الموضوع الشامل للمبتدئين

sayed allaa · 11-02-28, 09:57 PM

الموضوع الشامل للمبتدئين

الموضوع ده ان شاء الله هيبقى فيه كل حاجة ان شاء الله للمبتدئين من الاول خالص حتى الاحتراف الموضوع ده انا عملته بالذات عشان بشوف ناس بتسأل اسئلة و هية ممكن يكون متجاوب عليها قبل كده و هما مش لقينها فالموضوع ده ان شاء الله هيبقى فيه كل حاجة بأمر الله عشان محدش يتوه و الموضوع ان شاء الله هيشمل كل حاجة في الصيد او اي حاجة بتخطر على بال المبتدئ
يلا نخش في الموضوع
انا دلوقتي مبتدأ ايه اول حاجة هفكر فيها ؟
اكيد طبعا البندقية . احنا كلنا او بلاش كلنا معظمنا لما جينا نبتدي الهواية الجميلة دي بدأنا بحجات خفيفة او حجات رخيصة او متوسطة عشان يتعلم او يجرب الموضوع و لو الواحد معجبهوش الموضوع او زهق منو ميزعلش على المبلغ اللي دفعو او ميخسرش فيه كتير
فدلوقي انا مبتدأ هفكر في ايه ؟؟
هفكر اجيب بندقية رخيصة عشان اجرب الموضوع او اتعلم
فأول حاجة هفكر فيها ايه اكيد طبعا البنادق المصري دي ارخص الانواع
- الرمسيس او المعادي

البندقية دي زي كل البنادق بتصطاد و المهم للصياد ان سلاحه يبقى قاتل مش مهم بقى السرعة و غيره و غيره
في الاول بتبقى شغالة و بعد كده الواحد بيكتشف اعطالها الكتير و اشهرها ان الزناد بيضرب لوحدة بعد حوال 5 ثواني و ده عيب خطير جدا ممكن يحصل بسببه كارثه و العيب التاني ان البندقية الرشة مبتخرجش من الماسورة الا بعد لما تضغط على الزناد مرتين او تلاتة
بس هية مش بطالة و بتصطاد و فيه ناس بتستعملها بس طبعا بعد تصليح او تعديل و شغالين بيها زي الفل
دي سعرها كان قبل القلق اللي حصل في مصر و الاسعار دي الاسكندرية و انا اللي سألت على السعر بنفسي الاسعار :
نمرة 1 ب 500 جنيه
نمرة 2 ب 600 جنيه
طبعا عيا 4.5 يعني نمرة 1 و عيار 5.5 يعني نمرة 2
خلصنا الرمسيس
بص يا سيد انت الصراحة خوفتني منها هية سعرها اه مغري بس انت خوفتني اوي من مشاكلها طب متعرفش نوع تاني و يكون مناسب للمبتدئين ؟؟
طبعا المقصود ببندقية مناسبة للمبتدئين
يعني بندقية خفيفة و سعرها رخيص عشان يتعلم عليها عشان اكيد في الاول الواحد مبيبقاش عنده خبرة و بيبهدل البندقية
البندقية التانية اللي المبتدئ بيفكر فيها البندقية الصيني
غالبا كله بيفكر في الشنجهاي
الشنجهاي b3 بالتحديد
البندقية دي المشهورة و اكتر واحدة متواجدة من فئة الشنجهاي
و دي انواعها
b3-1

شكلها حلو دي يا سيد طب ايه مواصفتها و سعرها ؟؟

السرعه
عيار 4.5 : 560 قدم : 170 متر
عيار 5.5 : 420 قدم : 128 متر
الطول : 103 سم
الوزن : 3.5 كيلو جرام
و السعر يتراوح بين 600- 700 جنيه
و فيه دي كمان

B3-2

طيب دي شكلها احلى طب برده قولي مواصفتها و سعرها ؟؟
السرعه
عيار 4.5 : 560 قدم : 170 متر
عيار 5.5 : 420 قدم : 128 متر
الوزن : 3.6 كيلو جرام
الطول : 104 سم
يعني شبه b3-1 تقريبا
و سعرها بين 700-800 جنيه
بعد كده المبتدأ بيبتدي يتحمس اكتر و عايز يعرف انواع اكتر او بيخاف من الصيني عشان سمعته
(الشنجهاي مش وحشة ) بس هوة مبيبقاش عارف عشان لسة في البداية هوة بيفكر على اساس ان الصيني عامتا منتجاته وحشة
طب و بعدين فيه ايه غير دول يا سيد و برده سعره يكون حلو و حلو كبداية يعني ؟؟
في بقى الحجات الحلوة ( الاسباني - التركي )
طب دول اسعارهم عاملة ازاي بس متكونش حاجة قوية اوي انا عايز حاجة حلوة كده عشان البداية و بعد كده هبقى افكر في المدافع ؟؟
يبقى الحجات اللي قوتها متوسطة و سعرها معقول
عندك النوريكا / الجامو / كرال التركي
طيب قولي على كل واحدة فيهم
نبتدي بالنوريكا
النوريكا 56

شكلها معقول يا سيد طيب دي ايه مواصفتها و سعرها ؟؟
السرعة 150 م/ث
و السعر ب حوالي 900 جنيه يزيد او يقل
طيب فيه ايه غير ال 56 دي ؟؟
فيه بقى
بص كنصيحة ال 56 و 61 دول انا اخر مرة كلمت الراجل البياع قالي بص يا باشا ال56 و 61 راحت عليهم خلاص و مبقناش بنجيبهم عشان محدش بيطلب اي نوع منهم
المهم نرجع لموضوعنا انا نصيحتي ليك انك تجيب
النوريكا سبورت

البندقية دي 100 100
ايوة يا سيد شكلها حلوة و شيك طب دي ايه سرعتها و سعرها وصل كام ؟؟
سرعتها 160م/ث
و السعر حدود 1250 - 1300 جنيه
و البندقية دي بنشنكاه فوسفوري
حلوة اوي دي طب فيه ايه تاني
فاضل بقى الجامو
في جاموياية حلوة كذا واحد بيشكر فيها و قوتها متوسطة و حلوة ليك
طب ايه هية ؟؟
الجامو شادو 640

اه يا سيد الموضوع بدأ يحلو
طب دي ايه مواصفتها ؟؟
دي سرعتها 168 م/ث
و سعرها 1350 - 1400 جنيه
دي الحجات الاسباني المتوسطة القوى
نيجي بعد كده للتركي
البندقية دي بجد رهيبة و سعرها تحفة
الكرال التركي الفايبر الاسود

طب دي ايه سرعتها و سعرها ؟؟
دي سرعتها 240 م /ث
و سعرها 900 -1000 جنيه
ووزنها 2.9 كيلو جرام و ده اللي عاجبني فيها
كمان رد فعلها معقول بالنسبة لقوتها
و فيه بقى الكرال التركي الفايبر باللون البني

حلوة دي و شكلها احلى طب دي ايه مواصفتها ؟؟
نفس مواصفات السودة دي بس الوان
بس السعر يختلف
1000-1100 جنيه
الكرال التركي الخشب

برده نفس المواصفات بس فرق الخامة
دي خشب خشب و انصحك بيها
احسن بكتير دي عندي البندقية دي على فكرة
و سعرها 1200-1400 جنيه
فيه بقى الكرال التركي اللي بعتلة برده نفس المواصفات
دي السودة

و دي الخشب

و دي سعرها يتراوح بين 1400 - 1600 جنيه
دي الكرال اللي بعتلة و منصحش بيها عشان الصراحة قطع غيارها مش متوفرة و صيانتها اصعب من الكسر
دي البنادق اللي انت تفكر فيها لو انت مبتدئ بعد كده بقى البنادق الهاي بور القوية للمحترفين و اللي منصحكش بيها
اه تمام
طب ممكن كده بس تقولي عليها يعني بداف الفضول
البنادق الهاي بور دي ( الكرال التركي تعتبر بدايات الهاي بور - البام 22 -النوريكا في انواع منها كده معينة هقولهالك بعدين - الجامو في برده انواع منها - الديانا ) طبعا مش دول كلهم بس دي الحجات المنتشرة شوية في مصر
دي اسعارها من 1000 - 8000 تقريبا
و سرعتها طبعا عالية ممكن توصل ل 290 او 300 متر / الثانية و يمكن اكتر كمان
(السرعات دي لنمرة 2 )
يلا مش مشكلة انت مش محتاجها دلوقتي بس هوريك كده مقتطفات سريعة و صور خفيفة كده على السريع
دي الكرال التركي

البام 21 و دي تقليد الاير كينج الديانا 52/48 و ممكن بعد كده تتغير سوستتها و الجلبة بجلية و سوستة الديانا

النوريكا كويك

GAMO CFX ROYAL

الديانا 54

طيب تمام كده يا سيد
انت كده قولتلي على البنادق و سرعتها و اسعرها و انا قررت هشتري ايه انا هشتري .......... طب دلوقتي اجيبها منين
فين يعني المحلات
بص يا .......... هية دي اماكن و ارقام تيليفونات المحلات
http://www.egypthunt.net/showthread.php?t=2175
تمام يا سيد انا كده شوفت المحلات و كلمتهم و نزلت اجيب ..........
و بالفعل جبتها دلوقتي بقى ايه يا سيد ناقص ايه
- اكيد طبعا ناقص رش ههههههههه
ولا اول لما تيجي تصطاد الحمام هيشوف البندقية و هيموت من الخوف ههههههه
بص بقى على انواع الرش
الرش المصري

ده اسمو باين عليه
اسمو رش الرماية
ده تقريبا احسن رش هوة و المارسمان المصري
رش الرماية ب 3-3.5
رش المارسمان 4-5
هوة المارسمان اغلى بس انا بقول الرماية احسن من المارسمان حاليا
في الاول المارسمان كان احسن
يلا مش مشكلة كل واحد يستعمل الرش اللي يريحو
و فيه برده رش عين شمس و ده اسوء رش في السوق
بعد كده نخش على الاسباني
زي الجامو و ده احسن رش في السوق
سعره من 20 - 25 للعلبة اللي فيها 250 رشة
و دي انواعه
الجامو ماجنوم

الجامو ماتش

الجامو هانتر

دول اكتر انواع من الرش عليها اقبال
طبعا في انواع تانية كتير بس دول يعني اللي عليهم اكبر اقبال
طيب تمام يا سيد استعمل انهو واحد
بص يا سيدي لو انت عندك بندقية هاي بور نمرة واحد زي مثلا النوريكا جيت دي سرعتها تعدي 300 متر / الثانية
يبقى تستعمل رش اختراقه قليل زي كده رش الجامو ماتش بص كده على راس الرشة شكلها عامل ازاي
اظن انت فهمت
لو بقى عندك بندقية متوسطة القوى يبقى تستعمل رش اختراقه عالي
زي الجامو ماجنوم بص برده على راسه عاملة ازاي
عاملة زي راس السهم
اظن برده انت كده فهمت
خلاص كده يا سيد انا فهمت دلوقتي انا جبت الرش .......... لبندقيتي ............
فاضل ايه
فاضل بقى شوية اكسسوارت كده
زي الجراب

ده سعرو يتراوح بين 70 - 150 جنيه
فاضل بقى السكوبات بس مش هقولك دلوقتي عليهم
انا عايزك تتعلم النشان كده في الاول و تبقى متمكن بعد كده اعملي بقى قناص
انت بتتكلم صح ماشي فاضل ايه تاني
انا كده جبت البندقية و الرش و الجراب هجيب ايه تاني
لا مفاضلش الا حاجتين
1- تتعلم النشان طبعا هههههههه

طبعا انت بتفضل تضرب في النص و تنشن و برده الرشة مبتجيش في الهدف
طب و بعدين هية كده البندقية بايظة ولا ايه
لالالالا
انت لازم الاول تظبط النيشان
طب ده اظبطه ازاي يا سيد
بص هية سهلة اوي و انا هقولك على طريقة شوفتها و جربتها و النشان متعبنيش و اتظبط بسرعة
تمام
تمام
طب قولي ازاي
بص يا سيدي
انت عندك بكرتين فوق النشان الخلف صح
اه
الاولى هتلاقيها طالعة من الجمب و التانية فوق النشان تمام
تمام
دلوقتي انت هترسم في ورقة خط بالطول و في ورقة تانية ترسم خط بالعرض
دلوقتي تضرب على الخط اللي بالطول
و تضرب حوالي 10 رشات ولازم ايدك تكون ثابتة و لو حسيت انها اتهزت في رشة متحسبهاش و تضرب تاني
و بعد كده ممكن تلاقي الرش كله جه يمين الخط او شماله او ممكن عليه و تكون مظبوطة هههههههه و يبقى حظ
المهم لو الرش جه يمين الهدف يبقى تلف البكرة الجانبية شمال لفتين و تجرب تاني و تفضل كده لغاية لما تيجي الرشة على الخط بالظبط تمام و العكس لو جت الرشة شمال الهدف يبقى تلف البكرة يمين و تفضل كده لغاية لما تتظبط
و بعد كده تجيب الورقة اللي الخط فيها بالعرض و تضرب فيها 10 رشات لو الرش كان بيجي فوق الخط يبقى تنزل النشان تحت بأنك تربط او تلف البكرة اللي فوق النشان اللي هية الكبيرة تلفها نحية اليمين
تمام لغاية لما تتظبط
و العكس برده صحيح لو انت ضربت و الرش جه تحت الخط يبقى تفك البكرة تلفها شمال
صح كده تمام بس على فكرة انا نسيت اقولك حاجة
مينفعش مثلا تيجي تظبط النشان على مسافة قليلة زي 5 متر مثلا
لو ظبطت النشان على المسافة دي هتلاقي البندقية نشانها مظبوط و بتضرب تمام بس على مسافة 5 متر لغاية 10 متر بعد كده مبتجبش صح
لو عاوز تظبط النشان تظبطه على 10 - 15 متر دي احسن مسافة لو بندقيتك متوسطة
يبقى هتجيب بالظبط ده 10 متر لغاية 40 متر او 30
لكن لو بندقيتك هاي بور هتجيب تمام لغاية 50 متر
بس مين بيشوف بقى
الله يسامحه الكمبيوتر ده على حسب شغلي كله جرافيك ووجع دماغ
اه يا سيد تمام ظبطه و بعدين و خليك في الموضوع جرافيك ايه احنا بنتكلم في الصيد
فاضل ايه تاني !!!!!!!!!!!!!!
طب بتزعق ليه
فاضل انك تصطاد !!!!!!!!!!!!!!!

هههههه
بس كده ممكن اول مرة تنزل تصطاد تلاقي نتايج غير مبشرة او ممكن تلاقي صيد وفير
بس انا بقول اهو
ممنوع ممنوع ممنوع
صيد الطيور التى لا تؤكل
كالصقور والطيور التى لها دور بيئي هام كابو قردان عشان حرام جدا يا جماعة
برده لما تيجي ان شاء الله تصطاد مش تنزل تصطاد ب 60 و 50 حرام ده كده صيد جائر
انت بس تصطاد اللي يكفيك يوم او اتنين ان شاء الله
و كمان احب انوه لنقطة مهمة جدا
لما تيجي ان شاء الله تصطاد
لو الطريدة وقعت حية و انت وصلتلها حية يعني كانت عايشة ساعت لما انت وصلتلها يبقى وجب ذبحها و لم مذبحتهاش يبقى مينفعش تاكلها
لا يجوز
و لو الطريدة وقعت حية و عقبال ما انت وصلتلها كانت ماتت يببقى حلال اكلها
بس لازم قبل ما تضرب تقول ( بسم الله و الله اكبر ) عشان لو الطريدة و قعت بعيد و انت ملحقتهاش و ماتت يبقى اكنك ذكتها
و لو نسيت تسمي يبقى مش مشكلة
و فيه حاجة كمان اسمها نية التسمية
يعني لو انت كان في نيتك تسمي بس نسيت برده حلال اكلها
تمام طيب يا سيد كده الاول هنزل اصطاد فين و هنزل في انهو وقت ؟؟
بص اي مكان فيه حدائق او ارياف ده بتلاقيه مليان طيور
تمام طيب انزل الساعة كام
الساعة 6.30 تكون في الشارع
بس كده عايز حاجة تاني
لالا يا سيد انت كده تمام يلا بقى نزل الموضوع على موقع الصيد في مصر عشان الناس المبتدئين اللي زي حلاتي كده يلاقوا كل اللي هما عايزينه ان شاء الله في الموضوع
خلاص من عنيا الجوز و مناخيري اللوز
بس كده احنا خلصنا
لو الصور مشتغلتش يبقى لازم تسجل في
http://my.imageshack.us/registration/
التسجيل فيه سهل و مجاني
الموضوع غير منقول و خاص بمنتديات الصيد في مصر و غير مسموح بنقله

ارجو التثبيت

jamayka · 11-02-28, 10:14 PM

بصــــراحة شديدة ....
مش لاقى تعليق اوصف بيه المــــــــوضوع ولا عارف اوصف الطريقة الجميلة اللى وضحت بيها حاجات كتير يعنى لو واحد مر على الموضوع مرور الكرام كده هيقراه هيقراه ... ربنا يبارك فيك و نورت المنتدى بوجودك و بمواضيعك

sky.line_2010 · 11-02-28, 10:15 PM

السلام عليكم
بسم الله ما شاء الله موضوع رائع وفى منتهى الجمال واتمنى لك التوفيق وكمان ليا الشرف انى اكون اول واحد يرد على الموضوع وارجو التثبيت

بدر · 11-02-28, 10:15 PM

الاخ الكريم
حقيقى اعجز عن اى كلام اعبر بة عن امتنانى وشكر الاعضاء عن هذا المجهود
جزاك الله خيرا

sayed allaa · 11-02-28, 10:17 PM

شكرا يا جماعة على المرور و المشاركة
و شكرا على الكلام الجميل ده

jamayka · 11-02-28, 10:18 PM

اقتباس:

المشاركة الأصلية كتبت بواسطة sky.line_2010

السلام عليكم
بسم الله ما شاء الله موضوع رائع وفى منتهى الجمال واتمنى لك التوفيق وكمان ليا الشرف انى اكون اول واحد يرد على الموضوع وارجو التثبيت

شوفت بقى سبقتك و طلعت انا اول ماحد يرد عالموضوع

khaledabdelnaby · 11-02-28, 10:24 PM

بجد يا أ/ سيد ربنا يباركلك على الموضوع الممتاز ده انا عضو جديد ومكنتش اعرف حاجة عن البنادق بس حسيت انك قاعد معايا فعلا ( وعلى فكرة انت دمك خفيف جدا يا ابو السييييد )

بس سؤال كده فى السريع انا عملت كل اللى انت قلت عليه وعايز اجيب اسكوب عشان انا راجل بنظارة ونظرى على قدى شوية اعمل ايه

memo2224 · 11-02-28, 10:28 PM

بجد موضوع روعه مشكور مشكور على المجهود الرئع ده

sayed allaa · 11-02-28, 10:29 PM

اقتباس:

المشاركة الأصلية كتبت بواسطة khaledabdelnaby

بجد يا أ/ سيد ربنا يباركلك على الموضوع الممتاز ده انا عضو جديد ومكنتش اعرف حاجة عن البنادق بس حسيت انك قاعد معايا فعلا ( وعلى فكرة انت دمك خفيف جدا يا ابو السييييد )

بس سؤال كده فى السريع انا عملت كل اللى انت قلت عليه وعايز اجيب اسكوب عشان انا راجل بنظارة ونظرى على قدى شوية اعمل ايه

الله يخليك يا استاذ خالد ده بس من زوقك
لو عايز سكوب على حسب البندقية مثلا يعني مثلا كده
لو انت عندك بندقية رمسيس و عايز تجيبلها سكوب
مش هتجبلها سكوب 3-9*50 ده مثلا اللي 700 ولا 800 جنيه
صح
عشان البندقية اساسا ب 500 ولا 600 جنيه
على حسب السكوبات عامتا بتبتدي من 100 جنيه لغاية 800 جنيه لل 3-9-50
و لو عايز تجيب واحد كلم الاستاذ هشام سمير
و هوة هيساعدك تجيب واحد ان شاء الله
بس الاحسن في البداية تتعلم على النشان و تتمرن
عشان التيليسكوب هيتعبك شوية اذا كان في ظبطه ولا في الضرب بيه
فيه ناس جابته و بعد مده فكته و ضربت بالنشان
بس طبعا برده مش اي بنادق اللي بيتركب برده عليها السكوب
يعني البنادق الهاي بور
عشان انت اساسا البنادق المتوسطة مداها قليل و انت عايز تصطاد من بعيد يبقى ازاي ؟؟
فهمتني يبقى الاحسن بندقية هاي بور بس مش قوي يعني زي التركي مثلا دي حلوة ليك كبداية
و عليها سكوب 3-9*40 كده تمام

Consul · 11-02-28, 10:31 PM

بارك الله فيك أخي الحبيب الأستاذ سيد لوز...دمك شربات وزي العلاء...آسف حبيب قلبي...أستاذ سيد علاء...دمك شربات وزي اللوز...مشكور على هذا الشرح المبسط والسلس وهذه المعلومات المفيدة الجميلة والرائعة...جزاك الله عنا كل خير...وجعله في ميزان حسناتك...وفي إنتظار المزيد من دروسك الجميلة الشيقة الخاصة المجانية...وأرجو أن يقرأها الأخوة الأعزاء المبتدئين جميعا حتى تعم الفائدة وارجو أن يثنوا عليك ويباركوا مجهودك ويحذوا حذوك في إبتكار مواضيع جديدة تفيدنا جميعا...أكرر شكري وتقديري لروحك الحلوة الجميلة وتفانيك في هذا العمل لخدمة إخوانك في هذا المنتدى...خالص تحياتي وتقديري وإحترامي...

sayed allaa · 11-02-28, 10:32 PM

اقتباس:

المشاركة الأصلية كتبت بواسطة memo2224

بجد موضوع روعه مشكور مشكور على المجهود الرئع ده

شكرا على المرور اخي العزيز

sayed allaa · 11-02-28, 10:34 PM

اقتباس:

المشاركة الأصلية كتبت بواسطة consul

بارك الله فيك أخي الحبيب الأستاذ سيد لوز...دمك شربات وزي العلاء...آسف حبيب قلبي...أستاذ سيد علاء...دمك شربات وزي اللوز...مشكور على هذا الشرح المبسط والسلس وهذه المعلومات المفيدة الجميلة والرائعة...جزاك الله عنا كل خير...وجعله في ميزان حسناتك...وفي إنتظار المزيد من دروسك الجميلة الشيقة الخاصة المجانية...وأرجو أن يقرأها الأخوة الأعزاء المبتدئين جميعا حتى تعم الفائدة وارجو أن يثنوا عليك ويباركوا مجهودك ويحذوا حذوك في إبتكار مواضيع جديدة تفيدنا جميعا...أكرر شكري وتقديري لروحك الحلوة الجميلة وتفانيك في هذا العمل لخدمة إخوانك في هذا المنتدى...خالص تحياتي وتقديري وإحترامي...

شكرا جدا ده بس من ذوف حضرتك
يشرفني بجد مرورك و مشاركتك اخي العزيز
و انت استاذنا كلنا
وشكرا مرة تانية على المشاركة

sky.line_2010 · 11-02-28, 10:35 PM

اقتباس:

المشاركة الأصلية كتبت بواسطة jamayka

شوفت بقى سبقتك و طلعت انا اول ماحد يرد عالموضوع

ههههههههه فرق سرعات سيدى الرئيس هههههه

sayed allaa · 11-02-28, 10:36 PM

اقتباس:

المشاركة الأصلية كتبت بواسطة sky.line_2010

ههههههههه فرق سرعات سيدى الرئيس هههههه

هههههههههه شكرا على المشاركة

hima · 11-02-28, 10:48 PM

الله ينور موضوع ممتاز بجد وشكل حضرتك تعبت فيه
ارجو من الادارة التثبيت عشان يستفاد منه الكل

Ebrahim Al Ansari · 11-02-28, 10:49 PM

جزاك الله خير موضوع حلو ومتعوب فيه وجهد ممتاز والأهم من كل ده انه مفيد فعلاً

tsakr · 11-02-28, 10:54 PM

الله ينور عليك يا باشا
اوجزت فأنجزت
إيه الكلام الكبير ده

khaledabdelnaby · 11-02-28, 10:57 PM

الف شكر يا أ/ سيد على الاهتمام والاجابة وسننتظرك فى موضوعات اخرى متميزة مثل هذا الموضوع عن مسدسات الصوت والرش بانواعهم المتاحة فى مصر وتقبل ارق التحيات

sayed allaa · 11-02-28, 11:18 PM

شكرا على المرور يا جماعة
و على الردود المشجعة

Mahmoud tork · 11-03-01, 12:33 AM

الحمد لله الموضوع ده عامل زي المراجعه النهائية لامم مواضيع كتير ف برشامه واحده... شكرا" على مجهود حضرتك وعلى المشاركة

sayed allaa · 11-03-01, 12:45 AM

اقتباس:

المشاركة الأصلية كتبت بواسطة mahmoud tork

الحمد لله الموضوع ده عامل زي المراجعه النهائية لامم مواضيع كتير ف برشامه واحده... شكرا" على مجهود حضرتك وعلى المشاركة

ههههههههه شكرا على المرور و المشاركة اخي العزيز

darwish · 11-03-01, 12:54 AM

السلام عليكم
جزاك الله كل خير موضوع مهم فى شكل خفيف
وشكر الله لك مجهودك وتقديمك المتميز

sayed allaa · 11-03-01, 01:04 AM

اقتباس:

المشاركة الأصلية كتبت بواسطة darwish

السلام عليكم
جزاك الله كل خير موضوع مهم فى شكل خفيف
وشكر الله لك مجهودك وتقديمك المتميز

شكرا على المشاركة
و يسرني ان الموضوع عجبك

Peace Missile · 11-03-01, 01:20 AM

موضوع رائع يا استاذ سيد بصراحة .. وانا جديد فى الموضوع دة وياريت جديد فى الصيد وياريت حد يساعدنى
انا عايز بندقيه فى حدود 700 جنيه بالكتير وتكون بتليسكوب اعتقد الشنجهاى التانيه دى كويسه بس اهم حاجة عايز تليسكوب او لو حد ينصحنى بواحدة سعرها كويس وازاى اجيبلها بردة تليسكوب مستريح يعنى كله كدة على بعضة 700 جنيه ........ ارجو المساعدة من اخوانى

sayed allaa · 11-03-01, 02:38 AM

اقتباس:

المشاركة الأصلية كتبت بواسطة peace missile

موضوع رائع يا استاذ سيد بصراحة .. وانا جديد فى الموضوع دة وياريت جديد فى الصيد وياريت حد يساعدنى
انا عايز بندقيه فى حدود 700 جنيه بالكتير وتكون بتليسكوب اعتقد الشنجهاى التانيه دى كويسه بس اهم حاجة عايز تليسكوب او لو حد ينصحنى بواحدة سعرها كويس وازاى اجيبلها بردة تليسكوب مستريح يعنى كله كدة على بعضة 700 جنيه ........ ارجو المساعدة من اخوانى

شكرا على المرور و يسرني ان الموضوع عجبك
هية الشنجهاي اه تمام و حلوة اوي و سعرها معقول
بس منصحكش تركب سكوب عليها
عشان هية اساسا بندقية متوسطة و مداها مش بعيد اوي
فأحنا بنستخدم السكوب للبنادق الهاي بور
عشان مداها كبير 80-100 متر يعني
ساعتها هتحتاج التيليسكوب عشان تصطاد من بعيد
و التيليسكوبات غالية عن السعر ده
مفيش غير الحجات الصيني بقى و دي علطول بتتكسر و خسارة فيها الفلوس الصراحة و رؤيتها الصراحة مش تمام
فلو عايز بدايات الهاي بور و يتركب عليها سكوب تمام
يبقى تجيب كرال التركي دي بندقية تمام و عندي انا كمان و 100 100
و مواصفتها مكتوبة في الموضوع

Mahmoud tork · 11-03-01, 03:22 AM

ياريت لو ألاقي عند حضرتك معلومات عن الكام بندقيه دول يعني زي المواصفات والسعر..
1/slavia 631(التشيكي)
2/Gamo hunter 440
3/Norica marvic gold
4/Gamo cfx royal
5/Norica jet
6/Norica west
7/Norica quickكلهم رقم 2 ما عدا الjetوشكرا"
مقدما"

sayed allaa · 11-03-01, 04:14 AM

السلافيا سرعتها 170 متر / الثانية تقريبا // السعر مسألتش عليها الصراحة
الجامو هانتر 440 سرعتها 230 متر / الثانية تقريبا سعرها 2200 جنيه مصري قبل القلق اللي حصل في مصر
النوريكا جولد سرعتها 230 متر / الثانية تقريبا كانت ب 3000 - 3500 جنيه مصري
الجامو سي اف اكس سرعتها 230 متر / الثانية كانت ب 3350 - 4000 جنيه مصري فرق السعر كبير طبعا بس اهو دي كانت اسعار شوفتها
النوريكا جيت سرعتها 305 م\ث لعيار 177(نمره 1) سعرها 1600 - 1800 جنيه مصري
النوريكا ويست السرعة 236 م/ث تقريبا و سعرها 2700 جنية جنيه مصري يزيد او يقل
النوريكا كويك سرعتها 250 متر / الثانية تقريبا سعرها 3200-3500 جنيه مصري
لالا العفو على ايه

Mahmoud tork · 11-03-01, 06:35 AM

اقتباس:

المشاركة الأصلية كتبت بواسطة sayed allaa

السلافيا سرعتها 170 متر / الثانية تقريبا // السعر مسألتش عليها الصراحة
الجامو هانتر 440 سرعتها 230 متر / الثانية تقريبا سعرها 2200 جنيه مصري قبل القلق اللي حصل في مصر
النوريكا جولد سرعتها 230 متر / الثانية تقريبا كانت ب 3000 - 3500 جنيه مصري
الجامو سي اف اكس سرعتها 230 متر / الثانية كانت ب 3350 - 4000 جنيه مصري فرق السعر كبير طبعا بس اهو دي كانت اسعار شوفتها
النوريكا جيت سرعتها 305 م\ث لعيار 177(نمره 1) سعرها 1600 - 1800 جنيه مصري
النوريكا ويست السرعة 236 م/ث تقريبا و سعرها 2700 جنية جنيه مصري يزيد او يقل
النوريكا كويك سرعتها 250 متر / الثانية تقريبا سعرها 3200-3500 جنيه مصري
لالا العفو على ايه

شكرا" لزوقك واهتمامك بالرد .....ده أولا"
ثانيا" بئا..... كنت عاوز أعرف لو كنت هتختار أول بندقية ليك كنت هتختار أي واحده
1/slavia
2/Norica sport
3/ shadow 640
4/jet 1.77
5/hunter 440
6/kural الخشب
وبردو شكرا" مقدما"

Abdo · 11-03-01, 09:20 AM

كلمة شكرا قليلة
ربنا يباركللك

sadek · 11-03-01, 10:15 AM

و الله مش عارف اقولك ايه شكرا جدا علي الموضوع الجميل دا الله يبارك فيك

محمد يونس · 11-03-01, 10:42 AM

السلام عليكم وانا احب اشكرك يا استاذ سيد على موضوعك الاكثر من رائع بصراحة واسلوبك الجميل الشيق جدا لدرجة ان اى حد هيفهم الكلام وهو بيضحك كمان فياريت ما تحرمناش من مواضيعك ومنتظرين منك كمان وكمان والى الامام يا بطل لاننا كلنا هنستفيد منك ان شاء الله .
والله ولى التوفيق ..................

msa_79 · 11-03-01, 11:29 AM

مجهود رائع جداااا بصراحة الموضوع شامل ووافي
جزاك الله خيرا وجعله في ميزان حسناتك

ahmedabutaleb · 11-03-01, 01:59 PM

موضوع رائع جزاك الله خيرا انا قريته مرتين لغاية دلوقتى

sayed allaa · 11-03-01, 03:12 PM

اقتباس:

المشاركة الأصلية كتبت بواسطة محمد يونس

السلام عليكم وانا احب اشكرك يا استاذ سيد على موضوعك الاكثر من رائع بصراحة واسلوبك الجميل الشيق جدا لدرجة ان اى حد هيفهم الكلام وهو بيضحك كمان فياريت ما تحرمناش من مواضيعك ومنتظرين منك كمان وكمان والى الامام يا بطل لاننا كلنا هنستفيد منك ان شاء الله .
والله ولى التوفيق ..................

شكرا على المشاركة
الله يخليك ده بس من ذوقك يا محمد

sayed allaa · 11-03-01, 03:13 PM

اقتباس:

المشاركة الأصلية كتبت بواسطة msa_79

مجهود رائع جداااا بصراحة الموضوع شامل ووافي
جزاك الله خيرا وجعله في ميزان حسناتك

شكرا على المرور
و اياكم اخي العزيز

sayed allaa · 11-03-01, 03:14 PM

اقتباس:

المشاركة الأصلية كتبت بواسطة ahmedabutaleb

موضوع رائع جزاك الله خيرا انا قريته مرتين لغاية دلوقتى

و اياكم اخي العزيز
و لسة ان شاء الله فيه قنبلة تانية هفجرها في قسم الاسلحة النارية

مصراويي · 11-03-01, 07:58 PM

ايه الجمال والحلاوة ده يا سيد علاء... الله الله عليك يابني.. انت عامل موضوع في منتهى الشيااااكة
مش عارف حاسس كده اني تقمصت شخصية مدحت شلبي..ههههههههههه

بس والله موضوع رائع وحصري لمنتدانا الغالي تشكر عليه ومستنيينك في مواضيع تانية أقوى و أقوى.. تحياتي

sayed allaa · 11-03-01, 08:35 PM

اقتباس:

المشاركة الأصلية كتبت بواسطة مصراويي

ايه الجمال والحلاوة ده يا سيد علاء... الله الله عليك يابني.. انت عامل موضوع في منتهى الشيااااكة
مش عارف حاسس كده اني تقمصت شخصية مدحت شلبي..ههههههههههه

بس والله موضوع رائع وحصري لمنتدانا الغالي تشكر عليه ومستنيينك في مواضيع تانية أقوى و أقوى.. تحياتي

هههههههه شكرا جدا الله يخليك
ده بس من ذوقك
و ان شاء الله هفجر مفاجأة تانية
بس في الاسلحة النارية
ان شاء الله

sayed allaa · 11-03-01, 08:52 PM

اقتباس:

المشاركة الأصلية كتبت بواسطة mahmoud tork

شكرا" لزوقك واهتمامك بالرد .....ده أولا"
ثانيا" بئا..... كنت عاوز أعرف لو كنت هتختار أول بندقية ليك كنت هتختار أي واحده
1/slavia
2/norica sport
3/ shadow 640
4/jet 1.77
5/hunter 440
6/kural الخشب
وبردو شكرا" مقدما"

اسف اخي العزيز على التأخر في الرد
مشوفتش المشاركة الصراحة اسف
انا كنت هختار النوريكا جيت الصراحة دي بندقية جميلة و رد فعلها ممتاز يعني قليل بالنسبة للقوة دي
ده لو عايز تجيب بندقية حلوة و متجبش حاجة بعديها
بس تبقى حذر معاها جدا
عشان انا قولت في اول الموضوع
الواحد بيحب يجيب حاجة رخيصة عشان الواحد لما يجي يبتدي بيبهدل البندقية معاه
لكن على حسب الشخص مش كلو بيبهدلها على حسب الاهتمام
فحاول تهتم بيها و تحافظ عليها كويس جدا و هتعيش معاك ان شاء الله و هتحببك في الصيد

tamer_tatow · 11-03-01, 09:06 PM

سيد باشا ربنا يجازيك خير في حاجة انت مقولتش عليها ونسيتها بعد ما الصياد يبدأ يصطاد والهدف بتاعه يقع انت نسيت تتكلم عن عمليه الذبح ودي مهمة جدا

sayed allaa · 11-03-01, 09:08 PM

اقتباس:

المشاركة الأصلية كتبت بواسطة tamer_tatow

سيد باشا ربنا يجازيك خير في حاجة انت مقولتش عليها ونسيتها بعد ما الصياد يبدأ يصطاد والهدف بتاعه يقع انت نسيت تتكلم عن عمليه الذبح ودي مهمة جدا

شكرا على التمويه على النقطة دي
و هية مهمة جدا و تمت اضافتها

basemzero · 11-03-01, 09:23 PM

بصراحه انا عاجز عن ايجاد اى كلام اعبر بة عن امتنانى وشكرى لهذا المجهود لمساعدة الاعضاء....اخى سيد, لك منى جزيل الشكر و الاحترام.

sayed allaa · 11-03-01, 09:29 PM

اقتباس:

المشاركة الأصلية كتبت بواسطة basemzero

بصراحه انا عاجز عن ايجاد اى كلام اعبر بة عن امتنانى وشكرى لهذا المجهود لمساعدة الاعضاء....اخى سيد, لك منى جزيل الشكر و الاحترام.

شكرا على المشاركة اخي العزيز
و يارب اكون عند حسن ظنك

lastworld · 11-03-01, 09:53 PM

جزاك*الله*كل*خير*على*الوضوع*الشامل*
و*على*فكره*انتا*دمك*خفيف*اوى*
تقبل*مرورى

Egyptiano0o · 11-03-01, 10:18 PM

الف الف الف شكر علي الموضوع الجميل جدا
تحياتي وفعلا أفدتني

wmadkour · 11-03-01, 10:45 PM

الف شكر على الموضوع الجميل الشيق البسيط
يقدر حد يساعدنى أشترى جامو سى إف إكس أو نوريكا كويك بسعر كويس (فى اليومين دول) يعنى حد يكون يعرف محل او زبونه يجيبلى سعر كويس يبقى ربنا يكرمه
و لو حد يقترح لى حاجه بعتله بنفس مستوى السعر و بنفس القوه يبقى كتر الف خيره
جزاكم الله خير و حفظكم من كل سوء

sayed allaa · 11-03-02, 02:14 AM

اقتباس:

المشاركة الأصلية كتبت بواسطة lastworld

جزاك*الله*كل*خير*على*الوضوع*الشامل*
و*على*فكره*انتا*دمك*خفيف*اوى*
تقبل*مرورى

و اياكم اخي العزيز
ده بس من ذوقك

sayed allaa · 11-03-02, 02:15 AM

اقتباس:

المشاركة الأصلية كتبت بواسطة egyptiano0o

الف الف الف شكر علي الموضوع الجميل جدا
تحياتي وفعلا أفدتني

العفو و يسرني انك استفدت و ان شاء الله هنشوفك قناص كبير

sayed allaa · 11-03-02, 02:16 AM

اقتباس:

المشاركة الأصلية كتبت بواسطة wmadkour

الف شكر على الموضوع الجميل الشيق البسيط
يقدر حد يساعدنى أشترى جامو سى إف إكس أو نوريكا كويك بسعر كويس (فى اليومين دول) يعنى حد يكون يعرف محل او زبونه يجيبلى سعر كويس يبقى ربنا يكرمه
و لو حد يقترح لى حاجه بعتله بنفس مستوى السعر و بنفس القوه يبقى كتر الف خيره
جزاكم الله خير و حفظكم من كل سوء

العفو و شكرا على المشاركة
لو انت كنت في اسكندرية كنت ساعدتك بس انت في مصر
يبقى عليك و على استاذ هشام سمير
راجل محترم جدا و بيبيع بأسعار جميلة

mrbebo · 11-03-02, 03:23 PM

باشا موضوع هايل جدا الله ينور

ممكن تفسير شوية حاجات زي مثلا

ايه الفرق بين النشان العادي والفسفوري وايه انواع النشانات الاخرى لو فيه انواع تاني

شكرا يا باشا وياريت الموضوع يركز على تفسير المصطلحات اللي ممكن تبقى صعبة او مش مفهومة عند كل المبتدئين

sayed allaa · 11-03-02, 03:29 PM

اقتباس:

المشاركة الأصلية كتبت بواسطة mrbebo

باشا موضوع هايل جدا الله ينور

ممكن تفسير شوية حاجات زي مثلا

ايه الفرق بين النشان العادي والفسفوري وايه انواع النشانات الاخرى لو فيه انواع تاني

شكرا يا باشا وياريت الموضوع يركز على تفسير المصطلحات اللي ممكن تبقى صعبة او مش مفهومة عند كل المبتدئين

الله يخليك ده بس من ذوقك
النشان العادي بيبقى اسود عادي
الفوسفوري بقى بيبقى النشان لونه فوسفوري يعني بينور لما تيجي تنشن
بعكس العادي لونه اسود لما تيجي تنشن بيه تلاقي عينك بتزغلل كده
فأتحلت المشكلة دي النشنكاه الفوسفوري و لا مفيش انواع تانية
و العفو على ايه
انا في الخدمة في اي وقت
و اي حد عندو اي استفسار او اي نقطة مفهمهاش في الموضوع
يكتبلي المشكلة و انا بأذن الله هفهمو الموضوع

sayed allaa · 11-03-02, 04:05 PM

بصو يا جماعة عشان انتو بس ظالمين الكرال الخشب على اساس صورة مرسومة بالكومبيوتر بصو كده بقى على الحقيقة بصو ما شاء الله

عشان محدش يحكم على اي بندقية بانظر فقط على صورة تصميم البندقية

ما شاء الله
لو اي حد يا جماعة عايز يجيب كرال يبقى انصحه بأنه يجيب الخشب
دي 100 100

Consul · 11-03-02, 04:40 PM

بارك الله فيك حبيب قلبي...في الأول والآخر دي عملية أذواق...وأكثر الله من خيراتك لمجهودك في التوضيح...بس إللي يشوف أنواع الخشب وخامته وثقله وشكله ( مع الأخذ في الإعتبار الثمن والسعر بالطبع ) في البنادق الأخرى يعرف الفرق...لا أحد يهاجم الكرال بل على العكس نشجعها ونوصي بها بالذات لمن لا يملك قدرة مالية عالية ويريد شراء بندقية قوية وهاي باور...فميزتها أن سعرها معقول ومقبول بالنسبة لخامتها وقدراتها...ولكن من يملك قدرة مالية أعلى وأحسن يفضل طبعا أن يشتري إسم وصناعة وعراقة وخامة ودقة...فالميزة الأساسية في الكرال أنها قوية ورخيصة ومن يشتريها يشتريها على هذا الأساس...فمن غير المبرر أن يشتري ذات الدبشك الخشب بفرق سعر 200 أو 300 جنيه زيادة لمجرد أنه خشب وللأسف نوعية رديئة كالمستحدم في الرمسيس والمعادي ( وهذا عن رؤية بالعين وعلى الطبيعة وتجربة ومقارنة وليس من واقع الصور أو السماع )...في حين أن الفايبر البني بلون الخشب خامته معقولة وشيك ومقبولة شكلا...وكما ذكرت بفرق سعر ليس قليل...وأكرر مرة أخري أنها عملية أذواق وراحة نفسية...وقدرة وإمكانيات مالية...طبعا دى وجهة نظر ورأي شخصي يحتمل الصواب والخطأ...خالص تحياتي...

123mmn · 11-03-02, 05:05 PM

معلومات جميله جداً شكراً

Mahmoud tork · 11-03-02, 11:50 PM

اقتباس:

المشاركة الأصلية كتبت بواسطة sayed allaa

اسف اخي العزيز على التأخر في الرد
مشوفتش المشاركة الصراحة اسف
انا كنت هختار النوريكا جيت الصراحة دي بندقية جميلة و رد فعلها ممتاز يعني قليل بالنسبة للقوة دي
ده لو عايز تجيب بندقية حلوة و متجبش حاجة بعديها
بس تبقى حذر معاها جدا
عشان انا قولت في اول الموضوع
الواحد بيحب يجيب حاجة رخيصة عشان الواحد لما يجي يبتدي بيبهدل البندقية معاه
لكن على حسب الشخص مش كلو بيبهدلها على حسب الاهتمام
فحاول تهتم بيها و تحافظ عليها كويس جدا و هتعيش معاك ان شاء الله و هتحببك في الصيد

شكرا" جدا" لزوقك وكفايه انك لما شفت المشاركه مطنشتش واهتميت انك ترد وعلى فكرة أنا كمان من اسكندرية وان شاء الله وقت الشرا حبئا أطلب المساعدة يعني لو تعرف حد من التجار....

dr_mohasan · 11-03-02, 11:52 PM

بسم الله ماشاء الله , أنا استفدت كتير والله , ومنتظرين تكملة الموضوع بالتفصيل للبنادق الهاى باور

sayed allaa · 11-03-02, 11:59 PM

شكرا على المرور و المشاركة يا جماعة
و يا رب اكون عند حسن ظنكم

TELEBK · 11-03-03, 01:27 AM

أشكرك شكراً جزيلا ، بالفعل موضوع مميز جدا ، ديه أول مره أدخل علي الموقع ده وده من جظي ، معلومات مهمة ومتقنه ، لكل واحد عايز يبتدي موضع الصيد وإستخدام الأدوات ، جزاك الله كل خير .
د / خالد

sniper shot · 11-03-03, 10:03 PM

تسلم ايدك يا ابو السيد على الموضوع الجامد دة
الله ينور ويبارك فيك

sayed allaa · 11-03-04, 12:41 AM

شكرا على المشاركة يا جماعة
و لكم مني جزيل الشكر و الاحترام

eng_ahmed · 11-03-04, 02:18 AM

ما شاء اللة عليك يا سيد باشا اية الجمال دة
ربنا يبارك فيك يا ريس موضوع يتوزن بالدهب

sayed allaa · 11-03-04, 03:04 AM

اقتباس:

المشاركة الأصلية كتبت بواسطة eng_ahmed

ما شاء اللة عليك يا سيد باشا اية الجمال دة
ربنا يبارك فيك يا ريس موضوع يتوزن بالدهب

الله يخليك ده بس من ذوقك يا احمد

هشام سمير · 11-03-04, 02:15 PM

لا تعليق سوى التصفيق للموضوع الرائع المتميز مثل صاحبه جزاك الله خيراً ايها الرائع المتألق لك منى كل التحيه والتقدير وحقاً يستحق التثبيت بجداره

Peace Missile · 11-03-04, 02:50 PM

لدى بندقيه kral magnum 5.5 سؤال هل هناك مشكلة اذا قمت بتعمير البندقيه بدون استخدام رش وضربت بيها بدون رش هل تؤثر على البندقيه ؟؟؟؟

sayed allaa · 11-03-04, 03:33 PM

اقتباس:

المشاركة الأصلية كتبت بواسطة هشام سمير

لا تعليق سوى التصفيق للموضوع الرائع المتميز مثل صاحبه جزاك الله خيراً ايها الرائع المتألق لك منى كل التحيه والتقدير وحقاً يستحق التثبيت بجداره

شكرا على النشاركة استاذنا الكبير هشام سمير
و لك مني جزيل الشكر و الاحترام

sayed allaa · 11-03-04, 03:34 PM

اقتباس:

المشاركة الأصلية كتبت بواسطة peace missile

لدى بندقيه kral magnum 5.5 سؤال هل هناك مشكلة اذا قمت بتعمير البندقيه بدون استخدام رش وضربت بيها بدون رش هل تؤثر على البندقيه ؟؟؟؟

اه طبعا الكلام ده ممنوع انك تعمر البندقية و تضرب بيها و هية فاضية ده بيقصر من عمر البندقية
بس لو عملتها مرة قبل كده يبقى خلاص و متعملهاش تاني
الكلام ده يمشي على كل البنادق
ممنوع الضرب بالبندقية و هية فاضية منغير رش

ahmed_su · 11-03-04, 09:00 PM

سيد باشا ...

مش عارف اقولك ايه بصراحة ...

الموضوع غاية فى الجمال ومفيد بطريفة قوف الوصف

مافيش حاجة توفيك قدرك غير جزاك الله كل خير

تفبل تحياتى وتمنياتى بالتوفيق

صائد البوم · 11-03-04, 11:04 PM

ايه الطعامه دي ايه الحلاوه دي ياسلام يا فنان والله ابهرتنا وافدتنا شكرا علي المجهود الرائع دا يا استاذي المحترم ابو السيد وكمان بدحرج التماسي علي الاستاذ هشام سمير الرائع اخوكم احمد من البحيره

هشام سمير · 11-03-04, 11:11 PM

اقتباس:

المشاركة الأصلية كتبت بواسطة صائد البوم

ايه الطعامه دي ايه الحلاوه دي ياسلام يا فنان والله ابهرتنا وافدتنا شكرا علي المجهود الرائع دا يا استاذي المحترم ابو السيد وكمان بدحرج التماسي علي الاستاذ هشام سمير الرائع اخوكم احمد من البحيره

مساء الجمال احمد باشا منور المنتدى كله
حضرتك منين من البحيره يابلديتى

صائد البوم · 11-03-04, 11:22 PM

اانا ان شاء الله من ابو حمص يا استاذي المحترم

صائد البوم · 11-03-04, 11:23 PM

انا خريج تجاره 23 سنه

sayed allaa · 11-03-05, 04:18 AM

شكرا على المشاركة يا جماعة
و الحمد لله ان الموضوع عجبكم
و ان شاء الله هكون عند حسن ظنكم

Ebrahim Al Ansari · 11-03-05, 04:22 AM

مشاهده إيه بس يا أستاذ سيد
قول شكراً على المذاكره.. ده الموضوع بقى مرجع ليا كل ما أحب أفتكر معلومه بفتحو وأقعد أذاكر منه.. وأعتقد مش أنا بس اللى بدعيلك
فعلا موضوع متعوب فيه وجزاك الله خير

sayed allaa · 11-03-05, 04:25 AM

اقتباس:

المشاركة الأصلية كتبت بواسطة ebrahim al ansari

مشاهده إيه بس يا أستاذ سيد
قول شكراً على المذاكره.. ده الموضوع بقى مرجع ليا كل ما أحب أفتكر معلومه بفتحو وأقعد أذاكر منه.. وأعتقد مش أنا بس اللى بدعيلك
فعلا موضوع متعوب فيه وجزاك الله خير

ههههههه الله يخليك ده بس من ذوقك
و يا رب يكون الموضوع عجبك

Mkhalil · 11-03-05, 10:28 PM

شكرا على الموضوع الجميل بارك الله فيك

shamshon · 11-03-06, 04:34 AM

اللة ينور عليك ويباركللك

sayed allaa · 11-03-06, 05:43 AM

شكرا على المشاركة
و يسرني ان الموضوع عجبكم

محمد السيد فهيم · 11-03-07, 12:41 AM

بجد شكرا جدا على الموضوع الرائع

oteote2010 · 11-03-07, 01:48 PM

مشكووووووووووووووور انت جامد وموضوع اجمد برافو عليك واستفدت فعلا من الموضوع ده

تعرف انا من زمان اوي كنت صغير لسه يعني من حوالي 14 سنه كان في بندقيه رش عجباني اوي وسالت عليها .

اكتر من مره . كانت ب60 جنيه هههههههههههههه

مش عارف كانت بندقيه تعبانه ولا زمان كانت الحجات دي رخيصه ولا ايه .

sayed allaa · 11-03-07, 01:55 PM

شكرا على المشاركة يا جماعة
ههههههههه لالا 60 جنيه حلو اوي
حجات زمان كانت رخيصة اوي

bassem nawar · 11-03-07, 11:23 PM

طيب اقولك ايه يا استاذ سيد ده الكلام كله خلص, موضوع كنت نفسي فيه جدا عشان نفسي اصطاد و دمك زي العسل و انشاء الله اهلي يوافقو اني اجيب عدتي و ابدأ الهواية العظيمة دي ..و كنت عايز اسئلك هو ينفع الصيد بمسدس الرش و هو انجليزي و ماركته ويبلي و شكرااا يا باشا:d

sayed allaa · 11-03-08, 07:06 AM

اقتباس:

المشاركة الأصلية كتبت بواسطة bassem nawar

طيب اقولك ايه يا استاذ سيد ده الكلام كله خلص, موضوع كنت نفسي فيه جدا عشان نفسي اصطاد و دمك زي العسل و انشاء الله اهلي يوافقو اني اجيب عدتي و ابدأ الهواية العظيمة دي ..و كنت عايز اسئلك هو ينفع الصيد بمسدس الرش و هو انجليزي و ماركته ويبلي و شكرااا يا باشا:d

هههههههه الله يخليك ده بس من ذوقك
و الله مسدسات الرش عامتا ضيفة ده عن تجربة ناس كتير و لو ايه يعني
لو المسدس كان جدع اوي ممكن يوقعلك عصفورة كده لسة صاحية من النوم على شجرة مفيهاش ورق
و يبقى الكلام 100 100
و ان شاء الله تجيب احلى و احسن عدة
و نقولك ان شاء الله بالهنا و الشفا

amer ibrahim · 11-03-09, 03:33 PM

موضوع رائع لكن محتاج تنظيم أكتر.

fidodido · 11-03-09, 06:23 PM

بارك الله فيك

Moustafa Magdy · 11-03-09, 11:46 PM

ما الفرق بين الكرال هاى بور و العادى ..... شكرا

sayed allaa · 11-03-10, 01:54 PM

شكرا يا جماعة على المشاركة
و بالنسبة لسؤال الاستاذ مصطفى مجدي
الكرال منزلش منها غير نوع واحد بس الهاي بور
و كلمة الهاي بور دي يعني بندقية شديدة القوة بتكسر حاجز 200 متر / الثانية تقريبا
و لو محتاج توضيح اكتر انا تحت امرك

selkaaa · 11-03-12, 05:55 PM

يا ترى يا جماعة ايهما افضل : الكرال التركي او النوريكا الاسبانى ؟؟ و ما هو سعر الديانا 350 ماجنوم؟

lastworld · 11-03-12, 06:07 PM

اقتباس:

المشاركة الأصلية كتبت بواسطة selkaaa

يا ترى يا جماعة ايهما افضل : الكرال التركي او النوريكا الاسبانى ؟؟ و ما هو سعر الديانا 350 ماجنوم؟

على حد علمى الكرال احسن
و اسال برضه سيد هوا معاه كرال ممكن يفيدك

selkaaa · 11-03-12, 06:37 PM

يا استاذ سيد مين فيهم احسن الكرال التركي او النوريكا الاسبانى و اه افضل الموديلات؟؟؟؟

braveheart · 11-03-12, 06:52 PM

أنا رأيي إن الأسباني أفضل من التركي و فرق السعر بسيط .. و الألماني أفضل من الأسباني ... و لكن فرق السعر كبير جدا ...
و بالتالي فإن الأسباني هو الأفضل من حيث الجودة و القوة و السعر في السوق .. و هذا رأيي ... و الله أعلم.

selkaaa · 11-03-12, 06:56 PM

طيب و متوسط سعر الاسبانى كام ؟؟؟

sayed allaa · 11-03-12, 07:01 PM

اقتباس:

المشاركة الأصلية كتبت بواسطة selkaaa

يا استاذ سيد مين فيهم احسن الكرال التركي او النوريكا الاسبانى و اه افضل الموديلات؟؟؟؟

معلش يا اخي العزيز
اسف جدا على التأخر في الرد عشان مشغول شوية
ارجو ان تتقبل اسفي
بالنسبة لسؤالك
طبعا الاسباني احسن
النوريكا بس مش اي نوريكا مش يعني مثلا تيجي على نوريكا مثلا 56 دي و تقول هيا ولا الكرال
الكرال طبعا
لكن مثلا لما المقارنة تبقى بين الكرال و الجيت تبقى الجيت طبعا فهمت قصدي
و بالنسبة لأفضل الموديلات
انصحك بالجيت 1 ده في النوريكا لو انت في البداية لسة

sayed allaa · 11-03-12, 07:02 PM

و بالنسبة لسعر الديانا ماجنوم وصل ل 6000 تقريبا
و الاسعار كتير و انواع كتير اوي
انت تقول امكانياتك و هقولك تجيب ايه

Aboyassin · 11-03-12, 09:31 PM

الإخوه الكرام
موضوع جميل و شيق و جهد مشكور منكم
جزاكم الله خيرا

sayed allaa · 11-03-12, 11:44 PM

اقتباس:

المشاركة الأصلية كتبت بواسطة aboyassin

الإخوه الكرام
موضوع جميل و شيق و جهد مشكور منكم
جزاكم الله خيرا

و اياكم اخي العزيز
و شكرا على المشاركة

ahmedamr80 · 11-03-14, 12:47 AM

السلام عليكم،
أولاً أحب أن أشكرك على هذا الشرح الوافي الذي مكنني من معرفة بعض الأمور عن البنادق.

أنا أشتريت بندقية كرال رش نمرة 2 من فتح الله بـ2000 جم وطبعاً عرفت من حضرتك إني إضحك عليه ولكن أنا إشتريتها في ظل ظروف الإنفلات الأمني، فالحمد لله وقدر الله وماشاء فعل.

أرجو منك نشر موضوع عن كيفية الحفاظ وصيانة هذه النوعية من البندقيات.

وجزاك الله كل خير.

وليدعادل · 11-03-14, 01:08 AM

يأستاذ سيد والله شاكر لذوق حضرتك و انك وجهتني علطول لاني فعلا ليسه مشترك انهارده و بتصفح في المنتدي علشان انا بحب الصيد بس مكنتش لاقي اللي يوجهني و ان شاء الله انا هاخد اول خطوه زي ماحضرتك قولت كده و اشتري و ان الله اشوف حضرتك في رحلة صيد بقي علشان نتعلم من خبرات حضرتك..... شكرا مره اخري

noricawy isa · 11-03-14, 01:55 AM

والله العظيم بجد بجد انا مبسوط جدا من الموضوع وعلي فكره شوف انت اخدت حسنات اد ايه لان كل اللي قرا الموضوع اكيد دعالك واستفاد من معلوماتك الجميله وانا احييك فعلا علي مجهودك واتمني من الاداره تثبيت الموضوع لانو مفيد جدا جدا وتاني مره بشكرك علي روحك الجميله ومجهودك الجبااااااار في مساعدة الصيادين - تحياتي لك - احمد نوريكاوي

braveheart · 11-03-14, 12:30 PM

بجد رووووووووعة الروعة ... شكرا جدا علي المعلومات القيمة دي ... و ننتظر منك المزيد يا أبو السيد.

sayed allaa · 11-03-14, 02:53 PM

أ / احمد عمرو أ / وليد عادل أ/ احمد نوريكاوي أ / بريف هارت
شكرا على مروركم العطر و ان شاء الله اكون عند حسن ظنكم

11-02-28, 09:57 PM	#1
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	الموضوع الشامل للمبتدئين الموضوع الشامل للمبتدئين الموضوع ده ان شاء الله هيبقى فيه كل حاجة ان شاء الله للمبتدئين من الاول خالص حتى الاحتراف الموضوع ده انا عملته بالذات عشان بشوف ناس بتسأل اسئلة و هية ممكن يكون متجاوب عليها قبل كده و هما مش لقينها فالموضوع ده ان شاء الله هيبقى فيه كل حاجة بأمر الله عشان محدش يتوه و الموضوع ان شاء الله هيشمل كل حاجة في الصيد او اي حاجة بتخطر على بال المبتدئ يلا نخش في الموضوع انا دلوقتي مبتدأ ايه اول حاجة هفكر فيها ؟ اكيد طبعا البندقية . احنا كلنا او بلاش كلنا معظمنا لما جينا نبتدي الهواية الجميلة دي بدأنا بحجات خفيفة او حجات رخيصة او متوسطة عشان يتعلم او يجرب الموضوع و لو الواحد معجبهوش الموضوع او زهق منو ميزعلش على المبلغ اللي دفعو او ميخسرش فيه كتير فدلوقي انا مبتدأ هفكر في ايه ؟؟ هفكر اجيب بندقية رخيصة عشان اجرب الموضوع او اتعلم فأول حاجة هفكر فيها ايه اكيد طبعا البنادق المصري دي ارخص الانواع - الرمسيس او المعادي البندقية دي زي كل البنادق بتصطاد و المهم للصياد ان سلاحه يبقى قاتل مش مهم بقى السرعة و غيره و غيره في الاول بتبقى شغالة و بعد كده الواحد بيكتشف اعطالها الكتير و اشهرها ان الزناد بيضرب لوحدة بعد حوال 5 ثواني و ده عيب خطير جدا ممكن يحصل بسببه كارثه و العيب التاني ان البندقية الرشة مبتخرجش من الماسورة الا بعد لما تضغط على الزناد مرتين او تلاتة بس هية مش بطالة و بتصطاد و فيه ناس بتستعملها بس طبعا بعد تصليح او تعديل و شغالين بيها زي الفل دي سعرها كان قبل القلق اللي حصل في مصر و الاسعار دي الاسكندرية و انا اللي سألت على السعر بنفسي الاسعار : نمرة 1 ب 500 جنيه نمرة 2 ب 600 جنيه طبعا عيا 4.5 يعني نمرة 1 و عيار 5.5 يعني نمرة 2 خلصنا الرمسيس بص يا سيد انت الصراحة خوفتني منها هية سعرها اه مغري بس انت خوفتني اوي من مشاكلها طب متعرفش نوع تاني و يكون مناسب للمبتدئين ؟؟ طبعا المقصود ببندقية مناسبة للمبتدئين يعني بندقية خفيفة و سعرها رخيص عشان يتعلم عليها عشان اكيد في الاول الواحد مبيبقاش عنده خبرة و بيبهدل البندقية البندقية التانية اللي المبتدئ بيفكر فيها البندقية الصيني غالبا كله بيفكر في الشنجهاي الشنجهاي b3 بالتحديد البندقية دي المشهورة و اكتر واحدة متواجدة من فئة الشنجهاي و دي انواعها b3-1 شكلها حلو دي يا سيد طب ايه مواصفتها و سعرها ؟؟ السرعه عيار 4.5 : 560 قدم : 170 متر عيار 5.5 : 420 قدم : 128 متر الطول : 103 سم الوزن : 3.5 كيلو جرام و السعر يتراوح بين 600- 700 جنيه و فيه دي كمان B3-2 طيب دي شكلها احلى طب برده قولي مواصفتها و سعرها ؟؟ السرعه عيار 4.5 : 560 قدم : 170 متر عيار 5.5 : 420 قدم : 128 متر الوزن : 3.6 كيلو جرام الطول : 104 سم يعني شبه b3-1 تقريبا و سعرها بين 700-800 جنيه بعد كده المبتدأ بيبتدي يتحمس اكتر و عايز يعرف انواع اكتر او بيخاف من الصيني عشان سمعته (الشنجهاي مش وحشة ) بس هوة مبيبقاش عارف عشان لسة في البداية هوة بيفكر على اساس ان الصيني عامتا منتجاته وحشة طب و بعدين فيه ايه غير دول يا سيد و برده سعره يكون حلو و حلو كبداية يعني ؟؟ في بقى الحجات الحلوة ( الاسباني - التركي ) طب دول اسعارهم عاملة ازاي بس متكونش حاجة قوية اوي انا عايز حاجة حلوة كده عشان البداية و بعد كده هبقى افكر في المدافع ؟؟ يبقى الحجات اللي قوتها متوسطة و سعرها معقول عندك النوريكا / الجامو / كرال التركي طيب قولي على كل واحدة فيهم نبتدي بالنوريكا النوريكا 56 شكلها معقول يا سيد طيب دي ايه مواصفتها و سعرها ؟؟ السرعة 150 م/ث و السعر ب حوالي 900 جنيه يزيد او يقل طيب فيه ايه غير ال 56 دي ؟؟ فيه بقى بص كنصيحة ال 56 و 61 دول انا اخر مرة كلمت الراجل البياع قالي بص يا باشا ال56 و 61 راحت عليهم خلاص و مبقناش بنجيبهم عشان محدش بيطلب اي نوع منهم المهم نرجع لموضوعنا انا نصيحتي ليك انك تجيب النوريكا سبورت البندقية دي 100 100 ايوة يا سيد شكلها حلوة و شيك طب دي ايه سرعتها و سعرها وصل كام ؟؟ سرعتها 160م/ث و السعر حدود 1250 - 1300 جنيه و البندقية دي بنشنكاه فوسفوري حلوة اوي دي طب فيه ايه تاني فاضل بقى الجامو في جاموياية حلوة كذا واحد بيشكر فيها و قوتها متوسطة و حلوة ليك طب ايه هية ؟؟ الجامو شادو 640 اه يا سيد الموضوع بدأ يحلو طب دي ايه مواصفتها ؟؟ دي سرعتها 168 م/ث و سعرها 1350 - 1400 جنيه دي الحجات الاسباني المتوسطة القوى نيجي بعد كده للتركي البندقية دي بجد رهيبة و سعرها تحفة الكرال التركي الفايبر الاسود طب دي ايه سرعتها و سعرها ؟؟ دي سرعتها 240 م /ث و سعرها 900 -1000 جنيه ووزنها 2.9 كيلو جرام و ده اللي عاجبني فيها كمان رد فعلها معقول بالنسبة لقوتها و فيه بقى الكرال التركي الفايبر باللون البني حلوة دي و شكلها احلى طب دي ايه مواصفتها ؟؟ نفس مواصفات السودة دي بس الوان بس السعر يختلف 1000-1100 جنيه الكرال التركي الخشب برده نفس المواصفات بس فرق الخامة دي خشب خشب و انصحك بيها احسن بكتير دي عندي البندقية دي على فكرة و سعرها 1200-1400 جنيه فيه بقى الكرال التركي اللي بعتلة برده نفس المواصفات دي السودة و دي الخشب و دي سعرها يتراوح بين 1400 - 1600 جنيه دي الكرال اللي بعتلة و منصحش بيها عشان الصراحة قطع غيارها مش متوفرة و صيانتها اصعب من الكسر دي البنادق اللي انت تفكر فيها لو انت مبتدئ بعد كده بقى البنادق الهاي بور القوية للمحترفين و اللي منصحكش بيها اه تمام طب ممكن كده بس تقولي عليها يعني بداف الفضول البنادق الهاي بور دي ( الكرال التركي تعتبر بدايات الهاي بور - البام 22 -النوريكا في انواع منها كده معينة هقولهالك بعدين - الجامو في برده انواع منها - الديانا ) طبعا مش دول كلهم بس دي الحجات المنتشرة شوية في مصر دي اسعارها من 1000 - 8000 تقريبا و سرعتها طبعا عالية ممكن توصل ل 290 او 300 متر / الثانية و يمكن اكتر كمان (السرعات دي لنمرة 2 ) يلا مش مشكلة انت مش محتاجها دلوقتي بس هوريك كده مقتطفات سريعة و صور خفيفة كده على السريع دي الكرال التركي البام 21 و دي تقليد الاير كينج الديانا 52/48 و ممكن بعد كده تتغير سوستتها و الجلبة بجلية و سوستة الديانا النوريكا كويك GAMO CFX ROYAL الديانا 54 طيب تمام كده يا سيد انت كده قولتلي على البنادق و سرعتها و اسعرها و انا قررت هشتري ايه انا هشتري .......... طب دلوقتي اجيبها منين فين يعني المحلات بص يا .......... هية دي اماكن و ارقام تيليفونات المحلات http://www.egypthunt.net/showthread.php?t=2175 تمام يا سيد انا كده شوفت المحلات و كلمتهم و نزلت اجيب .......... و بالفعل جبتها دلوقتي بقى ايه يا سيد ناقص ايه - اكيد طبعا ناقص رش ههههههههه ولا اول لما تيجي تصطاد الحمام هيشوف البندقية و هيموت من الخوف ههههههه بص بقى على انواع الرش الرش المصري ده اسمو باين عليه اسمو رش الرماية ده تقريبا احسن رش هوة و المارسمان المصري رش الرماية ب 3-3.5 رش المارسمان 4-5 هوة المارسمان اغلى بس انا بقول الرماية احسن من المارسمان حاليا في الاول المارسمان كان احسن يلا مش مشكلة كل واحد يستعمل الرش اللي يريحو و فيه برده رش عين شمس و ده اسوء رش في السوق بعد كده نخش على الاسباني زي الجامو و ده احسن رش في السوق سعره من 20 - 25 للعلبة اللي فيها 250 رشة و دي انواعه الجامو ماجنوم الجامو ماتش الجامو هانتر دول اكتر انواع من الرش عليها اقبال طبعا في انواع تانية كتير بس دول يعني اللي عليهم اكبر اقبال طيب تمام يا سيد استعمل انهو واحد بص يا سيدي لو انت عندك بندقية هاي بور نمرة واحد زي مثلا النوريكا جيت دي سرعتها تعدي 300 متر / الثانية يبقى تستعمل رش اختراقه قليل زي كده رش الجامو ماتش بص كده على راس الرشة شكلها عامل ازاي اظن انت فهمت لو بقى عندك بندقية متوسطة القوى يبقى تستعمل رش اختراقه عالي زي الجامو ماجنوم بص برده على راسه عاملة ازاي عاملة زي راس السهم اظن برده انت كده فهمت خلاص كده يا سيد انا فهمت دلوقتي انا جبت الرش .......... لبندقيتي ............ فاضل ايه فاضل بقى شوية اكسسوارت كده زي الجراب ده سعرو يتراوح بين 70 - 150 جنيه فاضل بقى السكوبات بس مش هقولك دلوقتي عليهم انا عايزك تتعلم النشان كده في الاول و تبقى متمكن بعد كده اعملي بقى قناص انت بتتكلم صح ماشي فاضل ايه تاني انا كده جبت البندقية و الرش و الجراب هجيب ايه تاني لا مفاضلش الا حاجتين 1- تتعلم النشان طبعا هههههههه طبعا انت بتفضل تضرب في النص و تنشن و برده الرشة مبتجيش في الهدف طب و بعدين هية كده البندقية بايظة ولا ايه لالالالا انت لازم الاول تظبط النيشان طب ده اظبطه ازاي يا سيد بص هية سهلة اوي و انا هقولك على طريقة شوفتها و جربتها و النشان متعبنيش و اتظبط بسرعة تمام تمام طب قولي ازاي بص يا سيدي انت عندك بكرتين فوق النشان الخلف صح اه الاولى هتلاقيها طالعة من الجمب و التانية فوق النشان تمام تمام دلوقتي انت هترسم في ورقة خط بالطول و في ورقة تانية ترسم خط بالعرض دلوقتي تضرب على الخط اللي بالطول و تضرب حوالي 10 رشات ولازم ايدك تكون ثابتة و لو حسيت انها اتهزت في رشة متحسبهاش و تضرب تاني و بعد كده ممكن تلاقي الرش كله جه يمين الخط او شماله او ممكن عليه و تكون مظبوطة هههههههه و يبقى حظ المهم لو الرش جه يمين الهدف يبقى تلف البكرة الجانبية شمال لفتين و تجرب تاني و تفضل كده لغاية لما تيجي الرشة على الخط بالظبط تمام و العكس لو جت الرشة شمال الهدف يبقى تلف البكرة يمين و تفضل كده لغاية لما تتظبط و بعد كده تجيب الورقة اللي الخط فيها بالعرض و تضرب فيها 10 رشات لو الرش كان بيجي فوق الخط يبقى تنزل النشان تحت بأنك تربط او تلف البكرة اللي فوق النشان اللي هية الكبيرة تلفها نحية اليمين تمام لغاية لما تتظبط و العكس برده صحيح لو انت ضربت و الرش جه تحت الخط يبقى تفك البكرة تلفها شمال صح كده تمام بس على فكرة انا نسيت اقولك حاجة مينفعش مثلا تيجي تظبط النشان على مسافة قليلة زي 5 متر مثلا لو ظبطت النشان على المسافة دي هتلاقي البندقية نشانها مظبوط و بتضرب تمام بس على مسافة 5 متر لغاية 10 متر بعد كده مبتجبش صح لو عاوز تظبط النشان تظبطه على 10 - 15 متر دي احسن مسافة لو بندقيتك متوسطة يبقى هتجيب بالظبط ده 10 متر لغاية 40 متر او 30 لكن لو بندقيتك هاي بور هتجيب تمام لغاية 50 متر بس مين بيشوف بقى الله يسامحه الكمبيوتر ده على حسب شغلي كله جرافيك ووجع دماغ اه يا سيد تمام ظبطه و بعدين و خليك في الموضوع جرافيك ايه احنا بنتكلم في الصيد فاضل ايه تاني !!!!!!!!!!!!!! طب بتزعق ليه فاضل انك تصطاد !!!!!!!!!!!!!!! هههههه بس كده ممكن اول مرة تنزل تصطاد تلاقي نتايج غير مبشرة او ممكن تلاقي صيد وفير بس انا بقول اهو ممنوع ممنوع ممنوع صيد الطيور التى لا تؤكل كالصقور والطيور التى لها دور بيئي هام كابو قردان عشان حرام جدا يا جماعة برده لما تيجي ان شاء الله تصطاد مش تنزل تصطاد ب 60 و 50 حرام ده كده صيد جائر انت بس تصطاد اللي يكفيك يوم او اتنين ان شاء الله و كمان احب انوه لنقطة مهمة جدا لما تيجي ان شاء الله تصطاد لو الطريدة وقعت حية و انت وصلتلها حية يعني كانت عايشة ساعت لما انت وصلتلها يبقى وجب ذبحها و لم مذبحتهاش يبقى مينفعش تاكلها لا يجوز و لو الطريدة وقعت حية و عقبال ما انت وصلتلها كانت ماتت يببقى حلال اكلها بس لازم قبل ما تضرب تقول ( بسم الله و الله اكبر ) عشان لو الطريدة و قعت بعيد و انت ملحقتهاش و ماتت يبقى اكنك ذكتها و لو نسيت تسمي يبقى مش مشكلة و فيه حاجة كمان اسمها نية التسمية يعني لو انت كان في نيتك تسمي بس نسيت برده حلال اكلها تمام طيب يا سيد كده الاول هنزل اصطاد فين و هنزل في انهو وقت ؟؟ بص اي مكان فيه حدائق او ارياف ده بتلاقيه مليان طيور تمام طيب انزل الساعة كام الساعة 6.30 تكون في الشارع بس كده عايز حاجة تاني لالا يا سيد انت كده تمام يلا بقى نزل الموضوع على موقع الصيد في مصر عشان الناس المبتدئين اللي زي حلاتي كده يلاقوا كل اللي هما عايزينه ان شاء الله في الموضوع خلاص من عنيا الجوز و مناخيري اللوز بس كده احنا خلصنا لو الصور مشتغلتش يبقى لازم تسجل في http://my.imageshack.us/registration/ التسجيل فيه سهل و مجاني الموضوع غير منقول و خاص بمنتديات الصيد في مصر و غير مسموح بنقله ارجو التثبيت

11-02-28, 10:14 PM	#2
jamayka صياد قديم تاريخ التسجيل: Jun 2010 المدينه: القاهرة المشاركات: 1,316 معدل تقييم المستوى: 14	رد: الموضوع الشامل للمبتدئين بصــــراحة شديدة .... مش لاقى تعليق اوصف بيه المــــــــوضوع ولا عارف اوصف الطريقة الجميلة اللى وضحت بيها حاجات كتير يعنى لو واحد مر على الموضوع مرور الكرام كده هيقراه هيقراه ... ربنا يبارك فيك و نورت المنتدى بوجودك و بمواضيعك __________________ اذا طعنك شخص بخنجر لسانه ... فأقتله بسيف ابتسامتك

11-02-28, 10:15 PM	#3
sky.line_2010 صياد جديد تاريخ التسجيل: Feb 2010 المشاركات: 28 معدل تقييم المستوى: 6	رد: الموضوع الشامل للمبتدئين السلام عليكم بسم الله ما شاء الله موضوع رائع وفى منتهى الجمال واتمنى لك التوفيق وكمان ليا الشرف انى اكون اول واحد يرد على الموضوع وارجو التثبيت __________________ مـحـمـد حـسـن nile loft

11-02-28, 10:15 PM	#4
بدر صياد قديم تاريخ التسجيل: Dec 2010 المدينه: 6 اكتوبر المشاركات: 1,819 معدل تقييم المستوى: 34	رد: الموضوع الشامل للمبتدئين الاخ الكريم حقيقى اعجز عن اى كلام اعبر بة عن امتنانى وشكر الاعضاء عن هذا المجهود جزاك الله خيرا __________________ لا حيلة فى الرزق ولا شفاعة فى الموت

11-02-28, 10:17 PM	#5
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	رد: الموضوع الشامل للمبتدئين شكرا يا جماعة على المرور و المشاركة و شكرا على الكلام الجميل ده

11-02-28, 10:24 PM	#7
khaledabdelnaby صياد نشيط تاريخ التسجيل: Feb 2011 المدينه: القاهرة المشاركات: 287 معدل تقييم المستوى: 7	رد: الموضوع الشامل للمبتدئين بجد يا أ/ سيد ربنا يباركلك على الموضوع الممتاز ده انا عضو جديد ومكنتش اعرف حاجة عن البنادق بس حسيت انك قاعد معايا فعلا ( وعلى فكرة انت دمك خفيف جدا يا ابو السييييد ) بس سؤال كده فى السريع انا عملت كل اللى انت قلت عليه وعايز اجيب اسكوب عشان انا راجل بنظارة ونظرى على قدى شوية اعمل ايه

11-02-28, 10:28 PM	#8
memo2224 صياد نشيط تاريخ التسجيل: Feb 2011 المدينه: محافظة المنيا المشاركات: 303 معدل تقييم المستوى: 7	رد: الموضوع الشامل للمبتدئين بجد موضوع روعه مشكور مشكور على المجهود الرئع ده

11-02-28, 10:31 PM	#10
Consul الاب الروحي للمنتدى اوسمتي مجموع الاوسمة: 1 تاريخ التسجيل: Sep 2010 المدينه: مصر المحروسة المشاركات: 1,573 معدل تقييم المستوى: 23	رد: الموضوع الشامل للمبتدئين بارك الله فيك أخي الحبيب الأستاذ سيد لوز...دمك شربات وزي العلاء...آسف حبيب قلبي...أستاذ سيد علاء...دمك شربات وزي اللوز...مشكور على هذا الشرح المبسط والسلس وهذه المعلومات المفيدة الجميلة والرائعة...جزاك الله عنا كل خير...وجعله في ميزان حسناتك...وفي إنتظار المزيد من دروسك الجميلة الشيقة الخاصة المجانية...وأرجو أن يقرأها الأخوة الأعزاء المبتدئين جميعا حتى تعم الفائدة وارجو أن يثنوا عليك ويباركوا مجهودك ويحذوا حذوك في إبتكار مواضيع جديدة تفيدنا جميعا...أكرر شكري وتقديري لروحك الحلوة الجميلة وتفانيك في هذا العمل لخدمة إخوانك في هذا المنتدى...خالص تحياتي وتقديري وإحترامي... __________________ اللهم آتنا في الدنيا حسنة وفي الآخرة حسنة وقنا عذاب النار

11-02-28, 10:48 PM	#15
hima صياد متفاعل تاريخ التسجيل: Feb 2011 المدينه: الاسكندرية المشاركات: 146 معدل تقييم المستوى: 8	رد: الموضوع الشامل للمبتدئين الله ينور موضوع ممتاز بجد وشكل حضرتك تعبت فيه ارجو من الادارة التثبيت عشان يستفاد منه الكل __________________ سبحان الله وبحمده عدد خلقه ورضاء نفسه وزنة عرشه ومداد كلماته عن ابن عمر رضي الله عنهما قال : لعن رسول الله مَن اتّخَذ شيئاً فيه الروح غرضاً . ( رواه البخاري 5515 ومسلم 1958 )

11-02-28, 10:49 PM	#16
Ebrahim Al Ansari صياد متفاعل تاريخ التسجيل: Feb 2011 المشاركات: 166 معدل تقييم المستوى: 7	رد: الموضوع الشامل للمبتدئين جزاك الله خير موضوع حلو ومتعوب فيه وجهد ممتاز والأهم من كل ده انه مفيد فعلاً

11-02-28, 10:54 PM	#17
tsakr صياد جديد تاريخ التسجيل: Feb 2011 المشاركات: 6 معدل تقييم المستوى: 0	رد: الموضوع الشامل للمبتدئين الله ينور عليك يا باشا اوجزت فأنجزت إيه الكلام الكبير ده

11-02-28, 10:57 PM	#18
khaledabdelnaby صياد نشيط تاريخ التسجيل: Feb 2011 المدينه: القاهرة المشاركات: 287 معدل تقييم المستوى: 7	رد: الموضوع الشامل للمبتدئين الف شكر يا أ/ سيد على الاهتمام والاجابة وسننتظرك فى موضوعات اخرى متميزة مثل هذا الموضوع عن مسدسات الصوت والرش بانواعهم المتاحة فى مصر وتقبل ارق التحيات

11-02-28, 11:18 PM	#19
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	رد: الموضوع الشامل للمبتدئين شكرا على المرور يا جماعة و على الردود المشجعة

11-03-01, 12:33 AM	#20
Mahmoud tork صياد جديد تاريخ التسجيل: Feb 2011 المدينه: الاسكندرية المشاركات: 11 معدل تقييم المستوى: 5	رد: الموضوع الشامل للمبتدئين الحمد لله الموضوع ده عامل زي المراجعه النهائية لامم مواضيع كتير ف برشامه واحده... شكرا" على مجهود حضرتك وعلى المشاركة

11-03-01, 12:54 AM	#22
darwish صياد جديد تاريخ التسجيل: Oct 2010 المشاركات: 42 معدل تقييم المستوى: 6	رد: الموضوع الشامل للمبتدئين السلام عليكم جزاك الله كل خير موضوع مهم فى شكل خفيف وشكر الله لك مجهودك وتقديمك المتميز

11-03-01, 01:20 AM	#24
Peace Missile صياد متقدم تاريخ التسجيل: Feb 2011 المدينه: Damietta المشاركات: 520 معدل تقييم المستوى: 7	رد: الموضوع الشامل للمبتدئين موضوع رائع يا استاذ سيد بصراحة .. وانا جديد فى الموضوع دة وياريت جديد فى الصيد وياريت حد يساعدنى انا عايز بندقيه فى حدود 700 جنيه بالكتير وتكون بتليسكوب اعتقد الشنجهاى التانيه دى كويسه بس اهم حاجة عايز تليسكوب او لو حد ينصحنى بواحدة سعرها كويس وازاى اجيبلها بردة تليسكوب مستريح يعنى كله كدة على بعضة 700 جنيه ........ ارجو المساعدة من اخوانى

11-03-01, 03:22 AM	#26
Mahmoud tork صياد جديد تاريخ التسجيل: Feb 2011 المدينه: الاسكندرية المشاركات: 11 معدل تقييم المستوى: 5	رد: الموضوع الشامل للمبتدئين ياريت لو ألاقي عند حضرتك معلومات عن الكام بندقيه دول يعني زي المواصفات والسعر.. 1/slavia 631(التشيكي) 2/Gamo hunter 440 3/Norica marvic gold 4/Gamo cfx royal 5/Norica jet 6/Norica west 7/Norica quickكلهم رقم 2 ما عدا الjetوشكرا" مقدما"

11-03-01, 04:14 AM	#27
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	رد: الموضوع الشامل للمبتدئين السلافيا سرعتها 170 متر / الثانية تقريبا // السعر مسألتش عليها الصراحة الجامو هانتر 440 سرعتها 230 متر / الثانية تقريبا سعرها 2200 جنيه مصري قبل القلق اللي حصل في مصر النوريكا جولد سرعتها 230 متر / الثانية تقريبا كانت ب 3000 - 3500 جنيه مصري الجامو سي اف اكس سرعتها 230 متر / الثانية كانت ب 3350 - 4000 جنيه مصري فرق السعر كبير طبعا بس اهو دي كانت اسعار شوفتها النوريكا جيت سرعتها 305 م\ث لعيار 177(نمره 1) سعرها 1600 - 1800 جنيه مصري النوريكا ويست السرعة 236 م/ث تقريبا و سعرها 2700 جنية جنيه مصري يزيد او يقل النوريكا كويك سرعتها 250 متر / الثانية تقريبا سعرها 3200-3500 جنيه مصري لالا العفو على ايه

11-03-01, 09:20 AM	#29
Abdo صياد جديد تاريخ التسجيل: Feb 2011 المشاركات: 32 معدل تقييم المستوى: 6	رد: الموضوع الشامل للمبتدئين كلمة شكرا قليلة ربنا يباركللك

11-03-01, 10:15 AM	#30
sadek صياد جديد تاريخ التسجيل: Feb 2011 المشاركات: 39 معدل تقييم المستوى: 5	رد: الموضوع الشامل للمبتدئين و الله مش عارف اقولك ايه شكرا جدا علي الموضوع الجميل دا الله يبارك فيك

11-03-01, 10:42 AM	#31
محمد يونس صياد نشيط تاريخ التسجيل: Jan 2010 المدينه: محافظة الشرقيه المشاركات: 257 معدل تقييم المستوى: 8	رد: الموضوع الشامل للمبتدئين السلام عليكم وانا احب اشكرك يا استاذ سيد على موضوعك الاكثر من رائع بصراحة واسلوبك الجميل الشيق جدا لدرجة ان اى حد هيفهم الكلام وهو بيضحك كمان فياريت ما تحرمناش من مواضيعك ومنتظرين منك كمان وكمان والى الامام يا بطل لاننا كلنا هنستفيد منك ان شاء الله . والله ولى التوفيق .................. __________________ علمت ان رزقى لن ياخذه غيرى فاطمان قلبى

11-03-01, 11:29 AM	#32
msa_79 صياد متقدم تاريخ التسجيل: Nov 2008 المشاركات: 913 معدل تقييم المستوى: 13	رد: الموضوع الشامل للمبتدئين مجهود رائع جداااا بصراحة الموضوع شامل ووافي جزاك الله خيرا وجعله في ميزان حسناتك

11-03-01, 01:59 PM	#33
ahmedabutaleb صياد متفاعل تاريخ التسجيل: Feb 2011 المشاركات: 99 معدل تقييم المستوى: 6	رد: الموضوع الشامل للمبتدئين موضوع رائع جزاك الله خيرا انا قريته مرتين لغاية دلوقتى

11-03-01, 07:58 PM	#37
مصراويي صياد متفاعل تاريخ التسجيل: Feb 2011 المشاركات: 110 معدل تقييم المستوى: 6	رد: الموضوع الشامل للمبتدئين ايه الجمال والحلاوة ده يا سيد علاء... الله الله عليك يابني.. انت عامل موضوع في منتهى الشيااااكة مش عارف حاسس كده اني تقمصت شخصية مدحت شلبي..ههههههههههه بس والله موضوع رائع وحصري لمنتدانا الغالي تشكر عليه ومستنيينك في مواضيع تانية أقوى و أقوى.. تحياتي

11-03-01, 09:06 PM	#40
tamer_tatow صياد متفاعل تاريخ التسجيل: Jan 2011 المدينه: الاسكندرية المشاركات: 209 معدل تقييم المستوى: 7	رد: الموضوع الشامل للمبتدئين سيد باشا ربنا يجازيك خير في حاجة انت مقولتش عليها ونسيتها بعد ما الصياد يبدأ يصطاد والهدف بتاعه يقع انت نسيت تتكلم عن عمليه الذبح ودي مهمة جدا

11-03-01, 09:23 PM	#42
basemzero صياد متفاعل تاريخ التسجيل: Nov 2009 المدينه: الاسكندرية المشاركات: 219 معدل تقييم المستوى: 7	رد: الموضوع الشامل للمبتدئين بصراحه انا عاجز عن ايجاد اى كلام اعبر بة عن امتنانى وشكرى لهذا المجهود لمساعدة الاعضاء....اخى سيد, لك منى جزيل الشكر و الاحترام.

11-03-01, 09:53 PM	#44
lastworld صياد نشيط تاريخ التسجيل: Feb 2011 المدينه: Fesal Street -Giza المشاركات: 265 معدل تقييم المستوى: 6	رد: الموضوع الشامل للمبتدئين جزاكاللهكلخيرعلىالوضوعالشامل* وعلىفكرهانتادمكخفيفاوى* تقبل*مرورى

11-03-01, 10:18 PM	#45
Egyptiano0o صياد جديد تاريخ التسجيل: Feb 2011 المشاركات: 5 معدل تقييم المستوى: 0	رد: الموضوع الشامل للمبتدئين الف الف الف شكر علي الموضوع الجميل جدا تحياتي وفعلا أفدتني

11-03-01, 10:45 PM	#46
wmadkour صياد جديد تاريخ التسجيل: Feb 2011 المدينه: مصر الجديده المشاركات: 37 معدل تقييم المستوى: 5	رد: الموضوع الشامل للمبتدئين الف شكر على الموضوع الجميل الشيق البسيط يقدر حد يساعدنى أشترى جامو سى إف إكس أو نوريكا كويك بسعر كويس (فى اليومين دول) يعنى حد يكون يعرف محل او زبونه يجيبلى سعر كويس يبقى ربنا يكرمه و لو حد يقترح لى حاجه بعتله بنفس مستوى السعر و بنفس القوه يبقى كتر الف خيره جزاكم الله خير و حفظكم من كل سوء

11-03-02, 03:23 PM	#50
mrbebo صياد جديد تاريخ التسجيل: Feb 2011 المشاركات: 8 معدل تقييم المستوى: 0	رد: الموضوع الشامل للمبتدئين باشا موضوع هايل جدا الله ينور ممكن تفسير شوية حاجات زي مثلا ايه الفرق بين النشان العادي والفسفوري وايه انواع النشانات الاخرى لو فيه انواع تاني شكرا يا باشا وياريت الموضوع يركز على تفسير المصطلحات اللي ممكن تبقى صعبة او مش مفهومة عند كل المبتدئين

11-03-02, 04:05 PM	#52
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	رد: الموضوع الشامل للمبتدئين بصو يا جماعة عشان انتو بس ظالمين الكرال الخشب على اساس صورة مرسومة بالكومبيوتر بصو كده بقى على الحقيقة بصو ما شاء الله عشان محدش يحكم على اي بندقية بانظر فقط على صورة تصميم البندقية ما شاء الله لو اي حد يا جماعة عايز يجيب كرال يبقى انصحه بأنه يجيب الخشب دي 100 100

11-03-02, 04:40 PM	#53
Consul الاب الروحي للمنتدى اوسمتي مجموع الاوسمة: 1 تاريخ التسجيل: Sep 2010 المدينه: مصر المحروسة المشاركات: 1,573 معدل تقييم المستوى: 23	رد: الموضوع الشامل للمبتدئين بارك الله فيك حبيب قلبي...في الأول والآخر دي عملية أذواق...وأكثر الله من خيراتك لمجهودك في التوضيح...بس إللي يشوف أنواع الخشب وخامته وثقله وشكله ( مع الأخذ في الإعتبار الثمن والسعر بالطبع ) في البنادق الأخرى يعرف الفرق...لا أحد يهاجم الكرال بل على العكس نشجعها ونوصي بها بالذات لمن لا يملك قدرة مالية عالية ويريد شراء بندقية قوية وهاي باور...فميزتها أن سعرها معقول ومقبول بالنسبة لخامتها وقدراتها...ولكن من يملك قدرة مالية أعلى وأحسن يفضل طبعا أن يشتري إسم وصناعة وعراقة وخامة ودقة...فالميزة الأساسية في الكرال أنها قوية ورخيصة ومن يشتريها يشتريها على هذا الأساس...فمن غير المبرر أن يشتري ذات الدبشك الخشب بفرق سعر 200 أو 300 جنيه زيادة لمجرد أنه خشب وللأسف نوعية رديئة كالمستحدم في الرمسيس والمعادي ( وهذا عن رؤية بالعين وعلى الطبيعة وتجربة ومقارنة وليس من واقع الصور أو السماع )...في حين أن الفايبر البني بلون الخشب خامته معقولة وشيك ومقبولة شكلا...وكما ذكرت بفرق سعر ليس قليل...وأكرر مرة أخري أنها عملية أذواق وراحة نفسية...وقدرة وإمكانيات مالية...طبعا دى وجهة نظر ورأي شخصي يحتمل الصواب والخطأ...خالص تحياتي... __________________ اللهم آتنا في الدنيا حسنة وفي الآخرة حسنة وقنا عذاب النار

11-03-02, 05:05 PM	#54
123mmn صياد جديد تاريخ التسجيل: Oct 2010 المدينه: الاسكندريه المشاركات: 27 معدل تقييم المستوى: 6	رد: الموضوع الشامل للمبتدئين معلومات جميله جداً شكراً

11-03-02, 11:52 PM	#56
dr_mohasan صيـــــــاد من الدرجـه الأولـي تاريخ التسجيل: Feb 2011 المدينه: القاهرة المشاركات: 2,940 معدل تقييم المستوى: 289	رد: الموضوع الشامل للمبتدئين بسم الله ماشاء الله , أنا استفدت كتير والله , ومنتظرين تكملة الموضوع بالتفصيل للبنادق الهاى باور

11-03-02, 11:59 PM	#57
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	رد: الموضوع الشامل للمبتدئين شكرا على المرور و المشاركة يا جماعة و يا رب اكون عند حسن ظنكم