ابو قردان

[الجوكر]

لماذا الصيادين لا يصطادون ابو قردان

وهل فعلا ابو قردان من الطيور التى لا تؤكل

اصل يا جماعة ده الطائر الوحيد اللى مبيطرش لما بنقرب منه هههههههههه

منتظر الافادة من الجميع

[القناص2010]

ابوقردان اسمو صديق الفلاح وبيقوم بدور كبير فى الزراعة لانو بياكل الحشرات واليرقات الضارة بالنباتات ولا يؤكل لحمة وكان قرب ينقرض من فترة بسبب استخدام المبيدات فى الزراعة ولاكن ربنا ستر وعاد تانى فيجب المحافظة علية لدورة الكبير فى القضاء على الحشرات والافات الزراعية وشكرا

[خط الصعيد]

اعتقد ان كل ماهو محرم كل زى ناب و كل زى مخلب يعنى الحيوانات المتوحشة ذات الانياب زى الكلاب و القطط و وكل زى مخلب زى الصقر و الغرب دول محرمين معادا ذلك انت و قابليتك و الله اعلى و اعلم

[ابو عامر]

حرام
صيده
والا كان خلص
ههههههههههههه

[حسام عبادي]

هو شرعآ مش حرام
لكن إحنا مستفيدين من وجوده في الحقول
بالإضافه إنه مش الطائر إللي يتهافت عليه الصيادين
لإن ناس قبل كده إصطادته وقالت لحمه وحش

[الجزار]

اخي العزيز هو ليس حرام شرعا وممكن تصطاده للتحنيط

[الجزار]

احب احكيلك حكايه حدثت بالفعل في محافظه كفر الشيخ (واحد جاله مرض خبيث وملوش علاج فافتي واحد من الناس انهم ياكلو المريض ابو قردان ,فاصطادو منه 300فرد وحمروه, وقالوله ده طير مهاجر ,فاكل منه حوالي 250فرد في اربعه ايام وبعدين الكلب بتاعه كان جعان فاعطاه واحده متحمره فالكلب شمها ومرضاش ياكلها ,قام راميهم علي الارض وقعد يسب ويلعن في اللي طبخوه)

[مصطفى قناص الليل]

المشاركة الأصلية كتبت بواسطة الجزار

احب احكيلك حكايه حدثت بالفعل في محافظه كفر الشيخ (واحد جاله مرض خبيث وملوش علاج فافتي واحد من الناس انهم ياكلو المريض ابو قردان ,فاصطادو منه 300فرد وحمروه, وقالوله ده طير مهاجر ,فاكل منه حوالي 250فرد في اربعه ايام وبعدين الكلب بتاعه كان جعان فاعطاه واحده متحمره فالكلب شمها ومرضاش ياكلها ,قام راميهم علي الارض وقعد يسب ويلعن في اللي طبخوه)

ههههههههههه لاحول ولا قوة الا بالله الناس خلااص مبقاش عندها يقين بان الله هو الشافى

وليس ابو قردان ...

............. وتحياتى لك ............ قناص الليل ............

[hoka]

هههههههههههههه
عندك حق يا طيفا ربنا يهدينا ويهديهم
وطبعا ابو قردان صديق الفلاح وبياكل دود وحشرات
فطبعا لحمه هايبقى وحش
انما اليمام بياكل قمح ورز وحاجات نباتيه
ومفيش مانع يمزمز بدودتين او صرصارين
:d
المهم اننا نحافظ على ابو قردان ونخلى اليمام ينقرض
:d

[الجزار]

الله هو الشافي طبعا وليس ابو قردان

[الكابتن حسام]

السلام عليكم اصدقائي الكرام انا ليه تعليق عن تجربه بخصوص ابو قردان انا اصطدته قبل كده وندمت اني موته لانه ملوش فائده الا في مساعدته الفلاح لقيت لحمه ازرق غامق جدا وفعلا رميته لكلب مرضيش يكله ياريت بلاش حد يصيده لان مش هيستفاد منه بشيء بالعكس نافع في الزراعه اما الغراب اضرب وانا اللي بقولك تقبلوا مروري اخوكم 0000000000000حسام

[هشام سمير]

اخوانى الاعزاء اسمحولى اشارك معاكم بالنسبه للحرمه فحنتجه للحديث الشريف فمش حنلقى ابو قردان من الطيور ذات المخلب فهل بكده نقول ان حلال اكله ودى مزجات شخصيه لا طبعاً لان الفتوى بتقوم على قواعد وفيه قاعده بتقول (الامور الدنيويه الاصل فيها الاباحه مالم تأتى بقرينه تصرفها الى الحرمه او الكراهيه ) وفى ابو قردان كذا قرينه تصرفه الى الحرمه اولاً لانه من الطيور الجّلالّه التى تأكل القذر فيستخبث لحمها ويقول الله عز وجل وحرم عليكم الخبائث
القرينه الثانيه ان اكله مضر بالصحه لخبثه وقذارته والنبى صلى الله عليه وسلم يقول (لا ضر ولا ضرار )
اذاً فالمستنتج ان ابو قردان لا يجوز شرعاً اكله
والموضوع لا يرجع الى المزاجات كما يدعى بعض الصيادين فالمزاجات فى الاشياء المباحه
ارجوا ان تكون مشاركتى مفيده ولاكن انا عندى سؤال يكون كفأءه اللى يجاوب عليه ايه جمع ابو قردان
واسمه كان ايه قبل ما يخلف قرداااااااااان ddd..