سؤال فى ضبط نيشان البندقية

mman2005 · 11-09-12, 10:56 PM

أنا البندقية بتاعتى ضبط النيشان بتاعها بيبتدى من 1 إلى 3.5 ومش بكرة بلفها لا دى حاجة بطلعها فوق أو أنزلها تحت وأضبطها على الدرجة، من شوية النيشان مظبوط عند 1.5 نشلت على لوح خشب الرشة بتيجى فوق دايرة النيشان بحوالى 7 سم مش عارف هل أنزل الدرجات ولا أطلعها ولا أعمل ايه علشان ينظبط النيشان، أرجو الإفادة.

المايستروو · 11-09-13, 12:03 AM

بعد اذن الاستاذ سيد علاء دى مقتبسه من موضوعه الموضوع الشامل للمبتدئين

اقتباس:

طبعا انت بتفضل تضرب في النص و تنشن و برده الرشة مبتجيش في الهدف
طب و بعدين هية كده البندقية بايظة ولا ايه
لالالالا
انت لازم الاول تظبط النيشان
طب ده اظبطه ازاي يا سيد
بص هية سهلة اوي و انا هقولك على طريقة شوفتها و جربتها و النشان متعبنيش و اتظبط بسرعة
تمام
تمام
طب قولي ازاي
بص يا سيدي
انت عندك بكرتين فوق النشان الخلف صح
اه
الاولى هتلاقيها طالعة من الجمب و التانية فوق النشان تمام
تمام
دلوقتي انت هترسم في ورقة خط بالطول و في ورقة تانية ترسم خط بالعرض
دلوقتي تضرب على الخط اللي بالطول
و تضرب حوالي 10 رشات ولازم ايدك تكون ثابتة و لو حسيت انها اتهزت في رشة متحسبهاش و تضرب تاني
و بعد كده ممكن تلاقي الرش كله جه يمين الخط او شماله او ممكن عليه و تكون مظبوطة هههههههه و يبقى حظ
المهم لو الرش جه يمين الهدف يبقى تلف البكرة الجانبية شمال لفتين و تجرب تاني و تفضل كده لغاية لما تيجي الرشة على الخط بالظبط تمام و العكس لو جت الرشة شمال الهدف يبقى تلف البكرة يمين و تفضل كده لغاية لما تتظبط
و بعد كده تجيب الورقة اللي الخط فيها بالعرض و تضرب فيها 10 رشات لو الرش كان بيجي فوق الخط يبقى تنزل النشان تحت بأنك تربط او تلف البكرة اللي فوق النشان اللي هية الكبيرة تلفها نحية اليمين
تمام لغاية لما تتظبط
و العكس برده صحيح لو انت ضربت و الرش جه تحت الخط يبقى تفك البكرة تلفها شمال
صح كده تمام بس على فكرة انا نسيت اقولك حاجة
مينفعش مثلا تيجي تظبط النشان على مسافة قليلة زي 5 متر مثلا
لو ظبطت النشان على المسافة دي هتلاقي البندقية نشانها مظبوط و بتضرب تمام بس على مسافة 5 متر لغاية 10 متر بعد كده مبتجبش صح
لو عاوز تظبط النشان تظبطه على 10 - 15 متر دي احسن مسافة لو بندقيتك متوسطة
يبقى هتجيب بالظبط ده 10 متر لغاية 40 متر او 30
لكن لو بندقيتك هاي بور هتجيب تمام لغاية 50 متر

ارجو اكون افدت حضرتك

mman2005 · 11-09-13, 12:30 AM

المشكلة يا أخى البندقية بتاعتى مفهاش بكرة من أساسه، ده حاجة زى مسمار بطلعه فوق أو أنزله تحت على درجات، طلعته ونزلته بس برده مش بيظبط.

11-09-12, 10:56 PM	#1
mman2005 صياد متقدم تاريخ التسجيل: Feb 2011 المدينه: جمال عبد الناصر- جسر السويس المشاركات: 555 معدل تقييم المستوى: 8	سؤال فى ضبط نيشان البندقية أنا البندقية بتاعتى ضبط النيشان بتاعها بيبتدى من 1 إلى 3.5 ومش بكرة بلفها لا دى حاجة بطلعها فوق أو أنزلها تحت وأضبطها على الدرجة، من شوية النيشان مظبوط عند 1.5 نشلت على لوح خشب الرشة بتيجى فوق دايرة النيشان بحوالى 7 سم مش عارف هل أنزل الدرجات ولا أطلعها ولا أعمل ايه علشان ينظبط النيشان، أرجو الإفادة. __________________ قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )

11-09-13, 12:30 AM	#3
mman2005 صياد متقدم تاريخ التسجيل: Feb 2011 المدينه: جمال عبد الناصر- جسر السويس المشاركات: 555 معدل تقييم المستوى: 8	رد: سؤال فى ضبط نيشان البندقية المشكلة يا أخى البندقية بتاعتى مفهاش بكرة من أساسه، ده حاجة زى مسمار بطلعه فوق أو أنزله تحت على درجات، طلعته ونزلته بس برده مش بيظبط. __________________ قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السيارات : (3) نيسان صنى 2012	ahmedmh_ali	الموضوعات العامه	2	11-08-11 04:54 AM
ورق نيشان	talha	بنادق ضغط الهواء ومتعلقاتها	2	11-08-01 08:38 PM
ضبط نيشان البندقية برشةواحدة (قلم الليزر)	essam assem	بنادق ضغط الهواء ومتعلقاتها	33	11-07-23 03:53 AM
سؤال عن بندقيه رش1 ضغط غاز شكل البندقية الخرطوش	Amer	البنادق الهوائيه	18	11-06-18 10:14 PM
نيشان للفالك	ابو الشوق	الورشة	3	09-11-03 11:11 AM