Lr 22

[charesma]

السلأم عليكم ورحمه الله
ازيكم يا احلى صيادين
انا كنت عاوز اعرف شويه معلومات عن بنادق الموريس lr 22 مسافه الرصاصه
ثمنها تقريبا وياريت لو ليها صور وصور الرصاص بتعها وشكررررررررا جدا

[steyr68]

السلام عليكم
الاخ العزيز محمد انا استخدمت بنادق عيار lr22 فترة طويله بدايه اثناء الدراسه فى المرحله الثانويه لانها كانت بنادق التدريب عندنا
وكنت انا قائد فريق الرمايه البندقيه دى كانت اول بندقيه امسكها بعد الخرطوش لا استطيع ان اوصف لك مدى الاحساس ببندقيه
خفيفه الوزن لا تشعر مطلقا باى ريكويل لها وصوت منخفض للغايه فى مستوى صوت بنادق الديانا 52
وهى ذات دقه اصابه عاليه اختصارا هى من الاسلحه الممتعه للغايه ومعظم الشركات المنتجه للاسلحه الناريه تنتج هذا العيار
لانتشاره وشعبيته بالنسبه لقوه العيار فهى تختلف بنوع الطلقات وليس بنوع البندقيه عكس بنادق ضغط الهواء فتتوقف سرعه المقذوف وطاقته
على حسب نوع الماده المصنع منها وبالتالى وزنه وكذلك على حسب كميه الماده الدافعه فى الفشقه وهى من البارود الاسود
وتتراوح السرعه من الانواع منخفضه السرعه الى الانواع عاليه السرعه ما بين1600قدم ثانيه الى 2500 قدم ثانيه

[charesma]

السلأم عليكم ازيك يا styer انا متشكر جدا على سرعه الرد
انا بصراحه قدامى واحد وحالتها كويسه جدا جدا بس انا بصراحه مش عارف هى عامله كام هو قالى 6500 جنيه ايه رايك؟؟

[steyr68]

انا مش عارف انت تقصد ايه يا محمد لكن المهم انت عارف ان النوع ده بيحتاج ترخيص لانها ناريه وما ينفعش اقتناء النوع ده الا بترخيص

[galal khalifa]

الاخ العزيز charesma
اولا لاشكر علي واجب الي يعرف يفيد الاعضاء لازم يتتدخل ويقول الي عندة بس خلي بالك البندقية دية محتاجة ترخيص سلاح والي ها تلاقية هيكون من بقايا الجيش وسعرها مش ممكن يعدي 1500 جنية لانها مهربة فا خلي بالك من النقطة دية

[venatic13]

دي بندقيه بجد

طيب ازاي انا اجيب واحده زي دي؟؟؟

[galal khalifa]

مش ممكن تجيب واحدة زيها الا بترخيص وحاليا التراخيص كلها واقفة لدواعي امنية

[Hunting & Hunter]

الاخ steyr68 قام بتغطية هايله عن الموريس ويسمح لي أضيف على ان مداهايصل الى ميل و نصف كما هو مكتوب التحذير على علب الطلقات و ذلك يتوقف على طول الماسورة و البندقية اذا كانت فى وضع الضرب ال semiautomatic ام لا حيث انها فى حالة ال semiautomatic تفقد جزء من طاقتها فى ترجيع الاجزاء واعادة التعمير و بالتالى يقل المدى و مما يساعد هذه الطلقه على تحقيق هذا المدى هو رفعها مما يقلل مقاومة الهواء لها. وان شخصيا اصطدت بها من على مسلفة 500متر وهى فى الحقيقة ممتعه للغايه.

[walther]

بسم الله الرحمن الرحيم
بس احمد بك اسمح لي باضافه صغيره بنادق الريم فير طلقتها سرعتها من اول 770 قدم ثانيه الي 2500 قدم ثانيه وده علي حسب كميه البارود ووزن الطلقه
اما موضوع المدي فلا يزيد عن 300 ده المدي القاتل لفريسه كبيره اما 500 اذا كانت صغيره بس ده لو وصلت مظبوطه لانها نشانها اكيد حيختل مع فقد الطاقه وعوامل الجو والجاذبيه وده اللي مكتوب تحت كل نوع من الانواع اللي في الصوره اللي علي الشمال

اما عيوبها طبعا الترخيص اللي مش ممكن يحصل عليه دلوقتي بالاضافه الي غلو ثمن ذخيرتها في مصر الطلقه المصري النص كم ب 2.5 وتصل اثمان المستورد الي 6 و 7 جنيه بالرغم ان العلبه 500 وعليهم خمسين هديه بتكون ب 9 دولار في امريكا

هيه تزيد بس يا جماعه عن بنادق الهاي بور الرش في الطاقه الحركيه للطلقه يعني لو قلنا متوسط سرعه الهاي باور 1000 قدم ثانيه بطلقه 14.3 جرين حتكون الطاقه الحركيه للطلقه 31.74 فيت ليبره .... اما لو طلقه من بنادق الريم فير وزنها 34 جرين وهو الوزن المتوسط منطلقه بسرعه 1000 قدم ثانيه حتولد 74.48 فيت ليبره وده بيعمل تاثير مدمر في انسجه الفريسه احنا في مصر مش محتاجينه لان معظم صيدنا مش محتاج اكتر من 20 فيت ليبره

اما الماحنوم من الريم فير فممكن تصل سرعه الطلقه ال 30 جرين الي 2500 ودي بقي بتدي طاقه حركيه مقدارها 416.25 فيت ليبره ودي لصيد الخنازير والغزال والحاجات اللي مش ممكن نلاقيها عندنا

واللينك ده لفيديوا بيعبروا انها رميه خرافيه وهايله من 1011 يارده علي هدف كبير بس ببندقيه مش لونج رايفل او الماحنوم منها لاااااااااااااااااااااا اسمعوا بس صوت الطلقه وده لاثبات ان الموريس صعب تصطاد من 500 متر اللي همه 700 يارده
http://www.youtube.com/watch?v=LfVvx-X7-SM&feature=related

وتقبلوا جميعا فائق التقدير والاحترام