[braveheart]

المشاركة الأصلية كتبت بواسطة الصقر المصرى

طبعا انا ملحقتش اقرا كل المناقشات اللى فى الموضوع بسم الله ما شاء الله عدى ال 17صفحه وضيق الوقت مش هيسمحلى انى اقرا كل المشاركات لكن بالنسبه للموضوع نفسه فانا بتفق مع الكاتب 100% وبضم صوتى لصوته فى اقتراحه لان انا واحد من الناس عرفت المنتدى عن طريق البحث فى جوجل بالمصادفه وكنت سعيد جدا ان فعلا فى ناس مصريين زيى عندهم نفس الهوايه الجميله وانى مش لوحدى لكن مع الاسف لقيت مواضيع التجاره والاسئله المكرره فى نفس الموضوع واللى هو فى الاصل بعيد عن هدف المنتدى الرئيسى وهو هوايه الصيد بتطغى على كل المواضيع اللى الواحد بيحاول يدور فى المنتدى عليها لدرجه ان البحث نفسه بقا صعب لتكرار وتشابه المواضيع وكترتها بدون فائده
من راييى كل المواضيع الغير متصله بنشاط المنتدى تتحط فى قسم واحد يعنى حاجه زى سله المحذوفات كده بحيث برده اللى عاوز يوصلها هيعرف بس بدل ما هى عامله زحمه فى وسط المواضيع الاساسيه .
خالص تحياتى للجميع،،،

شكرا لمشاركتك .. أتمني أن يلقي هذا الموضوع أهتمام الإدارة و الأعضاء ، فلنبدأ صفحة جديدة و نهتم مرة أخري بالهواية.

و تحياتي لك و للجميع.