تجار السلاح ومحلات بيع البنادق

[galal khalifa]

الاخوة الاعزاء
عايز اشرح حاجة مهمة في موضوع محلات بيع الاسلحة
الموضوع الي هما مطلعينة ان الاستيراد موقوف والحكاية والروتين كل دة مالوش اساس الموضوع ان التاجر بيستورد
شحنة اسلحة متنوعة ( ضعط هواء - خرطوش - مسدسات
- بنادق ذخيرة حية ) وهي دية الحاجات الي الداخلية منعت
الاستيراد فيها وهي دية الي فيها مكسب حقيقي للتجار فهوة بيكسل يستورد بنادق ضغط هواء ويقول ياعم ابيع الي عندي بسعر عالي وبعدين تفرج ودة نوع من قصر النظر بالنسبة للتجار هوة دة الموضوع بدليل ان بناق الخرطوش موجودة في المحلات والبنادق الرصاص ايضا بنادق الرش وكل واحد يقول دية اخر بندقية عندي والقصة معروفة للجميع

[smsmn8888]

هي قصة بسيط جدا هم بيجيبو البضاعة بسعر سي 1000
لو باعها الان هيبيع بسعر 1500 لا يخزن سنة اتني 6 براحتة ويسحبها من السوق فتقل فسعرها يزيد تلقائي ويبدا يطلعها بسعر اغلي ممكن يوصل ل 4000 علي الاقل
فيكون كسبان 500 % علي الاقل هو المستفاد ولا يوجد شئ يمنعة واحنا بنشترى خصب عنينا خلاص انسو الموضوع تا مالوش حل ربنا يسامحهم
(جشع التجار )
وبصراحة تجار السلاح هم اغني تجار في مصر !!

[galal khalifa]

تجار السلاح مش اغني ناس في مصر بل في العالم ويطلق عليها تجارة الدم

[ابو الشوق]

الاستاز جلال بيتكلم صح
يا جماعة احنا بينضحك علينا وبندفع فى كل بندقية3 او4 اضعاف امبارح كنت مع صديق ليا صاحب شركة استيراد وتصدير وقالى ان ايتم الاسلحة موجود فى البطاقة بتاعتة وانو ممكن يستورد اسلحة بس المشكلة فى التوزيع
التجار فى مصر محتكرين التجارة ورفعين الاسعار
وصحبى بتاع الاستيراد قالى الاحسن ليكو تعملوا نادى خاص او جمعية صغيرة بسجل تجارى وبطاقة ضريبية وبيها ممكن تستوردو اى حاجة خاصة بالنشاط بتاعكم
والمفاجئة انها بتكون معفية من ضريبة المبيعات وعليها خصم جمركى
يعنى البندقية الديانا 2009 ممكن تيجى ب600$دة بعد مصاريف النقل والشحن
يا ريت يا شباب لو نتكلم بجد وناخد خطوة ايجابية بخصوص الجمعية وياريت باقى الاعضاء يشاركونا الراىء ويقول كل واحد وجهة نظرة

[galal khalifa]

ربنا يسمع منك ونقدر ندخل البنادق لمصر لخدمة الناس الي عندها هواية الصيد

[msgm]

إن شاء الله الموضوع يتم على خير

[ahmedzz]

ربنا يخليكم يا استاذ ابو الشوق ويا استاذ جلال والاخ محمد والاخ سمسمن
في صاحب شركة استيراد وتصدير عرض علي لما اخبرته بالامر ان يجيب دفعة لا تقل عن 10 وطلب منى اطوال الشحنة واوزانها
ولما اخبرته
قال تكلفة الشحن والتخليص 300 جنيه على الواحدة وسيحاول اعفاءها من الجمارك تضاف على سعر الحبة
على ان ياتى اسبوعيا بشحنة من عشر وحدات من احدث الماركات العالمية
واللي عاوز يجي معاي للشركة
وده راجل محترم وله وضعه وكمان عرض ان ينضم للجمعية
جمعية ثم نادي ثم محل خدمى ثم ثم خطوات على الطريق للعالمية بس فين الاعضاء
الاستاذ مدير الشركة عاوز ناس يقابلوا موعده من 9 صباحا - 3 مساءا ايام الاسبوع ما عدا خميس وجمعة
المقابلة في روكسي

شيدوا حيلكم يا منتدى
ولا الحوجة لمحلات وسط البلد

فينكم يا شباب
فينكم يا عواجيز
فين محبي الصيد
صبرا ايها الحمام قريبا ان شاء الله نحصدهم بالجديد القادم

[galal khalifa]

نحاول نتصل بصاحب الشركة ونشوف ها نعمل اية معاة

[ابو الشوق]

شكرا على الاهتمام يا د/احمد انا شايف ان 300 جني زيادة على سعر البندقية كويس جدا بس احنا ننتظر رد صحبى انا مديلو 4 ايام ويرد عليا ولو ربنا موفقش معاة نروح للراجل بتاعك
وربنا يقدم الى فية الخير

[msgm]

.. أنا أشكر الأعضاء ahmedzz و galalkhalifa,و أبو الشوق .. على الإهتمام بموضوع الجمعية والإستيراد

[smsmn8888]

ياليت يكون 300 جنية بس

[galal khalifa]

يا سيدي احنا موافقين علي 300 جنية بس التنفيذ والضمنات ايةعلي سبيل المثال عايزين10 بنادق ديانا سعرهم كذا
والراجل خد الفلوس نضمن حقنا ازاي دية حاجة ماتزعلش
مع احترامنا التام للراجل

[Gamo]

اشكر الأعضاء أ/جلال ....أ/ ابو الشوق ......أ/ احمد

على التعاون وموضوع الجمعية ده لو بجد صدقونى هنبقى حققنا طفرة فى عالم الصيد

يالله وانا معاكم ان شاء الله

وبالنسبة لموضوع الفلوس الى هندفعها ال300 فاحنا المفروض مندفعش الا لما الشحنة تدخل مصر ونشوفها كمان ونستلم

زى ما بيقولو (((البكاه على راس الميت)) والا ايه يا مستر جلال

[prince of hunt]

والله فعلا يرت الموضوع دة يتحقق واكيد لو تجار السلاح لئو الضغط على البنادق قل هينزلو فى سعرها والله المستعان

[galal khalifa]

كلامك يا gamo سليم وصح ولو في حد قال كلام غير دة يبقا بيغالط الحقيقة واعتقد ان محبي الصيد و محترفي الصيد
لاينطقون الا بالحقيقة لان نظرية الصيد الحقيقية هي الحقيقة الثابتة فلا يمكن ان تصياد ومعك احدث واقوي بندقية ولنت مغلق عينك وعي الصياد هي الحقيقة والصدق

[ابو الشوق]

الموضوع لسا بسئال علية صحبى بتاع الاستيراد والتصدير كلمنى وقالى ان الجمارك على ادوات الصيد بعد كل المصاريف بتكون 30 % من قيمة الفاتورة الى طالعة من المصنع
يا جماعة الموضوع مش بالسهولة الى كنت متخيلها
فى مفيا محتكرا السوق ومتهايالى ان الموضوع ممكن يطول شوية
بس احنا صيادين بالنا طويل ونفسنا اطول
وربنا يقدم الى فية الخير

[عاصــم الشبراوينــي]

والله هوه موضوع كويس خصوصا لو احنا نبدا ونعمل الي علينا فعلا ونبدا بالخطواط بتاعت الجمعيه وتاسيسها
واهدفها زي منكتب قبل كده عنها وربنا يعنا كلنا

[sokar_jax]

واللة بتوع السلاح فى مصر حراميييييييييييية بشكل غريب

[عثمان الشبراوى]

بجد موضوع فى غاية الروعة
عندى سؤال هل سعر البنادق الهوائية غالى فى الدول العربية الاخرى ولا الموضوع ده فى مصر بس
ولو هوه رخيص ذى اسعار السيارات هناك
ممكن الواحد يشترى من الدول العربية ذى ليبيا انا شايف انى الموضوع هناك هيكون سهل
ارجو الرد

[galal khalifa]

الاخ عثمان الشبراوي
اولا اهلا وسهلا بيك في المنتدي وان شاء الله تكون عضو فعال معانا
ثانيا سعر البنادق في كل العالم واحد فيما عدا ان يكون استوك قديم او عاملين اوكازيون وطبعا الاسعار في مصر كل واحد علي كيفة يعني تلاقي عند ميشيل عازر سعر مختاف عن فتح الله وعند فتح الله القاهرة غير اسكندرية يعني بالعربي مولد وصاحبة غايب ولو تقدر تجيبها من ليبيا طبعا اجمل واحسن مليون مرة

[أسامه خطاب]

جلال باشا ازيك وعامل ايه والله انت واحشني وكلام الناس حايشني
بص يا باشا
أنا موجود حاليا في الرياض وعايز اشتري من هنا بس عندهم نظام ان المحلات علشان تبيع بندقية حتى لو ضغط هوا لازم تصريح من وزارة الداخلية وكمان التصريح للسعودي فقط احنا في نظرهم اسمنا أجانب ( كل من يحمل غير الجنسية السعودية ) طب الخطوة دي مقدور عليها ممكن اشوف اي حد سعودي ويشتري لي ازاي اجيبها معايا وأدخلها مصر
ياريت يكون فيه حد أو يعرف حد له تجربة سابقة في ذلك الموضوع

[عثمان الشبراوى]

الاخ جلال
سعيد لى اهتمامك وانا من اشد الناس لقرأت موضيعك
حبيت اعرف حاجه من حضرتك هل السعر فى الدول العربية اقل ولا التجار بتعمل زى التجار المصرين يعنى من الاخر فى وزارة او جمعية لحماية المستهل لتسعير السلع ولا لا زى السلطة الاى فى مصر
وشكرا على اهتمامك ولو فعلا انت تعرف الاسعار بكام برة يارات تفدنى
وارجو من مشتركى الاعضاء المشركة

[galal khalifa]

الاخوة الاحباء في الله
بالنسبة الي اسامة خطاب بص يا سيدي مش المهم انك تشتري من السعودية لان لو واحد سعودى حبيبك ها يخدها من المحل باسمة ويدهالك بس المشكلة في الدخول الي مصر عن طريق الجو استحالة مع سبق الاصرار والترصد بالنسبة للبر ممكن تعدي لة دخلت من منفذ سفاجا يعن تعمل واجب مع الراجل بتاع الجمارك وتفتح مخك تبقا فلة وربك يستر ...

الاخ عثمان الشبراوي
طبعا السعر في الدول العربية اقل من مصر لان التجار هنا ملاء الجشع قلوبهم والحكومة قفلت الموضوع عليهم يعني لازم يدبح الزبون انما في الدول العربية الموضوع عادي والدولة ميسرة كل شئ .....

[أسامه خطاب]

عُلم يا باشا وسيتم تفتيح المخ والتنفيذ بالعبور عبر المنافذ البرية

[salahfareed]

المشاركة الأصلية كتبت بواسطة أسامه خطاب

جلال باشا ازيك وعامل ايه والله انت واحشني وكلام الناس حايشني
بص يا باشا
أنا موجود حاليا في الرياض وعايز اشتري من هنا بس عندهم نظام ان المحلات علشان تبيع بندقية حتى لو ضغط هوا لازم تصريح من وزارة الداخلية وكمان التصريح للسعودي فقط احنا في نظرهم اسمنا أجانب ( كل من يحمل غير الجنسية السعودية ) طب الخطوة دي مقدور عليها ممكن اشوف اي حد سعودي ويشتري لي ازاي اجيبها معايا وأدخلها مصر
ياريت يكون فيه حد أو يعرف حد له تجربة سابقة في ذلك الموضوع

تعالى عن طريق سفاجا وخللى واحد من اللى جاى بسيارة تربتيكت يحطها وسط المتعلقات على الشبكه وغالبا بتعدى واخونا حسين طه من شنشور احضر اتنين ديانا 52 وانت طبعا عارفه

[galal khalifa]

الحمد لله الراجل عدا عن طريق البر سهل او المركب بس لما بيكون معاك عربية وعليها عفش بتتحط وسط الحاجة وبتعدي

[umarex]

بسم الله
الكلام ده جميل جدا جدا جدا بس التنفيذ فوق الصعب .
اولا كلمة انشاء جمعيه علشان السلاح حتى لو بنادق رش فى مصر شئ مستحيل طبعا انتم عرفين ان يكون فى سجل تجارى وكلامممممممممممم كتير بس فى 3 اشياء مهمين اوى
1- تصريح من جهات كتيررررررررر اوى من اهم الجهات دى امن الدوله ووزارة الدفاع
2-مين هيكون فى وش باب النار لما يتفتح علينا بمعنى ان هيكون السجل التجارى بااسم واحد بس مين اللى هيتصدر وعلى فكره لو الراجل اللى انته فرحنين اوى كده بيه هو اول واحد هيقول مليش فيه دول ناس جم ومعاهم سجل وانا مجرد مستورد والباقى انتم عرفينه ................. لا تعليق
3-ودى فى تقدرى اهم شئ ان الكحكه متقسمه كويس يعنى فى ناس فى بلادنه بدخل السلاح ومش هتسمح بكده حتى ولو بنادق راش الحكايه صعبه جداااااااااااااااااااااااااااااااا

الموضوع بكل بساطه ان احنا عيزين بنادق راش بس كده
هى عندهم النهارده بنادق راش بكره مش عارف ايه وايه لا لا لازم يكون فى حل للناس دى اللى (هى طبعا احنا )
والباقى احنا طبعا عرفينه .

انا اسف اجدع ناس على كلامى بس ده خوف علينا .
ولكم منى كل الاحترام

[أسامه خطاب]

المشاركة الأصلية كتبت بواسطة salahfareed

تعالى عن طريق سفاجا وخللى واحد من اللى جاى بسيارة تربتيكت يحطها وسط المتعلقات على الشبكه وغالبا بتعدى واخونا حسين طه من شنشور احضر اتنين ديانا 52 وانت طبعا عارفه

ايوه يا استاذ صلاح ، على فكرة الديانا الـ52 اللى عندي هي واحده من اللى جابهم أ / حسين طه كان باعها لـ أ/جمال دردير وانا اشتريتها من أ/جمال من حوالي10سنين ولسه مغير لها الجلدة والسسته السنة اللى فاتت أنا والـ أ/ خالد طه البنان

[ahmadyousry]

نا موافق يا ahmedzz ولما تنوى تروح يبقى قوللى و راسلنى عالايميل دة dr.ahmadyousry@yahoo.com

[Ibrahem]

أتمنا ان اساعد وانضم معكم فى موضوع استيراد البنادق و إنشاء جمعية و نادى خاص للصيد

[ابوشعبان]

انا معاكم يااخوة فى الجمعية هذا تليفونى 0124853352

[body77]

السلام عليكم
صباح الفل يا استاذ .....جلال /اسامه /....... وكل الاخوه زملاء النضال والكفاح للابقاء هوايه الصيد فى مصر وانا معاكم فى جمعيه و فى اى حاجه تجمعنا