مشروع ممتاز للقرى في مناطق الارياف

[مورو]

بسم الله الرحمن الرحيم
فكره مشروع ممكن تكون حلوه
بإختصار علشان مطولش عليكم
المشروع دا للقري في الارياف وهي كالأتي :-
مشروع مزرعه متكامله يعني مثلا لو قريه فيها 100 بيت مثلا يعني
كل 10 بيوت يعملوا مزرعه صغيره فوق سطح كل بيت بمعنى ان اول 10 بيوت يربوا فراخ وتاني 10 بيوت يربوا ارانب والتالت مثلا رومي وهكذا ويشتركوا ويشتروا عربيه نقل كبيره وكل فتره العربيه دي تطلع توزع الانتاج بتاع البيوت دي
والانتاج ممكن يكون :-
1- فراخ بلدي.
2- فراخ بيضا.
3- ارانب .
4-رومي.
5- حمام.
6-معيز او خرفان.
7- سمان.
8-بط و وز.
9- تسمين عجول.
10-ال 10 بيوت الاخيره تهتم بتجميع البيض بتاع الفراخ واللبن اللي بيطلع من المواشي وتهتم بتوريد الاكل ليهم كلهم ولو حد عنده ارض يزرع البرسيم والاكل اللي بياكلوه كلهم .
انا معنديش خبره في كده بس انا شايف انها فكره حلوه حتى تمن العربيه لما يتوزع عليهم كلهم اكنهم مدفعوش حاجه والعربيه هتبقى كاش ومش هيحسوا بتمنها ابدأ .
ياريت اللي عنده خبره يفيدنا في الموضوع دا .
تحياتي للجميع
عمرو صقر