ماذا بعد

[osra26]

:confused:سؤال جديد : هل سيحدث انخفاض فى الاسعار للاسلحة بعد ان اصبح لمصر رئيس؟

[عبووود]

الله اعلم؟؟؟؟؟؟؟؟

[Mohamed El-Hadidy]

الأمن مش هيرجع بين يوم و ليله,ممكن الاسعار تنزل لما الامن يرجع,و ممكن الحكومه الجديده تمنع الاستيراد نهائيا و تفضل زي ما هي,الله اعلم

[M.SHADY]

لا اعتقد ان الاسعار هترجع تانى.لان مفيش حاجه بترخص فى مصر بعد ما غليت.حتى لو الاسعار نزلت مش ممكن ترجع للاسعار قبل الثوره. بس ممكن تنزل شويه بسيطه اوى

[hunter store]

السلام عليكم ورحمة الله وبركاته


الموضوع ده نفسى اتكلم فيه فعلا ممكن الحكومة الجديدة تمنع الاستيراد نهائى بس بردو المفورض الاسعار تنزل

بس علشان الاسعار تنزل لازم الناس توقف شراء نهائى

لانه حتى لو البلد امن وامان والناس لسه بتشترى الاسعار حتستمر فى الارتفاع

الحل ان الناس تتوقف نهائى ومش تتوقف اسبوع وتقول الاسعار منزلتش على الاقل نوقف الشراء لمجة 6 شهور

اعتقد لو ده حصل ممكن نلاقى الجكال ب 800 جنيه وال 29 ب 400 جنيه من وجهة نظرى

[elmasrey123]

انسى يا عمرووووووووووووووووووووووووووووووووووووووووووووووو وووووووووووووووووووووووووو
لماتلاقى السعر يزيد ويجى رئيس برده السعر يزيد يبقى انته اكيد ... اكيد فى مصر
هو الى بيطلع بينزل تانى طيب هو يدنه على حاله وميطلعش كمان

[top Secret]

هو في حد يلاقي الدلع وميدلعش !
التاجر بيلاقي الزبون اللي بيشتري بالغالي لسه مقدم علي السلعه ينزل بقي ليه السعر !
الاسعار عليت بعد الثورة عشان الطلب كتر وبقي مطلوب والناس هتشتري هتشتري والتاجر لما بيبقي ضامن ان السلعه بتاعته هتتباع هتتباع بيطلب السعر الي هو عايزة ولو الحكومه وقفت الاستيراد المفروض ان الاسعار تغلي اكتر مش تقل لان السلعه هتبدأ تنقرض
افضل حاجه زي مقال كريم انحنا نطبل نشتري لمده 5 او 6 شهور عشان ينزله السعر

[زياد عثمان مهنا]

بس انك تبطل تشتري ديه تعتبر ضربة قوية جدا للسوق وصعب انه يرجع زي الاول ومين عالم لما نرجع نشتري حتلاقيها رجعت غليت تاني لإن تجار كتير مش حتستحمل القطعة ديه سوق السلاح سوق صعب وعاوز تجار شداد

[goodzila]

الاسعار عمرها ما هتوصل للحد ده ياشيخ كريم لانها حتي قبل الثوره ما كنتش كده يعني البي 29 في عز ايام الركود كان ب700 جنيه والجكال كان ب1200 الكلام ده قبل الثوره بكتير الفيبر الساقيه كان ب600 جنيه هوه الي رفع رفعه غريبه الجاب والروم كانو ب1500 جنيه كان الو لتر البي 88 ارخص مسدسات الصوت كان عامل 500 جنيه انا اعتقد انا الاخوان هيسمحوا بالاستيراد حتي للحي لانهم معظمهم عاني من غلاء اسعار الحي بعدالثوره اعتقد الحي هينزل جامد لان معظم الاخوان بيحملوا السلاح وبيحبوه اقتناءه ده الي انا اعرفه عنهم فمعتقدش انهم يغلسوات علي نفسهم النظم البائدجه هيا الي كانت بتخاف من انتشار السلاح بين المواطنين حتي لا يستخدموها ضدهم فكانت محجمه التراخيص ولما فتحتها غلت السلاح عن طريق وقف الاستيراد لكن في اعتقادي ان الاسعار هترجع زي زمان باذن الله

[hunter store]

ممكن تكون حضرتك بتتكلم عن اسعار قبل الثورة فى اماكن معينة بس لو تفتكر انه فى اواخر العام الماضى الجكال اتباع هنا فى المنتدى مفتوح ب 900 جنيه

ال 29 قبل الثورة بحاجات بسيطة كان بيتكلم فى الاسكندرية فى حدود 500 : 600 جنيه


ونتمنى من الله ان الاستيراد يتفتح سعتها حتلاقى الاسعار اقل من الاسعار اللى بتشوفها على النت

[hunter store]

فى نقطة كمان قبل الثورة مكنش فى حد بيبع مسدسات صوت غير المحلات وبعض الاشخاص المحدودة وبالتالى مكنش فى منافس فكان بيسكب هامش ربح عالى جدا

لكن النهارده الوضع اتغير ناس كتير دخلت التجارة ديه ومعدل التنافس فيها بقا اعلى وده حيخلى الاسعار تنزل اقل من قبل الثورة فى حالة المقاطعة لمدة لاتقل عن 6 شهور من وجهة نظرى

[goodzila]

المشاركة الأصلية كتبت بواسطة kemoboss

فى نقطة كمان قبل الثورة مكنش فى حد بيبع مسدسات صوت غير المحلات وبعض الاشخاص المحدودة وبالتالى مكنش فى منافس فكان بيسكب هامش ربح عالى جدا

لكن النهارده الوضع اتغير ناس كتير دخلت التجارة ديه ومعدل التنافس فيها بقا اعلى وده حيخلى الاسعار تنزل اقل من قبل الثورة فى حالة المقاطعة لمدة لاتقل عن 6 شهور من وجهة نظرى

كلام سليم ميه في الميه كثر التجار في محدثات الصوت والبنادق حتخلي في ضرب في الاسعار جامد وده بالتالي هينزل سعر المنتج

[goodzila]

انا فعلا بكلم علي محلا تبعينها وهما غيلان السوق زي فتح الله والسحلابي وصح كلامك الجكال وصل المنتدي هنا ل900 بس ده بعد الثوره وممكن يكون كلام حضرتك صح لان حضرتك برده قاعد في اسكندريه وعندكو ناس حيتان انما انا لو تلاحظ ساكن في المحله يعني كل مده برده علي لما اروح مصر او اسكندريه والاسعار بتتغير بين عشيه وضحها

[sherothebest]

الاسعار فى رايى هتغلى مش هترخص لان الف باء السيطرة على الامن والحالة الامنية هى محاولة تقليل السلاح فى يد عامة الشعب ( سواء السلاح الحى بطبيعته او الصوت المحول ليطلق بلى ) ....... يعنى اعتقد ان العكس هو اللى هيحصل من ناحية زيادة التشديد على الاسلحة والمتعاملين فيها .

[بوبس]

كان نفسى يكون كلام حضرتكم عن السلاح الحى
انما الكل بيتكلم عن الصوت هنعمل ايه بصوت ياجماعة ده مش يخوف كلب سعران بيتهجم عليك
ياريت نكلم هل السلاح الحى هينزل الحلوان ياجماعة وصل ل35 الف واحنا بنكلم فى 900 جنيه والف جنيه

[جلوك]

يابشوات هو الرئيس دة حاوى يعنى لو مسك الزمارة وزمر شوية حال البلد هيترفع ويبقى تمام
دة انسان زى زيك وعلى فكرة مسمعتوش لما محمد مرسى قال ان مصر عايزة على الاقل 10سنين علشان ننهض بيها ونرفع من مستواها الاقتصادى ولا اية معنى كدة ان احنا هنقعد فترة طويلة لاغايت لما الاستيراد يتفح واقتصاد البلد يقوم والشباب العاطل اتعين
انا وجهة نظرى الشخصية سعر السلاح هيزيد تانى

[الزعيم]

العيب مش من الحكومة العيب من استغلال التجار والمحلات الحرامية حتى لو الاسعار رخصت اكيد اتلاقى ناس بتبيع اسعار عالية جدا على النت وفى المحلات اهم حاجة فى الموضوع دة الناس لو غيرت فى نفسها ورضيت باللى ربنا رزقها بية كلو ايتعدل ايام الرخص الجكال كان على المنتددى بالف جنية وفى محلات بتبيعو بالف و 800 ربنا يهدى كل تاجر مستغل ويهدى الناس جميعا

[M.Hatem]

المشاركة الأصلية كتبت بواسطة kemoboss

السلام عليكم ورحمة الله وبركاته


الموضوع ده نفسى اتكلم فيه فعلا ممكن الحكومة الجديدة تمنع الاستيراد نهائى بس بردو المفورض الاسعار تنزل

بس علشان الاسعار تنزل لازم الناس توقف شراء نهائى

لانه حتى لو البلد امن وامان والناس لسه بتشترى الاسعار حتستمر فى الارتفاع

الحل ان الناس تتوقف نهائى ومش تتوقف اسبوع وتقول الاسعار منزلتش على الاقل نوقف الشراء لمجة 6 شهور

اعتقد لو ده حصل ممكن نلاقى الجكال ب 800 جنيه وال 29 ب 400 جنيه من وجهة نظرى

أستااااااااااااااااااااااااااااااااااااااااااااااا ااذ

[AK_626]

انا متفق مع امكانية نزول الاسعار نزول طفيف فقط لان كل حاجه في مصر غاليه و اللي سعره بيرفع صعب ينزل
يعني لو معاك شوية تراب في ايدك الحق شيلهم في علبه لان في احتمال كبير يغلو بكره
لو مرسي فتح ترخيص الحي بشروط معقوله زي دول الغرب يبقي حقق نجاح كبير في استثمار الفرد المسلم
لان النبي عليه افضل الصلاة و السلام قال " علموا اولادكم السباحه و الرمايه و ركوب الخيل" لما في هذه الرياضات من تهذيب للنفس و تأهيل الفرد في حالة الحرب او الشده. و قال ايضا " المؤمن القوي خير و احب لله من الضعيف"

[goda]

وممكن تاتي الرياح بما لاتشتهي السفن ويوقف الاستيراد وشددوا العمليه كل الاحتمالات جائزه فعلينا الانتظار ونتمنى للقيادة الجديده التوفيق من رب العباد لمصلحة البلاد هذا وبالله التوفيق

[mr vigo]

والله احنا احتجنا للأسلحه لأن الامن كان زفت

لكن لو اتظبط الامن ورجع من تاني على يد ريسنا الجميل ده

حنحتاج اسلحه ليه !!!

وقتها كله حيبيع اللي معاه أصلا والسوق يقع

[عبووود]

علي الله ... فعلا هيه ممكن تنزل يا محمد