|
مقتنيات الاعضاء مقتنيات الاعضاء الاخرى الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
11-08-12, 11:05 PM | #1 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
مشروعات صغيرة 1 تركيب عطور
بسم الله الرحمن الرحيم
المشروع رقم 1 تركيب عطور ياجماعة انا هاشرحلكم كيفية تركيب العطور في البيت وأماكن شراء الخامات بأسعار جامدة جدا جدا مكونات زجاجة العطر 1- الأسنس أو الزيت الخام للعطر . 2- الكحول . 3- الزجاجة . 4- المثبت . وده مالوش لزمة وكل واحد ودماغة. التركيب :- لتركيب زجاجة 50 مللي 1- 10 جرام زيت خام . 2- 40 جرام كحول . 3- الزجاجة ال 50 مللي. 4- لو عاوز تحط مثبت 3أو 4 نقط الزجاجة ال100 مللي ــــ نفس الخطواط مع مضاعفة الكميات ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ أماكن شراء الخامات :- في أماكن كتير لشراء الخامات في القاهرة من اهمها منطقة الحسين وهتلاقي الأسعار غالية نسبيا وفي شارع أسمه الجامع الأحمر متفرع من شارع كلوت بك من شارع رمسيس بجوار شارع الفجالة الأسعار :- 1- نوع الزيت الخام في منه اكتر من نوع بمعنى درجات أو فرز اللي انتم هاتجيبوه اسمه الألف وفي شعبي بدرجات كتير والالف بيتراوح سعر الجرام في بين 55 إلى 70 قرش وفي انواع قليلة جدا سعر الجرام فيها 1.5 وسعر الزيت على حسب نوع العطر . 2- الكحول هتجيبوا حضراتكم اللتر اللي ب7.5 جنية وده معقول جدا وانا عن نفسي بأستخدمه وفي أرخص . 3- الزجاجة الفاضيه ودي أشكالها كتييييييييييير جدا وأسعارها على حسب الشكل والزجاجة العادية المصنفرة ب 1 جنية ال 50 مللي . والمثبت لو عاوزين تشتروه ال 50 جرام ب 5 : 7 جنيه وهايعيشوا معاك كتيير . سعر تكلفة الزجاجة ال 50 مللي:- 1-لو سعر جرام الزيت مثلا ب 60 في 10 جرام يساوي 6 جنية . 2- 40 جرام كحول ب حوالي 35 قرش . 3- الزجاجة ال50 ملي 1 جنية . 4- المثبت 0.15 قرش . التكلفة الكلية للزجاجة 7.5 جنية وبتتباع ب 15 جنية وفي المحلات بتتباع من 15 الى 18 جنية إذا إم شاء الله المكسب 100% أتمنى إني اكون أفتدكم وإن شاء الله هجيب ليكم مشاريع تانية كتير. |
sponsor links |
11-08-12, 11:08 PM | #2 |
صياد متفاعل
تاريخ التسجيل: Feb 2011
المشاركات: 233
معدل تقييم المستوى: 7 |
رد: مشروعات صغيرة 1 تركيب عطور
مشكورررررررررر موضوع اكثر من رائع
__________________
فيها حاجة حلوة . حاجة حلوة بينا
حاجة كل ما تزيد زيادة فيها إنة فيها نية صافية .فيها حاجة دافية حاجة بتخليك تثبت فيها سنة سنة مصــــر هى الصبح بدرى.مصـــر صوت الفجر يدن مصــــر اول يوم العيد .عيدية .بمب ولبس جديد موائد رحمن . فانوس رمضان . مسلم فى بيت مسيحى فطرووا . تأييلة العصرية ولمة على الطبلية فى مصر مولد السيدة والذكر والهيصة وركعتين بركة فى السيدة نفييسة تحيرك برضه حاببها على بعضها كدا بعيوبها حتة منك فيها حاجة حلوة . حاجة حلوة بينا " |
11-08-12, 11:26 PM | #3 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
ربنا يبارك فيك
|
11-08-12, 11:30 PM | #4 |
الاب الروحي للمنتدى
|
رد: مشروعات صغيرة 1 تركيب عطور
بارك الله فيك أخي الحبيب وإبني الغالي...الله ينور عليك أفكار جامدة جدا...والله ممكن تكون نواة لمشروع صغير للغاوي والمهتم والذي يبحث عن عمل أو حتى إللي عايز يحسن دخله...مصدر وباب رزق ربنا يفتحها عليك من وسع ويجعلك في عون إخوانك...أنحني لك وأرفع القبعة...خالص تحياتي...
__________________
اللهم آتنا في الدنيا حسنة وفي الآخرة حسنة وقنا عذاب النار
|
11-08-12, 11:49 PM | #5 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
الله عليك دا ان جسمي أشعر والله العظيم وحضرتك حسستني فعلا ان الموضوع مهم وحفزتني على إضافة مشاريع مماثلة وقريبا جدا ان شاء الله وألف شكر لحضرتك
|
11-08-12, 11:55 PM | #6 |
صياد قديم
تاريخ التسجيل: Feb 2011
المشاركات: 1,366
معدل تقييم المستوى: 18 |
رد: مشروعات صغيرة 1 تركيب عطور
بارك الله فيك يا اخى
وجزاك الله كل خير |
11-08-12, 11:57 PM | #7 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: مشروعات صغيرة 1 تركيب عطور
مشروع جميل جداااااااا
تسلم يا باشا
__________________
سبحان الله و بحمدة سبحان الله العظيم
|
11-08-13, 12:45 AM | #8 |
صياد نشيط
|
رد: مشروعات صغيرة 1 تركيب عطور
شكرا اخى الكريم
__________________
يستطيع الإنسان أن يتمنى ما يشاء لكنه لا يستطيع أن ينال مايشاء.. |
11-08-13, 01:02 AM | #9 |
صياد قديم
تاريخ التسجيل: Apr 2011
المدينه: نادي الزمالك اسمي و عنواني
المشاركات: 2,373
معدل تقييم المستوى: 37 |
رد: مشروعات صغيرة 1 تركيب عطور
تسلم يا باشا موضوع جميل ينم عن معدمك الاصيل و حبك للمساعده
بس في تعديل بسيط..الشارع اسمه كلود بيك و ليس كلوت بيك :d و تحياتي
__________________
كل اناء ينضح بما فية |
11-08-13, 01:12 AM | #10 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: مشروعات صغيرة 1 تركيب عطور
جميل جدا يا مورو معلش سؤال هو الزيت الخام بيتباع ازاى يعنى
الزجاجه بكام وكام ملى تحياتى ولو رايح قريب يا ريت تقولى ونروح سوا لو مكانش يضايقك وشكرا
__________________
|
11-08-13, 01:13 AM | #11 | |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: مشروعات صغيرة 1 تركيب عطور
اقتباس:
انت مبتسيبش حاجه تعدى وبعدين فين اللى عليك
__________________
|
|
11-08-13, 03:19 AM | #12 |
صياد قديم
|
رد: مشروعات صغيرة 1 تركيب عطور
تسلم على الموضوع الجميل دة .
__________________
✍ Smile ... tomorrow may be worse فقد ينقلب كل شىء ضدنا و يبقى الله معنا فلنكن مع الله يكن كل شىء معنا .. ™ AHMED ALI ™ THE BENEFIT OF BEING SMILING ALL THE TIME THAT IS NO ONE WILL EVER KNOW WHAT ARE YOU CAPABLE OF ✌ الحمد لله الذى عافانا مما أبتلى بة غيرنا ✌ ღ ♥ ♥ ღ
|
11-08-13, 03:23 AM | #13 |
صياد متقدم
|
رد: مشروعات صغيرة 1 تركيب عطور
والله موضوع حلو بس ياريت تضيف مشاريع وافكار كتير لان ناس كتير سباب زى بيدوروا على مشروع حلو بس مش عارف يعمل ايه ومجهود ليك راىع
|
11-08-13, 03:24 AM | #14 |
صياد متقدم
|
رد: مشروعات صغيرة 1 تركيب عطور
ولو ممكن نعرف دخل المشروع يبقى عامل ازاى ولك الف شكر يا بااااشا
|
11-08-13, 05:58 AM | #15 |
صياد قديم
تاريخ التسجيل: Apr 2011
المدينه: الإسكندرية
المشاركات: 1,454
معدل تقييم المستوى: 13 |
رد: مشروعات صغيرة 1 تركيب عطور
مشروع جميل و فكرة رائعة
جزاك الله خيرًا ممكن لو عندك عنوتن في الاسكندرية تضعه
__________________
أخي ستبيد جيوش الظلام . . . و يشرق في الكون فجر جديد
فـــأطلق لـروحك إشــراقها . . . ترى الفجر يرمقنا مــــــن بعيد |
11-08-13, 12:09 PM | #16 | |
صياد قديم
تاريخ التسجيل: Apr 2011
المدينه: القاهره
المشاركات: 1,669
معدل تقييم المستوى: 15 |
رد: مشروعات صغيرة 1 تركيب عطور
اقتباس:
موضوع مميز بجد ومعلومات قيمة واضافة الى كلام حضرتك وبعد اذن حضرتك طبعا ان الزيت فى منه انواع من شركات مختلفة وتركيزات كمان يعنى فى ال1000 بيسموه شعبى وفى 2000 وبيسموه جرام عالى واختلاف الشركات ده مهم جدا لان ريحة الاسنس نفسه بتختلف شويه ممكن تلاقى نفس النوع من شركة مان مثلا ريحته طيبه جدا ومن شركة تانيه تلاقيه نفاذ شويه او مختلف وبالنسبه للمثبت فى ناس للاسف الشديد بتغشه وتحط مكانه جلسرين او ماء مقطر اللى بيتباع فى الصيدليات ولغاية دلوقتى لا ده نافع ولا ده نافع لان جوده العطر نفسه بيتوقف على جوده الزيت الخام واستكمالا للامر ايضا لو نسبة الزيت قليلة فى الزجاجه الرائحة لن تثبت الا قليلا جدا اما لو النسبه معقولة هاتكون ممتازة ولو نسبة الزيت زيادة عن اللزوم هاتبقع الملابس وبالنسبة للاستخدام يفضل عدم الرش على الجلد مباشرة او تحت الابطين مباشرة لان الزيت بيعمل على تغميق الجلد بعد فتره فيجب الرش على الملابس من بعيد مع الحذر من الرش على العين بس عموما موضوع حضرتك رائع جدا
__________________
لا ايمان لمن لا امانة له ولا دين لمن لا عهد له |
|
11-08-13, 12:48 PM | #17 |
صياد جديد
تاريخ التسجيل: Jun 2011
المشاركات: 28
معدل تقييم المستوى: 5 |
رد: مشروعات صغيرة 1 تركيب عطور
جزاك الله خيرًا
|
11-08-13, 02:02 PM | #18 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
بص ياباشا الزيت هناك بالكيلو والبياع بييدك الكمية اللي انت عاوزها إبتداء من 10 جرام وانت طالع في زجاجات صغيرة بلاستيك او زجاج وياباشا يشرفني اني أنزل مع حضرتك
|
11-08-13, 02:03 PM | #19 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
|
11-08-13, 02:07 PM | #20 | |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
اقتباس:
|
|
11-08-13, 02:13 PM | #21 |
صياد نشيط
تاريخ التسجيل: Jul 2010
المدينه: شبرا
المشاركات: 350
معدل تقييم المستوى: 7 |
رد: مشروعات صغيرة 1 تركيب عطور
مشروع جميل و فكرة رائعة
__________________
http://www.egypthunt.net/picture.php...pictureid=1590 أعلمه الرماية كل يومٍ فلمّا أشتد ساعده رماني وكم علمته نظم القوافي فلمّا قال قافيةٍ هجاني SAKR2010 |
11-08-13, 02:15 PM | #22 |
صياد جديد
تاريخ التسجيل: Aug 2011
المشاركات: 5
معدل تقييم المستوى: 0 |
رد: مشروعات صغيرة 1 تركيب عطور
شكرا علي المشروع الرائع ونرجو المزيد
|
11-08-13, 02:27 PM | #23 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: مشروعات صغيرة 1 تركيب عطور
تسلم ايدك وكان الله فى عون العبد ما كان العبد فى عون اخيه ربنا يصلح حالنا وحالك
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
11-08-13, 02:43 PM | #24 |
صياد قديم
|
رد: مشروعات صغيرة 1 تركيب عطور
الى الامام الى الامام .........
|
11-08-13, 02:50 PM | #25 |
صياد متقدم
|
رد: مشروعات صغيرة 1 تركيب عطور
تسلم موضوع جميل وربنا يبارك فيك .............. موضوع قيم جدا ......... وجزاك الله خير
__________________
أحمد النقراشي |
11-08-13, 07:38 PM | #26 |
مشرف الصيد البري
|
رد: مشروعات صغيرة 1 تركيب عطور
مشروع جميل تسلم ايديك
__________________
قوله تعالى : { فلم تقتلوهم ولكن الله قتلهم وما رميت إذ رميت ولكن الله رمى وليبلي المؤمنين منه بلاء حسنا إن الله سميع عليم }[SIGPIC][/SIGPIC] |
11-08-13, 10:47 PM | #27 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: مشروعات صغيرة 1 تركيب عطور
الحمد لله ربنا كرمنى ورحت العتبه جيبت شويه عطور
دعواتكم معانا والف مليون شكر لمورو نصير الغلابه
__________________
|
11-08-13, 10:50 PM | #28 | |
صياد نشيط
تاريخ التسجيل: Jun 2011
المشاركات: 400
معدل تقييم المستوى: 7 |
رد: مشروعات صغيرة 1 تركيب عطور
اقتباس:
بالتوفيق ان شاء الله
__________________
اللهم إحفظ مصر و أهلها |
|
11-08-13, 11:29 PM | #29 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
مبروك وشد حيلك بس حاول المرة اللي جاية تجيب من الجامع الاحمر او الحسين
|
11-08-14, 12:38 AM | #30 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: مشروعات صغيرة 1 تركيب عطور
مشروع جميل ريحته حلوة
|
11-08-14, 03:13 AM | #31 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: مشروعات صغيرة 1 تركيب عطور
ربنا يكرمك سيدى الفاضل واستاذنا الكبير
__________________
|
11-08-14, 03:15 AM | #32 | |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: مشروعات صغيرة 1 تركيب عطور
اقتباس:
بس الدنيا زحمه موت وكلوت بيه واقف لحد جراج العتبه ولقيت محل البركه ده وعجبنى بصراحه انا جيبت 4 انواع زيت 3 رجالى وواحد حريمى بس بصراحه الحريمى ناااااااااااااااااااااار جميل جدا اسمه مينى سباركل جامد جدى ههههههههههههههههه ربنا يباركلك يا مورو بجد
__________________
|
|
11-08-14, 04:43 AM | #33 |
صياد متفاعل
|
رد: مشروعات صغيرة 1 تركيب عطور
مشروع جميل تسلم وألف شكر
__________________
صلى على النبي |
11-08-14, 01:56 PM | #34 | |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
اقتباس:
|
|
11-08-14, 02:13 PM | #35 | |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: مشروعات صغيرة 1 تركيب عطور
اقتباس:
يا ريت بخبرتك تقولنا على كام نوع جامد كده تحياتى
__________________
|
|
11-08-15, 03:57 PM | #36 |
صياد متفاعل
تاريخ التسجيل: Jun 2011
المدينه: الصعيد
المشاركات: 218
معدل تقييم المستوى: 6 |
رد: مشروعات صغيرة 1 تركيب عطور
انت راجل بتحب الخير وربنا هيكرمك ان شاء الله
|
11-08-15, 04:06 PM | #37 |
صياد متفاعل
تاريخ التسجيل: Jun 2011
المدينه: الصعيد
المشاركات: 218
معدل تقييم المستوى: 6 |
رد: مشروعات صغيرة 1 تركيب عطور
ياسلام لو تدلونا كده على كام اسم تركيبة حلوة رجالي يكونوا فواحين وحلوين كده عشان العيد هههههههههههه
|
11-08-16, 12:29 AM | #38 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشروعات صغيرة 1 تركيب عطور
بسم الله الرحمن الرحيم
الأنواع الراجالي : 1- إترنتي . 2- هوجو بوص . 3- سكلابشر. 4- شروتي. 5- اوبن. 6- جوب جامب. 7- لاكوست . 8- دانهيل. العادية 9- دانهيل فريش. 10- روشاس. 11- وان مان شو.. حريمي: 1- كيلك فلير ودي بتمشي حريمي ورجالي . بجد تحفة 2- اورجانزا. 3- بويزون. 4- كريزي لاف . جميلة جدا 5- مون سباركل جامدة جدي 6- سكسي 212 7- شانيل 8- كاسيليا 9- ويك اند 10- برتني سبيرز شرقي : 1- سلطان العطور تحفة اوي اوي بس الجرام بتاعة من 1.5 الى 2 جنية 2- عود بس فاقع جدا جدا 3- زهرة الخليج مع تحياتي مورو (عمرو صقر ) |
11-08-17, 04:28 PM | #39 |
صياد متفاعل
تاريخ التسجيل: Jun 2011
المدينه: الصعيد
المشاركات: 218
معدل تقييم المستوى: 6 |
رد: مشروعات صغيرة 1 تركيب عطور
ربنا بخليك لينا ياعمورة ياراجل ياطيب ويرزقك ويوسع عليك
|
11-08-17, 07:44 PM | #40 |
صياد جديد
تاريخ التسجيل: Jun 2010
المدينه: بنها
المشاركات: 41
معدل تقييم المستوى: 6 |
رد: مشروعات صغيرة 1 تركيب عطور
مشكور جدا يا غالى على الفكرة الجميلة دى
واسمحلى اضيف معلومه صغيرة الكحول اللى حضرتك بتقول عليه دا كحول صناعى ودا مخصص لتنظيف الماكينات وخاصة ماكينات النسيج ودا استعماله فى التركيب يسبب سرطان الجلد مع كثرة التكرار والافضل الكحول الطبيعى ودا سعره غالى بالنسبة للصناعى ولكنه امن ولا يسبب السرطان وطبعا معظم محلات التركيب تستخدم الكحول الصناعى لتخفيض السعر والمكسب الكبير وبالطبع عندما ن>هب لشراء اى برفام تركيب ويخبرنا البائع انها مثلا ب 25 حنيها هنقول ( ليه يا عم ما المحل اللى على اول الشارع بيعملها ب 15 بس ) ودا لاننا محدش فاخم موضوع الكحول دا حتى معظم اللى بيركبوا البرفام طب ممكن حد يقول وانا اعرف ازاى الكحول دا طبيعى ولا صناعى ؟ دى حاجه سهلة اول ما نركب الزجاجة نرش منها رشه فى الهواء امام وشنا لو شمينا رائحة البرفام مياشرة دا كحول صناعى لو شمبنا رائحة الكحول دا كحول طبيعى لانه بياخد وقت لحد ما يتعتق والشركات الكبيره المشهوره بتعتق البرفام لمده خمس سنوات منهم 2.5 فى مكان بارد جدا كالفربزر وبالباقى فى مكان دافى وبالنسبة لكميات التركيب لى فيها تعليق عندما نركب برفام 100 ملى لايد ان يكون الكحل المستخدم 100 ملى وليس اقل و>لك لان الكحل من المواد سريعة الطيران جدا وعند التركيب يطير منه جزء فتكون الزجاجة مملؤة ام لو ايتخدمنا كميه اقل بالاضافة للكحول اللى يطير ستكون الزجاجة ناقصة وسيتررد من يشتريها وشكرا |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مطواة صيد صغيرة ب 100 جنية | AFROTTO | سوق المنتدى | 21 | 11-04-24 01:34 PM |