هنا ورشه اصلاح

[DeCo]

السلام عليكم يا غالى وعلى كل اعضاء المنتدى الروعة ده انا عندى بندقيى تل مجرى عتلة نمرة 2 سعات كتيرة مش بتوقع يمام من بعد 15او اقل كمان هل ممكن السوسته اوالجلبة انا عمرى مفتحتها وكمان وضربط بيها كتير ولو حاسس ان الماسورة معووجة سنة اعمل ايييييه؟
تحياتى

[DeCo]

وهل لو انا عايز اغير سوسته وجلبة للتل بتاعتى هل هى متوفرة ولا اعمل ايه ارجو الافادة

[Nedved]

good afternoon everyone
first i would like to say this is one of the best sites i saw about hunting in egypt and the respectful members here and i have a question :
How to clean norica 61?
sorry for english writing and regards

[محمد صبري إبراهيم]

السلام عليكم و رحمة الله

انا جبت بندقية diana 52 جديدة

و أثناء تجربتها أخطاء احد أصدقائي و قام بشد العتلة الجانبية للتعمير و لكن ليس للآخر ، فعلقت تماما، انا لا اعرف كيفية حل هذه المشكلة و أرجو المساعدة من اهل الخبرة

[Consul]

المشاركة الأصلية كتبت بواسطة محمد صبري إبراهيم

السلام عليكم و رحمة الله

انا جبت بندقية diana 52 جديدة

و أثناء تجربتها أخطاء احد أصدقائي و قام بشد العتلة الجانبية للتعمير و لكن ليس للآخر ، فعلقت تماما، انا لا اعرف كيفية حل هذه المشكلة و أرجو المساعدة من اهل الخبرة

بارك الله فيك أخي الحبيب...واضح إن البندقية ناشفة وعايزة تشحيم وتزييت...مافيش مشكلة إن شاء الله...حاول تكمل تعمير العتلة لآخر المشوار وفي نفس الوقت تضع صباعك الإبهام على أمان العتلة بجوار فتحة البوابة لإرجاع العتلة لمكانها وإغلاق البوابة وبيت الرش...وقد تحتاج للضغط الخفيف على البوابة نفسها من أعلي ( الجزء المعدني بلون فضي ) لإرجاعها وتبييتها في مكانها فقد تكون محشورة بسبب جفافها وعدم تشحيمها وتزييتها...وإن شاء الله تعود لمكانها مرة أخري...بس خللي بالك وإحكم مسكتك للبندقية حتى لا تنظر منك العتلة وتعود بسرعة وقوة وقد تصيب أحد في وجهه...خليك مسيطر عليها وبالراحة كده وبالهداوة بدون عصبية أو عنف...ولا تعصلج معها وسايسها ( البندقية مؤنثة وتحتاج لحكمة وكياسة في التعامل...حتى لا تتمرد عليك )...أمال ها تعملوا إيه بعد الزواج يا شباب...كان الله في عونكم...جرب كده بالراحة وطمنني...خالص تحياتي...

[Consul]

المشاركة الأصلية كتبت بواسطة messam

السلام عليكم ورحمة الله وبركاتة أنا امبارح فكيت البندقية وغيرت الجالبة وزيتها كلها بزيت اسو بس لما ركبتها أصبح الزناد بيضرب من اول تكة بسيطة بل كدا كنت بدوس شوية ولازم اضغط للأخر علشان اضرب ياريت تفيدونى اية الى ممكن يكون السبب واية العلاجمع العلم انى لفيت شوية المسمار الى خلف الزناد بس مش عارف هوا دة السبب ولا اية معلش طولت عليكو

بارك الله فيك أخي الحبيب...شكلك كده بتحب لقمة القاضي وبلح الشام وصوابع زينب...بتحب الحاجة غرقانة في الشربات...وده إللي إنت عملته في البندقية غرقتها زيت...بقطعة قماش ناعمة أو فانلة حاول تمسح وتنشف الزيت الزائد عند مجموعة الزناد...والمسمار إللي لعبت فيه حاول بمفك صغير تلفه عكس إتجاه عقارب الساعة...يعني تلفه شمال...علشان تطول المشوار وتقلل حساسيته...ويرجع زي الأول تاني...واحدة واحدة كده وجرب...ماتلفهوش للآخر...وطمنني إيه الأخبار...خالص تحياتي...

[Consul]

المشاركة الأصلية كتبت بواسطة deco

وهل لو انا عايز اغير سوسته وجلبة للتل بتاعتى هل هى متوفرة ولا اعمل ايه ارجو الافادة

بارك الله فيك أخي الحبيب...إن شاء الله كل شيئ موجود...ممكن عند شريف أبو ضيف ( محلات بوندي للأسلحة أول شبرا ) أو ميشيل عازر ( الشركة الأهلية ) بس قبل ما تفكر في السوستة وإعوجاج الماسورة غالبا ده عيب جلبة ومحتاجة تغيير...الجلبة لما تبوظ وتسرب البندقية تخرف وتعطيك إحساس أن السوستة ضعيفة أو أن الماسورة معووجة...ما تلعبش لا في السوستة ولا تحاول تلعب في الماسورة...غير الجلبة وإن شاء الله ترجع قوية وتبطل تخرف...ولو ما عرفتش عليك وعلى أخونا العزيز الأستاذ محمد عناني في الهرم ( طبعا بعد إذنه ) هو خبير وفنان وغاوي فك وتصليح البنادق ويظبطهالك وهو لا يتأخر عن أحد ربنا يباركله...أو عليك وعلى شريف الطفشجي ( فني صيانة الأسلحة ) 100 شارع شبرا قرب محطة مترو روض الفرج...خيرا إن شاء الله وبسيطة لا تقلق...خالص تحياتي...

[amr naser]

شكرا ليك لى المساعد انا عندى بندقيه رمسيس نمره واحد الصاموله الى بتتفك عشان نغير السوسته الى هيا فى الخلف بتتطلع لواحدها مش عارف فوتت ولا ايه وعند المسمار الى ماسك الماسوره باكملها يا ريت اعرف بيتغير ولا لا مع العلم ان الماسور بتتحرك يمين وسمال ومش عارف اخلع المسمار ده ياريت تساعدنى وشكرا حداا ليك

[jemo0o0]

صباح الخير
عندى مسدس صوت ايكول جاكل دويل لما اشد اجزاء عشان اضرب من المفروض انى اضرب الطلقات بتاعت الخزنه حتى لو عايز افضى الخزنه كلها من غير ما اشد اجزاء تانى فى خلال الضرب صح
اللى حصل انى تما ضرب طلقه ولاكن الفارغ لم يخرج والاجزاء ما اتشدتش لوحده ولا سحبة طلقه تانيه ولا حاجه ضرب الطلقه وسكت فكان لازم اشد اجزاء تانى عشان الفارغ يطلع ويسحب طلقه تانيه ايه الحل والمشكله دى سهله انشاء الله ولا ايه ارجو الافاده ارجوكم

[ramy11]

السلام عليكم بصراحة فكرة الموضوع هايل وانا بحيك علي الموضوع دة .
عندي بندقية نوريكا جيت واريد لها زناد كامل فاين اجد لها قطع الغيار وشكرا

[mohamedatia]

عندى مسدس جاب ايطالى ماسورة مفتوحه اصليه لم يتم تغيرها بيضرب طلقات بلى 9مم و يعمل بكفاءة استخدمته فترة و فجأه عند استخدامه خش طلقه وضربه جوه مما ادت الى شرخ فى الماسورة كسر و ايضا تلف فى الفبر اسفل بيت النار ارجوا ايفادى بالخل لاصلاحه و اين شكرا

[sayedlabib]

نوع الطبة اللى اتنا حاططها ايه يعنى واخده طول الماسورة كلها ولا الاصليه بتاعته وموسعها 4.5 مللى

[jemo0o0]

السلام عليكم يا جماعه انا رحت النهرده عند ابو ضيف الللى فى اكتوبر الاستاذ معتز وبصراحه راجل فى منتها الاحترام الجدعنه انا قولتلو على المسدس وقولتلو ان المسدس بيضرب الطلقه بس الاجزاء مش بتتشد عشان تسحب طلقه تانيه وتخرج الفارغ فقلى بعد ما بص على السوسته بتاعت الخزنه ان المسدس مفيهوش اى حاجه خالص والطلق بس هوه اللى فى المشكله وغير الطلق كله بطلق بس النيكل ده وحط طلقه فى الخزنه وراح مجرب المسدس لقيته بسمالله مشاء الله 100 100 الحمد الله ده انا كان منكد عليه بس الحمد لله ورجعت بقى عشان انا عرفت من المنتدى هنا ان الطلق النيكل ده بيسيب اثر كربون كتير من الطلق التركى ده امت فكه زى ماتعلمت من هنا برده وبال wd40 منضف ومنشف ومزيت تمام وركبت ولفيته فى قماش قطن وفى علبته منيمه ومغطيه
هههههههههههه الحمد لله

[بسام سعيد]

حمد الله على سلامة المسدس وابقى اطمن علية من وقت للتاني هههههههه
تحياتي

[mohamedatia]

المشاركة الأصلية كتبت بواسطة sayedlabib

نوع الطبة اللى اتنا حاططها ايه يعنى واخده طول الماسورة كلها ولا الاصليه بتاعته وموسعها 4.5 مللى

الطبه حديد صلب بفتحه 5 مم بنفس حجم وطول الطبه النحاس الموجوده فيه [IMG]D:\Data\My Documents\My Pictures\wS964552.gif[/IMG]

[محمود صالح]

السلام عليكم
انا معايا بى اس اية اير سبورتر ام كا 7
السوستة مكسورة ألائى الاصلى بتعها فين
مع العلم مش فى الاهلية ولا الصياد المصرى

[التلميذ]

المشاركة الأصلية كتبت بواسطة amr naser

شكرا ليك لى المساعد انا عندى بندقيه رمسيس نمره واحد الصاموله الى بتتفك عشان نغير السوسته الى هيا فى الخلف بتتطلع لواحدها مش عارف فوتت ولا ايه وعند المسمار الى ماسك الماسوره باكملها يا ريت اعرف بيتغير ولا لا مع العلم ان الماسور بتتحرك يمين وسمال ومش عارف اخلع المسمار ده ياريت تساعدنى وشكرا حداا ليك

بندقيتك فيها شغل كتير يا أستاذ عمرو وعاوزة تروح ورشة علشان تتعمل صح وتريحك بعد كدة
ولو فية جنبك واحد خراط ممكن يظبطلك كل الحاجات المبوشة والموضوع بسيط وإن شاء الله مش هتكلفك 30 جنية تحياتى

[التلميذ]

المشاركة الأصلية كتبت بواسطة محمود صالح

السلام عليكم
انا معايا بى اس اية اير سبورتر ام كا 7
السوستة مكسورة ألائى الاصلى بتعها فين
مع العلم مش فى الاهلية ولا الصياد المصرى

هتلاقيها يا أستاذ محمود عند محلات فتح الله ( القاهرة ـ إسكندرية ) أو عند ورشة شريف 100 ش شبرا أو زكى عوض تحياتى

[التلميذ]

المشاركة الأصلية كتبت بواسطة ramy11

السلام عليكم بصراحة فكرة الموضوع هايل وانا بحيك علي الموضوع دة .
عندي بندقية نوريكا جيت واريد لها زناد كامل فاين اجد لها قطع الغيار وشكرا

هتلاقيه يا أستاذنا عند محلات فتح الله ( القاهرة أو إسكندرية ) أو عند ورشة شريف 100 ش شبرا أو زكى عوض تحياتى

[محمود صالح]

المشاركة الأصلية كتبت بواسطة التلميذ

هتلاقيها يا أستاذ محمود عند محلات فتح الله ( القاهرة ـ إسكندرية ) أو عند ورشة شريف 100 ش شبرا أو زكى عوض تحياتى

اشكرك على الاهتمام والرد
بس يا ريت تعرفنى مين وفين زكى عوض

[التلميذ]

زكى عوض ورشة سلاح عريقة ومتميزة جدا فى الشرابية ـ ميدان كامى

[التلميذ]

عنوان زكى عوض 15 ش الحداد ـ متفرع من ميدام كامى ـ الشرابية القاهرة
بجوار مستشفى غمرة العسكرى ت22359929

[أبو سلطان]

الكل بيشكر فى زكى عوض
لكنى لم اتعامل معه
لكن حقا كل من تعامل معه من أهل الخبرة بيقولوا انه ممتاز وأسعارة جميلة

[venom]

لو ممكن حد يقولي كيفية تنضيف الماسورة في رمسيس نمرة 2 بعد الركنة لمدة طويلة...وشكرا

[عادل عبده]

السلام عليكوم ورحمه الله وبركاته انا لسه جديد فى المنتدى بس بسم الله ماشاء الله المنتدى ده فظيع فظيع يعنى ربنا يبارك فيكو يارب
انا بقى عندى بندقيه رمسيس نمره 1 ولدى كان جايبهالى هديه نجاحى وانا فى ابتدائى والبندقيه ده عزيزه عليا اوووووى وانا باهمالى واستحقارى ليها بوظتها عاوز اظبطها ظبه محترمه ولا كانها جديده وتبقى زى البنادق المحترمه اللى بنسمع عانها مع العلم هى عاوزه جلبه بستم وعاوزه نشينكان خلفى وعاوزه تدهن عشان فيها حتت صدت
بس انا قبل كده شوفت عضو محترم من اخوانا الاعضاء قال انى ممكن اعمل الجلبه ارتيلون واجيب سوسته اشد وابص على الجلبه اللى بن المكان بتاع الرشه وبين مكان الهوا انا الى حد ما اعرف فى الفنيات والاشياء المكانيكه انا عاوز البندقيه ديه تبقى غبيه عشان لو كده وانا احترفت الصيد ممكن احوش واجيب حاجه من الحاجات الجامده اللى بنسمع عنها فياريت اللى يكرمكو يارب تردو عليا انا مستنى الردود على احر من الجمر ولكو منى جميعا جزيل الشكر والتقدير

[محمد وائل]

انا بندقيتى نوريكا توين البندقيه قويه جداً بس اشترات رش مصرى و اظاهر ان الرشايه اتفرتكت جواها و من ساعتها البندقيه مبطلعش اى نوع رش و نضفتها عند البارودى بس برده مش شغاله يا رات حد يئولى اعمل اه و اصلحها ازاى

[محمد وائل]

انا بندقيتى نوريكا توين البندقيه قويه جداً بس اشترات رش مصرى و اظاهر ان الرشايه اتفرتكت جواها و من ساعتها البندقيه مبطلعش اى نوع رش و نضفتها عند البارودى بس برده مش شغاله يا رات حد يئولى اعمل اه و اصلحها ازاى
تعديل / حذف المشاركة

[كفافى1]

بالتوفيق ...........................

[osama badr]

السلام عليكم : انا عندي بندقية صيني نمرة 2 ومش بتعمر و غيرت السوسستة و الجلدة اللي فبها بس لما بتكا بل مفك علي المسمار بعد استخدمها بترجع متعمرش و مينفعش اسبها مفتوحة

[zezoshndy]

1_والله يا جماعة انا مش عارف انا بركب الجلبه بتاعت البستم صح ولا غلط بس بيكون جوه الجلبه دائرة بلستك وبربط عليها الوردة بالمسمار
بس فى ناس بتقولى الدائرة البلستك دى بتكون بين البستم والجلبة؟؟؟؟؟؟؟؟؟؟؟؟؟؟؟؟
2_ انا الجلبة بتتفت ومش لاقى غير النوع ده عند الصياد المصر فى وسط البلد عاوز اعرف اجيب الجلبة الاصلية منين؟؟؟؟؟؟؟؟؟؟؟؟؟؟؟؟؟؟؟
أرجو الافادة من المختصين وجزاكم الله كل خير

[hatef2]

السلام عليكم.
\برجاء التكرم بحل مشكلتى وهى انى اشتريت مسدس blow c06 على ان يضرب طلق عادى وبلى فى نفس الوقت
فى البداية المسدس ضرب الطلق البلى بدون اي مشكلة لحوالى 4 طلقات وبعد كده الطلقة بتتمنع ومش بتخرج وتعمر الطلقة اللى بعدها مع العلم ان المسدس مش معموله ماسورة داخلية
ارجو الرد للافادة والاهمية

[mohamed fayd]

لو سمحت انا عندى بندقية رمسيس والرشة مرة تصلع والمرة التانية متطلعش اية الحل و انا عايز اغير السوستة بكام حوالى وانت ترشحلى رش نوعة اية وبكام و فى اجزاء فى البندقية مصدية ازاى اطلع الصدى

[mohamed fayd]

لو سمحت انا عندى بندقية رمسيس والرشة مرة تصلع والمرة التانية متطلعش اية الحل و انا عايز اغير السوستة بكام حوالى وانت ترشحلى رش نوعة اية وبكام و فى اجزاء فى البندقية مصدية ازاى اطلع الصدى

[sahbany]

عندى مشكلة فى بندقية بام 21 التعمير احيانا مبيكملش للأخر وبحس انى لو اتعافيت عليها هاكسرها والمشكلة انى مش عارف افكها من جوة لو حد ممكن ينصحنى ياريت

[saheremara]

انتوووووووووو فين