ليه مش pcp مصريه؟

[Ahmed salama]

المشاركة الأصلية كتبت بواسطة Griffin

كلام حضرتك مظبوت 100%
أنا أول ما أبتديت التصميم بتاع البندقيه مكنتش عاملها ترباس كنت عاملها عتله جانبيه علشان أقدر أحط الميكانزم ألي أنت بتتكلم عنه بس ماعرفتش أعمله
السبب الأساسي هو المشكله الموجوده في الخلوص
بص معايا كده علشان أنا ملقيتلهاش حل بس ممكن حد تاني يعرف (هي معموله في مسدس منافس لل edgun أسمه cricket)
الذراع بتاع الترباس لازم يرجع لورا مسافه 30 مم قبل ما المكانزم بتاع الساقيه يشتغل و يلفها
ال 30 مم دول هم الخلوص اللازم يحصل علشان الترباس يخرج من الماسوره و الجزء الأمامي من البلوك و الساقيه نفسها المشكله ألي واجهتها لأنه بعد ما يرجع ال 30 مم هيكون فاضل بس 10 مم يرجعهم و في ال 10 مم دول مطلوب يلف الساقيه
غير كده لم جيت فكرت فيها لقيت أنها محتاجه أجزاء رفيعه جدا و كلها معموله بدقه جدا و خراطه الأجزاء دي منغير cnc مستحيله
فأنا عملت حسابى أن في المستقبل ممكن أبدل الجزء ألي فيه الترباس بالجزء ألي حضرتك فكرت فيه و بعدين قلت لأ طب ماهو العلم أتطور أكتر و بقى فبه ألكترونيات فممكن أشيل الجزء ده و أحط مكانيزم ألكتروني حيكون أسهل و أدق و أصغر و كمان semi-auto

كلام جميل بس أنا منصحكش بموضوع الماكانيزم الالكتروني دة لانة هيزود التعقيد والتكلفة ومش عملي لانة هيحتاج بطاريات وموال كدة من وجهة نظري أنا شايف انة هيخلي السلاح غير عملي

بالنسبة للترباس الـ10 مم دول أعتقد كافيين جداً لان فكرة لف الساقية هي نفس فكرة القلم الجاف
لما بتضغط عليه مرة يطلع ومرة يدخل لو فتحتة وأكيد دة حصل هتلاقي بكرة صغيرة جوة عليها تقسيم معين عشان يخلي البكرة تلف في اتجاة واحد
أنا صورتلك البكرة دي

المنطقة المتعلم عليها دي هتلاقيها مالية لناحية واحدة لو غيرنا مقاسات وسمك وزاوية
المنطقة دي نقدر نتحكم قي المسافة الي هتلفها الساقية عشان تخلي الرشاية قصاد الماسورة
بالظبط دة غير انها بتعمل لوك للمكان ة يعني مينفعش تتحرك منة من غير تحريك الترباس
بالكامل يعني مش مجرد لف الساقية بس

طبعاً لازم نكبر حجم البكرة دي ونحط مسننات على قد الرش الموجود في الساقية
ولو حبينا نعوض عن تكبير حجم البكرة زيادة عن اللزوم نقرب المسافة بين الرشة والتانية
في الساقية ونعرض المنطقة المتعلمة في الصورة شوية زيادة بحيث الكليك الواحد يخليها تلف
15 درجة مثلاً أو حسب ما تحدد انت