|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
11-12-16, 06:13 PM | #1 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
جريمة قتل عندنا
بسم الله الرحمن الرحيم = ان لله و ان اليه راجعون = الي حصل امبارح دة مفيش عقل بني أدم يقدر يوصفو عشان كمية البلطجة و الدم الي شوفتهم امبارح حاجة متتوصفش انا ساكن في عين شمس عند شيخ البلد الي ف شارع احمد عصمت الي حصل ان واحد شيخ جامع محبوب عندنا في المنطقة وملوش في الطور ولا في الطحين المهم امبارح على الساعة 4 بليل حصل ان فيه 6 انفار دخلو العمارة و لاقهم معرفش بيعملو في مواسير المية قالهم بتعملو ايه قلولو بناخد توصيلة مية راح قالهم معاكو تصريح ب لي بتعملو دة قالولو ملكش دعوة طبعا راح قالهم ازاي و لما تكسر ماسورة غاز ولا حاجة بالغلط مين الي هيصلح مع العلم عمال مية جايين الساعة 4 بليل اكيد لا دي ناس جية تسرق المهم شد مع الناس دي في الكلام راحو جابو ناس من منطقة اسمها الكفر هي في عين شمس بردو المهم الناس دي جت دخلت على الشارع بجميع انواع السلاح من المطوة للبندقية الألي مسكو واحد شغال في قهوة صاحب الراجل دة و حطلو الطبنجة في رقبتو و قالولو اتصل بالراجل دة قولو ينزل و الا هنقتلك انت و ابنك و الراجل طبعا تحت تهديد السلاح استسلم و اتصل بالراجل قالو انزل عشان الناس مرفعني بالسلاح المهم الراجل نزل خدوه من هنا و شدوه على القهوة و طالعو كل الي في القهوة برة و قفلو الباب و احنا سامعين الراجل من برة بيضرب ضرب لو يهودي مش هيضرب كدة و بعد نص ساعة فتحنا الباب الراجل والله العظيم مفيش مكان في جسمو سليم مضروب بالسلاح الأبيض في كل جسمو من اول راسه و وشه لحد رجليه المهم طلعوه برة و واحد من بتوع الكفر دول قالهم يلا عايزين نخلص و راح واحد في سن حاولي 18 سنة حطلو الفرد الخرطوش في صدره و ضرب و هنا كانت اللحظة الصعبة من الضربة الطلقة نطرته برا القهوة مسافة 3 متر تقريبا و عملتلو فجوة في صدره و قعد ينزف من بؤه و منخيره و قعدو يهللو و بيقولو ( خدنا حقنا و علمنا عليهم) لحد ما وصلو للكفر الي هو منطقتهم مع العلم الجيش و الشرطة كانو و اقفين في الشارع بيتفرجو و كل الي كان عامل راجل في الشارع و معاه آلي ولا طبنجة ولا فرد فرحان بيها قعد في بيتهم و خاف ينزل يساعد الراجل دة . و الدنيا لسة مقلوبة عندنا من امبارح لحد دلوقتي الناس اهالي الراجل دة واقفين في الشارع و شكلها هتولع و ربنا يستر البلطجة دلوقتي بقت علني في الشارع و محدش بيقلهم بتعملو ايه و في النهاية ان لله وان اليه راجعون و حسبي الله و نعم الوكيل في الناس دي
__________________
يا بخت الي طبعو النسيان
|
sponsor links |
11-12-16, 06:19 PM | #2 |
صياد قديم
|
رد: جريمة قتل عندنا
إيه إلي حضرتك بتقوله دا؟؟؟ الكلام دا حصل في مصر هنا؟
وبعدين؟ الشرطة فين والناس فين؟؟ إيه يعني؟ مش عارف أقول أيه الصراجة
__________________
م.أحمد مصطفى {رَبّ إِنِّي لِمَا أَنْزَلْت إِلَيَّ مِنْ خَيْر فَقِير} |
11-12-16, 06:24 PM | #3 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
الشرطة و الجيش جم بس للأسف كان عشمنا فيهم كبير بس للأسف جم يتفرجو
__________________
يا بخت الي طبعو النسيان
|
11-12-16, 06:26 PM | #4 |
صياد متقدم
تاريخ التسجيل: Nov 2010
المدينه: إيطاليا
المشاركات: 545
معدل تقييم المستوى: 16 |
رد: جريمة قتل عندنا
ان لله وان اليه راجعون حسبي الله ونعم الوكيل
الناس دي للاسف انهم مصرين ولاكن تحس ان لا رحمه ولا مله |
11-12-16, 06:27 PM | #5 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
رحمة ايه و مله ايه دول حاطين قلوبهم في تلاجات دول كانو بيضربو ضرب لو يهودي مش هيضرب كدة
__________________
يا بخت الي طبعو النسيان
|
11-12-16, 06:33 PM | #6 |
صياد متقدم
تاريخ التسجيل: Apr 2011
المدينه: بورسعيد
المشاركات: 669
معدل تقييم المستوى: 8 |
رد: جريمة قتل عندنا
كله بسبب المسئولين اللي هما المجلس الزفت ربنا ينتقم منهم لا عارفين يديروا البلد لانهم متواطئين ولا راضيين يسيبوها لان فضايحهم هتبان وبان وشهم الحقيقي انهم هيسلمولنا البلد ضايعة ربنا ينتقم منهم
وان لله وان اليه راجعون والناس بئا هتاخد حقها بايدها شكلها كدة!! |
11-12-16, 06:33 PM | #7 |
صياد قديم
|
رد: جريمة قتل عندنا
ينهاااااااااارى
مصر بتخرب وكل الى حصل ده مش يوجع اد ان يجى الجيش ويتفرج اتخيل انك عايش فى امان حد وبعد فترة حياتك تتهدد ويجى الحد ده يتفرج عليك وانت بتموت بالبطئ الله يرحمه يارب ان شاء الله هوة شهيد الناس دول عايزين قناص والله حسبى الله ونعم الوكيل |
11-12-16, 06:39 PM | #8 | |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
اقتباس:
__________________
يا بخت الي طبعو النسيان
|
|
11-12-16, 06:43 PM | #9 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
هي دي المشكله احنا لما عرفنا ان الجيش جي فرحنا و كان عشمنا فيهم كبير انهم هيفكو الراجل من ايدين الجزارين دول جم ركنو البوكسات و العربيات و قعدو يتفرجو على فيلم ابراهيم الأبيض
__________________
يا بخت الي طبعو النسيان
|
11-12-16, 06:45 PM | #10 | |
صياد قديم
|
رد: جريمة قتل عندنا
اقتباس:
دول يقطعو راسه علشان الناس تعرف ان الله حق ويتعلمو يبلطجو تانى والمفروض ان اى بلطجى يهدد بالقتل او يقتل يتعدم بدون محاكمة وفى ميدان عام علشان يكون عبرة لو عايزينها همجية يبقى يتعاملو بهمجية والعيب مش فيهم العيب فى تربية الاهالى من الاول خالص لو عرفو يربو مكنش ده كله حصل لكن طلعو لنا ايه بلطجية وجواسيس وحكام فراعنة وال ايه عايزين حال البلد يتصلح لو الجيش فضل على حاله ده يبقى كل يوم هيشوف كدة ودول طالما شافو ردة فعل الجيش دى يبقى ايه المانع انهم يكرروها ؟؟؟ |
|
11-12-16, 06:46 PM | #11 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
و اكتتر حاجة تنرفز ان كل الي كان عامل عويل و بيتنطط في الشارع بحتتين السلاح الي معاه محدش منهم كان واقف كله كان بيتكتك تحت البطانية في بيتهم
__________________
يا بخت الي طبعو النسيان
|
11-12-16, 06:52 PM | #12 | |
صياد قديم
|
رد: جريمة قتل عندنا
اقتباس:
كنت حاولت اعمل اى حاجة مهى الخيبة الكبيرة ان الكل سكت لو لقو ان فى واحد راجل قام ضرب عليهم كان الباقى ضرب بس الشعب ماشى بكلمة وانا مااااااااااالى حرام والله العظيم انا بجد دمى اتحرق من الى سمعته ازاى ده يحصل وازاى الجيش يقف كدة الراجل ده لو عمل زى باقى الناس وقال انا مالى كان زمان القهوجى ده مات هوة واهله بس اثبت انه راجل بجد الله يرحمه ربنا يصبر اهله يارب |
|
11-12-16, 06:57 PM | #13 | |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
اقتباس:
__________________
يا بخت الي طبعو النسيان
|
|
11-12-16, 07:00 PM | #14 |
صياد نشيط
تاريخ التسجيل: Apr 2009
المشاركات: 273
معدل تقييم المستوى: 7 |
رد: جريمة قتل عندنا
أنا لله وانا اليه راجعون
__________________
لا اله الا أنت سبحانك انى كنت من الظالمين عامل سلاحك على انه عدوك يتحين الفرصه للفتك بك فلا تعطيه الامان |
11-12-16, 07:01 PM | #15 |
صياد قديم
تاريخ التسجيل: Nov 2011
المدينه: تحت الارض
المشاركات: 1,854
معدل تقييم المستوى: 63 |
رد: جريمة قتل عندنا
حسبي اللة ونعم الوكيل
استحالة يكون الجيش الي جة في الحادثة يكون مصري دول خونة مادام سكتو ووقفوا يتفرجو اكيد حتلاقي حتى معهمش امر بالضرب دول جايين منظر بس:mad::mad::mad::mad::mad::mad::mad::mad:
__________________
القوة الحقيقية في العقل وليس في العضلات |
11-12-16, 07:21 PM | #16 |
صياد نشيط
تاريخ التسجيل: Jun 2011
المدينه: K.S.A
المشاركات: 392
معدل تقييم المستوى: 7 |
رد: جريمة قتل عندنا
بصراحة موضوع ان الجيش والشرطة جم ومتحركوش دى انا موش مصدقه يعنى هما موش هيتحركوا ليه كانوا خايفين من البلطجية يعنى ولا حاجة . ثم انا دورت على الحادثة دى ومش لاقى ولا خبر علىها ولا فى جرايد ولا مواقع نت
|
11-12-16, 07:28 PM | #17 |
صياد متفاعل
تاريخ التسجيل: Nov 2011
المشاركات: 61
معدل تقييم المستوى: 5 |
رد: جريمة قتل عندنا
حسبنا الله ونعم الوكيل على كل ظلم وعلى كل من تهاون فى دماء الناس
|
11-12-16, 07:33 PM | #18 |
صياد متقدم
|
رد: جريمة قتل عندنا
لا اله الا الله
محمد رسول الله
__________________
amr2006_2007942000@yahoo.comاموت محبوبا خير لي من أن أعيش مكروها |
11-12-16, 07:38 PM | #19 |
صياد متقدم
|
رد: جريمة قتل عندنا
الراجل مات
واية الجديد فى كدة احنا عندنا فى امبابة بيحصل اوسخ من كدة البقاء للة |
11-12-16, 09:06 PM | #20 |
صياد قديم
|
رد: جريمة قتل عندنا
انا لله وانا اليه راجعون
وربنا يسترها علينا والله الواحد كدة هيبدء يفكر فى سلاح مش مرخص واللى يحصل يحصل
__________________
الطيبة ليست غباء
انما نعمة فقدها الاغبياء |
11-12-16, 09:48 PM | #21 |
صياد قديم
تاريخ التسجيل: Sep 2011
المشاركات: 1,656
معدل تقييم المستوى: 15 |
رد: جريمة قتل عندنا
ان لله وان اليه راجعون
فى مجازر يومية بتحصل فى كل المناطق الشعبية من البلطجية ودى بقت أغنية أتعلمون اننا شوية رجالة عواجيز جمعنا نفسنا و كمان وصلنا قبل الشرطة و الجيش بساعة للتصدى للبلطجية فى معركة تكاد تكون معركة حربية فى حى المطرية, يا جماعة دحنا مسكنا معاهم بندقية قنص رهيبة و طلقات قنص روسى كتير كمان و ما خفى كان اعظم خلاص كل البلطجية بقى معاهم بنادق قنص و رشاشات و خرطوش ولا عزاء للمحترمين العزل من السلاح فى هذا الزمان |
11-12-16, 10:50 PM | #22 |
Banned
تاريخ التسجيل: Jul 2011
المدينه: بنها
المشاركات: 115
معدل تقييم المستوى: 0 |
رد: جريمة قتل عندنا
كلمة واحدة
عيب عليك ياشعب بظتى يا مصر انا معرفش دلوقتى اعمل ايه امشى بألى والمشكلة ان الالى اللى معاهم ده من الحرب العالمية التانية امال لو كان معاهم اجدد كانوا هيعملو ايه |
11-12-16, 10:51 PM | #23 |
صياد نشيط
تاريخ التسجيل: Oct 2011
المدينه: القاهرة
المشاركات: 494
معدل تقييم المستوى: 7 |
رد: جريمة قتل عندنا
لا حول ولا قوة إلا بالله ........ إنا لله وإنا إليه راجعون
اللهم إنا نحتسبه عندك مع الصديقين والشهداء .... اللهم أهلك الظالمين بالظالمين وأخرجنا منهم سالمين
__________________
لا تأسفـن عـلى غـدر الـزمان لطـالما .... رقصت على جثث الأسود كلاب لا تحسبن برقصها تعلو على أسيادها .... فالأسـود أسـود والكـلاب كـلاب تبــقى الأســود مخيـفـة فـي أسـرها .... حتـى وإن نبـحت عـليها كـلاب |
11-12-16, 10:55 PM | #24 |
صياد قديم
|
رد: جريمة قتل عندنا
بجد ربنا يستر على البلد وعلى الايام السودة اللى احنا عايشنها دى
__________________
الطيبة ليست غباء
انما نعمة فقدها الاغبياء |
11-12-16, 11:37 PM | #25 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
يا باشا لو ليك حد في عين شمس الشرقية و ساكن في احمد عصمت ممكن تسأله اذا كان الجيش ضرب ولا واقف يتفرج و غير كدة الخناقة متنشرتش في الجرايد عشان دي لسة حصلت النهاردة الصبح الساعة 4 الفجر و كتر خير الناس اهالي الراجل دة نزلو الكفر دة و رجعو ب 4 انفار متربطين من هناك و قالو على مكان الواد الي قتل و هو في الفيوم و دلوقتي الناس بتحضر عشان هينزلو و معاهم قوة من الأمن يجيبوه من هناك و ربنا معاهم ان شاء الله
__________________
يا بخت الي طبعو النسيان
|
11-12-16, 11:51 PM | #26 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: جريمة قتل عندنا
هو الجيش والشرطة لاسف الشديد مش بيعملو رجالة الا علي الناس المحترمة انما لوحد معاة سلاح يبقي زي الارانب
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-12-17, 12:33 AM | #27 |
صياد نشيط
|
رد: جريمة قتل عندنا
السلام عليكم اخى الفاضل
من راى منكم منكرا فاليغيرة احنا مش هنلوم علي حضرتك او جيرانك لعدم التدخل لان اللة اعلم بمقدورتك لكن انا هلوم عليك وعلى جيرانك لو معملتوش بلاغ وشكوى فى قوة الجيش والشرطة الى كانت موجودة وبتتفرج لابد من تقديم بلاغ للنائب العام ووزير الداخلية ورئيس الوزراء والاتصال بالاعلام لو فى صور بالموبايل مثلا لعدم تدخلهم تصلح كدليل او شهادة حضرتك وكافة جيرانك بعدم تدخل الجيش والشرطة كدليل ايضا فالجيش والشرطة يحمل سلاح بالنيابة عنا كمواطنين وباموال مدفوعة منا كمواطنين لحمايتنا وليست لاطلاق النار على الثوار فقط ولو لم تأخذوا موقف انت وجيرانك فدم هذا الرجل ومن يمر بمثل هذة الحوادث فى رقبتكم |
11-12-17, 12:37 AM | #28 | |
صياد قديم
|
رد: جريمة قتل عندنا
اقتباس:
وانا اؤيده
__________________
الطيبة ليست غباء
انما نعمة فقدها الاغبياء |
|
11-12-17, 01:00 AM | #29 |
صياد متفاعل
تاريخ التسجيل: May 2011
المدينه: الزقازيق
المشاركات: 56
معدل تقييم المستوى: 5 |
Re: جريمة قتل عندنا
بصراحة انا حاسس ان القصة دى تاليف و ما فيش اى دليل على حدوثها
|
11-12-17, 01:03 AM | #30 |
صياد قديم
تاريخ التسجيل: Sep 2011
المشاركات: 1,656
معدل تقييم المستوى: 15 |
رد: Re: جريمة قتل عندنا
|
11-12-17, 01:03 AM | #31 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
سمعت ان فيه ناس عندنا صورت فيديوهات و ان شاء الله هعتر في الفيديوهات دي و اعرضها هنا بس الي قلبو يستحمل يشوف كمية الأجرام و لا مبالة دي
__________________
يا بخت الي طبعو النسيان
|
11-12-17, 01:06 AM | #32 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: Re: جريمة قتل عندنا
ربنا يسامحك يا اخي و انا ايه الي يخلني اكدب يا اخي اتقي الله دة راجل لسة دمة على الأرض و لسة مدفنش
__________________
يا بخت الي طبعو النسيان
|
11-12-17, 01:09 AM | #33 |
صياد قديم
|
رد: جريمة قتل عندنا
هات بس الفديوهات ومتقلقش معاك وحوش هههههههههههههه
__________________
الطيبة ليست غباء
انما نعمة فقدها الاغبياء |
11-12-17, 01:11 AM | #34 |
صياد متقدم
|
رد: جريمة قتل عندنا
لا اله الا الله ولا حول ولا قوه الا بالله وانا لله وانا اليه راجعون
|
11-12-17, 02:04 AM | #35 |
صياد قديم
تاريخ التسجيل: Oct 2011
المدينه: الهــرم
المشاركات: 1,617
معدل تقييم المستوى: 15 |
رد: جريمة قتل عندنا
لا حول ولا قوة الا بالله
ولسه يما هنشوف اكتر من كده
__________________
لايجب ان تقول كل ماتعرف … ولكن يجب ان تعرف كل ماتقول
و للصمت احيانا ضجيج …. يطحن عظام الصمت |
11-12-17, 06:13 AM | #36 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: جريمة قتل عندنا
موقف صعب جدا ... ربنا يرحم المتوفى ويدخله جناته
|
11-12-17, 07:24 AM | #37 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
امين يا رب العالمين
__________________
يا بخت الي طبعو النسيان
|
11-12-17, 11:15 AM | #38 |
صياد نشيط
|
رد: جريمة قتل عندنا
الاخ الفاضل okapi knife اسف لاعادة التعليق مرة اخرى ولكن للتذكير لان حضرتك عرضت انك ترفع الفيديو هنا فقط كرد فعل فى المنتدى فأنا هكررلك كلامى بالمكان السليم المفروض ترفع لة الفيديو مش هنا لاصحاب القلوب القوية فقط ذى ما حضرتك بتقول!!!!!!!!!((((السلام عليكم اخى الفاضل
من راى منكم منكرا فاليغيرة احنا مش هنلوم علي حضرتك او جيرانك لعدم التدخل لان اللة اعلم بمقدورتك لكن انا هلوم عليك وعلى جيرانك لو معملتوش بلاغ وشكوى فى قوة الجيش والشرطة الى كانت موجودة وبتتفرج لابد من تقديم بلاغ للنائب العام ووزير الداخلية ورئيس الوزراء والاتصال بالاعلام لو فى صور بالموبايل مثلا لعدم تدخلهم تصلح كدليل او شهادة حضرتك وكافة جيرانك بعدم تدخل الجيش والشرطة كدليل ايضا فالجيش والشرطة يحمل سلاح بالنيابة عنا كمواطنين وباموال مدفوعة منا كمواطنين لحمايتنا وليست لاطلاق النار على الثوار فقط ولو لم تأخذوا موقف انت وجيرانك فدم هذا الرجل ومن يمر بمثل هذة الحوادث فى رقبتكم)))))) |
11-12-17, 11:34 AM | #39 |
عضو مميز
تاريخ التسجيل: Sep 2011
المدينه: مثلث برمودا
المشاركات: 2,153
معدل تقييم المستوى: 31 |
رد: جريمة قتل عندنا
الله يرحمه الكفر دى حته كلها هاربين من احكام وتجار مخدرات وعصابات ودول معروفين من زمان فى عين شمس
|
11-12-17, 11:47 AM | #40 |
صياد نشيط
تاريخ التسجيل: Apr 2011
المشاركات: 475
معدل تقييم المستوى: 8 |
رد: جريمة قتل عندنا
حسبى الله ونعم الوكيل ربنا ينتقم منهم جميعاً وينزل لعنتة وغضبة على الواد اللى ضربة بالفرد الناس دى جبناء مبيتشطروش الا ببعض
|
11-12-17, 01:32 PM | #41 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
+11111111111111 و المنطقة دي بالضبط عند شارع العشرين الي في في احمد عصمت
__________________
يا بخت الي طبعو النسيان
|
11-12-17, 01:51 PM | #42 |
صياد متفاعل
تاريخ التسجيل: Sep 2011
المدينه: القاهرة وتعالي تنور
المشاركات: 218
معدل تقييم المستوى: 6 |
رد: جريمة قتل عندنا
حسبي الله ونعم الوكيل
حسبي الله ونعم الوكيل حسبي الله ونعم الوكيل المفروض رجالة المنطقة كلهم كانو نزلوا حتي لو الناس الي جاية جاية بنار واهل المنطقة ممعهمش نار كانو نزلوا بسكاكين سنج اي حاجة بقي واكيد كل منطقة بيكون فيها نار المفروض كان كلو نزل ووقف في الشارع بتاعة لان دا اسمو ظلم وافتري وبلطجة ان انسان يموت بالشكل دا قسما بالله انا لو امتلك اي سلطة او امتلك اي سلاح ناري حاليا لكنت روحت عندك يا انس ووقفنا مع الراجل حتي لو هموت بس هموت بدافع عن انسان مظلوم وعن حق حسبي الله ونعم الوكيل وبالنسبة للانسان المحترم الي بيقول حاسس انها قصة ومش حقيقة انا كلمت انس امبارح في الموبيل وقالي ان فية مشكلة وكنت سامع صوت زعيق وكدا فياريت الموضوع مش ناقص كلام مستفز والي يقولك دي قصة ودي بتاع وربنا يصبر اهل المنطقة واهل المتوفي يارب ونحسبة عن الله من الشهداء اللهم امين |
11-12-17, 02:15 PM | #43 |
عضو مميز
تاريخ التسجيل: Sep 2011
المدينه: مثلث برمودا
المشاركات: 2,153
معدل تقييم المستوى: 31 |
رد: Re: جريمة قتل عندنا
دا اسمه كفر فاروق عباره عن مقابر وهو يقع مع شارعى احمد عصمت ال20 وتدخله كانت دخلت عالم ثان غير المناطق المحيطه به ويحوى تجار مخدرات ولصوص ومجرمين هاربين وهم يد واحده بالنهار عدد سكانه اقل لان كله مختفى وليل خطر جدا الدخول القصه حقيقيه
|
11-12-17, 02:17 PM | #44 | |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
اقتباس:
__________________
يا بخت الي طبعو النسيان
|
|
11-12-17, 02:21 PM | #45 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: Re: جريمة قتل عندنا
كل كلامك صح و الوصف دقيق جدا لأني دخلت الكفر دة قبل كدة بس كان بالنهار عبارة عن حواري مفتوحة على بعض و مفيش بني ادم كان هناك و تحس ان المكان فيه وباء
__________________
يا بخت الي طبعو النسيان
|
11-12-17, 08:32 PM | #46 |
الاداره تحذر التعامل مع هذا العضو فى البيع والشراء
|
رد: جريمة قتل عندنا
ولسه باما هنشوف
__________________
drugstore-onlinecatalog.com |
11-12-17, 08:51 PM | #47 |
صياد قديم
تاريخ التسجيل: Nov 2010
المدينه: القاهرة
المشاركات: 1,322
معدل تقييم المستوى: 23 |
رد: جريمة قتل عندنا
__________________
يا بخت الي طبعو النسيان
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
جريمة قتل بشعة | pooforever_2010 | الموضوعات العامه | 37 | 11-11-01 02:59 PM |
سؤال يتوقف على اجابته براءة متهم من جريمة حيازة سلاح بدون ترخيص | احمد حسين العسيلي | ادوات الصيد الثقيله | 29 | 11-09-28 01:55 AM |
الجيش بيضرب الناس عندنا يا جدعان | kiko_2015 | الموضوعات العامه | 21 | 11-07-26 10:30 PM |
بالله عليكم الى عندوا b3-2 يعبرنى | samraghost | الورشة | 5 | 11-05-11 04:11 PM |