|
بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
أدوات الموضوع | إبحث في الموضوع | انواع عرض الموضوع |
16-08-04, 10:36 AM | #1 |
قنـــاص من الدرجه الاولى
|
كرال بانشر
كرال بانشر Kral Puncher
سبتمبر 9, 2015 / DAVID أنتشرت مؤخراً بندقية تركي من أنتاج شركة كرال المشهورة برداءة بنادقها فهل البندقية ال PCP الجديدة بنفس رداءة البنادق السابقة أم أنها بندقية تستحق أعادة النظر فيها؟؟؟؟؟ مميزاتها و عيوبها P1030872 البندقية هي تقليد مطابق تماماً للبندقية أيفانكس راينستورم بكل المقاسات و حتى سعة الخزان لكن فيها ما يبدو أنه تعديل سليم و في محلة على البندقية الأيفانكس في الجزء الخاص بفتحة خروج الهواء الأيفانكس أحد أهم عيوبها أنها وحش كاسر يعني بتضرب سرعات عالية جدا و قوة غاشمة و يصعب جدا تقليل سرعتها لكن الكرال تفادت المشكلة دي و أتاحت للمستعمل القدرة على تقليل أو تزويد السرعه للحد المطلوب ده عبارة عن منحنى للسرعات مقاس للبندقية بأستعمال رش كروسمان بوينتد عند قوتين مختلفين الخط الأزرق عند ضبط مفتاح القوة للوسط و الخط الأحمر عند ضبط مفتاح القوة لأقصى قوة Kral punsher string مفتاح ضبط القوة ليس منظم لأن البعض يظن خطاء أنه منظم لكن هو بيتحكم في قطر فتحة مرور الهواء فلو مضبوط لأقصى قوة بيكون القطر أوسع و لو قوة أقل بيكون القطر أقل و البنادق ألي بالتصميم ده مش هتديلك عدد أكثر من الضربات لو أنت قفلت مسمار ضبط القوة لدرجه أقل (لتحقيق عدد أكثر من الضربات لازم تقلل الضغط على سوستة الشاكوش) برده دي نقطه فنيه مش مهمه أوي بس حبيت أوضحها الدبشك مصنوع من خشب الجوز التركي و جودتة محترمة جدا تضاهي الفايروخ (برده مصنوعه من خشب جوز) لكن الثمرة و الفنيش بيختلف من بندقية لأخرى بعضهم جيد و الأخر ليس بنفس الجودة دي أجزاء البندقية الأساسية P1030823 الخزان مصنوع من الصلب و سعتة الداخليه 280 سم مكعب طول الماسورة 21 بوصه P1030829 P1030830 الشخشانات واضحه و حادة لكن الماسورة بدون choke أو أختناق قطر الماسورة الخارجي 14 مم و بها قلوز نص بوصة UNF يسمح بتركيب أي كاتم زي بتاع الفايروخ أو غيرة بدون أجراء أي تعديلات على الماسورة P1030834 P1030836 P1030837 جسم الماكينة مصنوع من الألومنيوم طبعا و مصنوع بدقة عاليه بدون أخطاء في التصنيع أو الفينش P1030824 P1030825 P1030828 P1030831 غرفة الهواء و مقاس ال o-ring بتاع الخزان P1030849 P1030857 P1030859 قطر فتحة مرور الهواء في مسمار ضبط القوة 4 مم و قابلة للتغير عن طريق لف المسمار P1030850 P1030852 P1030854 P1030855 الشاكوش (طبعا مصنوع من الصلب و تم تجربة المعدن بأستخدام مغناطيس و مبرد للتأكن أنه صلب مقسى لأن فيه رأي قال أنه مصنوع من النحاس و ده شئ مستحيل) P1030860 P1030863 P1030864 P1030866 زراع التعمير مصنوع من الألومنيوم و متصل بقطعة صلب لصباع تلقيم الرش (الأسطوانة النحاس الموجوده تحت صباع تلقيم الرش مسئوله عن سحب الشاكوش للخلف و ليست هي الشاكوش) P1030867 P1030868 قوة الضغط على سوستة الشاكوش قابلة للتعديل عن طريق مسمار عريض في مؤخرة الماكينة و البندقية بتخرج من المصنع مضبوطه على أربع لفات (لو زودت عدد اللفات هتزود الضغط على السوستة و بالتالي هتزود سرعة البندقية و تقلل عدد الرشات و لو قللت عدد اللفات هتقلل سرعة البندقية و تزود عدد الرشات) ميكانيزم الزناد بسيط جدا التتك مصنوع من الألومنيوم و ال sear مصنوع من الصلب طبعا كالعادة و يمكن ضبط وزن الزناد و طول المشوار عن طريق مسمارين للضبط P1030870 في النهاية رأي الشخصي أن البندقية تم تصميمها لتكون بندقية صيد أولا فهي قادرة على قوة غاشمة و دقه عاليه لكن أستهلاكها للهواء ليس مثالي و دي أهم عيوبها: أولاً: أستهلاك الهواء غير مثالي و أعلى من المفروض ثانياً: بعض البنادق دبشكها معيوب بعض البنادق (الأغلبيه منهم) فيها مشكلة في مكان الشحن بمعنى أن البف البلاستيك المسئول عن غلق فتحة الشحن (و ده موجود داخل البندقيه) له أكس صلب ماسك فيه (مماثل بالضبط لصمام خروج الهواء الموجود في الصورة التاليه) P1030830 الأكس ده طويل و بيدخل في فتحة الشحن و يدمر ال o-ring الموجود في صباع الشحن و خصوصا لما البندقية تتشحن و الضغط يزيد الأكس بيبرز للخارج أكثر (ممكن تتصلح المشكله دي) ثالثاً: الدبشك ماسك زياده عن اللزوم في الخزان و أعتقد أنه بيتسبب في تحريك مكان الأصابه (ممكن تصليح المشكلة دي كمان) مميزاتها: أولاً: السعر ثانياً و ثالثاً: ممكن بكل بساطه تحويلها ل bullpup أو تصنيع أو شراء منظم جاهز لها و ده هيحسن أدائها كثير يتبقى جودة الماسورة و ألي هتبان في التجميع للأسف ماكنش عندي فرصه أختبر تجميعها لكن ناوي أجربه في أقرب فرصه و الخطه كالتالي أختبار أنواع رش كثيره عند مسافة 50 متر و أختيار ثلاثه منهم لأختبار التجميع عند 100 متر أختبار أربع خزن (كل خزنه 12 رشه) عند مسافة 50 متر على أربع ورقات تصويب مختلفين لمتابعة كيفية تحرك مكان الأصابه عند أختلاف الضغط عن هذه الإعلانات الموضوع منقول |
sponsor links |
16-08-04, 11:22 PM | #2 |
صياد نشيط
تاريخ التسجيل: Oct 2011
المشاركات: 407
معدل تقييم المستوى: 17 |
رد: كرال بانشر
موضوع جديد جميل كالعادة من هشام سمير
|
16-08-05, 03:12 PM | #3 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: كرال بانشر
موضوع مميز جدا
تسلم يا هشام
__________________
سبحان الله و بحمدة سبحان الله العظيم
|
sponsor links |
|
|