ده جشع ولا هبل ولا استحمار

[sameer elbana]

الموضوع باختصار ان حضرتك لما بتحب تشترى مسدس وتكلم تاجر مثلا وتقوله انا عايز ريتاى بارون لو عنده الريتاى يقولك ايه بقى :

بص ياباشا الريتاى ده لا يعلى عليه مسدس فاجر وميه ميه ومش بيحشر اى نوع من انواع الطلقات

طيب بكام الريتاى عندك

يقولك بص ياباشا انا اللى عندى فرز اول نضيف مفتوح من المصدر وب 1400 جنيه مثلا

طيب تسال التاجر عندك بلو لو سمحت

التاجر معندوش بلو يقوم يقولك ايه بقى

ياباشا البلو الحلو اللى على ابوه مش موجود خالص فى السوق واللى موجود دلوقتى مش نضيف فرز تالت وبيحشر كل حاجه ومش حلو وابن ستين فى سبعين

تقولوا طيب ما الاستاذ فلان عنده يقولك لالالا مش حلو صدقنى انا شوفته عنده ومعجبنيش انا برضى ربنا

شوف بقى لما يبعلك الحته الريتاى اللى كانت معاه

جرب بقى تخلى صاحبك يكلمه بعدها بساعه


صاحبك يقولو فى عند حضرتك ريتاى بارون مفتوح

التاجر اللى بقى معندوش ريتاى بقى يرد يقولوا

بص ياباشا الريتاى اللى موجود فى السوق كله مفتوح فى مصر وبيت النار فيه مشكله

صاحبك يقوله طيب عندك ايه كويس بيضرب بللى

التاجر عندى حاجه تركى نضيفه قوى اسمها بلو مسدس مفتوح من المصدر وبيضرب بللى 10/10


بالذمة مش ده بيحصل انا حبيت اديلكم مثال حى للى بيعملوا التجار اللى اغلبهم للاسف على هذا المنتدى الشريف البرئ من طمعهم وجشعهم

ليه التاجر مايبقاش عنده ضمير وكرامه ويتكلم بما يرضى الله ويقول على الحلو حلو والوحش وحش

لكن بصراحه اللى بيحصل دايما ان التجار بوظه مخنا واتلفوا كل معلومه صحيحه

الحلو يبقى وحش لو معندهمش منه والوحش يبقى حلو لو هو اللى موجود عندهم بجد الموضوع محتاج ضمير شويه ومحتاج تجار محترمين مش التجار الل................ ولا بلاش عشان الرقابة

وعلى النقيض فى ناس كويسين جدا فى المنتدى وعندهم كرامه وضمير ومش بيكدبوا الوحش مايشتغلوش فيه والحلو يشتغلوا فيه
عموما حسبنا الله ونعم الوكيل