حذفى

[فيلمعربى]

ارجو من ادارة المنتدى حذفى نهائيا من المنتدى بسبب واحد هنا مش حلو خالص اسمة الافاكاتو وهو للاسف عضو فى ادارة المنتدى برضة واى مشاركة بكتبها بيحذفها
يعنى مثلا بقول ان الصين منتجاتها وبضاعتها رديئة جدن وبتعرض هذة المنتجات فى مصر فقط وباقى دول الخليج بتعرض باقى المنتجات الجيدة لان الصين بتعمل المنتج السىء والمنتج الحلو
فوجئت انة حذف مشاركتى والسبب انى بحس على كراهية الاخر فين بقة كراهية الاخر اللى انا اتكلمت فيها
لاء والاعجب من كدة انة النهاردة كان بيقول انة رايح التحرير علشان يشارك هناك مع الناس اللى هناك عايز اعرف ازاى تم ترشيحة للادارة الافاكاتو دة

[koktal]

يا سيدى الفاضل .. افوكاتو عضو زيى زيك .. وتم ترشيحة للإدارة بإرادة الأعضاء ومدير الموقع .. وله الحق فى الحديث فى أى شئ مثلى مثلك .. والإدارة ليست لذوى الخبرة فقط وإنما تحتاج إلى عملية ترتيب وتنسيق للمواضيع والردود .. وافوكاتو مشهور فى الجزء الخاص بالأسلحة النارية بالحذف لأنه المسؤل عنه .. وأنا من هنا أقول لأفوكاتو دع من يكتب يكتب طالما لم يتئذ أحد من الكلام .. وبالتأكيد له وجهة نظر فى كل ما يقوم بحذفه .. تحياتى لك وللجميع ..

[فيلمعربى]

اة ونسيت اءقول انة مش اول مرة يحذف مشاركة لية سبق وكررها فى مشاركة برضة قبل كدة وكنت بتكلم فيها على نفس الموضوع بتاع الصين وانا مش بهجص انا بقول كدة عن تجربة فى شراء المنتجات الصينية دية
هو الافوكاتو دة

[fidodido]

يرجى عدم الاساءه للاعضاء و الله الموفق

[hema777h]

يا استاذ الصين مش هي الي هي غلطانة الغلط من المستورديين الي بيطلبو اقل خامااااااااااات وادعي ربنا اننا في يوم من الايام نكون ربع الصين في التصنيع والانتاج

[فيلمعربى]

يا كوكتيل قولى انتا لما الواحد مننا بيوضح وبيقول ان مثلا زى ما انا كاتب ان الصيت منتجاتها رديئة جدن على مصر بالذات هل كدة انا بحس على كراهية الاخر اللى هى الصين يعنى لان دة سبب حذف المشاركة انة كاتب حذفت المشاركة والسبب الحس على كراهية الاخر فين بقة كراهية الاخر

[الأفوكاتو]

أحب أوضح إن المشاركة اللي اتحذفت قبل كدة حذفت بواسطة العربي مشرف قسم السوق وليس أنا .. لأنها كانت مخالفة لنفس السبب .. يعني مش أنا بس .. الأخ اللي اسمه فيلمعربي وقتها زعل مني وغلط فيا .. لدرجة أنه فضل يقول إني مش مسلم وإني مسيحي وإني مش بحب الاسلام .
أوعدك إن الإدارة هتستجيب لطلبك بخصوص حذف عضويتك

[فيلمعربى]

لما اكون مسلم وانتا مسلم وكلنا عارفين ان فية حرب شرسة دلوقتى على الاسلام والمسلمين واجى انا اكتب توضيح بشان الصين وازى هما كانوا بيقتلوا المسلمين عندهم ظلما وهدرا وانتا قلتيلى سعتها انى بحس على كراهية الاخر لازم كنت اءقولك كدة لان انتا عارف ان المسيحين على طول ليل نهار يسبوا فى الاسلام والمسلمين

[hema777h]

المشاركة الأصلية كتبت بواسطة الأفوكاتو

أحب أوضح إن المشاركة اللي اتحذفت قبل كدة حذفت بواسطة العربي مشرف قسم السوق وليس أنا .. لأنها كانت مخالفة لنفس السبب .. يعني مش أنا بس .. الأخ اللي اسمه فيلمعربي وقتها زعل مني وغلط فيا .. لدرجة أنه فضل يقول إني مش مسلم وإني مسيحي وإني مش بحب الاسلام .
أوعدك إن الإدارة هتستجيب لطلبك بخصوص حذف عضويتك

برجاء الاستجابة لطلب العضو في اسرع وقت حرصاااا علي راحة الجميع

[الأفوكاتو]

المشاركة الأصلية كتبت بواسطة فيلمعربى

لما اكون مسلم وانتا مسلم وكلنا عارفين ان فية حرب شرسة دلوقتى على الاسلام والمسلمين واجى انا اكتب توضيح بشان الصين وازى هما كانوا بيقتلوا المسلمين عندهم ظلما وهدرا وانتا قلتيلى سعتها انى بحس على كراهية الاخر لازم كنت اءقولك كدة لان انتا عارف ان المسيحين على طول ليل نهار يسبوا فى الاسلام والمسلمين

بردو ! .. انت بكلامك ده ممكن تعمل فتنة طائفية ! .. افهم بقي .. ممنوع تتكلم في الحاجات دي عالمنتدي .. أرجوك يا هشام تتدخل وتحذف الموضوع ده كمان .. المنتدي كدة ممكن يتقفل !
خليكوا جميعا شاهدين إنه مازال بيتكلم في الأديان !

[koktal]

المشاركة الأصلية كتبت بواسطة فيلمعربى

لما اكون مسلم وانتا مسلم وكلنا عارفين ان فية حرب شرسة دلوقتى على الاسلام والمسلمين واجى انا اكتب توضيح بشان الصين وازى هما كانوا بيقتلوا المسلمين عندهم ظلما وهدرا وانتا قلتيلى سعتها انى بحس على كراهية الاخر لازم كنت اءقولك كدة لان انتا عارف ان المسيحين على طول ليل نهار يسبوا فى الاسلام والمسلمين

من فضلك .. من غير الخوض فى حديث الأديان .. إلتزم الخط الأحمر .. وبلاش كدا ..

[Andria]

Ana mesh mewafe2 3ala mawdou3 el meshe7y we Moslem ely ento betetkalemo feeh

[الأفوكاتو]

المشاركة الأصلية كتبت بواسطة koktal

من فضلك .. من غير الخوض فى حديث الأديان .. إلتزم الخط الأحمر .. وبلاش كدا ..

كان عندي حق ولا ايه ؟

مشاركات من النوع ده .. ايه مصيرها غير الحذف ؟

[koktal]

يرجى حذف الموضوع .. حالا .. وفورا ..

[الأفوكاتو]

الموضوع قيد الحذف
الإدارة

[هشام سمير]

الاخ فليم عربى لك مطلق الحريه فى عرض وجهة نظرك مادام يغلفها الاحترام ولا تخرج عن قوانين المنتدى الذى قبلت بها فى وقت تسجيلك من قوانين المنتدى عدم الاساءه الى دوله او ديناو لون او عرق
كلنا غيورين على الدين وانا بعيداً عن صفحات المنتدى بأيد كلامك فى جزئية الحفاظ على الكيان الاسلامى لكن داخل المنتدى هناك قوانين على الجميع ان يلتزمو بها
وعليك ان تعلم
ان المهام الاشرافيه مهمة المشرفين ولهم مطلق الحريه فى اتخاذ القرار المناسب
واذا كانت لك شكوى فيوجد قسم للشكوى والاقتراحات سأترك الموضوع جزء من الوقت
ثم ينقل لقسم
الشكاوى والاقتراحات

[محمود شلبي]

من غير تطويل فى الكلام (احذف) وريحنا ولازم نحافظ على العضو فلمعربى ويهمنا ان الجميع يلتزم بقواعد المنتدا
والكلام يكون فى بنادق وصيد ولكم التحيه (يهمنا العضو فلمعربى ان يكون بيننا

[فيلمعربى]

استاذ هشام انا عارف ومتاكد ان اى حديث عن الاديان وبالذات على الانترنت ممكن اوى يعرض صاحبة للخطر ومش كدة وبس بل يعرضة للحبس كمان لان البلد فى وضع حساس جدن ومش مستحملة اى مهاترات
لكن انا لاحظت ان الافوكاتو غيرة بيقولنى كلام وبيدخلونى فى حوارات خطيرة جدن وكويس ان كل الاعضاء شافين كتابتى من الاول انا كل اللى قلتة ان الصين بتعرض منتجاتها السيئة عندنا فى مصر اية بقة اللى جاب كراهية الاخر والفتنة الطائفية

[هشام سمير]

المشاركة الأصلية كتبت بواسطة فيلمعربى

استاذ هشام انا عارف ومتاكد ان اى حديث عن الاديان وبالذات على الانترنت ممكن اوى يعرض صاحبة للخطر ومش كدة وبس بل يعرضة للحبس كمان لان البلد فى وضع حساس جدن ومش مستحملة اى مهاترات
لكن انا لاحظت ان الافوكاتو غيرة بيقولنى كلام وبيدخلونى فى حوارات خطيرة جدن وكويس ان كل الاعضاء شافين كتابتى من الاول انا كل اللى قلتة ان الصين بتعرض منتجاتها السيئة عندنا فى مصر اية بقة اللى جاب كراهية الاخر والفتنة الطائفية

اخى الغالى نصيحه لوجه الله بلاش تتكلم عن الاديان فىالمنتدى هنا بالذات
الامر الثانى الافوكاتو احد اعضاء المنتدى المحترمين قبل ان يكون من طاقم الاداره نرجو ان اردت توجيه اللوم او العتاب ان يكون بطريقه اللين من ذالك
نحن سعداء جداً بوجودك معنا ونتمنى ان تطلع على قوانين المنتدى والذى يعد دستوراً بيننا وبين الاعضاء وفى حين مخالفته من احد مشرفى المنتدى يكون لك الحق وقتها بالاعتراض والشكاوى
واكون انا اول المؤيدين لك

[فيلمعربى]

شكرا حبيبى وانا اعتذر وبقوة لاخى وحبيبى الافوكاتو ولجميع اعضاء المنتدى واقسم بالله انى لما اكن اءقصد الاساءة من الاول ولا ان اتعرض مطلقا للاديان لانى عارف ان الموضوع جدن خطير وحساس خصوصا فى الاوضاع اللى احنا فيها دية
اكرر اعتذارى للجميع واولهم انتا والافوكاتو ولجميع الاعضاء المحترمين

[fidodido]

كلام جميل يا هشام بك الاستاذ الافوكاتو شخص محترم جدا و كلنا غيورين على ديننا و ارجو من العضو فيلم عربى الاطلاع على قوانين المنتدى

[العربى]

فيلمعربى
يجماعة المفروض اصلان محدش يشترى منتج صينى ابدا
اولا هما بيتعاملوا بخبث وبيكرهونا جدن زي الدول الاوروبية كدة
يعنى مثلا انا شفت فيديو على اليوتيوب ان فى الصين الناس اللى ماشية فى الشارع كانوا عمالين يشاوروا للشرطة الصينية على عمارات والعمارات دية بيسكنها مسلمين ملتحين والله وشفت المشهد بام عينى ان كام واحد ملتحى بيجروا فى الشارع والشرطة الصينية والناس الصينين اللى فى الشارع طالعين يجروا ورا المسلمين واللى كانوا بيلحقوة كان بيموت على طول وكانوا الملتحين فى ايديهم زى مواسير حديد وخشب علشان يدافعوا بس عن نفسهم فهل هذا يرضى احد
ويجيوا بقة هنا يبعولنا منتجاتهم اللى هى اصلان بايظة علشان هما بيسمونا الدول النامية من الاخر الدول المتخلفة يجماعة ارجوكم محدش يشترى اى منتج صينى ولازم يكون فية حملة لمقاطعة المنتجات الصينية اللهم بلغت اللهم فاشهد


استاذ فلمعربى دى مش مشاركه بتحث على الكراهيه بالله عليك دى اللى تم حذفها
وانا بعرضها هنا عشان الاداره تشوفها (الاداره وصاحب الموضوع بس اللى ممكن يطلعو عليها )
واتمنى ان الاداره تلبى طلبك وتلغى عضويتك
على فكره كل واحد فى قسمه فقط يحذف او يعدل يعنى اللى حاذفها انا لانها فى قسم السوق مش الافكاتو

[فيلمعربى]

انتا بتتكلم بجد ولا بتهزر
اية يجدعان فية اية بالضبط
حتى لو هتحث على كراهية هتكون كراهية اية الصين يعنى يعنى كلامى عن انهم بيعرضوا منتجاتهم الرديئة عندنا فى مصر
هو دة اللى هيحث على الكراهية ضد الصين
انا مستغرب جدن والله من اللى الردود
امتى يكون فية عتاب لما احث على كراهية ابناء الوطن الواحد واتكلم مثلا عن النصارى فى مصر بشكل غير لائق سعتها يكون معاك حق لكن انا بتكلم على دولة تانية خالص
ولا انتوا من الصين ولا اية الموضوع

[الأفوكاتو]

اهو الموضوع بتاعك بقي في قسم الشكاوي والاقتراحات .. يعني محدش من الأعضاء هيشوفه أو يقرأه غيرك انت والمشرفين .. وانت بتناقض نفسك في ردودك لأنك امبارك قولت انك معترف ان الكلام عن الأديان حتي لو عالنت بيكون فيه خطر .. وعملت أكتر من موضوع في أكثر من قسم بتطلب فيه حذف العضوية علشان تكسب تعاطف الأعضاء .. لكن دلوقتي مافيش أعضاء .. ولو سيادتك تحب تحذف العضوية .. الإدارة هتلبي طلبك .. ولو عايز تكمل في المنتدي فمرحبا بك .. أهلا وسهلا .. نتشرف بيك .. ولكن نرجو الالتزام بقواعد المنتدي

[فيلمعربى]

حبيبى يا افوكاتو انا والله زعلان جدن من اللى بيحصل ضد الاسلام والمسلمين سامحنى انى بتكلم بحدة شوية انا حزين فعلان كل يوم حوادث اعتداء وفى كل مكان فى العالم

[العربى]

المشاركة الأصلية كتبت بواسطة فيلمعربى

انتا بتتكلم بجد ولا بتهزر
اية يجدعان فية اية بالضبط
حتى لو هتحث على كراهية هتكون كراهية اية الصين يعنى يعنى كلامى عن انهم بيعرضوا منتجاتهم الرديئة عندنا فى مصر
هو دة اللى هيحث على الكراهية ضد الصين
انا مستغرب جدن والله من اللى الردود
امتى يكون فية عتاب لما احث على كراهية ابناء الوطن الواحد واتكلم مثلا عن النصارى فى مصر بشكل غير لائق سعتها يكون معاك حق لكن انا بتكلم على دولة تانية خالص
ولا انتوا من الصين ولا اية الموضوع

استاذ انت عرضت شكواك واحنا عرضنا السبب والموضوع فى ايد الاداره العليا وايدك
تحياتى للجميع