير اللى فى منطقتك :d