إستفتاء وأستطلاع رأي

[طلعت بخيت بسكالس]

أخواني وأحبائي أعضاء المنتدي الكرام
وزي ما دايما كريزما بيستهل مواضيعه أزيكوا ياأحلي صيادين ؟
بما أن منتدانا الجميل منعنس شوية وعلي مايبدو أن الناس مش لاقية موضوع سخن يتكلموا فيه.
وده مزعل أخويا الغالي جلال فهذا موضوع كنت قد طرحته في منتدي الصيد البري والبحري من فترة وقلت أطرحه هنا بقي دلوقت ونشوف آراء الناس أيه
بناء علي مكالمة تليفونية جميلة دارت بيني وبين صديق صياد من العيار الثقيل ولكنه يجافي المنتديات لظروف خاصة به فلقد سألني سؤال وشعرت أنا بأن هذا السؤال ممكن أن يكون موضوع جميل يتشارك فيه كل الأعضاء ويدلو فيه كل صياد بدلوهه .
وبدون أن أطيل عليكم كان السؤال كالتالي:
أذا كان الصياد يحتاج ل10 نقاط مثلا لكي يصطاد يمامه علي بعد 25 متر فكم نقطة تحسب لمهارة الصياد فى الرماية وكم نقطة لفهمه لسلوك الطير وكم لنوع الرش والبندقية وحالته الصحية والنفسية ................ وهكذا .
سأحتفظ لنفسي بالرد الخاص بي لاحقا ولكن كل من لديه رأي فليتفضل وأعتقد أنه سيكون في ذلك فائدة للجميع.
ولكم من كل الحب والتقدير

[wegdan12345]

سوال صعب مش كدة؟؟؟؟؟
بس احاول !!!!!
اسمحلي اقسم النقاط كلاتي مع توضيحي للسبب ::::
مهارة الصياد في الرماية 4 من 10 ولان مهارتة هي العامل الاساسي في الصيد وفي احتمالية اصابته للهدف
فهم الصياد لسلوك الطير 1 من 10 لان علي حسب معرفتي ان فهم الصياد لسلوك الطائر هو معرفتة بدرجة حساسية الطائر تجاة الكائنات المحيطة بية ((خوفة من الصياد ومن مسافة كام ممكن الطائر يكون مطمئن فمسافة 25 متر اليمام مبيكونش خايف وبيتصرف بطبيعتة جدا يعني ياما بياكل او واقف عادي))
نوع الرش 1 من 10 لان لو افترضنا ان الصياد رامي محترف واليمامة عبارة عن دائرة قطرها 5 سم فالرامي المحترف + نوع ممتاز من الرش سيصيب الهدف(( اليمامة او كما افترضنا الدائرة )) في السنتر تماما اما لو افترضنا ان هذا الرامي المحترف غير الرش الممتاز بنوع ردئ فاحتمال انة يصيب الدائرة من اطرافها بمعني انة اصاب اليمامة وانا برضو اديتها 1 من 10 لان ممكن يستخدم نوع ردي جدا(( زي الرش المصري)) فالطلقة متوصلش للهدف نهائي
نوع البندقية2 من 10 لان البنادق بتختلف في دقة الصناعة وده له تاثير علي دقة البندقية و ايضا قوة البندقية فليس من الممكن ان نحصل علي نفس النتيجة من بندقية صيني او رمسيس مصري مقابل بندقية انجليزي او الماني من قوة البندقية ((ودة لو المسافات اكبر من 25 متر حتي تكون الطلقة لها تاثير علي الطائر)) وكمان دق البندقية كلما بعدت المسافة
اخيرا حالتة الصحية والنفسية 2 من 10 ودة لانة بياثر تاثير مباشر علي مهارة الصياد وكفائتة في اصابة هدفة ((بالبلدي كدة بيكون مهزوز والسلاح بيتحرك يمين وشمال في ايدة (بيترعش))) فاحتمال اصابتة لهدف بتكون ضعيفة.

سوال مش سهل ومحتاج انك تتخيل انك واقف فعلا بتصطاد علشان تقدر تقيم

[galal khalifa]

الاخ العزيز والكبير طلعت
دية معادلة كتبتها قبل كدا
صياد ماهر + بندقية متوسطة = 60 % في دقة الاصابة
صياد ماهر + بندقية قوية = 85 % في دقة الاصابة

صياد متوسط + بندقية متوسطة= 30 % في دقة الاصابة
صياد متوسط + بندقيو قوية = 45 % في دقة الاصابة
ولو قما بتحليل المعدالات وفقا للمثال الرائع الذي ذكرتة سابقا وعلي فكرة دة مش حل للمثال بتاعك دة اجتهاد مني مش اكتر
يكون 50% للصياد 30% للبندقية 10 % لسلوك الطير 10 % لنوع الرش

ومن وجهة نظري يمكن تقسيم
النقاط العشرة كالتالي :
5 نقاط للصياد
3 نقاط للبندقية
1 نقطة لسلوك الطير
1 نقطة لنوع الرش
مع احتمال ان تكون اوجهة النظر خطأ او صواب
تحياتي ياكبير قوي

[حسام عبادي]

فكرت في إحتمالات تانيه لكن لقيت الأراء إللي إتقالت معقوله بالنسبه لي
فسأقتبس تحليل أ/ جلال
الصياد(مهاره وحاله عامه) 5
البندقيه 3
سلوك الطائر 1
نوع الرش 1