|
الصيد العام موضوعات الصيد العامه وتعارف الصيادين. |
أدوات الموضوع | إبحث في الموضوع | انواع عرض الموضوع |
10-03-30, 07:30 AM | #1 |
صياد متفاعل
تاريخ التسجيل: Feb 2010
المدينه: مصر -الزقازيق
المشاركات: 84
معدل تقييم المستوى: 6 |
أنا جالي إحباط !!!!!!!!!
ياجماعة أنا حكايتي حكاية هحكيها ومن البداية:
أنا جيبت البندقية أمس ونهي رمسيس نمرة 2 والكلام ده كان المغرب جميل كدة المهم جيت أجرب نفسي في النيشان علي هدف ثابت من قريب لقيت نفسي كويس وبعدين حطيت الرشة ولأول مرة منذ أن كنت طفلا أنشن علي هدف متحرك وهو عصفورة علي السلك في شارعنا المهم ضربت فوقعت فقولت أله ماهي ماشية أهي وفرحت قولت فية أمال أني أبقي صياد محترف. ودنيتني صاحي لتاني يوم الصبح حتي وقت كتابة هذا الموضوع اليوم علشان أصطاد كنت مستعجل لدرجة أني مروحتش النهاردة الكلية . والمشكلة أني جيت أصطاد من جمب بيتنا في مكان واسع لقيتها دنك خالص مفيش طيور كتير وكل أما أجي أنشل علي جمامة قبل ماأفكر أنشل تطير ولو نشلت تيجي جمب الهدف بالظبط وتجيش في الهدف ودمي يتحرق حتي أبو قردان زي مايكون كان شمتان فيا ناقص يطلعلي لسانة علشان هو قريب ومايطرش بسهولة. المهم قولت لا دا كدة في حاجة غلط جيبت زجاجات دواء ونشلت عليها من مسافة مثلا 7 متر لقيت نافسي تمام وأنشل علي أهداف ثابتة لقيت نفسي كويس فأنا قولت أمال فية إية يولاد المهم من الزعل طلعت بيتنا وقولت أصطاد وقت تاني. إية هي نصايحكم ليا وهل أنا أنفع ولالأ وأصطاد في أماكن عاملة إزاي أنا محتااااااااااااااار أفيدونا أفادكم الله (أنا جالي إحباط)
__________________
http://www.arabswell.com/vb/image.ph...ine=1166284508 ماأجمل الحياه إن كانت في طاعة الله
|
sponsor links |
10-03-30, 09:28 AM | #2 |
صياد قديم
|
رد: أنا جالي إحباط !!!!!!!!!
و لا احباط ولا حاجة ياعمرو في الاول دا حال كل الصيادين بس بعد فترة لما تطلع تصتاد ومع كثرة الصيد ها تلاقي الموضوع عادي خالص وها نشوف الصور علي المنتدي تحياتي
__________________
الصيد متعة والتفوق هو الهدف |
10-03-30, 03:09 PM | #3 |
صياد نشيط
|
رد: أنا جالي إحباط !!!!!!!!!
على فكرة يا باشمهندس ان الله مع الصابرين وحضرتك بتقول لاول مرة من زمان فما تفتكرش انك هتطلع ساعة ولا اتنين وترجع بسرب يمام ممكن تطلع طول النهار ومترجعش بولا فرد حط فى ذهنك ان ده رزق من عند ربنا وانت مش هتضايق انت بتقول الطلقة مش بتيجى فى الهدف طيب تقول ايه فى الطلقة بتيجى فى الهدف ويقع قدام عنيه فى اماكن مش عارف يوصلها توكل على الله وتحطش فى دماغك عدد معين عايزه واللى ربنا يرزقك بيه احمده عليه ولك تحياتى
__________________
كلما ازداد علمى ازدادت مساحة معرفتى بجهلى |
10-03-30, 03:10 PM | #4 |
صياد نشيط
|
رد: أنا جالي إحباط !!!!!!!!!
اه !! على فكرة انا طلعت اصطاد امبارح بعد العصر بساعة تقريبا اصطدت خمسة ومرجعتش الا بتلاتة وربنا يرزق الجميع
__________________
كلما ازداد علمى ازدادت مساحة معرفتى بجهلى |
10-03-30, 11:34 PM | #5 |
صياد متفاعل
تاريخ التسجيل: Feb 2010
المدينه: مصر -الزقازيق
المشاركات: 84
معدل تقييم المستوى: 6 |
رد: أنا جالي إحباط !!!!!!!!!
فعلا ده رزق
وربنا يكرمنا
__________________
http://www.arabswell.com/vb/image.ph...ine=1166284508 ماأجمل الحياه إن كانت في طاعة الله
|
10-03-31, 02:07 AM | #6 |
صياد متفاعل
|
رد: أنا جالي إحباط !!!!!!!!!
انا اتعلمت منك والله يا بشمهندس عمر واتعلمت من الردود الجميله ف بجد ربنا يكرمك واصبر علي نفسك وان شاء الله ربنا يكتبلنا خروجه معي بعض صيد طبعا
__________________
لا الة الا اللة |
10-03-31, 02:24 PM | #7 |
صياد متفاعل
تاريخ التسجيل: Feb 2010
المدينه: مصر -الزقازيق
المشاركات: 84
معدل تقييم المستوى: 6 |
رد: أنا جالي إحباط !!!!!!!!!
الف الف شكر ليكم كلكم ياأحبابي علي الردود الجميلة وتشجيعكم ليا
وشكرا ليك ياأستاذ جلال فعلا أنت سباق بالخير أنت بجد الأب الروحي للمنتدي.زي مابيقولو.
__________________
http://www.arabswell.com/vb/image.ph...ine=1166284508 ماأجمل الحياه إن كانت في طاعة الله
|
10-03-31, 11:29 PM | #8 |
صياد نشيط
|
رد: أنا جالي إحباط !!!!!!!!!
حبيت اشارك في الموضوع بس لقيت الجماعه قايلين كل اللي كنت عاوز اقولو وماشاء الله عليهم وعليك وربنا يكرمك انشاء الله ومتستعجلش وهتبقى ياعم صياد محترف لكن الصبر ودقه النشان ووزن السلاح والراحه التامه وعدم التسرع والايمان بان ده رزق من عند ربنا - كل الحاجات دي شرط اول واساسي في الصياد ومتنساش ( ومارميت اذ رميت ولكن الله رمي) وسمي الله وأرمي. ولك تحياتي وبالتوفيق
__________________
W.E.I.H.R.A.U.C.H.A.W.Y |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فرصة لجميع الصيادين بالاسكندرية مجموعة مكن وكراسى صيد وبوص يد كربون 100% وشفاف وبوص مكن جامد جدا و | elnopy2005 | سوق المنتدى | 4 | 10-08-24 01:08 PM |
فيديو صيد غزال جامد | charesma | صور وفيديو الصيد ورحلاته | 6 | 09-01-31 11:55 PM |
فيديو لصقر يصطاد غزال (جامد جدا) | samraghost | صور وفيديو الصيد ورحلاته | 2 | 08-08-16 02:16 AM |