اقتباس:
المشاركة الأصلية كتبت بواسطة adel152
على فكرة ياجماعة احنا مش هنستريح غير لما يبقى ممنوع قانونا انك تمشى ببندقية رش فى الشارع (جهارا نهارا) زى ما بيحصل دلوقت.
وللعلم الكلام ده مطبق فى اغلب دول العالم.
مش معنى ان بنادق الرش فى مصر ليس لها ترخيص ان كل واحد ياخد بندقية فى ايده ويستعملها فى الاماكن السكنية زى ما اغلبنا بيعمل.
احمدوا ربنا على اللى احنا فيه. لو تعرفوا القوانين فى البلاد المعروفة بالحرية والديمقراطية الخاصة بهذا الموضوع هتعرفوا قد ايه الموضوع ده فيه تساهل فى مصر غير طبيعى فى الموضوع ده.
بلاش نكبر المواضيع اكثر من اللازم. الناس بتخرج تصطاد كل يوم وصورهم وفيديوهاتهم على جميع المنتديات وصفحات الفيس بدون أى مشاكل فلما يحصل موقف زى ده كل فترة بلاش نعمل منه قاعدة. لأننا ممكن كلنا نندم بعد كده على الكلام ده.
ده رايى الشخصى وكلامى ده مش موجه لعضو بعينه.
|
أولا أوضح كم إحترامي لحضرتك و لأرائك و لأسلوبك الراقي في الحوار
و هو إحترام يشهد به الجميع
ثانيا و لشديد أسفي كلام حضرك غير صحيح بالمرة
إذكر إسم دولة واحدة منعت إستخدام أسلحة الرش في أماكن عامة
و مفيهاش أماكن مخصصة للصيد و بدون رسوم
فقط أطلب من حضرتك دولة واحدة
أتحدي أن تجد دولة واحد فقط ... لسبب بسيط
لأن السلاح في هذه الدول حق مكتسب زي المواطنة بالظبط
سيدي الفاضل في معظم الدول إللي حضرتك إستشهدت بيها
بيسمح بترخيص أسلحة آلية و أوتوماتيكية
و الصيد حق مكفول لأي مواطن
معاك إنه منوع في منطقة سكنية
بس في أماكن متاجة للصيد و محميات صيد معمولة علشان الناس دي تمارس هوايتها
و مع إن محاذير حمل السلاح في مصر في منتهي القوة
إلا إن السلاح الغير مرخص في مصر 3850% من حجم السلاخ المرخص
و ده مش كلامي ده كلام الحكومة
يعني القوانين ممنعتش حد يشيل سلاح
نحمد ربنا علي إللي إحنا فيه ( طبعا نحمد ربنا علي كل شئ و في كل وقت )
لما يكون إللي إحنا فيه حاجة عدلة
إنما لما يكون القانون في مصر بالمزاج
أو القانون في مصر معمول علشان إللي بيعرف يجيب حقه بس
يبقي ندعي ربنا بعد الحمد و نقول ربنا يتوب علينا
عارف إن الشرطة عليها ضغوط ... إرهاب و بلطجة و بلاوي زرقا
بس كل ده كوووووم ..... و إحترام الناس كوم تاني
إحترام الناس مش حاجة بيمنوا علينا بيها
ده في القانون يا سيدي الفاضل إللي حضرتك إتكلمت عنه في ردك
مع العلم إن الواقعة محل المناقشة في هذا الموضوع
في منطقة في المرج غير سكنية بالمرة و تبعد عن أقرب مساكن مش أقل من 800 متر
لأني رحت معاهم هناك قبل كده
أتمني ميكونش كلامي ضايق حضرتك