|
ادوات الصيد الثقيله معلومات عن اادوات الصيد الثقيله |
|
أدوات الموضوع | إبحث في الموضوع | انواع عرض الموضوع |
11-04-06, 10:47 PM | #1 |
صياد قديم
|
لقيتوووووووا الروم الـ9ملل جديد في المحل
الموضوع والله مجرد مساعدة للناس اللي كانت بتدور علي الروم الـ9ملل جديد ومش لاقياه في اي محل في مصر عشان اللي موجود الـ8 ملل جديد اما الـ9ملل موجود مستعمل ، ولكن اخوكم الأفوكاتو لما بيحط حاجة في دماغه مش بيجليها ، فضلت الف وادور واروح واجي واتنطط (شمين ويمال) يوووووه قصدي (يمال وشمين) وروحت عند فتح الله وميشيل عازر (عندهم الـ8ملل بس) لكن الـ9ملل مافيش منه جديد (هو ده كان الرد) ولكن يا جماعة لاقيته جديد في محل في الجيزة اسمه (البارودي) جنب المحكمة عنده الـ8ملل والـ9ملل جديد بس اسعاره (نااااااااااااااااااااار) مش نار اوي يعني ، هو مش بيختلف عن برة كتير كل ما هنالك ان اسعاره (اكتر من الضعف بحاجة بسيطة) اممم عادي يعني هو عارف ان هو الوحيد في مصر تقريبا دلوقتي اللي عندو الـ9ملل جديد علشان كدة عاوز يبيعهولي بحوالي 1000 جنيه زيادة ،
مثال: الـ8ملل دلوقتي بـ1800 جنيه عند فتح الله والأهلية وبصراحة مش عارف سعر السوق بتاع الـ9ملل ، فسألت الأخ بدر الله يباركله علي سعة صدره (الراجل ده ياجماعة اتحملني كتير والله ورد علي كل الاسئلة بصدر رحب فكرني بأستاذ نشأت بتاع العلوم كنت بجننه ، بس بكون قاصد لكن استاذ بدر بحس اني جننته من غير ما اكون قاصد) ما علينا ، قالي طالما الـ8ملل عامل 1800 جنيه وهو كان شاري قبل الثورة الـ9ملل بـ2000 جنيه يبقي لو وصل سعرها دلوقتي لغاية 2500 جنيه فـكدة هيكون معقول جدا (كلام موزون) وقاللي اكتر من كدة ما تدفعش فيها (خايف علي فلوسي كتر خيره) وبكدة قدرنا نحدد سعر البيع والشراء للـ8ملل وللـ9ملل (1800 ، 2500) بالكتير (كحد أقصي) البارودي بقي عايز يبيعلي الـ8ملل بـ3200 وبعد الفصال 3000 جنيه والـ9ملل بـ3700 وبعد الفصال الجامد بـ3500 (كلام بيع وشراء وكنت رايح اخلص) لا عيب يا جماعة بلاش ردود الفعل السريعة دي (بسرعة كدة) ، طبعا انا مش هاعلق انا هسيب الري اكشن ليكو وعايز اعرف هل في حد مجنون (غيري) ممكن يدفع الرقم ده في مسدس صوت؟ افيدوني من غير ما تضربوني !!!
__________________
خالص تحياتي للجميـــــــــــــــــــــــــــــع " لا يجب أن تقول كل ما تعرف . . ولكن يجب أن تعرف كل ما تقول " |
sponsor links |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ده الميل بتاعي للعايز اي حاجه تخص الطبنجات | جودريلا | محدثات الصوت | 17 | 11-03-17 11:35 PM |
احذروا هذا المحل | osha966 | محدثات الصوت | 7 | 11-03-06 06:42 PM |
فيديو ممتع للمسدس الروم 96 الالمانى | بدر | ادوات الصيد الثقيله | 15 | 11-02-20 06:49 AM |
صيد اليمام فى الليل | مصطفى قناص الليل | الصيد البري وادواته | 22 | 10-09-26 10:22 PM |