مشروع لاعضاء المنتدي

[kiko_2015]

السلام عليكم و رحمة الله و بركاته

شوفوا يا رجاله..باختصار شديد...ما السبب في غلاء الاسعار في السلع المستورده؟؟ الاجابه بكل بساطه ان المستورد متحكم في السوق عشان هو اللي استورد البضاعه

طب انا و انت و الناس العاديه منقدرش نستورد ليه؟؟ الاجابه بكل بساطه لامك عشان تستورد حاجه لازم تطلب حاجه اسمها Minimum Order Quantity يعني ايه الكلام ده؟؟

يعني مثلا تركيا بتبيع مسدس الصوت ب 50 دولار..طب ينفع اطلب قطعه؟؟ لا طبعا..اقل حاجه Minimum order quantity تبقي مثلا 500 قطعه..و دول محتاجين راس مال..و راس المال مع المستورد ..وراس المال اللي يكفي لاهو معايه ولا معاك..و كمان لو معايا او معاك ممكن منغامرش بالمبلغ ده مره واحده..

طب الحل ايه ؟؟ الحل اننا نعمل شركه مساهمه..يعني مثلا لو البضاعه هتتكلف عشر تلاف دولار يعني 60 الف جنيه لو انا معايا ال60 الف ممكن اخاف اغامر بيهم مره واحده لكن لو اتحدنا و جمعنا مثلا 60 فرد (بشرط ان يكون ذو خلق و محترم و من اعضاء المنتدي ) كل واحد هيدفع 1000 جنيه بس

لو كسبت هتكسب كتير..ولو خسرت هتخسر 1000 جنيه بس مش 60 الف لوحدك..فاهمني؟؟

وطبعا الارباح هتبقي بالتساوي

اللي مرحب بالفكره يقوللي وانا لو نجحت باذن الله ممكن نكمل و تبقي نواة شركة مساهمه كبيره..واللي مش هقدر اغيره في مصر بايدي ..هيتغير بايدي و ايدك

انا مثلا ادامي دلوقتي استورد جهاز ال GPS بتاع مانع سرقة السيارات (جهاز ممتاز جدا جدا) العربيات من الصين القطعه ب 100 دولار و اقل اوردر ممكن تنفيذه هو 100 قطعه يعني ال 100 قطعه ب 1عشر تلاف دولار يعني 60 الف جنيه

طبعا الجهاز ده بيتباع في مصر ب 2000 جنيه يعني ال 100 قطعه يتباعو ب 200 الف جنيه يتوزعوا علي ال 60 عضو يبقي كل واحد ياخد 3333 جنيه

اخر النهار هحط صور جهاز ال GPS ده اللي وصلني بالميل الصبح مع بيان الاسعار لو انتو حابين الفكره

اللي حابب الفكره يقول ولو انا سرحت بخيالي شويه حد يفوقني و اللي حابب الفكره بس عاوز يجرب منتج اخر يقول و انا عندي علاقات مع الشركات في الصين و تركيا

و شكرا جزيلا

[الطيار]

هى فكرة ممتاذة بس اهم حاجة اختيار المنتجات اللى ممكن تعدى من الجمارك او بمعنى اصح اللى مصرح بيها وانا اول واحد معاك

[عربى]

و الله فكرة ممتازة و رائعة يا ابو سيف

[mman2005]

فكرة حلوة بس ممكن تتعمل من غير شركة مساهمة

يعنى مثلاً 10 أعضاء كل واحد هيدفع مبلغ معين يتعمل عقد بيهم ويتسجل فى الشهر العقارى بالمبالغ بتاعتهم ويذكر فيه نوع البضاعة المستوردة والبيانات عنها ونسبة الربح أو الخسارة لا قدر الله، وطبعاً باقى الإجراءات عليك يا ابو سيف بما أنك تمتلك القدرة على الإستيراد.

وأقترح إستيراد رش مستورد لحاجة السوق إليه ولأن علبة الرش الجامو ماتش لسة سائل عليها النهاردة نمرة 2 ب 30 جنيه ونمرة واحد ب 40 جنيه.

[shadymageed]

فكره جميله يا ابو سيف بس لو الشركه بعتت طلبك ايه اخبار الجمارك والضرايب على الحاجه دى ؟؟؟؟؟

[eng.amg]

طبعا أنا موافق وأشجعك جدا
بس شوف يا سيدي..

أهم حاجة في المضوع دا

أولا:.. معرفة مدة دورة رأس المال..
يعني الحاجة تيجي في أد أيه من وقت توريد الثمن وتتوزع في أد إيه وتلم فلوسها في أد إيه؟؟

ثانيا: لازم واحد أو أكثر .. 3 بالكتير هما منسقين العملية دي ((عملية الإستيراد والتعاقد)) و ((عملية التخليص الجمركي والشحن)) و ((عملية التوزيع))
ودول طبعا ليهم حصة علي شغلهم غير توزيع الأرباح علي المساهمين

ثالثا: مينفعش تمشي حبي وعشم. لازم يكون في عقود مكتوبة وموثقة لضمان الجدية وحفظ الحقوق

وطبعا أنا بأكد إني معاك في التفكير دا

[kiko_2015]

المشاركة الأصلية كتبت بواسطة الطيار

هى فكرة ممتاذة بس اهم حاجة اختيار المنتجات اللى ممكن تعدى من الجمارك او بمعنى اصح اللى مصرح بيها وانا اول واحد معاك

سؤال تمام و دي اول حاجه بسأل عليها مندوب الشركه و لو في حاجه فيها شبهه عندهم امكانية انهم يغيروا اسم المنتج اللي علي الاستيكر الملزوق ع البضاعه

[kiko_2015]

المشاركة الأصلية كتبت بواسطة mman2005

فكرة حلوة بس ممكن تتعمل من غير شركة مساهمة

يعنى مثلاً 10 أعضاء كل واحد هيدفع مبلغ معين يتعمل عقد بيهم ويتسجل فى الشهر العقارى بالمبالغ بتاعتهم ويذكر فيه نوع البضاعة المستوردة والبيانات عنها ونسبة الربح أو الخسارة لا قدر الله، وطبعاً باقى الإجراءات عليك يا ابو سيف بما أنك تمتلك القدرة على الإستيراد.

وأقترح إستيراد رش مستورد لحاجة السوق إليه ولأن علبة الرش الجامو ماتش لسة سائل عليها النهاردة نمرة 2 ب 30 جنيه ونمرة واحد ب 40 جنيه.

و ده كلام جميل يحترم جدا جدا

[kiko_2015]

المشاركة الأصلية كتبت بواسطة shadymageed

فكره جميله يا ابو سيف بس لو الشركه بعتت طلبك ايه اخبار الجمارك والضرايب على الحاجه دى ؟؟؟؟؟

الجمارك عن طريق مستخلص جمركي يا شادي و بتبقي شامله الضرايب..و اصحاب الخبره هنا بردو ممكن يفيدونا

[kiko_2015]

المشاركة الأصلية كتبت بواسطة eng.amg

طبعا أنا موافق وأشجعك جدا
بس شوف يا سيدي..

أهم حاجة في المضوع دا

أولا:.. معرفة مدة دورة رأس المال..
يعني الحاجة تيجي في أد أيه من وقت توريد الثمن وتتوزع في أد إيه وتلم فلوسها في أد إيه؟؟

ثانيا: لازم واحد أو أكثر .. 3 بالكتير هما منسقين العملية دي ((عملية الإستيراد والتعاقد)) و ((عملية التخليص الجمركي والشحن)) و ((عملية التوزيع))
ودول طبعا ليهم حصة علي شغلهم غير توزيع الأرباح علي المساهمين

ثالثا: مينفعش تمشي حبي وعشم. لازم يكون في عقود مكتوبة وموثقة لضمان الجدية وحفظ الحقوق

وطبعا أنا بأكد إني معاك في التفكير دا

اتفق معك تماما في كل كلمه كتبتها و بالذات حكاية ان 3 اشخاص من الموثوق فيهم يتولوا الموضوع و العقود المكتوبه كمان لو في محامي هنا ممكن يفيدنا و بالنسبه لدورة راس المال بتبقي عن طريق عمل دراسه جدوي سابقه لاحتياجات السوق المصري

[mosho]

اولا الموضوع مش مستورد و بس
انت لسه عندك شحن و جمرك و ضرايب و تخليص و شحن داخلى
ثانيا الموضوع دة مينفعش لينا
احنا معناش تصاريح استيراد سلاح او معدات او حتى لعب اطفال (اسلحة الصوت تدخل البلد على انها لعب اطفال)
ثالثا الموضوع دة قتل بحثا
و كل الناس حتقوا احنا معاك و كلنا وراك و.....و...و..و
و محدش حيعمل حاجه......
و لو حد مش مصدق ياريت يراجع المواضيع القديمه بخصوص هذا الموضوع قبل الرد على

انا مش بحبطك ... انا بوريك الحقيقة......
نفسى انا كمان اعمل اللى انت قلت عليه بس محدش بيساعد حد... كل الناس بتقول ما اشترى من هنا و خلاص
للعلم انا عندى رخصة استرادية.....

[moneey1975]

فكره جميله يا باشا وربنا يكرمك ان شاء الله تعالي

[mosho]

اولا الموضوع مش مستورد و بس
انت لسه عندك شحن و جمرك و ضرايب و تخليص و شحن داخلى
ثانيا الموضوع دة مينفعش لينا
احنا معناش تصاريح استيراد سلاح او معدات او حتى لعب اطفال (اسلحة الصوت تدخل البلد على انها لعب اطفال)
ثالثا الموضوع دة قتل بحثا
و كل الناس حتقوا احنا معاك و كلنا وراك و.....و...و..و
و محدش حيعمل حاجه......
و لو حد مش مصدق ياريت يراجع المواضيع القديمه بخصوص هذا الموضوع قبل الرد على

انا مش بحبطك ... انا بوريك الحقيقة......
نفسى انا كمان اعمل اللى انت قلت عليه بس محدش بيساعد حد... كل الناس بتقول ما اشترى من هنا و خلاص
للعلم انا عندى رخصة استرادية.....

[kiko_2015]

والله يا رجاله كل واحد كتب فيكم كلمه اضاف اضافه جديده...فعلا..وامرهم شوري بينهم..هنوصل لافضل اداء..اهم شيء النظام و الفعل اكثر من القول

ان شاء الله هتابع الموضوع تاني ع المنتدي اخر النهار عشان انا دلوقتي ف الشغل

[sayedlabib]

ربنا يوفقك يا ابو سيف والحمد لله انك من الناس الثقات فى المنتدى

[kiko_2015]

المشاركة الأصلية كتبت بواسطة mosho

اولا الموضوع مش مستورد و بس
انت لسه عندك شحن و جمرك و ضرايب و تخليص و شحن داخلى
ثانيا الموضوع دة مينفعش لينا
احنا معناش تصاريح استيراد سلاح او معدات او حتى لعب اطفال (اسلحة الصوت تدخل البلد على انها لعب اطفال)
ثالثا الموضوع دة قتل بحثا
و كل الناس حتقوا احنا معاك و كلنا وراك و.....و...و..و
و محدش حيعمل حاجه......
و لو حد مش مصدق ياريت يراجع المواضيع القديمه بخصوص هذا الموضوع قبل الرد على

انا مش بحبطك ... انا بوريك الحقيقة......
نفسى انا كمان اعمل اللى انت قلت عليه بس محدش بيساعد حد... كل الناس بتقول ما اشترى من هنا و خلاص
للعلم انا عندى رخصة استرادية.....

الشحن علي فكره بسيط جدا و احنا مش هنستورد سلاح احنا هنستورد بضاعه يسمح بدخولها البلاد يعني قانوني و بالنسبه للشحن انا بتحاسب من الدي اتش ال علي ابعاد صندوق وو وزن حاجه بسيطه والله جدا و كمان لو الشحن عن طريق البحر بيبقي ارخص كتير..شكرا يا استاذي علي الاضافه بس انا حاسس ان الرجاله هنا مش هتخذلني..واللي حاسس ان هنعمل حاجه

[eng.amg]

والله إحنا بنسعى لهدف معين
والواحد لو في حاجة في إيده مش حيتأخر
الموضوع للصالح العام .. ليه منحاولش؟

[mosho]

بصو ..... انا معاكم لو فى كلام جد
الصالح العام يبقى لينا كلنا..... و انا و انت و كل الناس عايزة الحاجة ترخص
طبعا كل الناس هنا بتفكر فى السلاح و المحدثات الصوت و البنادق الرش....
و انا معاكم ..... نفسى الاقى البلدى زى اى بلد فى الدنيا ممكن اشترى الانفسى فية من غير تصريح من كل الدنيا
على العموم ربنا معاك
و لو عايز تعرف اى حاجة ..... اسئل ممكن ادلك
و الله الموفق....

[mzkader]

معاك قلبا و قالبا

[s.elrefaey]

انا معاااااااااااااااااااااااااااااااااااااااااااااااا اك يا ابو سيف

[hamam]

دراسة الموضوع من كل الجوانب
من جمارك وضرائب وسعر السلعه وخلافه
والمكسب والخساره لان اى بضاعه بيكون فيها مرتجع
فيجب حساب الخساره قبل المكسبيجب
ليكون الاعضاء المحبين للمشاركه فى مثل هذا المشروع
على بينه من امرهم وان المشروع مش مكسب فقط بل خساره ايضا
وبعد دراسة جميع التفاصيل . تبلغ الاعضاء بها
وان شاء الله معاك يا ابو سيف

[tarekvb]

يا ريت تسال عن الرش بكام العلبة بره واقل اوردر بكام ؟؟؟
والرش من البضاعة المضمونة اللى فى اجماع على استخدامها وهيتم بيعها بسرعة كبيرة لان الكل بيستعملها والكل برده بيشتكى من غلائها فلو تم توفيرها باسعار اقل هيكون افضل ولكن هل مسموح دخول الرش عادى ولا لازم يكون له رخصة استيرادية مخصوصة

[avokato]

انا معاكم في الفكره والاجراءات

[avokato]

ارفعلكم شروط تاسيس شركه مساهمه

[NSAA]

بص يا فندم أنا موافق و منضم معاك ... لو بتسجل أسماء ضيف اسمي معاك ...
أنا كنت اقترحت الموضوع ده قبل كده بس بشكل مختلف ...
و هو اننا نعمل جزء من المنتدى يبقى بعضوية مدفوعة ... و نستخدم الفلوس في اننا نستورد حاجات من بره ... أسلحة صيد أو غيره لأعضاء المنتدى المشتركين في العضوية المدفوعة ...
و ممكن الفلوس دي يتفتح بيها شركة زي ما حضرتك بتقول ...
و كلا الفكرتين رائع ...

أنا منضم

[blow c06]

ياترى انت عارف ان الجهاز ده لو رسمى ممنوع دخوله مصر اصلا طبقل للقانون القديم الى سمح لل gps العادى بالدخول و لم يسمح باجهزة التتبع و لم ياخد موافقه من امن الدوله و معرفش بعد مفكو امن الدوله وضعه القانونى ايه

[eng.amg]

المشاركة الأصلية كتبت بواسطة nsaa

بص يا فندم أنا موافق و منضم معاك ... لو بتسجل أسماء ضيف اسمي معاك ...
أنا كنت اقترحت الموضوع ده قبل كده بس بشكل مختلف ...
و هو اننا نعمل جزء من المنتدى يبقى بعضوية مدفوعة ... و نستخدم الفلوس في اننا نستورد حاجات من بره ... أسلحة صيد أو غيره لأعضاء المنتدى المشتركين في العضوية المدفوعة ...
و ممكن الفلوس دي يتفتح بيها شركة زي ما حضرتك بتقول ...
و كلا الفكرتين رائع ...

أنا منضم

الفكرتين جيدتين
وعلي فكرة موضوع العضوية المدفوعة دا شيئ كويس مع إنه خارج الموضوع بس أنا شايف إنه حيحقق شيئ من الإنضباط لأعضاء المنتدى .. يعني مش أي حد يعمل تسجيل ويكتب إلي هوا عايزه ويسيئ هذا للمنتدي

[mahmmoud]

محمود

ابو سيف كلامك جميل والله واا معاكغى كل كلامك ومستعد اشارك بس ياريت نستورد حاجة تفيد الناس
زى جهاز gps اللى حضرتك بتقول علية او اى سلعة تفيد الناس ويارت كخطوة اولى لكسب الناس والتجار سعرك يبقى اقل م السوق بس لازم شوية حاجات علشان الفكرة تطبق على الواقع
رخصة استيراد
التعامل مع مندوب الشركة المصدرة فى مصر لضمان المعامله
عمل دراسة جدوى لمعرفة احتياجات السوق ومعرفة العرض والطلب
مقارنة سعر السلعه المراد استيرادها بالاسعار المعروضة بعد اضافة كافة التكاليف من شحن وجمارك وضرائب ونقل
وربنا الموفق واعتبرنى اول واحد مشارك

[avokato]

خطوات تأسيس الشركة المساهمة ، التوصية با لاسهم

--------------------------------------------------------------------------------

خطوات تأسيس الشركة المساهمة ، وشركات التوصية بالأسهم ، والشركات ذات المسئولية ، طبقا للقانون رقم 159 لسنة 1981
1ـ بداية يتم إستخراج شهادة رسمية من السجل التجارى تفيد أن الإسم التجارى للشركة لا يلتبس مع إسم شركة أخرى .

2ـ بعد أن يحدد المؤسسون مشروع تكوين الشركة فإنهم يبرمون عقدها التأسيسى وذلك بقيام المؤسسون أو وكيلهم بشراء العقد المخصص للتأسيس من قطاع شركات الأموال الذى يقوم بدوره بإصدار نمازج خاصة لعقود الشركات .

3ـ يتم تحرير عقد الشركة بكتابة ما تم الإتفاق عليه بين الشركاء فى المساحات المخصصة لها بالعقد ـ بالالة الكاتبة ـ بما فيها اغراض الشركة والتى يجب أن تكون متفقة مع أحكام القوانين والوائح والقرارات المنظمة وبصفة خاصة احكام القوانين 143 لسنة 81 ، 95 لسنة 92 بشرط استصدار التراخيص اللازمة لممارسة النشاط المتفق عليه وعلى المشاركة فيه ، ويجب أن يتضمن العقد والنظام الأساسى للشركة توقيع المؤسسين أو من ينوب عنهم قانونا ، وكذلك خاتم وامضاء كل من مراقب حسابات الشركة ومستشارها القانونى.

4ـ بعد ذلك يتم تقديم عقد الشركة لقطاع شركات الأموال مصحوبا بالمستندات الأتية :

1) شهادة من أحد البنوك المرخص لها بذلك تفيد تمام الإكتاب فى جميع أسهم الشركة أو حصصها وأن القيمة الواجب سدادها على الأقل من الأسهم أو الحصص النقدية قد تم أداؤها ووضعت تحت تصرف الشركة إلى أن يتم إكتسابها شخصيتها الإعتبارية.

2) شهادة عدم الإلتباس الصادرة من السجل التجارى.

3) صور البطاقات الشخصية للمؤسسين.

4) بيان حالة للمؤسس الأجنبى فى حالة وجوده.

5) بيان بالمكتبين فى رأس المال إذا كان بينهم اشخاص خلاف المؤسسين.
وذلك ليتم مراجعة العقد والمستندات من إدارة المشورة الفنية بقطاع شركات الاموال للتأكد من مطابقتهم للقوانين واللوائح وبعد تمام المراجعة وعند الموافقة على عقد الشركة من لجنة التأسيس بمصلحة الشركات تقوم بتقدير رسوم التأسيس على العقد ، وبعد سداد الرسوم بمصلحة الشركات يتم ختم جميع صفحات العقد بخاتم شعار الجمهورية .

5ـ يتم أفراغ عقد الشركة ونظامها الأساسى فى ورقة رسمية ، وذلك بالتصديق على التوقيعات الواردة فيهما أمام مكتب الشهر العقارى والتوثيق ، وتكون رسوم التصديق علىالتوقيعات بالنسبة للعقد والنظام الأساسى الملحق به بمقدار ربع فى المائة من رأس المال المصدر.

6ـ يتم التوجه بالعقد والنظام الأساسى لقطاع شركات الأموال ليصدر القطاع مباشرة إخطار بتأسيس الشركة موجه لهيئة سوق المال ، وإخطار آخر موجه للسجل التجارى .

7ـ بعد ذلك يتم التصديق على عقد الشركة من نقابة المحامين وسداد رسم التصديق الذى يقدر بـ 5/1000

8ـ يتم تقديم صورة ضوئية من العقد والمستندات المرفقة معه إلى الغرفة التجارية التابعة لمقر الشركة ، بالإضافة إلى ما يثبت حيازة المؤسسين لهذا المقر وذلك لتسجيل الشركة بالغرفة التجارية ، وإستصدار شهادة بمزاولة النشاط .

9ـ كذلك يتم تقديم صورة ضوئية من العقد والمستندات المرفقة معه لهيئة سوق المال بالإضافة إلى أصل الإخطار الموجه للهيئة والصادر من قطاع شركات الأموال ، وايصال سداد رسوم هيئة سوق المال التى تقدر بـ 0.5 /1000 ويكون للهيئة حق تعديل العقد حسب ما يترائى للسيد المراجع فى عقد الشركة ، وبعد الموافقة على العقد بصورته النهائية تقوم الهيئة بإصدار خطابها بالموافقة إلى كل من قطاع شركات الأموال ، والسجل التجارى ، ويتم ختم العقد بختم هيئة سوق المال .

10ـ يقدم عقد الشركة فى صورته النهائية الى السجل التجارى لاستخراج سجل تجارى وذلك بتصوير عقد الشركة عدد 2 صورة ويدمغ احدهما وكذلك البطاقات والتوكيلات وطلب القيد بالسجل واقرار التوقيعات وكذلك طلب السجل التجارى وتصويره خمس نسخ وتقديمها جميعا الى ادارة السجل التجارى مع التوكيلات الأصلية للاطلاع عليها وبعد موافقة السجل التجارى ونهاية اجراءاته ، وسداد الرسوم المقررة ، يتم تسليم وكيل المؤسيسن او وكيله السجل التجارى فى ذات اليوم ، وبعد ذلك يتم استلام صور عقد الشركة السابق تقديمها للسجل التجارى لتقديم أحدهما الى هيئة سوق المال والأخرى لقطاع شركات الأموال ، ومنذ هذا التاريخ تكتسب الشركة شخصيتها المعنوية ، ويكتمل تأسيس الشركة ، ولا يبقى سوى إستصدار صحيفة الشركات ، والبطاقة الضريبية .

11ـ يتم التوجه لمصلحة الضرائب بصور ضوئية من عقد الشركة ونظامها الأساسى ، مايثبت حيازة المؤسسين لمقر الشركة ، السجل التجارى ، إخطار تأسيس الشركة الصادر من مصلحة الشركات ، ويجب أن تكون تلك الصور الضوئية مدموغة ، وذلك لإستخراج البطاقة الضريبية .

12ـ يتم شراء نموذج عقد شركة جديد ، وملء بياناته بالآلة الكاتبة طبقا لعقد الشركة ، وذلك لتسليمه لمصلحة الشركات لإرساله الى المطابع الاميرية للنشر بصحيفة الشركات. بعدها يتم التقدم الى المطابع الاميرية لسداد الرسوم المقررة للنشر وبعد مرور المدة المقررة يتم تسليم عدد النسخ المتفق عليها مع الهيئة العامة لشئون المطابع الأميرية وقد تم نشرها وطباعتها

مقدار الرسوم المقررة خلال فترة التأسيس
1) رسوم هيئة سوق المال 0.5/1000
2) رسوم قطاع شركات الاموال (مصلحة الشركات)
أ – رسوم الموافقة من قطاع شركات الاموال بحد أقصى 1000 جنيه مصرى.
ب- رسوم الغرفة التجارية بحد اقصى 250 جنيه مصرى.
3) رسوم الشهر العقارى
أ – بالنسبة لشركة المساهمة
رسوم التصديق بحد اقصى 1000 جنيه مصرى .
رسوم الضريبة النوعية 1800 جنيه مصرى .
ب - بالنسبة لشركة المسئولية المحدودة
رسوم التصديق بحد اقصى 125 جنيه مصرى .
رسوم الضريبة النوعية 900 جنيه مصرى .

[kiko_2015]

المشاركة الأصلية كتبت بواسطة s.elrefaey

انا معاااااااااااااااااااااااااااااااااااااااااااااااا اك يا ابو سيف

حبيبي يا زناتي..انت نسيت اني مبعرفش اسوق..حلال عليك الطومبيل..وحلال عليه حتتين السلاح

[kiko_2015]

المشاركة الأصلية كتبت بواسطة blow c06

ياترى انت عارف ان الجهاز ده لو رسمى ممنوع دخوله مصر اصلا طبقل للقانون القديم الى سمح لل gps العادى بالدخول و لم يسمح باجهزة التتبع و لم ياخد موافقه من امن الدوله و معرفش بعد مفكو امن الدوله وضعه القانونى ايه

استاذ محمد نورت الموضوع...حضرتك اثرا نقطه في غاية الاهميه و هي ان في بعض البضايع احنا منعرفش هي مسموح لها بدخول البلاد ولا لا...يا تري مين في اخواتنا ع المنتدي ممكن يفيدنا في الموضوع ده؟؟

[avokato]

موضوع دخولها من عدمه بيرجع لمصلحه الامن العام او الامن الوطني وبيبقي ليهم لايحه بالكلام دا وصلت لدرجه ان البرنتر الالوان الليزر ليه تصريح

[abdalla nabel]

بص يا باشا المهم التسويق وادخال المنتج المصرح بية ولو كدة انا اخوية عندو شركة استيراد وتصدير وبطاقة استراديه
وانا مشارك معاك بكول الأحوال

[HatemAhmed]

أنا معاكو ياباشا و لية سكة بالنسبة للسجل التجاري والضرائب لو محتاجين

[avokato]

التسويق في المجال دا سهل

[ahmed6394]

انا دايس معاك يا معلك

[الطيار]

ابو سيف انا اول واحد معاك انشاء الله بس انت اتوكل على الله

[lilkapo]

اولا السلام عليكم ورحمة الله وبركاتة
اعزرونى شوية فى الاطالة لكن اعتقد والعلم عند الله انى اكتر واحد هيفيد فى الموضوع دة والسبب بمنتهى البساطة هو انى اعمل بمجال التخليص الجمركى من فترة معقولة حوالى 13 سنة كمان عضو مساهم فى شركة زى الى حضرتك حابب تعملها ولكن احنا بدانها بطريقة تانية خالص او بمعنى اصح ببعض التحايل القانونى
( لو حابب تشتغل الحكومة مفيش اسهل من كدة لكن اهم شئ يكون قانونى)
تعالى بقى نخلينا فى فكرتك
اولا علشان تستور لازم يكون معاك اهم حاجة فى الموضوع وهى الشهادة الاسترادية

طيب واحد هيقولى نجيبها منين دى يا ابو ابراهيم؟ سؤال محترم من شاب محترم انا اقولك يا حبيبى يا اما تكون مطلعها بالشهادتك الدراسية الملائمة وطبعا باجراءات ربنا ميوريك يستلمها الورثة من بعدك ان شاء الله .... طب والحل ؟.. الحل يا حبيبى انك تاجرها او بلغتنا احنا تشتريها سنة وطبعا مقولكش بتوصل ل20 و 25 الف جنية
طيب انتا راجل غنى وهتاجرها طب هتعمل اية انتا مثلا بتقول ان العدد الى هتجيبو 100 قطعة جمييييييل اووووى
دول ممكن تروح تجيبهم على ايدك اوفر لية بقى؟
لان اقل حاوية بتيجى مثلا الحاوية ال20 وللى ميعرفش 20 دى مقاس الحاوية وفى كمان 40 و 50 ودى ااكبرهم
طيب حددنا اننا نجيب مثلا حاوية 20 هنعمل اية بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحد الله : اولا هتختار اولا التوكيل الى هتتعامل معاة وليكن مثلا يانج منج او ميرسك او اى توكيل مش هجبرك على حاجة انتا اختار
هتروح وتتفق وطبعا متنساش مطلوب منك تامين على الحاوية وهيكون بالدولار وكبير جدا(علشان لو وقعت عليك غرامة فى الجمارك وحبيت تخلع ميخسروش حاويتهم) كمان تمن النقل وكمان ................. حجات كتير اوووووى
طيب انتا سوبر مان والرجل الخارق وعملت كل دة(دة على اساس انك لسة مبتدا) الحاوية بتاعتك وصلت بالسلامة هتعمل اية بقى ؟؟؟؟؟؟؟؟؟؟؟؟؟؟؟؟؟؟ قابل يا كبير
اولا هتشوفلك مستخلص وطبعا لو عرف انك مستجد هيخرب بيت الشركة من قبل متبدا
ادفع مفرقعات وارضية وموظفيييييييييييييييييييييييييييييييييييين والضرايب ومتنساش المستخلص
حلو اوووووووووووووووووووووووى دفعت كللللللللللللللللللللللللللللللللللل دة علشان ال100 قطعة الى بتقول عليها الى هيا بكبيرها 10 كراتين
هتجيب عربية نقل تشيل وعمال تحمل اجبارى
تلاقى نفسك بالميت خسرت مش اقل من 250الف جني الى 400 الف جنية انتا ونصيبك هههههههه
الله اعلم بالرقم على حسب بضاعتك كمان ممكن بعد كل دة بضاعتك تترفض ودة وارد جدا وسعتها بقى ربنا معاك
اة نسيت اقولك حاجة ان كل يوم الحاوية على ارض ساحة الجمرك بفلوس
ههههههههههههههههههههههههههههههههههههههه
سامع واحد بيقول انى عقدتك وقضيت على احلامك ؟
لا يا عم اللزيز دة صاحبى وبنصحو واطلع انتا منها وهيا هتمشى
المهم خليك انتا معايا طب والحل يا ابو ابراهيم انا اقولك
هما كام حل كدة وانتا اختار
1 تشوف واحد مسافر يجيب حاوية ويجيبلك ال 100 حتة معاك مش هتكلفك اكتر من 500 جنية للراجل بالكتير اوووى لانها بتيجى صنف مختلف وقليل وبنعملو على انو هدايا
2 تعمل شركة وبيعطوك معاها شهادر استرادية بس بدى هتوفر بس تمن تاجير السشهادة وبرضو الموضوع هيكلفك اضعاف اضعاف ثمنة ومعلش مش هقدر اكمل لانو رد سريع ومشجايب معايا اوووى ابقى ابعتلى على الخاص وانا هفهمك اى حاجة انتا عاوزها اة على فكرة انا معاك وبسهمين بجد واقسم بالله وصدقنى هوفر عليك كتير اووووى
واكيد مش هجازف بفلوسى
اسف على الاطالة

[ahmedmh_ali]

أولا : أموت فى الدماغ الشغالة
ثانيا : متابع بشدة
ثالثا : نسأل ابو شمس و هو يفيدنا أحسن واحد و ناخد رأية ...

[عادل]

مع احترامى للجميع ...فكرة ممتازة جدا و تحتاج الى التنفيذ بكل الخطوات السليمة لضمان الاستمرار فى التنفيذ واتمنى ان اكون من المشاركين وممكن لتقليل التكلفة ....فيه مصرين لهم مكاتب فى الصين لخدمة المستوردين ممكن تساعد فى كل حاجة من أول البطاقة الاسترادية لحد حاوية مشتركة وطبعا كل مشتركبتكلفتة على قد بضاعته وكمان الحاويات الكاملة والمكاتب بتستلم البضاعة من هناك وتسلمها هنا

[lilkapo]

مع احترامى للجميع ...فكرة ممتازة جدا و تحتاج الى التنفيذ بكل الخطوات السليمة لضمان الاستمرار فى التنفيذ واتمنى ان اكون من المشاركين وممكن لتقليل التكلفة ....فيه مصرين لهم مكاتب فى الصين لخدمة المستوردين ممكن تساعد فى كل حاجة من أول البطاقة الاسترادية لحد حاوية مشتركة وطبعا كل مشتركبتكلفتة على قد بضاعته وكمان الحاويات الكاملة والمكاتب بتستلم البضاعة من هناك وتسلمها هنا

مدة الى انا قولتو بس مع اختلاف بسيط ان لو المكاتب الى فى الصين دى هتتعامل معاها فلازم يكون هناك حد تابعك ويتفق معاهم يعنى سفرية انضافت الى الفلوس
شوف يا جميل انا من بورسعيد وعندنا مكان اسمو بنك الاسكان كلو تجار قطع غيار سيارات وكلهم بيسافرو يجيبو قطعا غيار سيارات وممكن تتفق مع واحد منهم وعلى الكمية الى انتا عاوزها وكلو بحسابو وممكن تشاركو فى حاوية وتعملها حاجة اسمها منطقة حرة يعنى تخرج لبورسعيد متسافرش محافظات ههههههههه
طبعا اونطة لاننا بعد كدة بنخرجها بسهولة جدا او بمعنى اصح ببلاش لمعرفتنا بكشافين وموظفين الجمارك
صدقنى حلها سهل لكن كلام هنا مش هينفع لازم كلام على ارض الواقع يعنى الى هيشاركو كلهم يتقابلو ونشوف كام عضو والكمية ونتكلم على اساسها بعد دراسة الجدوى المحترمة
الموضوع لة جوانب كتير اووووووووى ومش هنقدر نجمعها كلها هنا فهمتنى
وانا برضو معاكم فى المشوع بسهمين يعنى بنفرين
واتمنى ان يكون اشخاص على الاكثر هم من يديرون دفة الشركة والمشروع
والله الموفق

[Tito100]

يا سلام على دماغك المتكلفة يا أبو السيوف ...... روح يا شيخ ..... وتعالى بسرعة

حبيبى والله يا ميدو
خالص تحياتى