رد: انفراد الي كل محبي رياضة الAIR SOFT or BB RIFLE
بص يا أخ ، الموضوع إسمه لمحبى رياضة الإيرسوفت ، لو مبتحبهاش يا أخى ماتدخلش على الموضوع من أصله !!
حاجة مانتاش فاهمها ، تدخل نفسك فيها ليه ؟ ناس يا سيدى بتحب تصرف فلوسها على الكلام الفاضى ، إنتا تاعب نفسك ليه ؟ أنا عايز أسألك سؤال بس عالماشى ، إنتا تعرف ثمن البندقية الديانا كام ؟ طبعا لو عرفت هيبقى فى رأيك ده السفه بعينه !! يا سيدى الناس أمذجة
أنا أقولك آخرك إيه بقى ، إنتا كنت بتدور على حاجة تكون مؤذية و تكون بتراب الفلوس ، ده من الآخر ، مسمعتش عن حاجة إسمها أسلحة تدريب تكتيكية ؟ إسأل أى طالب فى كلية الشرطة و هو يقولك عليها !! و اللا طلبة الشرطة دول أطفال بيلعبوا يمسدسات خرز برضه ؟ ريقى نشف و أنا بقول إن الحاجات دى مش معمولة للأذية أصلا ،،، و بعدين نفسى أفهم هو إيه مفومك عن الرماية لحسن الرماية اللى علمهولنا زمان يمكن تكون مختلفة و اللا حاجة عن الرماية بتاعة اليومين دول بتاعة البنادق الرش التعبانة على حد قولك
و بعدين و إنتا مالك أدخل و اللا أخرج براحتى يا أخى !!! و بعدين و انا مالى الإدارة حذفت مشاركتك !! هما شايفينها كلها ألفاظ خارجة و هى دى الحقيقة ،،مش إنتا قولت على الحاجة اللى أنا ببيعها معفنة ؟ و زبالة ؟ إنتا حاسس إن ده مدح يعنى ؟ عموما كل إناء ينضح بما فيه ،،، و فكك بقى بلا مسدسات بلا هباب ، القصة قصة مبدأ دلوقت ،،، مين بقى اللى قالك إنى كنت مجبر أرجعلك حاجة ؟؟ ،،، إنتا تقدر ترجع حاجة لأى محل فيكى يا مصر ؟ فكر بقى قبل ماتجاوب !!! و بعدين عشرة جنيه إيه اللى إنتا بتتكلم فيها دى ؟ أنا مقولتلكش سيبلى حاجة ؟ إنتا اللى رميتها و جريت ، زى ماتكون ماصدقت إنى أرجعلك الفلوس . بص ،، نصيحة لوجه الله ، تانى مرة ماتبقاش تشترى حاجة مابتفهمش فيها ، لأن مش كل الناس زى حالاتى كدا ،، الغالبية العظمى من الناس مش هترجعلك مليم ،، يا راجل دى محلات السلاح مابيرضاش أصلا يغيرلك الحاجة و مابالك يرجعلك فلوسك ،،، جربت مرة ترجع حاجة ؟ خللى بالك اللى بيكلمك ده بقى داب من اللف على محلات السلاح فى بر مصر كلها
و بعدين أيوة يا سيدى المسدس و علبة الخرز اللى إنتا رجعتهوملى هما اللى تانى يوم أخدهم دكتور عمر و هو ممكن ينزلك صورهم ، هو كل الناس عندك كدابين كدا ؟ هو يعنى إيه مصلحته فى إنه يقولك إن الطلق ناقص و العلبة مخرمة ؟
نيجى بقى لموضوع العشرة جنيه اللى تاعباك قوى دى ؟ عشان و الله هى تاعبانى انا كمان !! الطلق ده ياباشا بالعلبة مش بالكبشة ،،، تحب كنت ألبسك العلبة كلها و أقولك العلبة نقصت و ماتلزمنيش ؟ و كان هيبقى حقى تالت و متلت ؟؟؟
بص بقى الغلط راكبك فى كل حاجة ، فى طريقتك فى التعامل و فى طريقتك فى الكلام و فى مداخلاتك و فى ظنك السئ بالناس و كل حاجة ، ربنا يهديك يا أخى
التعديل الأخير تم بواسطة smsmn8888 ; 11-05-17 الساعة 10:43 AM
|