اقتباس:
المشاركة الأصلية كتبت بواسطة sayed allaa
معلش يا جماعة بعد ازنكم طبعا
بالنسبة لموضوع شفط الهواء من الماسورة ده
انا شايفه مينفعش في الجلبة الداخلية بتاعت البستم ليه
1- ان ممكن الجلبة اللي في بيت الرش تكون مش حابسة الهوا كويس فساعتها مش هيعرف انهو واحدة اللي بتسرب
اللي جوه على البستم و لا اللي في بيت الرش
انت الاول بقى تعمل ايه عشان تتأكد ان البندقية مبتسربش
1- انك تكسر البندقية و تسد بصباعك الثقب اللي بيطلع منو الهوا و بعد كده تكمل تعمير لو البندقية بتقاوم و مش راضية تتعمر يبقى الجلبة كابسة الهواء صح و سليمة و لو كملت تعمير يبقى بتسرب مع اني شايفها سليمة ان لم تخدعني الصورة عشان مش واضحة اوي
الطريقة دي طبعا لازم تكون مثبت البندقية كويس عشان لو فلتت لاقدر الله ممكن تصيبك و يا ريت لو حد كان معاك عشان يساعدك
الطريقة دي بالنسبالي بيرفكت و نمرة 1 نمرة واحد دي التقدير مش البندقية هههههههه
المهم
بعد بقى لما اتأكدت من ان الجلبة اللي جوة مبتسربش تتاكد من اللي بره بأنك تشفط من الماسورة لو فيه هوا عمال يتسحب و عمال تشفط على الفاضي يبقى بتسرب
و لو شفط الهواء و بعد كده خلاص مفيش هواء تاني بيتشفط و حاسس ان مفيش هواء جوه يبقى كده سليمة و مبتسربش
و ساعتها هتحس بقوة البندقية
و ياريت طبعا محدش يزعل من اني اختلفت معاه في الرأي
و الاختلاف في الرأي لا يفسد للود قضية
|
طيب سؤال بقى ياباشا معلش
دلوقتى انا بشفط من الماسور من عند الفوهة بتفضل تجيب هواء لغاية لما انا بزهق
جربت الموضوع اللى قلت عليه ده كسرت الماسورة حاجة بسيطه وسديت الفتحة اللى مفروض انها قدام بيت الرش وكملت كسر برضه بتتكسر عادى بسهولة ومش بتشد صباعى ولا حاجة
ايه الكلام كده ؟ اغير الاتنين ؟
اصل البندقية كانت مركونة 5 سنين ضربتلى كام رشة ولقيتها مش بتأثر قى إزازة بلاستك اصلاً