الجمال العربى الاصيل

[hosam hamza]

سبحان الله فى هذا الجمال

[البطل]

بسم الله مشاء الله ......................تسلم ايدك بجد صور روعه وعلى فكرة أنا من هواة ركوب الخيل .........وجزاك الله خير

[hosam hamza]

تحياتى ليك يا اخى الفاضل
انا زى حالاتك باعشق الخيل ومن هواه ركوبه

[koktal]

صور فوق الممتاز .. تسلم ايدك .. ماشاء الله على الخيل العربى الاصيل .. فهو يستحق مرتبة عالية بين باقى الفصائل الاخرى واعشق ركوب الخيل ايضا .. .. تحياتى لك ..

[dr_mohasan]

بسم الله ماشاء الله , صور رائعة يا أستاذ حسام , على الرغم من أنى شفت خيل عربى كتير , بس الصور دى رائعة بجد.

بعد إذن أستاذ حسام أنا هاسأل سؤال (طبعا عارف إجابته) لإضافة معلومة جديدة للإخوة الأعضاء

يوجد صفة شكلية مميزة للحصان العربى عن كل فصائل الخيل فى أنحاء العالم و يمكن من خلالها معرفة الحصان العربى الأصيل من مجرد النظر
هذه الصفة واضحة جدا فى كل الصور الموجودة , هل يمكن أن تعرفوا هذه الصفة من خلال التدقيق فى الصور ؟
((( للتسهيل , الصفة موجودة فى وجه الحصان)))
صاحب الإجابة الصحيحة له جائزة كبيرة جداً من أستاذ حسام. هههههههههههههه

منتظر إجاباتكم ومتابعها ........ و سوف أذكر لكم الإجابة الصحيحة غداً , إن شاء الله

[silver_5000]

اجمل و احلى و اوفى و ... و .... حيوان , تسلم يا حسام باشا

[hosam hamza]

منور يا دكتور معانا
طبعا انت خبير فى الحاجات دى
اعتقد ان اهم حاجه فى الوش بتاع الحصان العربى
يكون منحوت منخاره واسع اذنه صغيره عينه واسعه كحيله
الباقى عندك بقى
صح ولا انا غلطان
تحياتى ليك

[dr_mohasan]

المشاركة الأصلية كتبت بواسطة hosam hamza

منور يا دكتور معانا
طبعا انت خبير فى الحاجات دى
اعتقد ان اهم حاجه فى الوش بتاع الحصان العربى
يكون منحوت منخاره واسع اذنه صغيره عينه واسعه كحيله
الباقى عندك بقى
صح ولا انا غلطان
تحياتى ليك

يا باشا موضوعك جميل فعلا , وأعذرنى لتدخلى فى الموضوع بس انت جيت فى الحاجة اللى بحبها جدا جدا

بالنسبة للصفات
كل دى صفات صحيحة , ولكن هناك صفة واحدة فقط مميزة للحصان العربى عن كل خيل الدنيا
أنا هاقولك عالخاص بما أنك صاحب الموضوع , وبما أنك اللى هاتقدم الجائزة
هههههههههههههههههههه

[koktal]

المشاركة الأصلية كتبت بواسطة dr_mohasan

بسم الله ماشاء الله , صور رائعة يا أستاذ حسام , على الرغم من أنى شفت خيل عربى كتير , بس الصور دى رائعة بجد.

بعد إذن أستاذ حسام أنا هاسأل سؤال (طبعا عارف إجابته) لإضافة معلومة جديدة للإخوة الأعضاء

يوجد صفة شكلية مميزة للحصان العربى عن كل فصائل الخيل فى أنحاء العالم و يمكن من خلالها معرفة الحصان العربى الأصيل من مجرد النظر
هذه الصفة واضحة جدا فى كل الصور الموجودة , هل يمكن أن تعرفوا هذه الصفة من خلال التدقيق فى الصور ؟
((( للتسهيل , الصفة موجودة فى وجه الحصان)))
صاحب الإجابة الصحيحة له جائزة كبيرة جداً من أستاذ حسام. هههههههههههههه

منتظر إجاباتكم ومتابعها ........ و سوف أذكر لكم الإجابة الصحيحة غداً , إن شاء الله

منور يا دكتور .. وتقريبا العين والمسافة بينهما وسحبة الفم والمنخار .. ولو غلط يبقى نركن على جنب لحد بكرة بقا ..تحياتى للجميع ..

[dr_mohasan]

المشاركة الأصلية كتبت بواسطة koktal

منور يا دكتور .. وتقريبا العين والمسافة بينهما وسحبة الفم والمنخار .. ولو غلط يبقى نركن على جنب لحد بكرة بقا ..تحياتى للجميع ..

ازيك محمد بيه
أنت قربت جدا من الإجابة لأن الصفة التى أتحدث عنها فى نفس المنطقة اللى حضرتك ذكرتها
ولكنها صفة مميزة جدا لا يمكن أن تتشابه مع اى حصان آخر

خالص تحياتى

[هشام عزب]

جزاك الله خيرا ومجهود مشكور عليه
واضافه الي صورك نقلت هذا الموضوع من منتدي اشهر السلالات الخيل العربيه

اشهر سلالات الخيل العربيه

أشهر سلالات الخيول العربية الأصيلة
1 ـ الصقلاوي: وسميت بهذا الاسم لصقالة شعرها، وكبر خاصرتها وسرعة عدوها، وهي تتصف بجمال الرأس وعرض الجبهة.

ومنها: الصقلاوي الجدراني، والصقلاوي الجدراني ابن سودان الصقلاوي الجدراني ابن ربيني، الصقلاوي الشيفي، الصقلاوي دبيري، الصقلاوي رجيبي، الصقلاوي عبدة العبد، الصقلاوي نجمة الصبح، الصقلاوي قميصي.

2 ـ الكحيلان: كبير الجسم، ضخم العضلات، من أجلّ الخيول العربية وأفضلها، يغلب على لونها البني، وسميت بهذا الاسم لكحالة عينيها ووسعهما.

وقد تفرع من هذه السلالة:

الكحيلان الحمداني، الكحيلان الهدبان، الكحيلان الشويمان، الكحيلان الودنان، الكحيلان العجوز، الكحيلان العجوز ابن روضان، الكحيلان العجوز ابن سودان، الكحيلان الهيفي، الكحيلان الجلابي.

3 ـ المعتكي: طويل الحجم، ضخم الجسم، طويل الرأس، كثير زوايا الوجه، خشن المناخير، صغير العينين، طويل الرقبة، وهي من أعظم الخيول العربية التي رحلت إلى أوروبا، وساهم في تحسين سلالاتها، خاصة في فرنسا وإنكلترا، وأشهر ذلك الحصان العربي، دارلي: وقد تفرع من سلالة المعتكي:

1 ـ معتكي هوري: ضخم الصدر، قوي الأكتاف متناسق أضلاع الصدر.

2 ـ معتكي سبيلي: عالي القوائم، مستقيم الأكتاف،

2 ـ معتكي سبيلي: عالي القوائم، مستقيم الأكتاف، أقل سرعة من سابقه.

4 ـ العبيان: وسيم، جميل، يرفع أذياله خلال الجري ومنه:

العبية أم جريس، العبية الشراكية، العبية السحيلية، العبية الأطرم، العبية العوبلي، العبية منيحير، العبية هونية.

وهناك سلالات أخرى متعددة نذكر منها:

أم عرقوب (لالتواء في عرقوبها)، الحمداني، هدبة نزحي، شويمة سياح، عبية الشراك، معنّق حدرج.

ومن العوائل المعروفة من الخيل في أكثر البلاد العربية (وقد تكون بعضها من الأصول الأساسية).

دهمة عامر، العوسجيات، نصب عرار، ظبيعة، دهيمة، الحجلية، الشرادات، منجولة.

أما أهم السلالات العربية في إنكلترا:

ـ تركي بيرلي: وهو الذي كان له الأثر في تأسيس سلالة الهيرود، وسلالة الثور بورد.

ـ عربي دارلي: وهو من سلالة معنقي هدري، رحل إلى إنكلترا سنة 1704م من أحفاده الحصان آكليبس، أي الخوف، وقد كان أسطورة زمانه في السباقات، وكان مولده عام 1764م وفاز بـ18 سباقاً خلال سنة ونصف دون أن يمسه سوط أو مزبة مهماز.

ـ عربي غولد فين: واسمه الأول: شام، من نسله الحصان (لاث) والذي كان من أشهر خيول السباق في العالم.

أما أهم السلالات الفرنسية التي تأثرت بالدم العربي:

ـ الليموزان المختلط، الشارلي المختلط، الأنكلونورمان.

ـ حصان الخبب الفرنسي.

وفي ألمانيا كان من أهم السلالات التي تأثرت بالحصان العربي.

ـ سلالات التراكز.

وفي روسيا كان من أهمها:

ـ سلالة الآكال تاكز.

ـ سلالة البودجوني.

وللخيل عند العرب أصول وأحساب وأنساب، تعرف بالرسن والبيت وتسجل أسماؤها بحجج وأوراق مشهود بها من شيوخهم وكبار فرسانهم، وتختلف الخيل باختلاف المنطقة التي تعيش بها، وبالظروف البيئية السائدة في تلك المنطقة.وأهم هذه الخيول:

ـ الخيل الحجازية: ذات أحداق حسناء، سوداء، صلبة الحوافر وذات أرساخ متينة وجيدة، رقيقة البوز والجحافل.

ـ الخيل النجدية: طويلة الأعناق، مدورة الرأس، عجفاء الوجه، قليلة لحم الخد، دقيقة الآذان، عريضة الأكفال، رحبة البطون وغليظة الأفخاذ.

ـ الخيل اليمنية: مدورة الأبدان، قصيرة الأعناق، خشنة، غليظة القوائم، حادة الأكفال وخفيفة الأجناب.

ـ الخيل الشامية: جميلة الألوان واسعة العينين، كبيرة الأحداق صلعاء الجبهة ولينة الحوافر، والأضلاع في الجبهة، متسعة الأشداق.

ـ الخيل المصرية: طويلة الأعناق، حديدية الآذان، قليلة الشعر، دقيقة القوائم طويلة الأصابع، وجيدة الحوافر.

ـ الخيل المغربية: عظيمة الأعناق، طويلة السبيب (شعر الذيل) ضيقة المنخرين غليظة القوائم، مدورة الأوظفة، عاتبة الوجوه.

ـ الخيول الجزيرية: لها جودة المؤخر، وكثرة الشعور، وعرض الأوظفة أي مقادم الركب، وعرض الأكفان، وجودة الأحداق.

ـ الخيول البرقية: فلها خشونة الأبدان، وتلحيم الصدور وكبر الرؤوس وغلظ القوائم واتساع الحوافر.

ـ الخيول الخفاجية: فلها الضَّلعَ في الجبهة، وقصر الوجوه، وقلة لحوم الخدود، وتدوير الأكفال وانتصاب العراقيب، ومسح الركب، ورقة الجحافل.

ـ الخيول الإفرنجية: فلها غلظ الأبدان، وعظم الأرقاب والصدور، وصُغر الأكفال وتأخر الأنفُس (أي إنها لا تقدم على المخاطر).

وقيل إن أشرفها الحجازي وأيمنها النجدي وأصبرها اليمني وأشدها هملجة المصري وأنسلها المغربي وأجلاها الشامي.

انا عارفة ان الموضوع الطويل بس يارب يكون عجبكم

[dr_mohasan]

أنا هاسيب الإجابة لصاحب الموضوع لأنه كان عارف الإجابة وقالهالى عالخاص
ولذلك فله مطلق الحرية انه يقولها

خالص تحياتى لكم جميعاً

[koktal]

المشاركة الأصلية كتبت بواسطة dr_mohasan

ازيك محمد بيه
أنت قربت جدا من الإجابة لأن الصفة التى أتحدث عنها فى نفس المنطقة اللى حضرتك ذكرتها
ولكنها صفة مميزة جدا لا يمكن أن تتشابه مع اى حصان آخر

خالص تحياتى

الحمد لله .. هى ممكن تكون الاجابه دى .. تقعر خفيف في الوجه مما يضفي عليه نوع من الجمال الوحشي في بعض الأحيان

[hosam hamza]

مفيش كلام بعد كلامك يا دكتور
وياريت تشرحلنا مواصفات الحصان العربى كامله
ولك جزيل الشكر

[koktal]

المشاركة الأصلية كتبت بواسطة hosam hamza

مفيش كلام بعد كلامك يا دكتور
وياريت تشرحلنا مواصفات الحصان العربى كامله
ولك جزيل الشكر

تمام حسام باشا .. نخلى الدكتور يعملنا موضوع عن الخيل العربى *مميزاته, تشريحة والفرق بينه وبين الخيل الاجنبى*

[dr_mohasan]

المشاركة الأصلية كتبت بواسطة koktal

الحمد لله .. هى ممكن تكون الاجابه دى .. تقعر خفيف في الوجه مما يضفي عليه نوع من الجمال الوحشي في بعض الأحيان

صح يا باشا , ولكن التقعر ليس خفيف وانما واضح جدا , ولو حضرتك جبت صور لأى أنواع خيل من عالنت مش ممكن تلاقى هذه الصفة الا فى الخيل العربى ولذلك ممكن تمييزه من مجرد النظر الى الوجه من الجنب

ليك هدية عند استاذ حسام (بس 50...50)

[kemohabib]

الف شكر معلومه جديده وصور رائعه

[dr_mohasan]

هههههههههههههههههههههه ........ إنتوا بتورطونى

هو اللى بنعمله فى الناس هايطلع علينا ..... ههههههههه

عالعموم , موافق علشان خاطركوا وعلشان جميع زملائنا الأعضاء , بس ادونى فرصة يومين كدة علشان أعمل موضوع جامد

[koktal]

المشاركة الأصلية كتبت بواسطة dr_mohasan

صح يا باشا , ولكن التقعر ليس خفيف وانما واضح جدا , ولو حضرتك جبت صور لأى أنواع خيل من عالنت مش ممكن تلاقى هذه الصفة الا فى الخيل العربى ولذلك ممكن تمييزه من مجرد النظر الى الوجه من الجنب

ليك هدية عند استاذ حسام (بس 50...50)

هههههههههه .. 50/50 يا دكتور ماشى .. بس امسك حسام لحسن يجرى يستخبا ومنعرفش نجيبه ههههه .. ونرجو من الله ان يمن علينا بتربية هذا النوع من الخيل .. قولوا امييين ..

[dr_mohasan]

المشاركة الأصلية كتبت بواسطة koktal

هههههههههه .. 50/50 يا دكتور ماشى .. بس امسك حسام لحسن يجرى يستخبا ومنعرفش نجيبه ههههه .. ونرجو من الله ان يمن علينا بتربية هذا النوع من الخيل .. قولوا امييين ..

حسام أصلاً إختفى من ساعة ماقلتلك عالجايزة , واعتقد انك مش هاتشوفه تانى فى الموضوع ده
هههههههههههههه

[koktal]

المشاركة الأصلية كتبت بواسطة dr_mohasan

هههههههههههههههههههههه ........ إنتوا بتورطونى

هو اللى بنعمله فى الناس هايطلع علينا ..... ههههههههه

عالعموم , موافق علشان خاطركوا وعلشان جميع زملائنا الأعضاء , بس ادونى فرصة يومين كدة علشان أعمل موضوع جامد

ايه رأيك فى التوريطة دى بقا .. بس عايزيين موضوع .. يتم تثبيتة .. وانتا مصدر ماشاء الله يا حببنا موثوق ومعتمد .. ماشاء الله علييك ..

[koktal]

المشاركة الأصلية كتبت بواسطة dr_mohasan

حسام أصلاً إختفى من ساعة ماقلتلك عالجايزة , واعتقد انك مش هاتشوفه تانى فى الموضوع ده
هههههههههههههه

ههههههههههههه

[unknown]

منتظرين الموضوع يا دكتور وجاهزين للتثبيت

[dr_mohasan]

تحياتى أستاذ عبد الله

أنا عارف أنك مش بتظهر إلا فى الأوقات الصعبة , حاضر يا باشا

هههههههههههه

[العربى]

حاجه حلوة بجد

[hosam hamza]

انا مااختفيتش ولا حاجه انا معاكم اهه
ياريت نعمل موضوع جامد عن الخيل
وبرضه الجايزه موجوده يا دكتور

[sayedlabib]

رفع الوجه مع ضمور البطن واتساع فتحة الانف وميلها الى الاعلى