هو ايه اللى بيحصل

[ahmed2101]

أنا بصراحة مش عارف اية اللى بيحصل البندقية الجامو الإكسبو 26 انا بتعامل معاها بالراحة جدا نظرا لنصيحة الراجل المحترم أستاذ محمد عنانى لأن كان فيها شرخ والشرخ دة والله لوحدها ماتخبطتش ولا حاجة بعد ماشتريتها بيومين بالظبط والأستاذ المحترم محمد العنانى صلحها بدون أى مقابل النهاردة بنحاول نضرب بيها أنا و تلاتة أصحابي حصل اللى حضراتكم شايفينة فى الصور دة هل البندقية دي فيها عيب أصلا من الأول ولا البنادق الجامو دى أى كلام وطبعا ماقدرش أقول كدة لاكن بصراحة انا مش عارف فى أية أنا والله مش زعلان لأنى عارف أنها أكيد فى يوم م الأيام هيحصل فيها كدة ودة قضاء ربنا وكل حاجة لاكن أكيد فى سبب أنا مش عارفة

وأسيبكم مع الصور

[Consul]

لأ فعلا حاجة غريبة وأول مرة أشوفها...بس حتي لو أن البندقية ناشفة وجافة وغير مشحمة أو متزيتة وده مستبعد لأن أخونا الأستاذ العناني ظبطهالك قريبا فأكيد أنه تأكد من تشحيمها وتزييتها...صعب بصراحة تعمل كده...ربنا يخلف الظنون والصور مش موضحة كويس لكن الكسر شكله قديم...والله أعلم...

[القناص2010]

حاجة فظيعة ربنا يعوض عليك ويرزقك خير منها بس روح لشريف يمكن يلاقيلها حل ان شاء الله

[ahmed tawfik]

هى البندقية دى انت شاريها مستعملة؟
ولو شاريها مستعملة يبقى اكيد كانت مشروخة او متصلحة قبل كدة
لان دة شئ لايمكن يحصل فى اى بندقية مهما كانت صناعتها من غير ما تكون مخبوطة خبطة جامدة
دة انا عندى بندقية صينى من حوالى 15 سنة ولسة شغالة
والجامو لاتقارن بالصينى يبقى اكيد فى حاجة غلط........

[hoka]

البندقيه ديه فيها حاجه مش طبيعيه بالمره لان حتى لو مستعمله استحاله تيجى عليك انت وتتكسر بالطريقه ديه
ممكن تكون ملحومه او اى حاجه
بس انت واثق انك كنت محافظ على البندقيه كويس؟؟ وكمان مع اصحابك؟؟
الاحتمالات كتير بس اسمع كلام الاعضاء وروح لشريف وهو هايجيبلك قرارها
وربنا يعوضك خير ان شاء الله

[درويش51]

هية هتتصلح بس هتحتاج تغيير للجسم كاملا يعنى المكان اللى بيتحط فية السوستة بنوع يكون مماثل لها
بس هتكلفك كتير
اللحام اعتقد مش هينفع لان مكان الكسر دة بيتعرض لاجهاد عالى جدا ومفيش لحام يستحمل الاجهاد الميكانيكى دة وكمان المكان دة صلب مسبوك يعنى لحامة صعب ومحتاج حد متخصص
وفى مشاركتك اللى فاتت انا قلت ان فية مشكلة كبيرة فيها ولازم ترجعها للى اشتريتها منة
المهم حصل خير روح لشريف وهوة يعرف اكتر مننا واكيد هيفيدك
تقبل مرورى

[هشام سمير]

المشاركة الأصلية كتبت بواسطة درويش51

هية هتتصلح بس هتحتاج تغيير للجسم كاملا يعنى المكان اللى بيتحط فية السوستة بنوع يكون مماثل لها
بس هتكلفك كتير
اللحام اعتقد مش هينفع لان مكان الكسر دة بيتعرض لاجهاد عالى جدا ومفيش لحام يستحمل الاجهاد الميكانيكى دة وكمان المكان دة صلب مسبوك يعنى لحامة صعب ومحتاج حد متخصص
وفى مشاركتك اللى فاتت انا قلت ان فية مشكلة كبيرة فيها ولازم ترجعها للى اشتريتها منة
المهم حصل خير روح لشريف وهوة يعرف اكتر مننا واكيد هيفيدك
تقبل مرورى
واشكر الجنرال وعمدة المنتدى جلال باشا على رؤيتة المستقبلية للامور ادامها اللة علية
لانة قال على ما اتذكر ان البندقية دية ملعوب فيها بطريقة مش صح وانها مش جامو 900 فعلا راى انسان محترف بنادق

استاذ درويش اولاً الجزء المكسور ده مش صلب دا فايبر ثانياً مش دى البندقيه اللى الاستاذ جلال قال عليها جامو 900 ثم ان التانيه طلعت سلفيا تشيكى
البندقيه دى عايز تغير الجزء البلاستيكى ده كله بس يارب يلقيه او يخلى خراط نظيف يصممله نفس القطعه من الصلب بدل الفايبر ده

[درويش51]

المشاركة الأصلية كتبت بواسطة هشام سمير

استاذ درويش اولاً الجزء المكسور ده مش صلب دا فايبر ثانياً مش دى البندقيه اللى الاستاذ جلال قال عليها جامو 900 ثم ان التانيه طلعت سلفيا تشيكى
البندقيه دى عايز تغير الجزء البلاستيكى ده كله بس يارب يلقيه او يخلى خراط نظيف يصممله نفس القطعه من الصلب بدل الفايبر ده

اخى العزيز هشام سمير تحية طيبة وبعد
يمكن حصل لبس لية فى الموضوع اسف جدا موضوع السلافيا دخل فى الجامو معلش
نرجع لموضوع البندقية المكسورة يجب على العضو المحترم اللى باع للاستاز احمد البندقية وهية مكسورة ان يتكفل باصلاحها صح ولا يمكن اكون غلطان معلش استحملنى
بالنسبة للجزء المكسور دة شكلة حديد مش فايبر ومش هيتلحم اللا بصعوبة جدا وعلى يد متخصص ودة باين فى الصور المعروضة من الاستاز احمد يعنى لو تاخد بالك تلاقى نهاية الكسر مباشرة مع جسم البندقية يعنى مش جذئين مثلا يمكن استبدالهم
اسف للاطالة وانا حزفت الجزء اللى فية لبس منى فى المشاركة السابقة ارجو التوضيح من حضرتك ومن كبراء المنتدى مع توضيح من قام ببيعها للاستاز احمد وهية مكسورة
تقبل مرورى

[هشام سمير]

المشاركة الأصلية كتبت بواسطة درويش51

اخى العزيز هشام سمير تحية طيبة وبعد
يمكن حصل لبس لية فى الموضوع اسف جدا موضوع السلافيا دخل فى الجامو معلش
نرجع لموضوع البندقية المكسورة يجب على العضو المحترم اللى باع للاستاز احمد البندقية وهية مكسورة ان يتكفل باصلاحها صح ولا يمكن اكون غلطان معلش استحملنى
بالنسبة للجزء المكسور دة شكلة حديد مش فايبر ومش هيتلحم اللا بصعوبة جدا وعلى يد متخصص ودة باين فى الصور المعروضة من الاستاز احمد يعنى لو تاخد بالك تلاقى نهاية الكسر مباشرة مع جسم البندقية يعنى مش جذئين مثلا يمكن استبدالهم
اسف للاطالة وانا حزفت الجزء اللى فية لبس منى فى المشاركة السابقة ارجو التوضيح من حضرتك ومن كبراء المنتدى مع توضيح من قام ببيعها للاستاز احمد وهية مكسورة
تقبل مرورى

لا مفيش آسف ولا حاجه يا استاذ درويش حضرتك اخونا
بس الجزاء دا فعلاً مش حديد
ولازم يتغير بجزء حديد وصاحب البندقيه الاساسى مطالب انه يتحمل هذا العيب هو الاستاذ احمد واخدها من مين

[ahmed2101]

هو الجزأ المكسور يا جماعة فايبر مش حديد وأنا لا أخدتها من صاحبها شوفتها ماكنش فيها حاجة هو كان بالليل أة بس هى كانت سليمة من برة انما من جوة أنا ماعرفش لأنى مش خبير لما روحت للأستاذ محمد العنانى قالى انها فعلا كان فيها كسر قديم من جوة و أنا بصراحة ماكنتش عارف أعمل اية والأستاذ محمد العنانى ربنا يجازية خير صلحها فعلا وقالى هتشتغل تمام بس بالراحة عليها وهو دة اللى انا عملته والله لحد النهاردة وحصل اللى حصل دة
بس انا عاوز أعرف بقى هى هتتكلف كام تصليح ياريت لو حد يقدر يقولى

[ahmed2101]

يعنى أنا مش ناوى أخد أى خطوة دلوقتى ان شاء الله بعد الإمتحانات فايريت لو تنصحونى أروح لمين فى مصر ولا أشوف خراط ولا اية

[هشام سمير]

المشاركة الأصلية كتبت بواسطة ahmed2101

يعنى أنا مش ناوى أخد أى خطوة دلوقتى ان شاء الله بعد الإمتحانات فايريت لو تنصحونى أروح لمين فى مصر ولا أشوف خراط ولا اية

يا استاذ احمد رجع البندقيه للى بيعهالك دا كدا حرااااااام

[ahmed2101]

يعنى وحضرتك تفتكر هو هيرضى ياخدها بحالها دة ماحضرتك شايف الصور

[ahmed2101]

البندقية بقت عبارة عن 3 أجزاء جزء الماسورة وجزأ الدبشك وجزأ المكان اللى فية السوستة حتى انا حاولت ألحم الجزأ المكسور دة بالعقب بتاع السيجارة والأمير فكرة كان الأستاذ محمد العنانى قالى عليها لاقيت مش نافع خالص
صاحبها عمرة ماهيرضى ياخدها

[هشام سمير]

قول خدها صلحها والله العظيم البندقيه دى كان قدامى واحده زيها بسعر 300 جنيه

[ahmed2101]

ب 300 ازاى انا واخدها ب 850 جنية

[hanitarek]

الإخوة الأعزاء,

بصرف النظر عن تمن البيع , أقترح يا أستاذ أحمد أن تتصل بالزميل اللى اشتريت منه البندقية و تتطلب إنك ترجعها لأن فيها عيب , و إذا أكدلك إن البندقية غير معيوبة , يبقى عوضك على الله و حتصلحها , أما إذا كانت معيوبة و مرضيش يرجعها يبقى كفاية كلمة حسبى الله و نعم الوكيل, معتقدش حد حيستحمل جزاءها عند الله.

وتقبل مرورى.

[الصيااد]

كان الله في عونك فعلا حاجه تحزن بس المفروض تروح لصاحب البندقيه و تحاول معاه (من غشنا فليس منا )

[ahmed2101]

هو صاحب البندقية أحد الأعضاء وانا بردو مش عاوز يبقى فى سوء ظن من ناحيتة وبصراحة انا مش عارف أتصرف
ومستني رأى الأستاذ جلال خليفة لما يدخل ويرد لأنة عارف الموضوع من أولة وانا أستشرته قبل ماشتريها وقالى كويسة فا أنا مستنى أما بالنسبة للعضو اللى أشتريتها منة هو قبل ماتتكسر بحوالى أسبوع تقريبا بعتلى على الخاص وقالى البندقية أخبارها اية وكدة قولتله إنها إتشرخت من تانى يوم وماردش عليا وأنا بصراحة محرج أتصل بيه أو أبعتله على الخاص

[hoka]

المشاركة الأصلية كتبت بواسطة ahmed2101

هو صاحب البندقية أحد الأعضاء وانا بردو مش عاوز يبقى فى سوء ظن من ناحيتة وبصراحة انا مش عارف أتصرف
ومستني رأى الأستاذ جلال خليفة لما يدخل ويرد لأنة عارف الموضوع من أولة وانا أستشرته قبل ماشتريها وقالى كويسة فا أنا مستنى أما بالنسبة للعضو اللى أشتريتها منة هو قبل ماتتكسر بحوالى أسبوع تقريبا بعتلى على الخاص وقالى البندقية أخبارها اية وكدة قولتله إنها إتشرخت من تانى يوم وماردش عليا وأنا بصراحة محرج أتصل بيه أو أبعتله على الخاص

يا استاذ احمد غير انها هوايه الفرسان والنزاهه والمفروض يبقى فيه امانه فى الموضوع
ديه فلوس بتترمى فى الارض ولازم تاخد حقك مهما كان المستوى الاجتماعى للعضو او الثقافى او حتى مستواه بينا فى المنتدى
الحق احق ان يتبع
ولو انت كلمت العضو وقالك مليش دعوه قولنا عليه واكيد فيه ناس تعرفه وهاتتكلم معاه
ربنا يعوضك خير
بس نصيحتى ليك
سيبهاله بعيوبها
وخد فلوسك واشترى البى 3 الصينى
وربنا يفرحك قريب بالبندقيه الجديده

[ahmed2101]

خلاص يا أستاذ هوكا انا هبعتلة على الخاص دلوقتى وهشوف هيرد عليا يقولى اية