رد: سؤال عن الكرال التركي
السلام عليكم
نظراً لأنك مستعجل ولسه محدش من إخواننا الخبراء الأكبر سناً ومقاماً لحق يرد عليك هحاول أجتهد وأرد عليك
وأرجوك إتأكد من كلامي لأني خايف أقول معلومه تكون غير دقيقه... بس إنت اللى مستعجل وجبتو لنفسك 
بالنسبه لسؤالك عن هل فك البندقيه وتركيب السوسته الجديده هل ده يضر بالبندقية؟
والله أعلم لا يضر.. وإن كان الأفضل عدم فعل ده إلا للضروره القصوى.. يعنى تكون السوسته اتكسرت فعلا ولازم تغيرها
أما عن سؤال إنك تعمل الموضوع ده بنفسك؟
أعتقد بلاش تعملوا وخصوصاً إنه واضح إنك جديد فى الموضوع زي حالاتي.. يبقى خلي حد خبير يعملو وإتفرج عليه وإتعلم منه عشان تبقى فى المستقبل تعملو إنت بعد ما تكون شفته كذا مره بيتعمل قدامك.. لأني سمعت إن السوسته ممكن تطير وتخبط فيك لو إنت مش واخد بالك وإنت بتفك البندقية
أما عن سؤال هل هي أفضل أم البام 22 الصيني؟
من حيث جودة التصنيع والأعطال مش عارف... من حيث القوه أعتقد إن البام أقوى وفى موضوع أخونا سيد علاء كان بيقول البام 22 و دي تقليد الاير كينج الديانا 54 و ممكن بعد كده تتغير سوستتها و الجلبة بجلية و سوستة الديانا
وأنصحك تراجع الموضوع لأنه مفيد إن شاء الله
الموضوع الشامل للمبتدئين:http://www.egypthunt.net/showthread.php?t=5244
كده ناقص إه تاني؟؟؟
أها.. موضوع تصحيح العيب في الدفعات الجديده وموضوع السعر
مش عارف بقى إسأل حد تاني.. أقطع نفسي يعنى
أرجو إني أكون أفدتك..
__________________
.
«وجــدتُ سكـوتي متجــراً فلزمتــهُ___ إذَا لَـمْ أجِـدْ رِبحـاً فَـلَـسْـتُ بِخَاسِـرِ»
«وَمَا الصَّمْتُ إلاَّ في الرِّجَالِ مَتَاجرٌ___ وتـاجـرهُ يعلـــو علـى كــل تـاجــرِ»
من أقوال الإمام الشافعي»
.
|