|
التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
14-05-01, 01:31 AM | #1 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
من هم المصريين (اصل المصريين)
من هم المصريين الحاليين هل هم ابناء الفراعنة القدماء ام هم ابناء اليهود اللذين عاشو فى مصر ام هم ابناء العرب المسلمين اللذن قامو بفتح مصر ام ام ام ام ام ام
الدراسات العلمية الحديثه على ال DNA والقياس الانثروبومتري ( قياس الجسم البشري : الراس والعين والشعر والبشرة و الاسنان .. إلخ ) وضحت ان على الرغم من كل الاحتلالات و الهجرات الأجنبية لمصر عبر التاريخ إلا إن الغالبية العظمى من المصريين النهاردة بيحتفظوا بنفس الصفات الجينية للمصريين القدماء وكان الفضل الأكبر فى النتايج دى بيرجع للمومياوات المصرية القديمة ، واللى فضلت محتفظة بالصفات الجينية للمصريين القدماء لآلاف السنين وكأنها متحف انثروبولوجى كامل بيقف كحائط صد قدام اى محاولة لنشر اى قصص خرافية عن أصول المصريين. وممكن نلخص النتايج التفصيلية للدراسات دى فى السطور اللى جاية : ( الدراسات والمراجع موجودة فى نهاية المقال ) 1- الغالبية العظمى من المصريين الحاليين وبنسبة ( 77.3 % ) على الأقل بيحملوا نفس الصفات الجينية للمصريين القدماء 2- أما الصفات الجينية المنتمية لشعوب الشرق الأدنى فنسبتها حوالى ( 10.3 % ) و بتتقسم لمجموعتين : المجموعة الأولى : مجموعة ( العرب - اليهود - الأتراك - الأكراد - إيران - العراق - الأردن - فلسطين - سوريا - لبنان .. إلخ ) فنسبتها ( مجتمعة ) بين الشعب المصرى رغم كل الهجرات والغزوات مش أكتر من ( 5.2 % ) وده بيأكد كلام المقريزى اللى عاش وقت حكم المماليك ( اللى مكنوش عرب ) و مات سنة 1422 م فى كتابه " البيان والإعراب عما بأرض مصر من الأعراب " لما قال : " اعلم أن العرب الذين شهدوا فتح مصر قد أبادهم الدهر وجهلت أحوال أكثر أعقابهم ، وقد بقيت من العرب بقايا بأرض مصر " ( يقصد القبائل العربية الموجودة حاليا فى مصر ) و المجموعة التانية ( جنوب أوروبا ، اليونان - تركيا ... إلخ ) فنسبتها حوالى ( 5.1 % ) 3- وأما الصفات الجينية الأوروبية ( غرب أوروبا – ايطاليا " الرومان " – الفرنسيين – الانجليز .. إلخ ) فنسبتها حوالى ( 5.5 % ) .. والنسبة الباقية متوزعة على صفات جينية متباينة من أصول مختلفة - توزيع فصائل الدم فى مصر فى العصر الحالى بيوضح إن الجماعات السكانية متجانسة تماما ، ومفيش أى فروق ذات دلالة إحصائية بين المسلمين والمسيحيين ، الفحوص المقارنة للرأس ومقاييس الجسد ( البشرة – الشعر – العين - الاسنان .. إلخ ) بتوصل دايما لنتائج متطابقة 5- المصريين الأوائل كانوا فى أرضهم دى من عصر البليستوسين- من حوالى 15 ألف سنة ، ( ولدرجة كبيرة جدا ) متأثروش بالغزوات أو الهجرات .. المصريين هم المصريين ، زى ما كانوا من آلاف السنين 6- الأنماط الجينية الأساسية للمصريين من آلاف السنين ولحد النهاردة كلها أفريقية 7- مصر بحكم جغرافيتها اللى خلتها معزولة طبيعيا، قدرت تثبت وترسخ أساس أنثروبولوجى جينى قاعدى استمر لآلاف السنين بدون اى تغيير أو تأثر بأى شعوب أجنبية ( وده واضح فى كل الرسومات والمومياوات والتماثيل طول فترة الحضارة المصرية القديمة .. وواضح فى نتايج كل الأبحاث والدراسات الحديثة للصفات الجينية للمصريين الحاليين ) 8- وبالتالى كان الأساس القاعدى ده ( اللى كان قبل المسيحية على الأقل ب4500 سنة .. وقبل الإسلام بـ 5000 سنة ) موجود وواخد صورته النهائية والمميزة قبل وجود مسلمين أو مسيحيين أو غيرهم ، وكافى لأنه يصهر جواه أى صفات وراثية وافدة فى أى مرحلة تالية نتيجة غزو أو هجرة ، خصوصا إن الهجرات اللى حصلت على مصر وأشهرها هجرات القبائل العربية كانت دايما بأعداد لا تذكر مقارنة بأعداد المصريين الأصليين 9 – الصفات الجينية اللى ممكن تبان غريبة عن المصريين زى البشرة المايلة للبياض ونعومة الشعر واعتدال حجم الأنف مش صفات جديدة على المصريين .. الصفات دى موجودة بالفعل من آلاف السنين .. يعنى مش بالضرورة لازم تكون نتيجة تزاوج مع شعوب تانية .. و هنلاقي كتير من الصفات دى موجود فى عشرات التماثيل والمومياوات اللى مازالت موجودة لحد النهاردة 10- القبائل الموجودة فى مصر مش بس من الجزيرة العربية ، إنما كمان من الأمازيغ ( ليبيا – المغرب – تونس ) واللى وفدوا لمصر فى زمن الدولة الفاطمية ورجعوا تانى بأعداد أكتر فى القرن 18 وتركزوا فى الصحراء الغربية ، حتى إن بعض العلماء بيشوفوا أن أكتر بدو مصر من المغاربة مش من عرب الجزيرة 11 - فى بعض الدراسات وصلت نسبة المصريين اللى بيحتفظوا بنفس الصفات الجينية للمصريين القدماء إلى 90 % ^ Frank Yurco, "An Egyptological Review" in Mary R. Lefkowitz and Guy MacLean Rogers, eds. Black Athena Revisited. Chapel Hill: University of North Carolina Press, 1996. p. 62-100 ************* شهادات علمية : العالم " ستيفين كون " عالم الأنثروپولوچيا الطبيعية، بيقول في كتابه' أعراق أوروبا '' : " لا بد أن تظل مصر القديمة أبرز مثال معروف فى التاريخ وحتى الأن لمنطقة معزولة طبيعيا أتيح فيها لأنواع الجنسية المحلية الأصيلة أن تمضى فى طريقها لعدة آلاف من السنين دون أن تتاثر إطلاقا باتصالات أجنبية" وكلام " كون " بيأكده العالم والباحث الآثرى المعروف "برودريك" في كتابه' شجرة التاريخ البشري " و بيقول : "من الواضح طوال الستة آلاف سنة الأخيرة أو يزيد أنه لم يكن هناك أى تغيير ملحوظ فى مظهر عموم المصريين , فالبراريون وأهل حضارة نقادة الأولى والثانية ومصريو الأسرات والفلاحون الذين نراهم يعملون فى الحقول اليوم كلهم من نفس النمط القاعدى المتوسط " أما عالم الأنثروبولوجى وخبير علم التشريح "أرثر كيث" فى كتابه' نظرية جديدة عن التطور البشري' بيأكد الاستمرار الجينى للمصريين وبيقول : " أن الفلاحين الذين نراهم يؤلفون جسم الأمة اليوم هم النسل المباشر لفلاحى سنة 3300 قبل الميلاد " وبيقول كمان : " المصريين ليسوا فقط أمة, أقدم أمة سياسية في التاريخ, ولكنهم أيضا جنس بكل معني الكلمة. ولكن ليس هناك شيء اسمه النقاوة الجنسية عموما. بل إننا ليمكننا أن نذهب إلي حد القول بأنه ما من شعب, مهما كان منعزلا أو معزولا, إلا وهو مختلط بدرجة أو بأخري .. وإن كان النمط الجنسي المصري قد امتاز بالثبات لا شك " وأما العالم المصرى " سليمان حزين " فى كتاب ( تاريخ الحضارة المصرية : العصر الفرعونى ) فانتهى لنفس النتايج و بيقول : " إن القبائل العربية التى نزحت فى العهد العربى إلى وادى النيل الأدنى لم تؤدى إلى حدوث أى تغيير فى تكوين المصريين العام نتيجة لموجات العرب المتلاحقة " وفى كتاب " القبائل العربية فى مصر فى القرون الثلاثة الأولى للهجرة " للدكتور عبد الله خورشيد البرى واللى بيرصد فيه السلالات العربية من قبل الفتح العربى على مصر ولحد النهاردة بالتفصيل بأنسابهم وأصولها وفروعها .. فبيأكد نفس النتايج وبيقول : " يرجع عدم تغير تكوين المصريين العام بقلة عدد العرب الوافدين بالنسبة لمجموع الشعب المصرى .. وهذه الظاهرة نلاحظها فى جميع مراحل تاريخ مصر ، فقد توافد على المصريين كثير من الأجناس المختلفة امتزجوا بالمصريين امتزاجا دمويا دون أن يؤدى ذلك إلى تغيير خصائص المصريين الجنسية ، لأن هؤلاء الوافدين كانوا يفلحون فقط فى تجديد دماء المصريين دون تغييرها اذ لا يلبث الشعب حتى يهضمهم ويتمثلهم ، وكان ذلك أحد عوامل احتفاظ المصريين بحيويتهم عبر العصور . أما عالم البيولوجى والمفكر المصرى حسين فوزي فبيقول فى كتابه ' سندباد مصري' : " ذلك الجنس الواحد الباقي. والمصري, الذي انعزل في واديه الخصب وسط الصحراء والهضاب والجبال والبحار, احتفظ بطابعه الإثنوغرافي , غير مشوب في أغلبه, إلي يومنا هذا. والشعوب التي اعتدت علي مصر, أو استقرت فيها وعاشرت أهلها واختلطت بهم, لم تكن أكثر من قطرات ماء في بحر خضم من بشرية مصرية أصيلة. أما جمال حمدان فى كتابه شخصية مصر فبيقول : " مصر لم تتعرض أساسا للهجرات البشرية وإنما للغزوات الحربية؛ وهي محدودة من حركة ذكرية بحتة ولذا تذوب إن لم تبد " " و رغم الأعداد الكبيرة التي انصبت من العرب في مصر، ورغم الاختلاط البعيد المدى الذي تم مع المصريين فإن هذا لم يغير من التركيب الأساسي لجسم السكان أو دمهم "
__________________
|
sponsor links |
14-05-01, 01:45 AM | #2 |
اداري
تاريخ التسجيل: Jun 2013
المشاركات: 258
معدل تقييم المستوى: 6 |
رد: من هم المصريين (اصل المصريين)
المصرين الاصليين كلهم هلكو فى عصر سيدنا موسى مع غرق الفرعون وجنوده واستوطن مصر اليهود
|
14-05-01, 02:17 AM | #3 |
صياد متقدم
تاريخ التسجيل: Oct 2013
المدينه: القاهرة - الاميرية
المشاركات: 729
معدل تقييم المستوى: 8 |
رد: من هم المصريين (اصل المصريين)
الاخ عوض . الذى هلك هم فرعون فقط وجنوده . أما باقى شعب مصر باق حتى يومنا هذا .
الاستاذ مصرى : ماشاء الله انت موسوعة . وهذا طبيعى لانك ابن الدقهلية بلد العظماء العمالقة . انيس منصور وكامل الشناوى وفاتن حمامه والشيخ الشعراوى ومحمد حسين هيكل ومحمود مختار ولطفى السيد .. الخ ويشرفنى أن أكون بلدياتك من المنصورة . تحيا جمهورية مصر الافريقية الفرعونية |
14-05-01, 09:46 AM | #4 |
المشرف العام
تاريخ التسجيل: May 2013
المدينه: القاهره
المشاركات: 2,690
معدل تقييم المستوى: 352 |
رد: من هم المصريين (اصل المصريين)
تمام يا مصري بس تصدق ياض انا شاكك انك وافد من مواطني دولة (( بورنجا العظمي )) ومش عايز تقول بس انا فاقسك هههههههههههههههههههههه
حبيبي يا مصري موضوع جميل تسلم ايدك |
14-05-01, 09:50 AM | #5 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
اقتباس:
الى غرق هو فرعون وجنوده وغرق امته لما عدى المياه وراء سيدنا موسى واتباعه الى هما كانو دخلو سينا وبعد مادخلو سينا تاهو 40 سنه لحد ماجه سيدنا يوشع بن نون وخرجهم واستوطنو فى القدس لحد ماجلهم مبوخذ نصر ورجع اخدها
__________________
التعديل الأخير تم بواسطة elmasrey123 ; 14-05-01 الساعة 09:55 AM |
|
14-05-01, 09:56 AM | #6 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
اقتباس:
__________________
|
|
14-05-01, 09:57 AM | #7 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
اقتباس:
حبيبى ياليدو
__________________
|
|
14-05-01, 09:58 AM | #8 | |
المشرف العام
تاريخ التسجيل: May 2013
المدينه: القاهره
المشاركات: 2,690
معدل تقييم المستوى: 352 |
رد: من هم المصريين (اصل المصريين)
اقتباس:
ههههههههههههههههههههه |
|
14-05-01, 10:58 AM | #9 |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: من هم المصريين (اصل المصريين)
مواضيعك أتحسنت قوى يامصرى من ساعة ما مسكت البلاك روز. ده تأثير الصناعة الاسبانى عليك؟ ربنا يستر عليك لما تمسك المكسيما يابرنس.
شوفت ياعم أهو حبيبك طلعك من دولة بورينجا...... (انا بأهدى النفوس بس)... تحياتى. |
14-05-01, 11:03 AM | #10 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
بقه كده ياعم عادل هتعوم على عوم وليد عامة الواحد طول عمره مواضيعه هادفه
__________________
|
14-05-01, 11:22 AM | #11 |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: من هم المصريين (اصل المصريين)
|
14-05-04, 01:07 PM | #12 |
قنـــاص من الدرجه الاولى
|
رد: من هم المصريين (اصل المصريين)
* الهكسوس احتلوا مصر حوالى 246 سنة
* الاشوريين احتلوا مصر 16 سنة *الفرس احتلوا مصر 80 سنة *الفرس رجعوا احتلوا مصر تيك اواى كده 11 سنةو على فكرة مش احنا اللى خرجناهم من مصر لا ده اليونانيين جم طلعوهم و قعدوا هما و احنا قاعدين نتفرج * اليونانيين احتلوا مصر بقيادة الاسكندر الاكبر سنتين * البطالمة اللى هما يونانيين برضه كملوا احتلالنا لمدة 300 سنة وعلى فكرة بعد الــ 300 سنة احتلال اوعى تفتكر ان احنا اللى طلعناهم لالالالالا ابسلوتلى ده الرومان بقيادة اوكتافيوس هما اللى جم طلعوهم و قعدوا مكانهم و احنا قاعدبن نتفرج * الرومان احتلوا مصر 360 سنة وطبعا عاشوا فيها و تاجروا و واتجوزوا وماتوا واتدفنوا فى مصر مقبرة الغزاة وبرضه بعد الــ 360 سنة دول كلهم اوعى تفتكر ان شعب مصر العظيم صحى من النوم ده عند امه يا ادهم ده البيزنطيين هما اللى جم طلعوهم واحتلونا مكانهم * البيزنطيين احتلوا مصر 310 سنة وبرضه بعد الــ 310 سنة دول كلهم اوعى تفتكر ان شعب مصر العظيم صحى من النوم لا برضه ده الفتح الاسلامى هو اللى جه طلعهم يعنى برضه مش المصريين اللى طلعوهم * يعنى مصر قعدت 983 سنة تتفرج على الدول اللى تيجى تحتلها و يحاربوا بعض و ده ييجى مكان ده و احنا قاعدين نقزز لب و سودانى و نتفرج على بلدنا و هى بتتفشخ من كل الجنسيات اللى فى العالم يعنى كنت تروح اى بلد تلاقى فيها موقف بيحمل اى حد عايز يروح يحتل مصر * ده غير بقى ان احنا البلد الوحيدة اللى حكمها العبيد 300 سنة و عبيد من كل حتة فى العالم باسم دولة المماليك ده غير انهم قعدوا 700 سنة العبيد هم قادة الجيش و امراء و وزراء و احنا قاعدين نتفرج و العالم كله يضحك علينا !!!!! *الفرنسيين جم احتلوا مصر 3 سنين *الانجليز احتلونا 72 سنة وفى الاخر يقولك مصر مقبرة الغزاة ... طب ازاى ياولاد الو #@%^%$ هى فعلا مقبرة الغزاه لان الغزاه كانوا بيجوا يقعدوا فيها لحد ما يموتوا هما وولادهم واحفادهم |
14-05-04, 01:20 PM | #13 | |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: من هم المصريين (اصل المصريين)
اقتباس:
ما انا كمان من المنصورة يا كبير
__________________
سبحان الله و بحمدة سبحان الله العظيم
|
|
14-05-04, 01:59 PM | #14 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
اقتباس:
__________________
|
|
14-05-04, 02:01 PM | #15 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
اقتباس:
عامة انته مش تشرف المنصورة بس ياعم محمد انته تشرف اى مكان انته لانج اخ اكبر بمعنى الكلمة
__________________
|
|
14-05-04, 07:47 PM | #16 | |
قنـــاص من الدرجه الاولى
|
رد: من هم المصريين (اصل المصريين)
اقتباس:
بس هى دى الحقييقه وانتا لو مش هترد فدأ لانك مش هتعرف ترد لان دا التاريخ ودا الواقع |
|
14-05-04, 08:16 PM | #17 | |
صياد متقدم
تاريخ التسجيل: Feb 2011
المشاركات: 777
معدل تقييم المستوى: 68 |
رد: من هم المصريين (اصل المصريين)
اقتباس:
بناء علي كل التاريخ اللي انت كاتبه نستنتج ان المصريين من قبل الميلاد بالاف السنين تم حكمهم بواسطة جيوش احتلال مما ادي الي نتيجة سيئة للاسف وهي ان المصريين ما ينفعش يمشوا بدون حكم عسكر ، وده طبعا واضح في الفتره السابقة وبناء عليه لا يصح ان يخرج احد ويقول ( يسقط حكم العسكر ) بمعني ان سلسلة حكم الجيوش لمصر هي الحل واي كلام خلاف ذلك يبقي من قبيل لعب العيال بتاع الفيسبوك للاسف عرضك التاريخي جيد جدا ولكن استنتاجك غلط مع احترامي لك وانا نفسي مش طايق استمر في البلد دي اكتر من كده لكن الحق لابد ان يقال اسف علي الاطالة |
|
14-05-04, 10:18 PM | #18 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
هههههههههههههه برده ميبقاش اسمى محمد المصرى لو معرفتش ارد الكلام ده
__________________
|
14-05-04, 10:21 PM | #19 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
اقتباس:
الله ينور بس ممنوع اى كلام فى السياسة علشان كده هديلك مخالفة بس عايزك تعرف حاجة واحده انى متفك معاك فى نص الكلام ده ان احنا مينفعش يحكمنا غير عسكر ههههههه
__________________
|
|
14-05-04, 11:18 PM | #20 | |
قنـــاص من الدرجه الاولى
|
رد: من هم المصريين (اصل المصريين)
اقتباس:
هى دى الحقيقه المره اللى كلنا بنهرب منها للاسف ودا ما يمنعش اننا دوله تتمتع بمزايا خاصه وهلاميه ولما بناخد الفرصه بنبدع . اثرنا وحضرتنا مجرد جزء من فرصه |
|
14-05-04, 11:19 PM | #21 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
اسمحلى ياهشام اقولك حاجة هل شعب البلد دى استسلم للحكام دول
هل مكنش فى مقاومة وغيره وغيره وبعدين الحكام دول اما كانو بيقعو كان من فسادهم وضعف الحكم امريكا نفسها القوة الاعظم فى العالم من برتغالى لاسبانى لانجليزى فى 300 سنه الايام دول ياهشام وفى ناس دخلت مصر وحكمت وعمرت وناس دخلت وخربت انا هضرب ليك مثل انته مش ذاكره فوق مع الفارق طبعا وده للتوضيح لما جه سيدنا عمر ابن العاص وفتح مصر هل ده كان غازى ولا محرر للبلد هل كان فى صالح مصر ولا ضدها اما جه محمد على ورسم معالم اول دولة بمفهومها الحديث هل ده كان فى صالح مصر ولا ضدها لما جه الاسكندر وعمر وبنى عاصمة مصر على مدار 500 سنه ده كان ايه الشعب هو الشعب هو الى بيزرع وهو الى بيصنع وهو الى بيحسد ولولا خير البلد دى مكنش كل دول كان عينهم عليها
__________________
|
14-05-04, 11:40 PM | #22 | |
قنـــاص من الدرجه الاولى
|
رد: من هم المصريين (اصل المصريين)
اقتباس:
انتا ماشى بمبدأ اللى يجوز امى اقوله يا عمى لو لاحظت انا جيت عند سيدنا عمرو ابن العاص . وقلت الفتح الاسلامى مش الغزو لان كان الهدف دينى بحت وليه مصر كأقدم دوله فى تاريخ البشريه ماقمتش بأصلاح نفسها بنفسها بدل ان يأتى كل غريب من كل فج عميق ويقوم بأصلاحها دا على اعتبار ان كان بيصلحها لكن فى الحقيقه اى واحد من اللى انتا زكرتهما كان بيقيم امبراطوريه لنفسه على ارض لا يستحق البقاء فيها . تبريرك للاستعمار قريب جداً من تبرير الراضين بحكم العسكر سبحان الله . تشابهت قلوبهم بعد ان بينا الايات |
|
14-05-04, 11:47 PM | #23 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
انا واحد منهم
هما مين هما ولاد البلد دى مسلم مسيحى متدين منحل كله عند اسم البلد دى بيوقف كنانة الله فى ارضه الى قال عنها فى كتابه العزيز اهبطوا مصراً فإنَّ لكم مَّا سألتم وأوحينا إلى موسى وأخيه أن تبوَّءا لقومكما بمصر بيوتاً ادخلوا مصر إن شاء الله آمنين دى انا المصرى المسلم طب والمصرى المسيحى مستنى منه ايه غير انه عايش فى المكان الى لجاء ليه سيدنا عيسى عليه السلام والسيده مريم بعد الاطهاد الى شافوة على ايد اليهود جه مصر ودخله وهو امن يبقة ازاى ميحبهاش يبقه لو البلد دى فيها كل العبر لازم احبها وادافع عنها ومحبش حد يقول عنها حاجة ومديش لنفسى لحظة فى التفكير فى اساءة ليها لان الاساءة او ى حاجة حتى لو كانت تفسيرات حقيقية مرفوضة اصلا ومش محل نقاش قدام مش فى صالح البلد دى
__________________
|
14-05-04, 11:47 PM | #24 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: من هم المصريين (اصل المصريين)
مصرررررررررررررررررررررررررررررررررررررررررر
__________________
|
14-05-23, 08:42 PM | #25 |
صياد متفاعل
|
رد: من هم المصريين (اصل المصريين)
انت مش ملاحظ يا هشام او يا مصري ان البلد ديه اساسا مخلوقه للغير مش لشعبها لاني انا حاسس اني شعبها في الاصل فاسد و اكبر دليل فرعون اكيد كانوا الفراعنه كلهم كده فربنا بيحبنا بأن الناس تستعمرنا و تحتلنا مش عشان ربنا بيكرهنا لا عشان عايز الخير لينا علي ايد اللي ذكرهم المصري لاني ربنا عارف اننا فرعنه مكسلين نعمل حاجه و لو عملنا هنفتري علي الناس
__________________
اللي فاكر نفسه حاجه فهو ولا حاجه
و في سوق الرجاله ولا يسوي جنيه . . . . . . لا ربع جنيه :p |
14-05-23, 08:46 PM | #26 |
صياد متفاعل
|
رد: من هم المصريين (اصل المصريين)
و سؤال بس هو مش احمس هو اللي طرد الهكسوس ولا ايه بالظبط ؟؟؟
__________________
اللي فاكر نفسه حاجه فهو ولا حاجه
و في سوق الرجاله ولا يسوي جنيه . . . . . . لا ربع جنيه :p |
sponsor links |
أدوات الموضوع | إبحث في الموضوع |
انواع عرض الموضوع | |
|
|