مترحمونا يرحمكم ربنا او يقفلها فى وشكم.

[aymank2]

بصراحه كده انا مخنوق يعنى مش فاهم فيه ايه اسعار البنادق وقلنا ماشى ممنوع الاستيراد الواحد كل فين وفين لما يشترى بندقيه وممكن بندقيه واحده تعيش سنين الجلب والسسوست اسعار خياليه احسن جلبه كانت من 5شهور ب 40ج دلوقتى من 75 الى 100جنيه السوسته وصلت 160ج واكتر والواحد بيقول ماشى كل فتره كبيره بيغير السوسته ديه طبعا لو حاجه اصليه مش مضروبه زى 60% من الى فى السوق انما توصل لحاجه منقدرش نستغنى عنها زى الرش ده زياده عن اللزوم وعلشان انا مؤدب مقدرش اقول اى تعبير تانى الرش الجامو يوصل 50ج العلبه مش لاقى تعبير مؤدب اقوله فيه تاجر سالته الرش الجامو ماتش بكام رد عليا وقالى ب30جنيه تانى يوم غير سعره بقى ب40جنيه مطلوب من الاداره او اى حد من اخونا الصيادين الكبار الى يهمهم امر الهوايه الاتفاق مع تاجر محترم على اسعار محترمه ويتم عرضها وتجديدها مره كل شهر واى حد من زملائنا يعرف محل بيبيع باسعار كويسه يكتب عن السعر الى اشترى بيه ومكان المحل بصراحه انا عن نفسى عمرى مهشترى رش بالتمن ده مع انى قادر اجيبه بس ده يبقى سفه حتى لو معانا تمنه لما الرش الى معايه يخلص هعلق البنادق بتاعتى فى فترينه زينه فى البيت لحد ما يظهر حل لو مظهرش يبقى كتير من الناس هتسيب الهوايه واحد ورا واحد وهتقفلو باب الرزق الى فتحه ليكم ربنا على ايدينا ويريت محدش يقول السعر غلى من المصدر انا جايب رش قبل رمضان مع قريبى من السعوديه ب19ج العلبه بس طبعا مش كل يوم ليا قريب نازل او رايح السعوديه تانى حاجه مش ممنوع استيراده.
اخوانى المحترمين فى الاداره الموضوع ده يخص صلب الهوايه والحمد لله كلامى منطقى وميزعلش حد فارجوكم لو سمحتم زى ما احنا ملتزميين بعدم الرد على موضوع اى تاجر او زميل بيعرض سلعه بسعر غير منطقى .
اولا عدم حذف الموضوع او تعديله.
ثانيا عدم نقله الى مكان اخر لان السوق هو مكانه الطبيعى.
ثالثا حاولو تدورو معانا على حل.
شكرا لسعه صدركم.