هام اكتب زكرياتك مع اكبر سمكه فرغة منك

[مشرف]

السلام عليكم ورحمة الله وبركاته

بما ان انا صاحب الموضوع يا شباب

انا هتكلم عن اكبر سمكة فكة منى راغم ان اللى فك منى كتير لكن دى كان ليها زكره خاصه عندى

لان بجد كانت اكبر سمكه شوفتها والقصه تبداء من السنه اللى فاتت بتاريخ9-9

فى موضوع ليه هنا يا شباب انا منزلو وفيه سمكة قشر بياض والحوار ده حصل معايا فى نفس اليوم

كان واقت اذان العشاء بالضبط كنت انا وصحبى واسمه سامح مضبطين العيدان وقولنا نروح نعمل

كوباية شاى والعيدان بتعنا كونا مسقطها من فوق كوبرى الكوبرى ده طوله يقرب من40 متر وسمعة

زنه بسيطه كده وكان سامح بيعلق على الشاى قولت ليه انته مش سامع زنه وفى خلال منا بقوله

مش سامع زنه ببص لقيت العود اللى قبل الاخير من الناحيه التانيه من الكوبرى لقيت العود لافف

ونازل تحت الكوبرى والعود ده كنت حاطة فيه كركور جريت جرى على العود ومسكته لقيت السمكه

عماله تسحب خيط وفضلت تاخد خيط منى لحد ما الخيط خلص من المكنه روحة منحنى بجسمى

على الكوبرى ومنزل العود تحت الكوبرى والسمكه عماله تشد تشد سامح قال ليه اديها خيط كمان

قولت ليه مباش معايا خيط لاما تقطع الخيط لاما العود يتكسر لما الوش يقطع اى حاجه

من دولفضلت السمكه تشد حوالى ما يقرب من40 ثانيه كده ولما ملاتشى فايده راحة راجعه تانى

واثناء رجوع السمكه فى الاتجاه بتاعى لميت الخيط على المكنه وقولت لسامح يلم العيدان عشان

مافيش حاجه ترعقلنا او تعطلنا لان العيدان كلها جمب بعد قال ليه ماشى هو راح يلم العيدان وانا

بلم خيط من ورا السمكه لحد ما عدة الكوبرى وبدات تشد خيط من تانى حولت اتعافه عليها

و اوقفها اللجمها يعنى صراجه يا جماعه وربنا عالم باللى بقوله كان بنادم بيشدك

قولت لاء سيب خيط وكل ده والسمكه ما طلعتشى على وش الميه مجرد ان فى خيط فى الميه

بيشق الميه شاق ولما سيبة ليها خيط قولت انا هارط على الصاموله بتاعت المكنه واتقل ساحب

الخيط منها تتعب السمكه ومن ناحية تانيه الخيط ما يتقطعشى معاك وفعلا عملت كده طبعا الكلام

الكلام ده كله فى ثوانى ولقيت السحب قل من على السناره المهم لميت لقيت السمكه بتيجى

بتيجى معايا الم لقيت السمكه بتيجة وفجاه يا شباب ببص كده لقيت السمكه بانت على وش الميه

اقسم بالله انا جالى زهول نظريتى للسمكه كا وزن كانت تزن ما يقرب من 40 ل35 كيلو و طولها

ما يعديش المتر لكن كانت عريضه عرضها كان فى حدود من 35 لى40 سم

المهم لما السمكه طلعت على وش الميه لقتها راحة رافعه نفسها باء دلها فى الميه وجسمها كله

فوق سطح الميه ونزلت تانى واثناء نزلها فتحت الميكب بتاع المكنه فضلت تاخد خيط لحد هوب

لقيت اللخيط واقف بلم ملاتشى فى اى حاجه فى الخيط المهم لميت الخيط وفى النهاية لقيت ان

السن فرد منى وتقريبا فرد السن من كتر الضغط عليه لان تقريبها كده السن كان فى فك السمكه

العلوى ودى كانت اكبر سمكه فكة منى

والكلام ده اقسم بالله حصل مش تاليف وربنا يعلم

[محمد كابو]

اللع عليك يباشا و الله لو كنت طلعتها كنت هتبئا سعيد اوى اوى اوى اوى
المهم اسمحلى احكيلك حكيتى انا كمان
انا كنت فى يوم فى نادى كدا فى العجوزة و كان فى حتة فى النادى مفيهاش صور منك للمية علا طول يعنى لو جت موجة جمدة شوية هتستحمة ههههههههههه
و كان فى عواكة كبيرة ادضى بمسافة
الت حداف و كل الى يجيلى حجارى و بلصى و كركير و كل دة صغير اوى
المهم جالى تليفون من البيت فا اظرات امشى
الشيطان اعد يوسوسلى و اعدت ائول لية يارلب علشان هما بيئولو انتا كريم فان بئا
المهم اعدت و كنت مشغل اغنية طارق الشيخ البيوت اسرار و لئات خربشة خفيفة اوى فى العود الت اشد و لو مجاش الم و اخد بعضى و امشى
المهم شدات حسات ام الخيط شابك فى حاجة تحت
شدات بعفية جت معايا حاجة قوبة جداً اعدت حووالى دقيقة علشان اعرف اصلعها بس علا الوش
تمام
المهم اول مطلعت علا الوش كئن فى بنى ادم بيشد الخيط لتحت المية هوا كمان بطريقة رهيبة
لحد ما شدات جامد و للاسف المكان كان كفيهوش نور خالص بص كان فى نور القمر
ماشى
عبال مطلعت الحاجة دى علا الوش و افلت على الحلة جامد علشان مسحبش تانى
لئات حاجة طويلة اوى اوى عمالة تضرب المية بقوى بقوى جمدى خلتنى بجد اتغرء مية استحمات بمعنة الكلمة كئن المية متوجههة نحيتى و الحاجة دى كانت طويلة اوى اوى اوى مش عريضو بس طويلة و فجءة و انا مسبتها علا الوش سحب تامد اوى اوى اوى
السن فك من بقها و و الرشاشة رجعت بسرعة بنت لزينة و حسات و هيا بتعدى من جنب وشى و السن علق فى الياقة بتاعت القمسص ابص فى السن
الائى لحم بس عامل زى النسيج المهم جالى تليفون تانى رحت لعنت اليوم الى جات اسطاد فية لما يطلعلى حاجة تضيع منى بس بصراحة كنت مبصوت و زعلان مبصوت ان ربنا حب يفكرنى انو مش نسينى و متبعنى كويس اوى و الحاجة النية انها ضاعت
و من سعتها و مفيش اى حاجة جلتلى كبيرة الموضوع دة من حوالى 6 شهور و المهم انى ببات كل جميس و جمعة و مش بيييجى حاجة
و دى قصتى مع السمك
و السلام عليكم و رحمة الله و بركاتو

[مشرف]

ههههههههههربنا يعوض عليك يا صحبى وتجيب اللى احسن منها

بس تعرف الحاجات التقيله دى لما بتقع مع الواحد مش بيكون متوقعها نهائى هههه

على العموم انشاء الله المره الجايه بالتوفيق

وطلع حتا احسن من اللى فاتت

[محمد كابو]

بس يكبير لحد دلوئتى انى اعرف نوع السمكة او شكلها مش عارف خالص

[مشرف]

انا على ما اعتقد ان ده قرموط والله اعلم

[محمد كابو]

اول الحاجة المنطقة هناك نضيفة دجاً جداً
و تانى حاجة القرموط لو كويل او هيبئا عريض اوى
اما دا رفيع اوى عامل زى التعبان
و الله عليك تانى

[مشرف]

فى الحاله دى يا كابو انا مش عارف ايه اللى كان معاك عشان مش بحف افتى كتير ههههه

وربنا يكرمك باللى احسن منها

[ابو مروان]

اولا الموضوع ممتاز....ثانيا......انا هاكون طماع واكتب عن اكبر سمكتين وهما من نوعين مختلفين الاولى سمكة بلطى ودى حكايتها وقت الصيد كان العصر والطعم دود بلدى والسن تقريبا كان 7 وبغماز الوش قصير جدا وكنت زهقان والدنيا حر وما فيش شد خالص قمت فاتح المكنة وسايب الغماز ماشى محازى لسور كورنيش الترعة اللى كنت عليها والغماز ماشى ماشى ماشى وفجاة ما لقيتش الغماز .....انا قلت شبكت فى ايه دى دة الوش 20 سنتى المهم شكمت وانا متخيل انها شابكة فى كيس ...لقيت الخيط بيشق الترعة ويجرى على نصها وانا بالم ويحضن على السور تانى ويرجع على نص الترعة الترعة كبيرة حوالى 30 متر وحاجة تقيلة جدا انا قولت دى سلفر اكيد لغاية لما السمكة شرقت وطلعت على وش المية انا تقريبا اللى حسدتها .....بدون مبالغة فتحة بقها حوالى 10 سنتى وعريضة جدا حوالى تلاتين سنتى تقريبا كدا وزنها لايقل عن 3 كيلو......وانتو عارفين بلطى 3 كيلو يكون عامل ازاى فى المياة......المهم لميت لميت لما جت تحتى والكورنيش اللى انا واقف علية ارتفاعة حوالى 3 متر وما معيش شقاطة ومامعيش حد يساعدنى .....اتلخفنت وضربت لخمة وجيت انطرها على برة وبووووووووك السن فرغ والسمكة قعدت على وش المية ثانيتين تلاتة وبالسلامة....اليوم دة شربت نص علبة سجاير ورا بعض حزنا على السمكة دى.
الحتة التانية سلفر .... كانت كبيرة بردة تلاتة او تلاتة ونص كانت بتاكل فى الحشيشة اللى على وش المية وكنت لسة رايح المكان دة وما فردتش انا شوفتها طلعت العود قوام والعود تلاتة متر ستين وماكينة حلوة.......فردت بسرعة وحطيت حتة حشيشة على السن وهو سن كبير بتاع الغلة ورميت وقلت افرد باقى العود بابص ما لقيتش الغماز ولقيت العود بيتشد منى......وشكمت وطاخ لقيت الشد ولقيت العود بيطرقع وينكسر من العقلة التخينى اللى فيها الماكينة والسمكة شابكة رميت العود وقولت فداهية ومسكت الخيط وشديت لغاية لما طلعت على الجسر وبردة كان فية سور سلك بينى وبين المية وجيت ارمى على برة فرغت السمكة بس كانت تقيلة تقيلة وصلحت العود وكل لما امسكة وابص لمكان الكسر افتكر بنت اللذينة دى

[مشرف]

الله ينور عليك يا باشا بس يعنى انا حابب اقول ان الحاجات اللى زاى كده بتيجى فى وات الواحد مش بيكون متوقعه نهائى وممكن تيجى على اقل حاجه لكن فى الاول والاخر هما مش من رزائك وربنا هيعوض عليك باللى احسن منها انشاء الله

[محمد كابو]

هئلكم علا حاجة ممكن ربنا يديك حاجة صعب تجيبها و يخدها منك تانى علشان لما يديك حاجة تانى تئضر ايمتها و تستخدمها صح

[احمدفتحىمحمد]

انا بقى كنت بصطاد على اللسان فى راس البر من سنين وكنت راكن الفيبر جمبى وفجاه لاقيت الفيبر هيقع فى المية مسكتة لقيت سمكه بتشق المية بالطول وسحبت الخيط منى سبتلها شوية لكن هى قررت تروح ايطاليا وخدت الخيط طلة وشدتنى فقررت احجر قدامها الا ان الخيط لم يحتملوكانت طويلة جدا لكنى لم ارى الا طولها

[مشرف]

شكلها كده كانت عايزه تسافر ايطاليا بطريقه غير شرعيه هههههههه

بس على حسب كلامك بما انك بتقول من سنين فعلا كان فيه خير فى الميه جامد وربنا يعوض عليك بالاحسن

شكرا لمرورك الكريم اخى الفاضل احمد

[العملاق المصرى]

اضخم حاجة فكت منى كانت انومة حوالى خمسة كيلو من مرسى الاوتوبيس النهرى اللى فى شارع عبد العزيز ال سعود فى المنيل

[مشرف]

المشاركة الأصلية كتبت بواسطة العملاق المصرى

اضخم حاجة فكت منى كانت انومة حوالى خمسة كيلو من مرسى الاوتوبيس النهرى اللى فى شارع عبد العزيز ال سعود فى المنيل

ياريت يعنى يكون الموضوع بالتفصيل عشان انته عارف ان الحكاوى دى اد ايه ممتعه

وشكرا على مرورك الكريم

[العملاق المصرى]

عينينا حاضر بس هزل اشترى كيبورد جديد بس

[مشرف]

ايه يا مصرى ده كله بتجيب كيبورد هو انته روحة الصين مخصوص تجيبو ولا ايه ههههههههههههه